Edizzjoni speċjali bil-Kroat: Kapitolu 03 Volum 055 P. 294 - 295
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012R0880
Commission Delegated Regulation (EU) No 880/2012 of 28 June 2012 supplementing Council Regulation (EC) No 1234/2007 as regards transnational cooperation and contractual negotiations of producer organisations in the milk and milk products sector
Regolament ta’ Delega tal-Kummissjoni (UE) Nru 880/2012 tat- 28 ta’ Ġunju 2012 li jissuplimenta r-Regolament tal-Kunsill (KE) Nru 1234/2007 fir-rigward tal-kooperazzjoni transnazzjonali u n-negozjati kuntrattwali tal-organizzazzjonijiet tal-produtturi fis-settur tal-ħalib u tal-prodotti tal-ħalib
Regolament ta’ Delega tal-Kummissjoni (UE) Nru 880/2012 tat- 28 ta’ Ġunju 2012 li jissuplimenta r-Regolament tal-Kunsill (KE) Nru 1234/2007 fir-rigward tal-kooperazzjoni transnazzjonali u n-negozjati kuntrattwali tal-organizzazzjonijiet tal-produtturi fis-settur tal-ħalib u tal-prodotti tal-ħalib
ĠU L 263, 28.9.2012, pp. 8–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
28.9.2012 |
MT |
Il-Ġurnal Uffiċjali tal-Unjoni Ewropea |
L 263/8 |
REGOLAMENT TA’ DELEGA TAL-KUMMISSJONI (UE) Nru 880/2012
tat-28 ta’ Ġunju 2012
li jissuplimenta r-Regolament tal-Kunsill (KE) Nru 1234/2007 fir-rigward tal-kooperazzjoni transnazzjonali u n-negozjati kuntrattwali tal-organizzazzjonijiet tal-produtturi fis-settur tal-ħalib u tal-prodotti tal-ħalib
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u partikolarment l-Artikolu 126e(1) tiegħu,
Billi:
|
(1) |
It-Taqsima IIA tal-Kapitolu II tat-Titolu II tal-Parti II tar-Regolament (KE) Nru 1234/2007 mdaħħla permezz tar-Regolament (UE) Nru 261/2012 tal-Parlament Ewropew u tal-Kunsill (2) fiha regoli dwar organizzazzjonijiet tal-produtturi u l-assoċjazzjonijiet tagħhom fis-settur tal-ħalib u l-prodotti tal-ħalib, partikolarment fir-rigward tar-rikonoxximent u n-negozjati kuntrattwali tagħhom. Dawk ir-regoli jeħtieġ li jiġu ssupplimentati fir-rigward tal-kundizzjonijiet għar-rikonoxximent ta’ organizzazzjonijiet tal-produtturi transnazzjonali u assoċjazzjonijiet ta’ organizzazzjonijiet tal-produtturi transnazzjonali rikonoxxuti, filwaqt li tiġi ċċarata r-responsabbiltà tal-Istati Membri involuti u, filwaqt li tiġi rrispetta l-libertà ta’ stabbiliment, fejn ikun żgurat li r-regoli applikabbli huma dawk tal-Istat Membru fejn isseħħ parti sinifikanti tal-attivitajiet ta’ organizzazzjonijiet jew assoċjazzjonijiet bħal dawn. |
|
(2) |
Barra minn hekk, għandhom jiġu stabbiliti regoli fir-rigward tal-istabbiliment u l-kundizzjonijiet tal-għajnuna amministrattiva li għandha tingħata fil-każ ta’ kooperazzjoni transnazzjonali. Assistenza bħal din għandha b’mod partikolari tinkludi t-trasferiment ta’ informazzjoni li tkun tippermetti lill-Istat Membru kompetenti sabiex jivvaluta jekk organizzazzjoni tal-produtturi jew assoċjazzjoni ta’ organizzazzjonijiet tal-produtturi rikonoxxuti hijiex konformi mat-termini tar-rikonoxximent. Informazzjoni bħal din hija meħtieġa biex tippermetti lill-Istat Membru kompetenti biex jieħu azzjoni f’każ ta’ nuqqas ta’ konformità. |
|
(3) |
Għandhom jiġu stabbiliti regoli addizzjonali fir-rigward tal-kalkolu tal-volum ta’ ħalib mhux ipproċessat kopert min-negozjati bejn organizzazzjonijiet tal-produtturi rikonoxxuti u proċessuri jew kolletturi ta’ ħalib mhux ipproċessat. Biex titqies il-varjabbiltà staġonali tal-produzzjoni tal-ħalib, il-kalkolu għandu jqabbel il-volum tal-ħalib kopert min-negozjati għall-perjodu taż-żmien tal-kunsinna mal-volum stmat tal-produzzjoni tal-ħalib rappreżentattiv għal dak il-perjodu, biex tiġi vvalutata l-konformità mal-limiti massimi stabbiliti fl-Artikolu 126c tar-Regolament (KE) Nru 1234/2007. |
ADOTTAT DAN IR-REGOLAMENT:
Artikolu 1
Kwartieri ġenerali
1. Organizzazzjoni tal-produtturi transnazzjonali għandha tistabbilixxi l-kwartieri ġenerali tagħha fl-Istat Membru li fih jkollha għadd sinifikanti ta’ membri jew volum sinifikanti ta’ produzzjoni kummerċjabbli.
2. Assoċjazzjoni ta’ organizzazzjonijiet tal-produtturi transnazzjonali rikonoxxuti, minn hawn ’il quddiem magħrufa bħala “assoċjazzjoni transnazzjonali”, għandha tistabbilixxi l-kwartieri ġenerali tagħha fl-Istat Membru fejn ikollha għadd sinifikanti ta’ organizzazzjonijiet membri jew volum sinifikanti ta’ produzzjoni kummerċjabbli.
Artikolu 2
Responsabbiltajiet tal-Istati Membri
1. L-Istat Membru li fih il-kwartieri ġenerali ta’ organizzazzjoni tal-produtturi transnazzjonali jew assoċjazzjoni transnazzjonali huma stabbiliti għandu jkun responsabbli għal dawn li ġejjin:
|
(a) |
ir-rikonoxximent tal-organizzazzjoni tal-produtturi transnazzjonali jew l-assoċjazzjoni transnazzjonali skont l-Artikolu 126a tar-Regolament (KE) Nru 1234/2007 u t-twettiq tal-kompiti msemmija fl-Artikolu 126a(4) ta’ dak ir-Regolament; |
|
(b) |
l-istabbilment tal-kollaborazzjoni amministrattiva neċessarja mal-Istati Membri l-oħra li fihom il-membri jew l-organizzazzjonijiet membri jinsabu fir-rigward tal-verifika tal-konformità mat-termini tar-rikonoxximent msemmija fl-Artikolu 126a tar-Regolament (KE) Nru 1234/2007; |
|
(c) |
il-forniment, fuq talba mill-Istati Membri l-oħra, tal-informazzjoni u d-dokumentazzjoni rilevanti kollha lill-Istati Membri l-oħra li fihom jinsabu l-membri jew l-organizzazzjonijiet membri. |
2. Għall-finijiet tal-punt (b) tal-paragrafu 1, l-Istati Membri l-oħra għandhom jagħtu l-għajnuna amministrattiva neċessarja kollha lill-Istat Membru li fih huma stabbiliti l-kwartieri ġenerali tal-organizzazzjoni tal-produtturi transnazzjonali jew l-assoċjazzjoni transnazzjonali, inkluż it-trasferiment tal-informazzjoni kollha rilevanti.
3. Fejn organizzazzjoni tal-produtturi jew assoċjazzjoni ta’ organizzazzjonijiet tal-produtturi rikonoxxuti twettaq negozjati kif jissemma fl-Artikolu 126c tar-Regolament (KE) Nru 1234/2007 fi Stat Membru għajr dak li fih huma stabbiliti l-kwartieri ġenerali tiegħu, l-Istati Membri involuti għandhom jiżguraw li tingħata l-għajnuna amministrattiva reċiproka kollha meħtieġa.
Artikolu 3
Kalkolu tal-ammonti ta’ ħalib mhux ipproċessat għan-negozjati
Għall-finijiet tal-Artikolu 126c(2)(c) u (3) tar-Regolament (KE) Nru 1234/2007, il-limiti tan-negozjati għandhom ikunu kkalkulati billi jitqisu l-perjodu tat-twassil tal-ħalib mhux ipproċessat kopert minn negozjati kuntrattwali u l-varjabbiltà staġonali fil-produzzjoni tal-ħalib, fejn dik il-varjabbiltà hija sinifikanti.
Artikolu 4
Dħul fis-seħħ
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Ġunju 2012.
Għall-Kummissjoni
Il-President
José Manuel BARROSO