This document is an excerpt from the EUR-Lex website
Document 32011D0463
2011/463/EU: Commission Implementing Decision of 25 July 2011 relating to the clearance of the accounts presented by Bulgaria and Romania for the expenditure financed under the special accession programme for agriculture and rural development (Sapard) in 2008 (notified under document C(2011) 5183)
2011/463/UE: Deċiżjoni ta’ Implimentazzjoni tal-Kummissjoni tal- 25 ta’ Lulju 2011 rigward l-approvazzjoni tal-kontijiet ippreżentati mill-Bulgarija u r-Rumanija għan-nefqa ffinanzjata taħt il-programm speċjali tal-adeżjoni għall-agrikoltura u l-iżvilupp rurali (Sapard) fl-2008 (notifikata bid-dokument numru C(2011) 5183)
2011/463/UE: Deċiżjoni ta’ Implimentazzjoni tal-Kummissjoni tal- 25 ta’ Lulju 2011 rigward l-approvazzjoni tal-kontijiet ippreżentati mill-Bulgarija u r-Rumanija għan-nefqa ffinanzjata taħt il-programm speċjali tal-adeżjoni għall-agrikoltura u l-iżvilupp rurali (Sapard) fl-2008 (notifikata bid-dokument numru C(2011) 5183)
ĠU L 194, 26.7.2011, p. 36–38
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
26.7.2011 |
MT |
Il-Ġurnal Uffiċjali tal-Unjoni Ewropea |
L 194/36 |
DEĊIŻJONI TA’ IMPLIMENTAZZJONI TAL-KUMMISSJONI
tal-25 ta’ Lulju 2011
rigward l-approvazzjoni tal-kontijiet ippreżentati mill-Bulgarija u r-Rumanija għan-nefqa ffinanzjata taħt il-programm speċjali tal-adeżjoni għall-agrikoltura u l-iżvilupp rurali (Sapard) fl-2008
(notifikata bid-dokument numru C(2011) 5183)
(It-test bil-Bulgaru u bir-Rumen biss huma awtentiċi)
(2011/463/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1268/1999 tal-21 ta’ Ġunju 1999 dwar l-għajnuna mill-Komunità għal miżuri ta’ qabel l-Adeżjoni għal żvilupp agrikolu u rurali fil-pajjiżi applikanti tal-Ewropa Ċentrali u ta’ Lvant matul il-perjodu ta’ qabel l-adeżjoni (1),
Wara li kkunsidrat ir-Regolament tal-Kummissjoni (KE) Nru 2222/2000 tas-7 ta’ Ġunju 2000 li jniżżel regoli finanzjarji għall-applikazzjoni tar-Regolament tal-Kunsill (KE) Nru 1268/1999 dwar l-appoġġ tal-Komunità għal miżuri qabel l-adeżjoni għall-iżvilupp agrikolu u rurali fil-pajjiżi applikanti tal-Ewropa Ċentrali u tal-Lvant fil-perjodu ta’ qabel l-adeżjoni (2), u b’mod partikolari l-Artikolu 13 tiegħu,
Wara li kkunsidrat il-Ftehim ta’ Finanzjament Multiannwali konkluż mal-Bulgarija fit-18 ta’ Diċembru 2000 u b’mod partikolari l-Artikolu 11 tat-Taqsima A għall-Anness tiegħu,
Wara li kkunsidrat il-Ftehim ta’ Finanzjament Multiannwali konkluż mar-Rumanija fit-2 ta’ Frar 2001 u b’mod partikolari l-Artikolu 11 tat-Taqsima A għall-Anness tiegħu,
Wara li kkunsidrat ir-Regolament tal-Kummissjoni (KE) Nru 248/2007 tat-8 ta’ Marzu 2007 dwar miżuri li jikkonċernaw il-Ftehim ta’ Finanzjament Multiannwali u l-Ftehim ta’ Finanzjament Annwali li saru taħt il-programm Sapard u t-tranżizzjoni minn Sapard għall-iżvilupp rurali (3), flimkien mal-Ftehimiet ta’ Finanzjament Multiannwali kif imsemmi fl-Anness II, il-punt 1 ta’ dak ir-Regolament, u b’mod partikolari l-Artikolu 11 tat-Taqsima A għall-Anness tiegħu,
Wara li kkonsultat il-Kumitat dwar il-Fondi Agrikoli,
Billi:
|
(1) |
Il-Kummissjoni, f’isem l-Unjoni Ewropea, ikkonkludiet ftehimiet ta’ finanzjament multiannwali (MAFAs) li jistipulaw il-qafas tekniku, legali u amministrattiv għall-eżekuzzjoni tal-Programm Speċjali tal-Adeżjoni għall-Agrikoltura u għall-Iżvilupp Rurali (Sapard) mal-Bulgarija u r-Rumanija. |
|
(2) |
L-Artikolu 11 tat-Taqsima A tal-Anness għall-MAFAs jipprovdi għall-adozzjoni ta’ Deċiżjoni dwar l-approvazzjoni tal-kontijiet mill-Kummissjoni. Dik id-dispożizzjoni tibqa’ tapplika għall-Bulgarija u r-Rumanija, skont ir-Regolament (KE) Nru 248/2007. |
|
(3) |
Skadew il-limiti taż-żmien, għat-tressiq tad-dokumenti meħtieġa lill-Kummissjoni, mogħtija lill-pajjiżi li jirċievu l-finanzjament. |
|
(4) |
Fil-każ tal-Bulgarija, minħabba li l-kontijiet annwali tressqu tard skont l-Artikolu 5(2) tal-MAFA, u minbarra li ma kinux validati mill-Uffiċċjal Nazzjonali Awtorizzanti (NAO) minħabba nuqqassijiet sinifikanti identifikati fil-mekkaniżmi ta’ kontroll għall-miżuri pubbliċi, u minħabba x-xogħol addizzjonali pendenti li għadu mistenni mill-korp li jiċċertifika, u fil-każ tar-Rumanija, minħabba li għadda ż-żmien tal-iskadenza għat-tressiq tal-preżentazzjoni tal-kontijiet annwali, u r-reviżjoni tal-informazzjoni supplimentari li ntalbet minn dan il-pajjiż, il-Kummissjoni ddeċidiet, permezz tad-Deċiżjoni tagħha C(2009) 7496 tat-30 ta’ Settembru 2009, li ma tapprovax il-kontijiet tal-Aġenziji Sapard li jinsabu fit-territorju tal-Bulgarija u r-Rumanija, li jikkonċernaw in-nefqa li saret fis-sena finanzjarja 2008. |
|
(5) |
L-informazzjoni mistennija mill-Bulgarija u r-Rumanija, fil-frattemp ġiet imressqa u għenet lill-Kummissjoni biex iġġib garanzija addizjonali. Abbażi tal-ispezzjonijiet addizzjonali li twettqu, il-Kummissjoni tinsab f’pożizzjoni li tieħu deċiżjoni dwar it-tlestija, l-eżattezza u l-veraċità tal-kontijiet imressqa mill-awtoritajiet Sapard rilevanti fil-Bulgarija u r-Rumanija. |
|
(6) |
Din id-Deċiżjoni hija adottata abbażi tat-tagħrif tal-kontabbiltà. Ma tippreġudikax il-possibbiltà li l-Kummissjoni sussegwentement tiddeċiedi li teskludi mill-finanzjamanet tal-UE nefqa mhux imġarrba skont ir-Regolament (KE) Nru 2222/2000, |
ADOTTAT DIN ID-DEĊIŻJONI:
Artikolu 1
Il-kontijiet tal-Aġenziji Sapard, li jinsabu fit-territorju tal-Bulgarija u r-Rumanija, li jirrigwardaw nefqa ffinanzjata mill-baġit ġenerali tal-Unjoni Ewropea fl-2008 huma b’hekk approvati.
Artikolu 2
In-nefqa u l-finanzjament riċevut mill-UE għas-sena finanzjarja 2008, kif iddikjarat fil-31 ta’ Diċembru 2008, u l-assi miżmuma minn dawn il-Pajjiżi Benefiċjarji f’isem l-UE fil-31 ta’ Diċembru 2008, li se jiġu approvati skont din id-Deċiżjoni, huma stipulati fl-Anness.
Artikolu 3
Din id-Deċiżjoni hija indirizzata lir-Repubblika tal-Bulgarija u lir-Rumanija.
Magħmul fi Brussell, il-25 ta’ Lulju 2011.
Għall-Kummissjoni
Dacian CIOLOŞ
Membru tal-Kummissjoni
(1) ĠU L 161, 26.6.1999, p. 87.
(2) ĠU L 253, 7.10.2000, p. 5.
ANNESS
Infiq u finanzjament riċevut mill-UE għas-sena finanzjarja 2008 (l-ammonti kollha f'euro) kif iddikjarat fil-31 ta' Diċembru 2008
|
Pajjiż Benefiċjarju |
Dikjarazzjoni D2 Kontribuzjoni tal-UE Sena finanzjarja 2008 |
Kontribuzjoni tal-UE approvata b'din id-deċiżjoi |
Kontribuzjoni tal-UE diżassoċjata b'din id-deċiżjoi |
Total b + c |
Aġġustamenti |
Finanzjament riċevut mill-UE (D1) (1) |
Differenza li għandha tiġi rkuprata jew imħallsa Sena finanzjarja 2008 (4) |
|
|
a |
b |
c |
d |
e |
f |
g = d – e – f |
|
Il-Bulgarija |
37 922 598,86 |
37 922 598,86 |
0,00 |
37 922 598,86 |
–41 835,28 (2) |
37 964 434,08 |
0,06 |
|
Ir-Rumanija |
187 238 127,96 |
187 238 127,96 |
0,00 |
187 238 127,96 |
1 052 775,38 (3) |
186 185 352,56 |
0,02 |
Assi miżmuma mill-Pajjiżi Benefiċjarji f'isem l-UE (l-ammonti kollha f'Euro) fil-31.12.2008
|
Pajjiż Benefiċjarju |
KONT f'EURO bilanċ approvat b'din id-deċiżjoni |
KONT f'EURO bilanċ diżassoċjat b'din id-deċiżjoni |
DEBITURI bilanċ approvat b'din id-deċiżjoi (5) |
DEBITURI bilanċ diżassoċjat b'din id-deċiżjoni |
|
|
h |
|
i |
|
|
Il-Bulgarija |
6 444,77 |
0,00 |
13 010 656,38 |
0,00 |
|
Ir-Rumanija |
1 435 029,16 |
0,00 |
4 532 369,26 |
0,00 |
(1) Rimborż li sar mill-KE matul l-2008 u l-2009, għan-nefqa ddikjarata fl-2008.
(2) Nefqa mnaqqsa fuq inizjattiva tal-NAO Bulgara, mid-dikjarazzjoni D2 għall-2008 u d-dikjarazzjoni D1 38 għall-2009; din tikkorrispondi għal proġett segwit mill-OLAF li għalih kienet instabet irregolarità f'April tal-2009.
(3) L-ammont ta' EUR 1 052 775,38 huwa magħmul minn EUR 1 049 233,75 li jirrappreżenta l-aġġustamenti li saru mill-KE abbażi tan-nefqa mhux eleġibbli iddikjarata mill-awtoritajiet Rumeni (D1 37) wara li saret verifika mill-ġdid fil-qafas tal-implimentazzjoni tal-Pjan ta' Azzjoni, u minn EUR 3 541,63 li jirrappreżenta l-korrezzjonijiet magħmula mill-awtoritajiet Rumeni permezz tad-dikjarazzjonijiet D1 fl-2008 (D1 34 u D1 35).
(4) Dawn id-diskrepanzi huma minħabba li ċ-ċifri kollha huma rrawndjati
(5) l-ammonti ma jinkludux l-interessi akkumulati mid-djun.