Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32010D0391

    2010/391/: Deċiżjoni tal-Kummissjoni tat- 8 ta’ Lulju 2010 li temenda l-Annessi tad-Deċiżjoni 93/52/KEE fir-rigward tar-rikonoxximent tal-Litwanja u r-reġjun tal-Molise fl-Italja bħala uffiċjalment ħielsa mill-bruċellosi ( B. melitensis ) u li temenda l-Annessi tad-Deċiżjoni 2003/467/KE fir-rigward tad-dikjarazzjoni ta’ ċerti reġjuni amministrattivi tal-Italja bħala uffiċjalment ħielsa mit-tuberkolosi bovina, mill-bruċellosi bovina u l-lewkosi bovina enzootika (notifikata bid-dokument numru C(2010) 4592) Test b’relevanza għaż-ŻEE

    ĠU L 180, 15.7.2010, p. 21–25 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 20/04/2021; Impliċitament imħassar minn 32021R0620

    ELI: http://data.europa.eu/eli/dec/2010/391/oj

    15.7.2010   

    MT

    Il-Ġurnal Uffiċjali tal-Unjoni Ewropea

    L 180/21

    DEĊIŻJONI TAL-KUMMISSJONI

    tat-8 ta’ Lulju 2010

    li temenda l-Annessi tad-Deċiżjoni 93/52/KEE fir-rigward tar-rikonoxximent tal-Litwanja u r-reġjun tal-Molise fl-Italja bħala uffiċjalment ħielsa mill-bruċellosi (B. melitensis) u li temenda l-Annessi tad-Deċiżjoni 2003/467/KE fir-rigward tad-dikjarazzjoni ta’ ċerti reġjuni amministrattivi tal-Italja bħala uffiċjalment ħielsa mit-tuberkolosi bovina, mill-bruċellosi bovina u l-lewkosi bovina enzootika

    (notifikata bid-dokument numru C(2010) 4592)

    (Test b’relevanza għaż-ŻEE)

    (2010/391/UE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u b’mod partikolari l-Anness A(I)(4), l-Anness A(II)(7) u l-Anness D(I)(E) tagħha,

    Wara li kkunsidrat id-Direttiva tal-Kunsill 91/68/KEE tat-28 ta’ Jannar 1991 dwar il-kundizzjonijiet ta’ saħħa tal-annimali li jirregolaw il-kummerċ intra-Komunitarju tan-nagħaġ u tal-mogħoż (2), u b’mod partikolari t-Taqsima II tal-Kapitolu 1 tal-Anness A tagħha,

    Billi:

    (1)

    Id-Direttiva tal-Kunsill 91/68/KEE tiddefinixxi l-kundizzjonijiet tas-saħħa tal-annimali li jirregolaw il-kummerċ tal-annimali ovini u kaprini fl-Unjoni. Din tistabbilixxi l-kundizzjonijiet li bihom l-Istati Membri jew ir-reġjuni fi ħdanhom għandhom jitqiesu bħala uffiċjalment ħielsa mill-bruċellosi.

    (2)

    Id-Deċiżjoni tal-Kummissjoni 93/52/KEE tal-21 ta’ Diċembru 1992 li tieħu nota tal-konformità ta’ ċerti Stati Membri jew reġjuni mal-kundizzjonijiet li jirrigwardaw il-bruċellosi (B. melitensis) u li tagħtihom l-istatus ta’ Stat Membru jew reġjun uffiċjalment ħieles mill-marda (3) telenka, fl-Annessi tagħha, l-Istati Membri u r-reġjuni tagħhom li huma meqjusa bħala uffiċjalment ħielsa mill-bruċellosi (B. melitensis) skont id-Direttiva 91/68/KEE.

    (3)

    Il-Litwanja ressqet quddiem il-Kummissjoni dokumentazzjoni b’xhieda tal-konformità mal-kundizzjoijiet xierqa stabbiliti mid-Direttiva 91/68/KEE biex b’hekk titqies bħala uffiċjalment ħielsa mill-bruċellosi (B. melitensis) fir-rigward tat-territorju kollu tagħha. Dak l-Istat Membru għandu għaldaqstant jitqies bħala uffiċjalment ħieles minn dik il-marda. L-Anness I tad-Deċiżjoni 93/52/KEE għandu għalhekk jiġi emendat skont dan.

    (4)

    L-Italja ressqet quddiem il-Kummissjoni dokumentazzjoni b’xhieda tal-konformità mal-kundizzjonijiet xierqa stabbiliti fid-Direttiva 91/68/KEE rigward il-provinċji kollha tar-reġjun tal-Molise biex dan ir-reġjun ikun jista’ jitqies bħala uffiċjalment ħieles mill-bruċellosi (B. melitensis). Dak ir-reġjun għandu għaldaqstant jitqies bħala uffiċjalment ħieles minn dik il-marda.

    (5)

    L-Italja talbet ukoll li jsiru emendi għall-entrata ta’ dan l-Istat Membru fil-lista tar-reġjuni tal-Istati Membri li huma meqjusa bħala uffiċjalment ħielsa mill-bruċellosi (B. melitensis) fl-Anness II tad-Deċiżjoni 93/52/KEE. Id-diviżjoni amministrattiva attwali tal-Italja taqsam ir-reġjun tat-Trentino-Alto Adige f’żewġ reġjuni distinti: jiġifieri l-provinċja ta’ Bolzano u l-provinċja ta’ Trento. Ir-reġjun ta’ Sardinja nqasam fi tmien provinċji. Barra minn hekk, billi l-provinċji kollha tar-reġjuni tal-Lombardija, il-Pjemonte, it-Toskana, Sardinja u l-Umbrija diġà tqiesu bħala uffiċjalment ħielsa mill-bruċellosi (B. melitensis), dawk ir-reġjuni għandhom jitqiesu, kollha kemm huma, bħala uffiċjalment ħielsa minn dik il-marda.

    (6)

    L-entrata tal-Italja fl-Anness II għad-Deċiżjoni 93/52/KE għandha, għalhekk, tiġi emendata skont dan.

    (7)

    Id-Direttiva 64/432/KEE tapplika għall-kummerċ fl-Unjoni tal-annimali bovini u l-majjali. Din tistabbilixxi l-kundizzjonijiet li permezz tagħhom Stat Membru jew parti jew reġjun minnu jista’ jiġi ddikjarat uffiċjalment ħieles mit-tuberkolosi, il-bruċellosi jew il-lewkosi bovina enzootika fir-rigward ta’ merħliet bovini.

    (8)

    Id-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-kwalifika ta’ uffiċjalment ħielsa mit-tuberkolosi, bruċellosi u lewkosi bovina enzootika ta’ xi Stati Membri u reġjuni fl-Istati Membri rigward annimali bovini (4) telenka t-tali Stati Membri u reġjuni fl-Annessi I, II u III rispettivament ta’ dik id-Deċiżjoni.

    (9)

    L-Italja ressqet quddiem il-Kummissjoni dokumentazzjoni b’xhieda tal-konformità mal-kundizzjonijiet xierqa stabbiliti fid-Direttiva 64/432/KEE fir-rigward tal-provinċji kollha tar-reġjuni tal-Lombardija u t-Toskana, u l-provinċji ta’ Cagliari, Medio-Campidano, Ogliastra u Olbia-Tempio fir-reġjun ta’ Sardinja biex dawn ir-reġjuni u provinċji jkunu jistgħu jiġu ddikjarati bħala reġjuni tal-Italja uffiċjalment ħielsa mit-tuberkolosi.

    (10)

    L-Italja ressqet quddiem il-Kummissjoni dokumentazzjoni b’xhieda tal-konformità mal-kundizzjonijiet xierqa stabbiliti fid-Direttiva 64/432/KEE rigward il-provinċja ta’ Campobasso fir-reġjun tal-Molise biex dan ir-reġjun ikun jista’ jiġi ddikjarat bħala reġjun tal-Italja uffiċjalment ħieles mill-bruċellosi.

    (11)

    L-Italja ressqet quddiem il-Kummissjoni dokumentazzjoni b’xhieda tal-konformità mal-kundizzjonijiet xierqa stabbiliti fid-Direttiva 64/432/KEE fir-rigward tal-provinċja ta’ Napli fir-reġjun tal-Campania, il-provinċja ta’ Brindisi fir-Reġjun tal-Puglia u l-provinċji ta’ Agrigento, Caltanissetta, Sirakuża u Trapani fir-reġjun ta’ Sqallija biex dawn jiġu ddikjarati bħala reġjuni tal-Italja uffiċjalment ħielsa mil-lewkosi bovina enzootika.

    (12)

    Wara l-valutazzjoni tad-dokumentazzjoni li tressqet mill-Italja, il-provinċja u r-reġjuni kkonċernati għandhom jiġu ddikjarati bħala reġjuni tal-Italja uffiċjalment ħielsa mit-tuberkulosi, mill-bruċellosi bovina, u mil-lewkosi bovina enzootika rispettivament.

    (13)

    L-Italja talbet ukoll li jsiru emendi għall-entrata ta’ dak l-Istat Membru fil-lista tar-reġjuni tal-Istati Membri li huma meqjusa bħala uffiċjalment ħielsa mit-tuberkolosi, il-bruċellosi u l-lewkosi bovina enzootika fl-Annessi tad-Deċiżjoni 2003/467/KE. Id-diviżjoni amministrattiva attwali tal-Italja taqsam ir-reġjun tat-Trentino-Alto Adige f’żewġ reġjuni distinti: jiġifieri l-provinċja ta’ Bolzano u l-provinċja ta’ Trento.

    (14)

    Barra minn hekk, billi l-provinċji kollha tar-reġjuni tal-Emilja-Romanja, il-Lombardija, Sardinja u l-Umbrija elenkati fil-Kapitolu 2 tal-Anness II tad-Deċiżjoni 2003/467/KE diġà ġew iddikjarati bħala uffiċjalment ħielsa mill-bruċellosi u l-provinċji kollha tar-reġjuni tal-Emilja-Romanja, il-Lombardija, il-Marche, il-Pjemonte, it-Toskana, l-Umrbija u l-Val d’Aosta elenkati fil-Kapitolu 2 tal-Anness III tad-Deċiżjoni 2003/467/KE diġà ġew iddikjarati bħala uffiċjalment ħielsa mill-lewkosi bovina enzootika, dawk ir-reġjuni għandhom jitqiesu, kollha kemm huma, bħala uffiċjalment ħielsa minn dawk il-mardiet rispettivi.

    (15)

    L-Annessi tad-Deċiżjoni 2003/467/KE għandhom għalhekk jiġu emendati skont dan.

    (16)

    Id-Deċiżjonijiet 93/52/KEE u 2003/467/KE għandhom għalhekk jiġu emendati skont dan.

    (17)

    Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DIN ID-DEĊIŻJONI:

    Artikolu 1

    L-Annessi tad-Deċiżjoni 93/52/KEE huma emendati skont l-Anness I ta’ din id-Deċiżjoni.

    Artikolu 2

    L-Annessi tad-Deċiżjoni 2003/467/KE huma emendati skont l-Anness II ta’ din id-Deċiżjoni.

    Artikolu 3

    Din id-Deċiżjoni hija indirizzata lill-Istati Membri.

    Magħmul fi Brussell, it-8 ta’ Lulju 2010.

    Għall-Kummissjoni

    John DALLI

    Membru tal-Kummissjoni

    (1)  ĠU 121, 29.7.1964, p. 1977/64.

    (2)  ĠU L 46, 19.2.1991, p. 19.

    (3)  ĠU L 13, 21.1.1993, p. 14.

    (4)  ĠU L 156, 25.6.2003, p. 74.

    ANNESS I

    L-Annessi tad-Direttiva 93/52/KEE huma emendati kif ġej:

    (1)

    L-Anness I jeħodlu postu dan li ġej:

    “ANNESS I

    STATI MEMBRI

    Kodici ISO

    Stat Membru

    BE

    Il-Belġju

    CZ

    Ir-Repubblika Ċeka

    DK

    Id-Danimarka

    DE

    Il-Ġermanja

    IE

    L-Irlanda

    LT

    Il-Litwanja

    LU

    Il-Lussemburgu

    HU

    L-Ungerija

    NL

    Il-Pajjiżi l-Baxxi

    AT

    L-Awstrija

    PL

    Il-Polonja

    RO

    Ir-Rumanija

    SI

    Is-Slovenja

    SK

    Is-Slovakkja

    FI

    Il-Finlandja

    SE

    L-Isvezja

    UK

    Ir-Renju Unit”

    (2)

    Fl-Anness II, l-entrata tal-Italja jeħodilha postha dan li ġej:

    “Fl-Italja:

    —

    Ir-Reġjun tal-Abruzzo: Il-Provinċja ta’ Pescara,

    —

    Il-Provinċja ta’ Bolzano,

    —

    Ir-Reġjun tal-Friuli-Venezia Giulia,

    —

    Ir-Reġjun tal-Lazjo: Il-Provinċji ta’ Latina, Rieti, Ruma, Viterbo,

    —

    Ir-Reġjun tal-Ligurja: Il-Provinċja ta’ Savona,

    —

    Ir-Reġjun tal-Lombardija,

    —

    Ir-Reġjun tal-Marche,

    —

    Ir-Reġjun tal-Molise,

    —

    Ir-Reġjun tal-Pjemonte,

    —

    Ir-Reġjun ta’ Sardinja,

    —

    Ir-Reġjun tat-Toskana,

    —

    Il-Provinċja ta’ Trento,

    —

    Ir-Reġjun tal-Umbrija,

    —

    Ir-Reġjun tal-Veneto.”

    ANNESS II

    L-Annessi tad-Deċizjoni 2003/467/KE huma emendati kif ġej:

    (1)

    Fl-Anness I, il-Kapitolu 2, l-entrata tal-Italja jeħodilha postha dan li ġej:

    “Fl-Italja:

    —

    Ir-Reġjun tal-Abruzzo: Il-Provinċja ta’ Pescara,

    —

    Il-Provinċja ta’ Bolzano,

    —

    Ir-Reġjun ta’ Emilia-Romagna,

    —

    Ir-Reġjun tal-Friuli-Venezia Giulia,

    —

    Ir-Reġjun tal-Lombardija,

    —

    Ir-Reġjun tal-Marche: Il-Provinċja ta’ Ascoli Piceno,

    —

    Ir-Reġjun tal-Pjemonte: Il-Provinċji ta’ Novara, Verbania, Vercelli,

    —

    Ir-Reġjun ta’ Sardinja: Il-Provinċja ta’ Cagliari, Medio-Campidano, Ogliastra, Olbia-Tempio, Oristano,

    —

    Ir-Reġjun tat-Toskana,

    —

    Il-Provinċja ta’ Trento,

    —

    Ir-Reġjun tal-Veneto.”

    (2)

    Fl-Anness II, il-Kapitolu 2, l-entrata tal-Italja jeħodilha postha dan li ġej:

    “Fl-Italja:

    —

    Ir-Reġjun tal-Abruzzo: Il-Provinċja ta’ Pescara,

    —

    Il-Provinċja ta’ Bolzano,

    —

    Ir-Reġjun tal-Emilja-Romanja,

    —

    Ir-Reġjun tal-Friuli-Venezia Giulia,

    —

    Ir-Reġjun tal-Lazjo: Il-Provinċja ta’ Rieti,

    —

    Ir-Reġjun tal-Ligurja: Il-Provinċji ta’ Imperia, Savona,

    —

    Ir-Reġjun tal-Lombardija,

    —

    Ir-Reġjun tal-Marche,

    —

    Ir-Reġjun tal-Molise: Il-Provinċja ta’ Campobasso,

    —

    Ir-Reġjun tal-Pjemonte,

    —

    Ir-Regjun tal-Puglia: Il-Provinċja ta’ Brindisi,

    —

    Ir-Reġjun ta’ Sardinja,

    —

    Ir-Reġjun tat-Toskana,

    —

    Il-Provinċja ta’ Trento,

    —

    Ir-Reġjun tal-Umbrija,

    —

    Ir-Reġjun tal-Veneto.”

    (3)

    Fl-Anness III, il-Kapitolu 2, l-entrata tal-Italja jeħodilha postha dan li ġej:

    “Fl-Italja:

    —

    Ir-Reġjun tal-Abruzzo: Il-Provinċja ta’ Pescara,

    —

    Il-Provinċja ta’ Bolzano,

    —

    Ir-Reġjun tal-Campania: Il-Provinċja ta’ Napli,

    —

    Ir-Reġjun tal-Emilja-Romanja,

    —

    Ir-Reġjun tal-Friuli-Venezia Giulia,

    —

    Ir-Reġjun tal-Lazjo: Il-Provinċji ta’ Frosinone, Rieti,

    —

    Ir-Reġjun tal-Ligurja: Il-Provinċji ta’ Imperia, Savona,

    —

    Ir-Reġjun tal-Lombardija,

    —

    Ir-Reġjun tal-Marche,

    —

    Ir-Reġjun tal-Molise,

    —

    Ir-Reġjun tal-Pjemonte,

    —

    Ir-Regjun tal-Puglia: Il-provinċja ta’ Brindisi,

    —

    Ir-Reġjun ta’ Sardinja,

    —

    Ir-Reġjun ta’ Sqallija: Il-Provinċji ta’ Agrigento, Caltanissetta, Sirakuża, Trapani,

    —

    Ir-Reġjun tat-Toskana,

    —

    Il-Provinċja ta’ Trento,

    —

    Ir-Reġjun tal-Umbrija,

    —

    Ir-Reġjun tal-Val d’Aosta,

    —

    Ir-Reġjun tal-Veneto.”
    Top