9.4.2008   

MT

Il-Ġurnal Uffiċjali ta’ l-Unjoni Ewropea

L 97/62

(1)

Ir-Regolament (KE) Nru 1606/2002 tal-Parlament Ewropew u tal-Kunsill (3) jipprovdi li ċerti miżuri għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti lill-Kummissjoni (4).

(2)

Id-Deċiżjoni 1999/468/KE ġiet emendata bid-Deċiżjoni 2006/512/KE li introduċiet il- proċedura regolatorja bi skrutinju għall-adozzjoni ta’ miżuri ta’ kamp ta’ applikazzjoni ġenerali u mfassla sabiex jemendaw elementi mhux essenzjali ta’ strument bażiku adottat skond il-proċedura msemmija fl-Artikolu 251 tat-Trattat, inter alia billi jħassru xi wħud minn dawk l-elementi jew billi jissupplimentaw l-istrument b’elementi mhux essenzjali ġodda.

(3)

Konformement mad-dikjarazzjoni tal-Parlament Ewropew, tal-Kunsill u tal-Kummissjoni dwar id-Deċiżjoni 2006/512/KE (5), sabiex il-proċedura regolatorja bi skrutinju tkun applikabbli għall-istrumenti adottati skond il-proċedura msemmija fl-Artikolu 251 tat-Trattat, li jkunu diġa’ fis-seħħ, dawk l-istrumenti għandhom jiġu aġġustati skond il-proċeduri applikabbli.

(4)

Il-Kummissjoni għandha tingħata is-setgħa li tiddeċiedi dwar l-applikabbiltà fil-Komunità ta’ standards internazzjonali tal-kontabbiltà. Ladarba dawk il-miżuri għandhom ambitu ġenerali u huma maħsuba biex jemendaw l-elementi mhux essenzjali tar-Regolament (KE) Nru 1606/2002 billi jissupplimentaw dak ir-Regolament b’elementi ġodda mhux essenzjali, huma għandhom jiġu adottati skond il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(5)

Fid-dawl tal-fatt li l-applikazzjoni tal-proċedura regolatorja bi skrutinju fil-limiti ta’ l-iskadenzi tas-soltu tista’ f’ċerti sitwazzjonijiet eċċezzjonali toħloq diffikultajiet għall-adozzjoni ta’ standards ġodda ta’ kontabbiltà, u ta’ emendi għal standards eżistenti ta’ kontabbiltà jew ta’ interpretazzjonijiet ta’ standards eżistenti ta’ kontabbiltà fi żmien suffiċjenti sabiex dawn jiġu applikati mill-kumpanniji għas-sena finanzjarja rilevanti, il-Parlament Ewropew, il-Kunsill u l-Kummissjoni għandhom jaġixxu rapidament sabiex jiżguraw li dawk l-istandards u interpretazzjonijiet jiġu adottati f’waqthom sabiex ma jiġux imminati l-għarfien u l-fiduċja ta’ l-investitur.

(6)

Ir-Regolament (KE) Nru 1606/2002 għandu għalhekk jiġi emendat kif meħtieġ,

1.

l-Artikolu 3(1) għandu jiġi sostitwit b’dan li ġej:

“1.   Il-Kummissjoni għandha tiddeċiedi dwar l-applikabbiltà fil-Komunità ta’ standards internazzjonali tal-kontabilità. Dawk il-miżuri, maħsuba biex jemendaw elementi mhux essenzjali ta’ dan ir-Regolament billi jissupplimentawh, għandhom jiġu adottati skond il-proċedura regolatorja bi skrutinju msemmija fl-Artikolu 6(2).”;

2.

l-Artikolu 6 għandu jiġi emendat kif ġej: