Edizzjoni speċjali bil-Kroat: Kapitolu 13 Volum 048 P. 21 - 22
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010D0811(02)
Commission Decision of 10 August 2010 setting up the Expert Group on the Internet of Things
Deċiżjoni tal-Kummissjoni tal- 10 ta’ Awwissu 2010 li twaqqaf il-grupp ta’ esperti dwar l-internet tal-oġġetti
Deċiżjoni tal-Kummissjoni tal- 10 ta’ Awwissu 2010 li twaqqaf il-grupp ta’ esperti dwar l-internet tal-oġġetti
ĠU C 217, 11.8.2010, p. 10–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2012
Language
HTML
PDF
Official Journal
|
11.8.2010 |
MT |
Il-Ġurnal Uffiċjali tal-Unjoni Ewropea |
C 217/10 |
DEĊIŻJONI TAL-KUMMISSJONI
tal-10 ta’ Awwissu 2010
li twaqqaf il-grupp ta’ esperti dwar l-internet tal-oġġetti
2010/C 217/08
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Billi:
|
(1) |
Skont il-Komunikazzjoni tal-Kummissjoni msejħa “L-Internet tal-Oġġetti – pjan ta’ azzjoni għall-Ewropa” (minn hawn ’il quddiem imsejħa “l-Komunikazzjoni”), jeħtieġ li jiddaħħal fis-seħħ mekkaniżmu fil-livell Ewropew li jkun jinkludi diversi partijiet interessati biex jagħti pariri lill-Kummissjoni dwar it-tfassil tal-istrateġija li l-UE għandha ssegwi hija u twettaq id-diversi azzjonijiet imsemmija fil-Komunikazzjoni. |
|
(2) |
Għalhekk jeħtieġ li jitwaqqaf grupp ta’ esperti fil-qasam tal-Internet tal-Oġġetti u li jiġu ddefiniti l-kompiti u l-istruttura tiegħu. |
|
(3) |
Il-grupp għandu jiffaċilita d-djalogu bejn il-partijiet interessati. |
|
(4) |
Il-grupp għandu jkun magħmul minn organizzazzjonijiet li huma kompetenti fl-oqsma tal-liġi, tal-ekonomija u tat-teknoloġija kif dawn japplikaw għall-internet tal-oġġetti. Dawn l-organizzazzjonijiet jistgħu jkunu għaqdiet tal-industrija jew tan-negozju, organizzazzjonijiet Ewropej għall-istandardizzazzjoni, msieħba internazzjonali, organizzazzjonijiet tal-konsumaturi u s-soċjetà ċivili, organizzazzjonijiet tar-riċerka u akkademiċi, kif ukoll osservaturi mill-Istati Membri tal-UE u minn istituzzjonijiet interessati tal-UE bħalma huma l-Kumitat tar-Reġjuni u l-Kumitat Ekonomiku u Soċjali Ewropew. |
|
(5) |
Għandu jkun hemm dispożizzjoni dwar ir-regoli dwar l-iżvelar tat-tagħrif mill-membri tal-grupp, li tkun bla ħsara għar-regoli tal-Kummissjoni dwar is-sigurtà kif imniżżlin fl-Anness għad-Deċiżjoni tal-Kummissjoni 2001/844/KE, KEFA, Euratom (1). |
|
(6) |
Id-dejta personali li għandha x’taqsam mal-membri tal-grupp għandha tkun ipproċessata skont ir-Regolament (KE)oNru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwi fir-rigward tal-ipproċessar ta’ data [dejta] personali mill-istituzzjonijiet u l-korpi tal-Komunità u dwar il-moviment liberu ta’ dik id-data [dejta] (2). |
|
(7) |
Huwa xieraq li jiġi stabbilit perjodu għall-applikazzjoni ta’ din id-Deċiżjoni. Malli jasal il-waqt, il-Kummissjoni se tikkunsidra jkunx għaqli li dan il-perjodu jittawwal, |
ADOTTAT DIN ID-DEĊIŻJONI:
Artikolu 1
Is-suġġett
Il-grupp ta’ esperti dwar l-internet tal-oġġetti, minn hawn ’il quddiem imsejjaħ “il-grupp”, b’dan qed jitwaqqaf b’seħħ mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea.
Artikolu 2
Il-kompiti
Il-kompiti tal-grupp se jkunu:
|
(a) |
li jagħti pariri lill-Kummissoni dwar kif l-aħjar li jiġu indirizzati l-isfidi legali u tekniċi kif ukoll dawk ta’ organizzazzjoni fil-livell Ewropew; |
|
(b) |
li jwassal għal skambju tal-esperjenza u ta’ prattiki tajbin, u li jitlob il-kontributi bil-kliem u bil-miktub ta’ grupp magħmul minn diversi partijiet interessati, inkluż kontribut internazzjonali fejn dan ikun meħtieġ; |
|
(c) |
li jagħti kontribut għal viżjoni komuni għall-iżvilupp u l-użu tal-internet tal-oġġetti fil-qafas tal-Aġenda Diġitali għall-Ewropa, li hija element ewlieni tal-istrateġija msejħa “Ewropa 2020”. |
Artikolu 3
Il-konsultazzjoni
1. Il-Kummissjoni tista’ tikkonsulta lill-grupp dwar kwalunkwe kwistjoni li tqis li hija rilevanti għall-iżvilupp tal-internet tal-oġġetti fl-Ewropa, filwaqt li tħeġġeġ lill-membri jissuġġerixxu iktar suġġetti għad-diskussjoni.
Artikolu 4
Is-sħubija u l-ħatra
1. Il-grupp għandu jkun magħmul minn għadd ta’ membri, li ma jistgħux ikunu iktar minn 45.
2. Il-membri għandhom ikunu organizzazzjonijiet li huma kompetenti fl-oqsma tal-liġi, tal-ekonomija u tat-teknoloġija kif dawn japplikaw għall-internet tal-oġġetti.
3. Il-Kummissjoni għandha tagħżel għadd ta’ organizzazzjonijiet li għandhom jaħtru r-rappreżentanti tagħhom kif ukoll rappreżentanti alternattivi.
4. Il-membri tal-grupp għandhom jibqgħu fil-kariga tagħhom sakemm jinbidlu jew sakemm jintemm il-mandat tagħhom.
5. Il-membri li ma jibqgħux f’pożizzjoni li jikkontribwixxu b’mod effettiv fid-diskussjonijiet tal-grupp, dawk li jippreżentaw ir-riżenja tagħhom jew dawk li ma jirrispettawx il-kundizzjonijiet stabbiliti fil-paragrafu 3 ta’ dan l-Artikolu jew fl-Artikolu 339 tat-Trattat dwar il-Funzjonament tal-Unjoni Ewropea jistgħu jinbidlu għall-kumplament tal-mandat tagħhom.
6. L-ismijiet tal-organizzazzjonijiet għandhom jiġu ppubblikati fir-Reġistru tal-gruppi tal-esperti.
7. L-ismijiet tal-membri għandhom jinġabru, jiġu pproċessati u ppubblikati skont ir-Regolament (KE) Nru 45/2001.
Artikolu 5
It-tħaddim
1. Il-president tal-grupp għandu jkun rappreżentant tal-Kummissjoni.
2. Bil-ftehim tal-Kummissjoni, jistgħu jitwaqqfu sottogruppi biex jeżaminaw mistoqsijiet speċifiċi skont it-termini ta’ referenza stabbiliti mill-grupp. Kif jintemm il-mandat tagħhom, dawn is-sottogruppi għandhom jiġu xolti.
3. Ir-rappreżentant tal-Kummissjoni jista’, fuq bażi ad hoc, jistieden esperti minn barra l-grupp li jkollhom kompetenza speċifika f’suġġett li jkun fuq l-aġenda biex jieħdu sehem fil-ħidma tal-grupp jew tas-sottogrupp. Barra minn hekk, ir-rappreżentant tal-Kummissjoni jista’ jagħti l-istat ta’ osservaturi lil individwi u korpi speċifiċi.
4. Il-membri tal-gruppi tal-esperti u r-rappreżentanti tagħhom kif ukoll l-esperti u l-osservaturi mistiedna għandhom jikkonformaw mal-obbligi tas-segretezza professjonali stabbiliti fit-trattati u fir-regoli ta’ implimentazzjoni tagħhom, kif ukoll mar-regoli tal-Kummissjoni dwar is-siġurtà li għandhom x’jaqsmu mal-protezzjoni tat-tagħrif ikklassifikat tal-UE u li huma mniżżlin fl-Anness għad-Deċiżjoni tal-Kummissjoni 2001/844/KE, KEFA, Euratom. Jekk huma ma jħarsux din id-dispożizzjoni, il-Kummissjoni tista’ tieħu l-miżuri kollha xierqa b’rabta ma’ dan.
5. Il-Kummissjoni għandha tipprovdi s-servizzi tas-segretarjat. Uffiċjali oħrajn tal-Kummissjoni li jkollhom interess fil-proċedimenti jistgħu jattendu l-laqgħat tal-grupp u tas-sottogruppi tiegħu.
6. Il-grupp għandu jadotta r-regoli ta’ proċedura tiegħu abbażi tar-regoli standard ta’ proċedura għall-gruppi ta’ esperti.
7. Il-Kummissjoni għandha tippubblika t-tagħrif rilevanti dwar l-attivitajiet li jwettaq il-grupp, jew billi tinkludih fir-Reġistru jew billi tinkludih f’sit tal-internet speċifiku ddedikat għall-grupp li jkun hemm referenza għalih fir-Reġistru.
Artikolu 6
L-ispejjeż tal-laqgħat
1. Dawk li jieħdu sehem fl-attivitajiet tal-grupp m’għandhomx jitħallsu għas-servizzi tagħhom.
2. L-ispejjeż għall-ivvjaġġar u għall-għajxien li jagħmlu dawk li jieħdu sehem fl-attivitajiet tal-grupp għandhom jitħallsu lura mill-Kummissjoni skont id-disposizzjonijiet fis-seħħ fi ħdan il-Kummissjoni.
3. Dawn l-ispejjeż għandhom jitħallsu lura fil-limiti tal-baġit annwali allokat għall-grupp mid-dipartimenti tal-Kummissjoni inkarigati minn dan.
Artikolu 7
L-applikabbiltà
Din id-Deċiżjoni għandha tapplika sal-31 ta’ Diċembru 2012.
Artikolu 8
Din id-Deċiżjoni għandha tidħol fis-seħħ l-għada tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-10 ta’ Awwissu 2010.
Għall-Kummissjoni
Il-President
José Manuel BARROSO
(1) ĠU L 317, 3.12.2001, p. 1.