Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R0007

    Regolament tal-Kummissjoni (UE) Nru 7/2013 tat- 8 ta’ Jannar 2013 li jemenda r-Regolament (UE) Nru 748/2012 jistabbilixxi regoli ta’ implimentazzjoni għaċ-ċertifikazzjoni tal-airworthiness u ambjentali ta’ inġenji tal-ajru u ta’ prodotti, partijiet u tagħmir relatati, kif ukoll għaċ-ċertifikazzjoni ta’ organizzazzjonijiet relatati mad-disinn u l-produzzjoni Test b’relevanza għaż-ŻEE

    ĠU L 4, 9.1.2013, p. 36–37 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/reg/2013/7/oj

    9.1.2013   

    MT

    Il-Ġurnal Uffiċjali tal-Unjoni Ewropea

    L 4/36

    REGOLAMENT TAL-KUMMISSJONI (UE) Nru 7/2013

    tat-8 ta’ Jannar 2013

    li jemenda r-Regolament (UE) Nru 748/2012 jistabbilixxi regoli ta’ implimentazzjoni għaċ-ċertifikazzjoni tal-airworthiness u ambjentali ta’ inġenji tal-ajru u ta’ prodotti, partijiet u tagħmir relatati, kif ukoll għaċ-ċertifikazzjoni ta’ organizzazzjonijiet relatati mad-disinn u l-produzzjoni

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 216/2008 tal-Parlament Ewropew u tal-Kunsill tal-20 ta’ Frar 2008 dwar regoli komuni fil-kamp tal-avjazzjoni ċivili u li jistabbilixxi Aġenzija Ewropea tas-Sikurezza tal-Avjazzjoni, u li jħassar id-Direttiva tal-Kunsill 91/670/KEE, ir-Regolament (KE) Nru 1592/2002 u d-Direttiva 2004/36/KE (1), u b’mod partikolari l-Artikolu 6(2) tiegħu,

    Billi:

    (1)

    L-Artikolu 6(1) tar-Regolament (KE) Nru 216/2008 jeżiġi li l-prodotti, il-partijiet u t-tagħmir għandhom ikunu konformi mal-ħtiġijiet tal-protezzjoni ambjentali tal-Anness 16 għall-Konvenzjoni dwar l-Avjazzjoni Ċivili Internazzjonali (minn hawn ‘il quddiem “il-Konvenzjoni ta’ Chicago”) kif applikabbli fl-20 ta’ Novembru 2008 għall-Volumi I u II, ħlief għall-Appendiċijiet tagħha.

    (2)

    Il-Konvenzjoni ta’ Chicago u l-Annessi tagħha ġew emendati minn mindu ġie adottat ir-Regolament (KE) Nru 216/2008.

    (3)

    Ir-Regolament tal-Kummissjoni (UE) Nru 748/2012 (2) għandu għalhekk jiġi emendat kif xieraq.

    (4)

    Il-miżuri stipulati f’dan ir-Regolament huma bbażati fuq l-Opinjoni maħruġa mill-Aġenzija skont l-Artikoli 17(2)(b) u 19(1) tar-Regolament (KE) Nru 216/2008.

    (5)

    Il-miżuri stipulati f’dan ir-Regolament huma skont l-opinjoni tal-Kumitat stabbilit skont l-Artikolu 65 tar-Regolament (KE) Nru 216/2008,

    ADOTTAT DAN IR-REGOLAMENT:

    Artikolu 1

    L-Anness I (Parti 21) tar-Regolament (UE) Nru 748/2012 huwa emendat kif ġej:

    (1)

    Il-Punt 21 A.4(a) tas-Subparti A tat-Taqsima A jinbidel b’dan li ġej:

    “(a)

    Il-koordinament sodisfaċenti tad-disinn u l-produzzjoni meħtieġa minn 21 A.122, 21 A.130(b)(3) u (4), 21 A.133 u 21 A.165(c)(2) u (3) kif xieraq, u”

    (2)

    Il-Punt 21 A.130(b) tas-Subparti F tat-Taqsima A jinbidel b’dan li ġej:

    “(b)

    Dikjarazzjoni ta’ konformità għandha tinkludi:

    1.

    Għal kull prodott, parti jew tagħmir dikjarazzjoni li l-prodott jew it-tagħmir ikun konformi mal-informazzjoni tad-disinn approvat, u li dak ikun f’kundizzjoni ta’ tħaddim mingħajr l-ebda periklu;

    2.

    Għal kull ajruplan, dikjarazzjoni li l-ajruplan ikun għadda mit-testijiet tal-art u tal-ajru f’konformità ma’ 21 A.127(a); u

    3.

    Għal kull magna, jew skrun b’angolu tal-qala’ varjabbli, dikjarazzjoni li l-manifattur tal-magna jew tal-iskrun wettaq test finali tat-tħaddim skont 21 A.128; u

    4.

    Barra minn hekk, fil-każ ta’ magni, dikjarazzjoni li l-magna lesta hija konformi mar-rekwiżiti tal-emissjonijiet applikabbli fid-data tal-manifattura tal-magna.”

    (3)

    Il-Punt 21 A.165(c) tas-Subparti G tat-Taqsima A, il-punti 2 u 3 jinbidlu b’dan li ġej:

    “2.

    Jara li prodotti, partijiet jew tagħmir ieħor ikun komplut u konformi mad-dejta tad-disinn approvata u li dawn ikunu f’kondizzjoni li jaħdmu mingħajr l-ebda periklu qabel il-ħruġ tal-Formola 1 tal-EASA biex tkun ċertifikata l-konformità mad-dejta tad-disinn approvata u l-kondizzjoni għal operazzjoni sigura;

    3.

    barra minn hekk, fil-każ tal-magni, jara li l-magna lesta hija konformi mar-rekwiżiti tal-emissjonijiet applikabbli fid-data tal-manifattura tal-magna;

    4.

    jara li prodotti, partijiet jew tagħmir ieħor huma konformi mad-dejta applikabbli qabel il-ħruġ tal-Formola 1 tal-EASA bħala ċertifikat ta’ konformità.”

    Artikolu 2

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-8 ta’ Jannar 2013.

    Għall-Kummissjoni

    Il-President

    José Manuel BARROSO

    (1)  ĠU L 79, 19.3.2008, p. 1.

    (2)  ĠU L 224, 21.8.2012, p. 1

    Top