This document is an excerpt from the EUR-Lex website
Document 32010R1262
Commission Regulation (EU) No 1262/2010 of 22 December 2010 amending Regulations (EU) No 462/2010, (EU) No 463/2010 and (EU) No 464/2010 as regards the closing date of the invitations to tender for the reduction in the duty on maize imported into Spain and Portugal and on sorghum imported into Spain, for the quota year 2010, and the dates of expiry of these Regulations
Regolament tal-Kummissjoni (UE) Nru 1262/2010 tat- 22 ta’ Diċembru 2010 li jemenda r-Regolamenti (UE) Nru 462/2010, (UE) Nru 463/2010 u (UE) Nru 464/2010 f'dak li jirrigwarda d-data finali għas-sejħiet għall-offerti għat-tnaqqis tad-dazju tal-importazzjoni tal-qamħirrun fi Spanja u l-Portugall u tas-sorgu fi Spanja għas-sena tal-kwota 2010, kif ukoll id-data tal-iskadenza tar-regolamenti msemmija
Regolament tal-Kummissjoni (UE) Nru 1262/2010 tat- 22 ta’ Diċembru 2010 li jemenda r-Regolamenti (UE) Nru 462/2010, (UE) Nru 463/2010 u (UE) Nru 464/2010 f'dak li jirrigwarda d-data finali għas-sejħiet għall-offerti għat-tnaqqis tad-dazju tal-importazzjoni tal-qamħirrun fi Spanja u l-Portugall u tas-sorgu fi Spanja għas-sena tal-kwota 2010, kif ukoll id-data tal-iskadenza tar-regolamenti msemmija
ĠU L 343, 29.12.2010, pp. 76–77
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/05/2011; Impliċitament imħassar minn 32010R1262
|
29.12.2010 |
MT |
Il-Ġurnal Uffiċjali tal-Unjoni Ewropea |
L 343/76 |
REGOLAMENT TAL-KUMMISSJONI (UE) Nru 1262/2010
tat-22 ta’ Diċembru 2010
li jemenda r-Regolamenti (UE) Nru 462/2010, (UE) Nru 463/2010 u (UE) Nru 464/2010 f'dak li jirrigwarda d-data finali għas-sejħiet għall-offerti għat-tnaqqis tad-dazju tal-importazzjoni tal-qamħirrun fi Spanja u l-Portugall u tas-sorgu fi Spanja għas-sena tal-kwota 2010, kif ukoll id-data tal-iskadenza tar-regolamenti msemmija
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b'mod partikolari l-Artikolu 144(1) tiegħu, b'rabta mal-Artikolu 4 tiegħu,
Billi:
|
(1) |
Ir-Regolamenti tal-Kummissjoni (KE) Nru 462/2010 (2), (KE) Nru 463/2010 (3) u (KE) Nru 464/2010 (4) fetħu s-sejħiet għall-offerti għat-tnaqqis tad-dazju skont l-Artikolu 136 tar-Regolament (KE) Nru 1234/2007 għall-qamħirrun importat fi Spanja u għall-qamħirrun importat fil-Portugall, u għas-sorgu importat fi Spanja rispettivament. |
|
(2) |
Mid-data tal-ftuħ tas-sejħa għall-offerti sas-28 ta' Ottubru 2010, il-kwantità ta' qamħirrunimportata fi Spanja li tista' tiġi kklassifikata bħala parti mill-kwota tad-dazju tal-importazzjoni mnaqqsa, u bil-kwantitajiet tal-prodotti li jissostitwixxu ċ-ċereali mnaqqsa skont l-Artikolu 2, il-paragrafu 1, tar-Regolament tal-Kummissjoni (KE) Nru 1296/2008 tat-18 ta' Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrunu sorgu fi Spanja u importazzjoni ta’ qamħirrun fil-Portugall (5), tkopri biss 37 % tal-kwota. Il-kwantità ta' qamħirrunimportata fil-Portugall li tista' tiġi kklassifikata bħala parti mill-kwota tad-dazju tal-importazzjoni mnaqqsa, tkopri biss 72 % tal-kwota. Il-kwantità ta' qamħirrunimportata fil-Portugall li tista' tiġi kklassifikata bħala parti mill-kwota tad-dazju tal-importazzjoni mnaqqsa, tkopri biss 15 % tal-kwota. Meta jitqiesu l-kundizzjonijiet tas-suq fi Spanja u l-Portugall, il-ftuħ tas-sejħiet għall-offerti sas-16 ta' Diċembru 2010 ma għandux jippermetti l-importazzjoni ta' kwantitajiet biżżejjed biex ikopru l-kwoti. |
|
(3) |
Għalhekk, xieraq li s-sejħiet għat-tnaqqis tad-dazji tal-importazzjoni tal-qamħirrun u s-sorgu fi Spanja u tal-qamħirrun fil-Portugal jkunu mtawla sal-użu kollu tal-kwoti tal-2010 u mhux aktar tard mill-aħħar ta' Mejju 2011, f'konformità mal-Artikolu 2(2) tar-Regolament (KE) Nru 1296/2008. Għaldaqstant, id-data ta' skadenza tar-Regolamenti (UE) Nru 462/2010, Nru 463/2010 u UE Nru 464/2010 għandha tkun emendata. |
|
(4) |
Konsegwentement jeħtieġ illi jiġu emendati r-Regolamenti (KE) Nru 462/2010, (KE) Nru 463/2010 u (KE) Nru 464/2010. |
|
(5) |
Il-Kumitat ta’ Ġestjoni għall-Organizzazzjoni Komuni tas-Swieq Agrikoli ma ressaqx fehmtu fil-limitu taż-żmien stabbilit mill-President tiegħu, |
ADOTTAT DAN IR-REGOLAMENT:
Artikolu 1
Emenda għar-Regolament (UE) Nru 462/2010
Ir-Regolament (UE) Nru 462/2010 huwa emendat kif ġej:
|
(a) |
l-Artikolu 2 jiġi sostitwit b'dan li ġej: “Artikolu 2 Is-sejħa għall-offerti hija miftuħa sal-eżawriment tal-kwota u mhux iktar tard mill-31 ta' Mejju 2011. Matul il-perjodu tas-sejħa għall-offerti, għandhom isiru sejħiet parzjali għall-offerti li għalihom id-dati tat-tressiq tal-offerti għandhom ikunu stabbiliti fl-avviż tas-sejħa.” |
|
(b) |
fl-Artikolu 5, it-tielet subparagrafu jiġi sostitwit b’dan li ġej: “Jiskadi fil-31 ta' Mejju 2011.” |
Artikolu 2
Emenda għar-Regolament (UE) Nru 463/2010
Ir-Regolament (UE) Nru 463/2010 huwa emendat kif ġej:
|
(a) |
l-Artikolu 2 jiġi sostitwit b'dan li ġej: “Artikolu 2 Is-sejħa għall-offerti hija miftuħa sal-eżawriment tal-kwota u mhux iktar tard mill-31 ta' Mejju 2011. Matul il-perjodu tas-sejħa għall-offerti, għandhom isiru sejħiet parzjali għall-offerti li għalihom id-dati tat-tressiq tal-offerti għandhom ikunu stabbiliti fl-avviż tas-sejħa.” |
|
(b) |
fl-Artikolu 5, it-tielet subparagrafu jiġi sostitwit b’dan li ġej: “Jiskadi fil-31 ta' Mejju 2011.” |
Artikolu 3
Emenda għar-Regolament (UE) Nru 464/2010
Ir-Regolament (UE) Nru 464/2010 huwa emendat kif ġej:
|
(a) |
l-Artikolu 2 jiġi sostitwit b'dan li ġej: “Artikolu 2 Is-sejħa għall-offerti hija miftuħa sal-eżawriment tal-kwota u mhux iktar tard mill-31 ta' Mejju 2011. Matul il-perjodu tas-sejħa għall-offerti, għandhom isiru sejħiet parzjali għall-offerti li għalihom id-dati tat-tressiq tal-offerti għandhom ikunu stabbiliti fl-avviż tas-sejħa.” |
|
(b) |
fl-Artikolu 5, it-tielet subparagrafu jiġi sostitwit b’dan li ġej: “Jiskadi fil-31 ta' Mejju 2011.” |
Artikolu 4
Dħul fis-seħħ
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta’ Diċembru 2010.
Għall-Kummissjoni, f'isem il-President,
Dacian CIOLOŞ
Membru tal-Kummissjoni
(1) ĠU L 299, 16.11.2007, p. 1.
(2) ĠU L 129, 28.5.2010, p. 58.
(3) ĠU L 129, 28.5.2010, p. 60.