EUR-Lex Access to European Union law
This document is an excerpt from the EUR-Lex website
Document 32017D1937
Council Decision (EU) 2017/1937 of 11 July 2017 on the signing, on behalf of the European Union, and provisional application of the Treaty establishing the Transport Community
Deċiżjoni tal-Kunsill (UE) 2017/1937 tal-11 ta’ Lulju 2017 dwar l-iffirmar, f’isem l-Unjoni Ewropea, u l-applikazzjoni provviżorja tat-Trattat li jistabbilixxi l-Komunità tat-Trasport
Deċiżjoni tal-Kunsill (UE) 2017/1937 tal-11 ta’ Lulju 2017 dwar l-iffirmar, f’isem l-Unjoni Ewropea, u l-applikazzjoni provviżorja tat-Trattat li jistabbilixxi l-Komunità tat-Trasport
ĠU L 278, 27.10.2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2017/1937/oj
|
27.10.2017 |
MT |
Il-Ġurnal Uffiċjali tal-Unjoni Ewropea |
L 278/1 |
DEĊIŻJONI TAL-KUNSILL (UE) 2017/1937
tal-11 ta’ Lulju 2017
dwar l-iffirmar, f’isem l-Unjoni Ewropea, u l-applikazzjoni provviżorja tat-Trattat li jistabbilixxi l-Komunità tat-Trasport
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 91 u l-Artikolu 100(2), flimkien mal-Artikolu 218(5) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Fit-12 ta’ Ġunju 2008 u d-9 ta’ Ottubru 2009, il-Kunsill awtorizza lill-Kummissjoni biex tiftaħ negozjati f’isem l-Unjoni Ewropea mar-Repubblika tal-Albanija, il-Bożnija-Ħerzegovina, l-Eks-Repubblika Jugoslava tal-Maċedonja, il-Kosovo (*1), il-Montenegro u r-Repubblika tas-Serbja (“il-Partijiet tal-Ewropa tax-Xlokk”) għal Trattat li jistabbilixxi Komunità tat-Trasport. |
|
(2) |
Dawk in-negozjati ġew konklużi b’suċċess billi ġie inizjalat it-Trattat li jistabbilixxi l-Komunità tat-Trasport (“it-Trattat dwar il-Komunità tat-Trasport”) mill-Partijiet kollha għal dan. |
|
(3) |
It-Trattat dwar il-Komunità tat-Trasport jippromwovi l-iżvilupp tat-trasport bejn l-Unjoni u l-Partijiet tal-Ewropa tax-Xlokk abbażi tad-dispożizzjonijiet tal-acquis tal-Unjoni. |
|
(4) |
L-iffirmar tat-Trattat dwar il-Komunità tat-Trasport ma jippreġudikax il-pożizzjoni tal-Istati Membri dwar l-istatus tal-Kosovo, li ser tkun deċiża f’konformità mal-prattika nazzjonali tagħhom u d-dritt internazzjonali. L-ebda terminu, kliem jew definizzjonijiet użati f’din id-Deċiżjoni jew fit-Trattat dwar il-Komunità tat-Trasport, inklużi fl-annessi u fil-protokolli tiegħu, ma jikkostitwixxu rikonoxximent tal-Kosovo mill-Unjoni bħala Stat indipendenti, u lanqas ma ma jikkostitwixxu rikonoxximent mill-Istati Membri individwali tal-Kosovo f’dik il-kapaċità fejn huma ma jkunux għamlu tali pass. |
|
(5) |
Proċeduri interni tal-Istati Membri jistgħu japplikaw meta jkunu qed jiġu milqugħa dokumenti maħruġa mill-awtoritajiet tal-Kosovo skont it-Trattat dwar il-Komunità tat-Trasport. |
|
(6) |
It-Trattat dwar il-Komunità tat-Trasport għandu jiġi ffirmat. |
|
(7) |
Sabiex il-benefiċċji tat-Trattat dwar il-Komunità tat-Trasport jinkisbu mill-aktar fis possibbli, jenħtieġ li jiġi applikat fuq bażi provviżorja, sakemm jitlestew il-proċeduri meħtieġa għad-dħul fis-seħħ tiegħu, |
ADOTTA DIN ID-DEĊIŻJONI:
Artikolu 1
L-iffirmar f’isem l-Unjoni Ewropea tat-Trattat li jistabbilixxi l-Komunità tat-Trasport huwa b’dan awtorizzat, soġġett għall-konklużjoni tiegħu.
It-test tat-Trattat dwar il-Komunità tat-Trasport huwa mehmuż ma’ din id-Deċiżjoni.
Artikolu 2
Il-President tal-Kunsill huwa b’dan awtorizzat li jaħtar il-persuna jew persuni li jkollhom is-setgħa jiffirmaw it-Trattat dwar il-Komunità tat-Trasport f’isem l-Unjoni.
Artikolu 3
It-Trattat dwar il-Komunità tat-Trasport għandu jiġi applikat fuq bażi provviżorja, f’konformità mal-Artikolu 41(3) tiegħu, mid-data tal-firma tiegħu, sakemm jidħol fis-seħħ.
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-11 ta’ Lulju 2017.
Għall-Kunsill
Il-President
M. MAASIKAS
(*1) Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244(1999) u mal-Opinjoni tal-QIĠ dwar id-dikjarazzjoni tal-indipendenza tal-Kosovo.