This document is an excerpt from the EUR-Lex website
Document 32011R1287
Commission Implementing Regulation (EU) No 1287/2011 of 9 December 2011 repealing Regulation (EC) No 2014/2005 on licences under the arrangements for importing bananas into the Community in respect of bananas released into free circulation at the common customs tariff rate of duty
Regolament ta’ Implimentazzjoni tal-Kummissjoni (UE) Nru 1287/2011 tad- 9 ta’ Diċembru 2011 li jħassar ir-Regolament (KE) Nru 2014/2005 dwar il-liċenzji taħt l-arranġamenti għall-importazzjoni tal-banana lejn il-Komunità fir-rigward tal-banana li tkun tqiegħdet f’ċirkulazzjoni ħielsa bir-rata tad-dazju tat-tariffa doganali komuni
Regolament ta’ Implimentazzjoni tal-Kummissjoni (UE) Nru 1287/2011 tad- 9 ta’ Diċembru 2011 li jħassar ir-Regolament (KE) Nru 2014/2005 dwar il-liċenzji taħt l-arranġamenti għall-importazzjoni tal-banana lejn il-Komunità fir-rigward tal-banana li tkun tqiegħdet f’ċirkulazzjoni ħielsa bir-rata tad-dazju tat-tariffa doganali komuni
ĠU L 328, 10.12.2011, p. 41–41
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
10.12.2011 |
MT |
Il-Ġurnal Uffiċjali tal-Unjoni Ewropea |
L 328/41 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1287/2011
tad-9 ta’ Diċembru 2011
li jħassar ir-Regolament (KE) Nru 2014/2005 dwar il-liċenzji taħt l-arranġamenti għall-importazzjoni tal-banana lejn il-Komunità fir-rigward tal-banana li tkun tqiegħdet f’ċirkulazzjoni ħielsa bir-rata tad-dazju tat-tariffa doganali komuni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1964/2005 tad-29 ta' Novembru 2005 dwar ir-rati ta' tariffa għall-banana (1), u partikolarment l-Artikolu 2 tiegħu,
Billi:
|
(1) |
Ir-Regolament tal-Kummissjoni (KE) Nru 2014/2005 (2) stabbilixxa mekkaniżmu għall-monitoraġġ tal-importazzjonijiet tal-banana, ibbażat fuq il-liċenzji tal-importazzjoni. |
|
(2) |
Bid-Deċiżjoni tiegħu 2011/194/UE (3), il-Kunsill approva l-konklużjoni tal-Ftehim ta' Ġinevra dwar il-Kummerċ tal-Banana bejn l-Unjoni Ewropea u l-Brażil, il-Kolombja, il-Kosta Rika, l-Ekwador, il-Gwatemala, il-Ħonduras, il-Messiku, in-Nikaragwa, il-Panama, il-Perù u l-Venezwela (il-“Ftehim ta' Ġinevra”) u tal-Ftehim dwar il-Kummerċ tal-Banana bejn l-Unjoni Ewropea u l-Istati Uniti tal-Amerika (il-“Ftehim tal-UE/l-Istati Uniti”). Il-ftehimiet issa qed jiġu ratifikati mill-partijiet firmatarji kollha. Wara l-konklużjonijiet ta’ dawk il-Ftehimiet, l-istruttura u t-tħaddim tal-iskema kummerċjali tal-Unjoni għall-banana bil-kodiċi tan-NM 0803 00 19 nbidlu. |
|
(3) |
Fid-dawl tat-tariffi l-ġodda tal-banana li għandhom jiġu applikati skont il-“Ftehim ta' Ġinevra”, ir-Regolament (UE) Nru 306/2011 tal-Parlament Ewropew u tal-Kunsill (4) ħassar ir-Regolament (KE) Nru 1964/2005 b’effett mid-data tad-dħul fis-seħħ ta’ dak il-Ftehim. |
|
(4) |
Fid-dawl tal-adozzjoni tal-ftehimiet imsemmija qabel, li ssetiljaw tilwima dwar il-banana li kienet ilha għaddejja għal żmien twil, l-użu tal-liċenzji tal-importazzjoni soġġetti għad-depożitu ta' garanzija, bħala għodda ta' statistika, ma għadux strument adegwat biex jimmonitorja s-swieq tal-banana. |
|
(5) |
Ġew żviluppati mezzi ġodda u iktar preċiżi tal-monitoraġġ fuq l-importazzjonijiet tal-banana, li huma inqas ikkumplikati minn liċenzji, li joħolqu piż amministrattiv u spejjeż għall-kumpaniji u l-amministrazzjonijiet nazzjonali. |
|
(6) |
Għalhekk, huwa xieraq li jitneħħa l-obbligu għall-kummerċjanti biex jinkisbu l-liċenzji tal-importazzjoni għall-importazzjoni tal-banana ta' kull oriġini. Ir-Regolament (KE) Nru 2014/2005 għandu għalhekk jitħassar. Minħabba li l-Artikolu 1(3) tar-Regolament (KE) Nru 2014/2005 jillimita l-validità tal-liċenzji għas-sena tal-ħruġ, huwa xieraq li mill-1 ta' Jannar 2012 jitħassar l-obbligu biex jinkisbu l-liċenzji tal-importazzjoni. |
|
(7) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2014/2005 qiegħed hawnhekk jitħassar.
Artikolu 2
Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Diċembru 2011.
Għall-Kummissjoni
Il-President
José Manuel BARROSO
(1) ĠU L 316, 2.12.2005, p. 1.
(2) ĠU L 324, 10.12.2005, p. 3.