15.10.2009   

MT

Il-Ġurnal Uffiċjali tal-Unjoni Ewropea

L 270/14

(1)

Id-Deċiżjoni tal-Kunsill 2004/512/KE tat-8 ta’ Ġunju 2004 li tistabbilixxi s-Sistema tal-Informazzjoni dwar il-Viża (VIS) (2) waqqfet il-VIS bħala sistema għall-iskambju tad-dejta dwar il-viża bejn l-Istati Membri u tat mandat lill-Kummissjoni biex tiżviluppa l-VIS.

(2)

Ir-Regolament (KE) Nru 767/2008 jiddefinixxi l-iskop u l-funzjonalitajiet tal-VIS u r-responsabbiltajiet tiegħu, u jistabbilixxi l-kundizzjonijiet u l-proċeduri għall-iskambju ta’ dejta tal-viża bejn l-Istati Membri biex jiffaċċilita l-eżaminazzjoni tal-applikazzjoni tal-viża u d-deċiżjonijiet relatati.

(3)

Id-Deċiżjoni tal-Kunsill 2006/648/KE tat-22 ta’ Settembru 2006 li tistabbilixxi l-ispeċifikazzjonijiet tekniċi dwar l-istandards tal-fatturi bijometriċi relatati mal-iżvilupp tas-Sistema ta’ Informazzjoni tal-Viża (3) tistipula li ser jiġu żviluppati aktar speċifikazzjonijiet fi stadju ulterjuri.

(4)

Issa hu meħtieġ li jiġu stabbiliti speċifikazzjonijiet għar-riżoluzzjoni u l-użu tal-marki tas-swaba’ għal identifikazzjoni u verifikazzjoni bijometrika fil-VIS biex l-Istati Membri jistgħu jibdew jippreparaw għall-użu tal-bijometrija.

(5)

Hu ferm importanti li d-dejta bijometrika tkun ta’ livell għoli u tkun affidabbli. Għalhekk hu meħtieġ li jiġu ddefiniti l-istandards tekniċi li għandhom jagħmlu li tkun possibbli li l-ħtiġiet tal-kwalità u tal-kredibilità jiġu ssodisfati. Il-verifikazzjonijiet bl-użu ta’ erbat iswaba’ għandhom rata ferm aktar baxxa ta’ rifjut falz u ta’ żball meta jiġu mqabbla mal-verifikazzjonijiet ta’ saba’ wieħed. Is-Sistema Ċentrali tal-Viża (CS-VIS) għandha għalhekk tkun tista’ twettaq verifikazzjonijiet bijometriċi biex tkun aċċessibbli d-dejta b’erba’ swaba’ ċatti.

(6)

Din id-deċiżjoni ma toħloq l-ebda standard ġdid; hi koerenti mal-istandards tal-ICAO.

(7)

Skont l-Artikolu 2 tal-Protokoll dwar il-pożizzjoni tad-Danimarka, mehmuż mat-Trattat dwar l-Unjoni Ewropea u t-Trattat li jistabbilixxi l-Komunità Ewropea, id-Danimarka ma ħaditx sehem fl-adozzjoni tar-Regolament tal-Kunsill (KE) Nru 767/2008 u mhijiex marbuta bih jew soġġetta għall-applikazzjoni tiegħu. Madankollu, billi dak ir-Regolament (KE) Nru 767/2008 jibni fuq l-acquis ta’ Schengen taħt id-dispożizzjonijiet tat-Titolu IV tat-Tielet Parti tat-Trattat li jistabbilixxi l-Komunità Ewropea, id-Danimarka, skont l-Artikolu 5 tal-Protokoll, innotifikat b’ittra tat-13 ta’ Ottubru 2008 it-traspożizzjoni ta’ dan l-acquis fil-liġi nazzjonali tagħha. Għalhekk, hija marbuta taħt il-liġi internazzjonali biex timplimenta din id-Deċiżjoni.

(8)

F’konformità mad-Deċiżjoni tal-Kunsill 2000/365/KE tad-29 ta’ Mejju 2000 dwar it-talba tar-Renju Unit tal-Gran Brittanja u l-Irlanda ta’ Fuq biex jieħdu parti f’xi dispożizzjonijiet tal-acquis ta’ Schengen (4), ir-Renju Unit ma pparteċipax fl-adozzjoni tar-Regolament KE Nru 767/2008 u mhux marbut bih jew suġġett għall-applikazzjoni tiegħu għaliex dan jikkostitwixxi żvilupp fuq id-dispożizzjonijiet tal-acquis ta’ Schengen. Ir-Renju Unit, għalhekk, mhuwiex destinatarju ta’ din id-Deċiżjoni.

(9)

F’konformità mad-Deċiżjoni tal-Kunsill 2002/192/KE tat-28 ta’ Frar 2002 rigward it-talba tal-Irlanda biex tiehu sehem f’xi dispożizzjonijiet tal-acquis ta’ Schengen (5), l-Irlanda ma ħaditx sehem fl-adozzjoni tar-Regolament (KE) Nru 767/2008 u mhix marbuta bih jew suġġetta għall-applikazzjoni tiegħu għaliex dan jikkostitwixxi żvilupp tad-dispożizzjonijiet tal-acquis ta’ Schengen. L-Irlanda, għalhekk, mhijiex destinatarja ta’ din id-Deċiżjoni.

(10)

Din id-Deċiżjoni tikkostitwixxi att li jibni fuq l-acquis ta’ Schengen jew li huwa relatat miegħu b’xi mod ieħor skont it-tifsira tal-Artikolu 3(2) tal-Att tal-Adeżjoni tal-2003 u tal-Artikolu 4(2) tal-Att tal-Adeżjoni tal-2005.

(11)

Fir-rigward tal-Iżlanda u n-Norveġja, din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen skont it-tifsira tal-Ftehim konkluż mill-Kunsill tal-Unjoni Ewropea fi ħdan it-tifsira tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn tal-aħħar mal-implimentazzjoni, l-applikazzjoni u l-iżvilupp tal-acquis ta’ Schengen (6), li jaqgħu fi ħdan il-qasam imsemmi fl-Artikolu 1, punt B tad-Deċiżjoni tal-Kunsill 1999/437/KE tas-17 ta’ Mejju 1999 dwar ċertu arranġamenti għall-applikazzjoni tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawk iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen acquis. (7)

(12)

Fir-rigward tal-Iżvizzera, din id-Deċiżjoni tikkostitwixxi żvilupp fid-dispożizzjonijiet tal-acquis ta’ Schengen, fl-ambitu tat-tifsira tal-Ftehim iffirmat bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen, li jaqgħu taħt il-qasam imsemmi fl-Artikolu 1, punt B, tad-Deċiżjoni 1999/437/KE li jinqara flimkien mal-Artikolu 3 tad-Deċiżjonijiet tal-Kunsill 2008/146/KE (8) dwar il-konklużjoni ta’ dak il-Ftehim f’isem il-Komunità Ewropea.

(13)

Fir-rigward tal-Liechtenstein, din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen skont it-tifsira fi ħdan il-Protokoll iffirmat bejn l-Unjoni Ewropea, il-Komunità Ewropea, il-Konfederazzjoni Svizzera u l-Prinċipat ta’ Liechtenstein dwar l-adeżjoni tal-Prinċipat ta’ Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen, li jaqgħu fiż-żona imsemmija fl-Artikolu 1, punt B tad-Deċiżjoni 1999/437/KE kkunsidrata flimkien mal-Artikolu 3 tad-Deċiżjoni tal-Kunsill 2008/261/KE (9) tat-28 ta’ Frar 2008 dwar il-firma, f’isem il-Komunità Ewropea, u l-applikażżjoni proviżorja ta’ ċerti dispożizzjonijiet ta’ dak il-Protokoll.

(14)

Il-miżuri provduti għalihom f’din id-Deċiżjoni huma f’konformità mal-opinjoni tal-Kumitat li hu stabbilit bl-Artikolu 51 (1) tar-Regolament (KE) Nru 1987/2006 tal-Parlament Ewropew u tal-Kunsill tal-20 ta’ Diċembru 2006 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen tat-tieni ġenerazzjoni (SIS II) (10),