This document is an excerpt from the EUR-Lex website
Document 32007R0593
Commission Regulation (EC) No 593/2007 of 31 May 2007 on the fees and charges levied by the European Aviation Safety Agency (Text with EEA relevance)
Regolament tal-Kummissjoni (KE) Nru 593/2007 tal- 31 ta’ Mejju 2007 dwar drittijiet u ħlasijiet imposti mill-Aġenzija Ewropea tas-Sigurtà ta' l-Avjazzjoni (Test b’relevanza għaż-ŻEE)
Regolament tal-Kummissjoni (KE) Nru 593/2007 tal- 31 ta’ Mejju 2007 dwar drittijiet u ħlasijiet imposti mill-Aġenzija Ewropea tas-Sigurtà ta' l-Avjazzjoni (Test b’relevanza għaż-ŻEE)
ĠU L 140, 1.6.2007, p. 3–20
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/03/2014; Imħassar b' 32014R0319
1.6.2007 |
MT |
Il-Ġurnal Uffiċjali ta’ l-Unjoni Ewropea |
L 140/3 |
REGOLAMENT TAL-KUMMISSJONI (KE) Nru 593/2007
tal-31 ta’ Mejju 2007
dwar drittijiet u ħlasijiet imposti mill-Aġenzija Ewropea tas-Sigurtà ta' l-Avjazzjoni
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1592/2002 tal-Parlament Ewropew u tal-Kunsill tal-15 ta’ Lulju 2002, dwar regoli komuni fil-kamp ta’ l-avjazzjoni ċivili u li jistabbilixxi Aġenzija tas-Sigurtà ta' l-Avjazzjoni Ewropea (1), u b’mod partikolari l-Artikolu 53 (1) tiegħu,
Wara li kkonsultat mal-Bord tat-Tmexxija ta’ l-Aġenzija Ewropea tas-Sigurtà ta' l-Avjazzjoni,
Billi:
(1) |
Ir-Regolament tal-Kummissjoni (KE) Nru 488/2005 tal-21 ta’ Marzu 2005 (2), stabbilixxa d-drittijiet u l-ħlasijiet li għandhom jiġu imposti mill-Aġenzija Ewropea tas-Sigurtà ta' l-Avjazzjoni (minn hawn 'il quddiem imsejħa “l-Aġenzija”). |
(2) |
Id-dħul ta’ l-Aġenzija jikkonsisti f’kontribuzzjoni mill-Komunità u minn kull pajjiż terz Ewropew li jkun daħal biex jifforma parti mill-ftehim imsemmi fl-Artikolu 55 tar-Regolament (KE) Nru 1592/2000, dwar id-drittijiet imħallsa minn applikanti għal ċertifikati u approvazzjonijiet maħruġin, u ħlasijiet għal pubblikazzjonijiet, it-trattament ta’ appelli, taħriġ u kull servizz ieħor mogħti mill-Aġenzija. |
(3) |
Id-dħul u l-infiq ta’ l-Aġenzija għandhom jaqblu. |
(4) |
Drittijiet u ħlasijiet imsemmija f’dan ir-Regolament għandhom jintalbu u jiġu imposti mill-Aġenzija biss u f' EUR. Huma għandhom ikunu stabbiliti b’mod trasparenti, ġust u uniformi. |
(5) |
Id-drittijiet imposti mill-Aġenzija m’għandhomx jipperikolaw il-kompetittività ta’ l-industriji Ewropej ikkonċernati. Barra minn hekk, għandhom jiġu stabbiliti fuq bażi li tikkunsidra kif xieraq il-kapaċità ta’ impriżi żgħar li jħallsu. |
(6) |
Waqt li s-sigurtà fl-avjazzjoni ċivili għandha tiġi l-ewwel u qabel kollox, l-Aġenzija għandha, madankollu, tqis sewwa l-effiċjenza fl-infiq meta tkun qed twettaq il-ħidmiet li jaqgħu taħtha. |
(7) |
Il-post ġeografiku ta’ l-impriżi fit-territorji ta’ l-Istati Membri m’għandux ikun fattur diskriminatorju. Għaldaqstant, l-ispejjeż ta’ l-ivvjaġġar li għandhom x’jaqsmu max-xogħol ta’ ċertifikazzjoni magħmul f’isem dawn l-impriżi għandhom jinġabru u jinqasmu bejn l-applikanti. |
(8) |
L-applikant għandu jkun informat, sa kemm huwa possibbli, bl-ammont previst li jkollu jħallas għas-servizz li jkun se jingħata u bil-mod li bih għandu jsir il-ħlas qabel ma jibda jingħata s-servizz. Il-kriterji biex jiġi stabbilit l-ammont li jkollu jitħallas għandhom ikunu ċari, uniformi u pubbliċi. Fejn huwa impossibbli li l-ammont ikun stabbilit minn qabel, l-applikant għandu jkun mgħarraf b’dan qabel ma jibda jingħata s-servizz. F’każ bħal dan għandu jkun hemm qbil, qabel ma jingħata s-servizz, fuq regoli ċari dwar kif għandu jkun stmat l-ammont li jkollu jitħallas waqt li jkun qed jingħata s-servizz. |
(9) |
L-industrija għandha tgawdi minn viżibilità finanzjarja tajba u tkun tista’ tantiċipa l-ispiża tad-drittijiet li jkun jeħtiġilha tħallas. Fl-istess waqt, jeħtieġ li jkun assigurat bilanċ bejn l-infiq ġenerali ta’ l-Aġenzija meta din tagħmel xogħol ta’ ċertifikazzjoni u d-dħul ġenerali mid-drittijiet li timponi. Għandu, għaldaqstant, ikun possibbli li l-livelli tad-drittijiet ikunu riveduti kull sena abbażi tar-riżultati u t-tbassir finanzjarju ta’ l-Aġenzija. |
(10) |
Partijiet interessati għandhom jiġu kkonsultati qabel kull tibdil fid-drittijiet. Barra minn hekk, l-Aġenzija għandha tagħti regolarment lill-partijiet interessati t-tagħrif dwar kif u fuq liema bażi jiġu kkalkolati d-drittijiet. Dan it-tagħrif għandu jagħti lill-partijiet interessati idea ta’ l-ispejjeż li tiltaqa’ magħhom l-Aġenzija u l-produttività tagħha. |
(11) |
It-tariffi stabbiliti b’dan ir-Regolament għandhom ikunu bbażati fuq it-tbassir ta’ l-Aġenzija fuq l-ammont ta’ xogħol tagħha u spejjeż relattivi. |
(12) |
Dan ir-Regolament għandu jiġi rivedut fi żmien ħames snin minn meta jidħol fis-seħħ. |
(13) |
Ir-Regolament (KE) Nru 488/2005 għandu jkun revokat. |
(14) |
Il-miżuri msemmija f’dan ir-Regolament huma skond l-opinjoni tal-Kumitat imwaqqaf bl-Artikolu 54 (1) tar-Regolament (KE) Nru 1592/2002, |
ADOTTAT DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Dan ir-Regolament għandu japplika għad-drittijiet u l-ħlasijiet miġburin mill-Aġenzija Ewropea tas-Sigurtà ta' l-Avjazzjoni, ’il quddiem “l-Aġenzija”, biex jagħmlu tajjeb għas-servizzi li tipprovdi, inkluża l-provvista ta’ oġġetti.
Huwa jistabbilixxi, b’mod partikolari, l-affarijiet li għalihom huma dovuti d-drittijiet u l-ħlasijiet imsemmija fl-Artikolu 48 (1) tar-Regolament (KE) Nru 1592/2002, l-ammont ta’ dawk id-drittijiet u l-ħlasijiet u mod ta’ kif għandu jsir il-ħlas.
Artikolu 2
Għall-finijiet ta’ dan ir-Regolament, għandhom japplikaw it-tifsiriet li ġejjin:
(a) |
“drittijiet” tfisser l-ammonti miġburin mill-Aġenzija u li applikanti jħallsu biex jiksbu, iżommu jew jemendaw iċ-ċertifikati msemmija fl-Artikolu 15 tar-Regolament (KE) Nru 1592/2002 li jinħarġu, jinżammu jew jiġu emendati mill-Aġenzija; |
(b) |
“ħlasijiet” tfisser l-ammonti imposti mill-Aġenzija u li applikanti jħallsu għal servizzi, ħlief għal xogħol ta’ ċertifikazzjoni, mogħtija mill-Aġenzija; |
(c) |
“xogħol ta’ ċertifikazzjoni” tfisser l-attivitajiet kollha mwettqa mill-Aġenzija direttament jew indirettament bl-iskop li jinħarġu, jinżammu jew ikunu emendati ċ-ċertifikati msemmija fl-Artikolu 15 tar-Regolament (KE) Nru 1592/2002; |
(d) |
“applikant” tfisser kull persuna naturali jew ġuridika li titlob li tibbenefika minn servizz mogħti mill-Aġenzija, li jinkludi l-ħruġ, iż-żamma jew l-emenda ta’ ċertifikat; |
(e) |
“spejjeż ta’ vjaġġar” tfisser spejjeż ta’ trasport, spejjeż għal akkomodazzjoni u ikel, spejjeż inċidentali u allowances ta’ vjaġġar imħallsin lil persunal għal xogħol ta’ ċertifikazzjoni; |
(f) |
“spiża reali” tfisser in-nefqa attwali ta’ l-Aġenzija. |
KAPITOLU II
DRITTIJIET
Artikolu 3
1. Il-drittijiet għandhom jassiguraw dħul totali li jkun biżżejjed biex jagħmel tajjeb għall-ispejjeż kollha li jsiru għal xogħol ta’ ċertifikazzjoni, inklużi spejjeż ta’ sorveljanza kontinwa.
2. L-Aġenzija għandha tiddistingwi minn fost id-dħul u l-infiq tagħha dawk li jkunu attribwibbli għal xogħol ta’ ċertifikazzjoni. Għal dan l-iskop:
(a) |
id-drittijiet miġburin mill-Aġenzija għandhom jinżammu f’kont separat u għandhom ikunu s-suġġett ta’ proċedura separata ta’ kontabilità; |
(b) |
l-Aġenzija għandha tagħmel kontijiet analitiċi tad-dħul u l-infiq tagħha. |
3. Id-drittijiet għandhom ikunu s-suġġett ta’ stima ġenerali provviżorja fil-bidu ta’ kull sena finanzjarja. Din l-istima għandha tkun ibbażata fuq ir-riżultati finanzjarji preċedenti ta’ l-Aġenzija, l-istima tagħha ta’ nfiq u dħul u l-pjan tagħha ta’ ħidma għal quddiem.
Jekk fi tmiem sena finanzjarja d-dħul ġenerali mid-drittijiet, li jikkostitwixxu dħul assenjat skond l-Artikolu 53 tar-Regolament (KE) Nru 1592/2002, ikun aktar mill-ispiża ġenerali għal xogħol ta’ ċertifikazzjoni, iż-żejjed għandu jintuża biex jiffinanzja xogħol ta’ ċertifikazzjoni skond ir-regolament Finanzjarju ta’ l-Aġenzija.
Artikolu 4
Id-dritt li għandu jitħallas mill-applikant għal xogħol ta’ ċertifikazzjoni partikulari għandu jikkonsisti:
(a) |
f’ammont wieħed varjabbli skond ix-xogħol involut li jirrifletti l-ispiża magħmula mill-Aġenzija biex twettaq dak ix-xogħol. L-ammonti differenti ta’ dritt uniformi huma stabbiliti fit-Taqsimiet I u III ta’ l-Anness; jew, |
(b) |
ammont varjabbli proporzjonat mal-kwantità tax-xogħol involut, muri f’għadd ta’ sigħat immultiplikati bid-dritt għal kull siegħa. Id-dritt għal kull siegħa għandu jirrifletti l-ispejjeż kollha li jirriżultaw minn xogħol ta’ ċertifikazzjoni. Ix-xogħol ta’ ċertifikazzjoni li jitħallas abbażi ta’ kull siegħa, kif ukoll id-dritt applikabbli għal kull siegħa, huma speċifikati fit-Taqsima II ta’ l-Anness. |
Artikolu 5
1. L-ammonti stabbiliti fl-Anness għandhom jiġu ppubblikati fil-pubblikazzjoni uffiċjali ta’ l-Aġenzija.
2. Dawn l-ammonti għandhom jiġu indiċjati kull sena mar-rata ta’ inflazzjoni stabbilita fit-Taqsima V ta’ l-Anness.
3. L-Anness għandu jkun rivedut kull sena jekk dan ikun meħtieġ.
4. L-Aġenzija għandha tibgħat kull sena lill-Kummissjoni, lill-Bord tat-Tmexxija u lill-korp konsultattiv ta’ partijiet interessati stabbilit skond l-Artikolu 24 tar-Regolament (KE) Nru 1592/2002, tagħrif dwar il-komponenti li jservu bħala bażi biex jiġi stabbilit il-livell tad-drittijiet. Dan it-tagħrif għandu jikkonsisti b’mod partikulari f’analiżi dettaljata ta’ l-ispejjeż relattivi għas-snin ta’ qabel u ta’ dawk li jmiss. L-Aġenzija għandha wkoll tagħti lill-Kummissjoni, lill-Bord tat-Tmexxija u lill-korp konsultattiv ta’ partijiet interessati, darbtejn fis-sena, it-tagħrif dwar il-prestazzjoni li tidher fit-Taqsima VI ta’ l-Anness u bl-indikaturi ta’ prestazzjoni msemmija fil-paragrafu 5.
5. Fi żmien sitt xhur mid-dħul fis-seħħ ta’ dan ir-Regolament l-Aġenzija għandha, wara li tikkonsulta mal-korp konsultattiv ta’ partijiet interessati, tadotta sett ta’ indikaturi ta’ prestazzjoni billi tqis partikularment it-tagħrif elenkat fit-Taqsima VI ta’ l-Anness.
6. L-Aġenzija għandha tikkonsulta mal-korp konsultattiv ta’ partijiet interessati qabel ma tagħti opinjoni dwar kull bidla fid-drittijiet. Waqt konsultazzjoni bħal din, l-Aġenzija għandha tfisser ir-raġunijiet għal kull proposta għal modifika fil-livell ta’ drittijiet.
Artikolu 6
Bla ħsara għall-Artikolu 4, meta jsir xogħol ta’ ċertifikazzjoni, kollu jew parti minnu, lil hinn mit-territorji ta’ l-Istati Membri, il-fattura tad-dritt dovut mill-applikant għandha tinkludi l-ispejjeż korrispondenti ta’ vjaġġar ’il hinn minn dawk it-territorji, skond il-formola:
d = f + v
fejn:
d |
= |
id-dritt dovut |
f |
= |
id-dritt li jikkorrispondi max-xogħol li jkun sar, kif hemm stabbilit fl-Anness |
v |
= |
spejjeż addizzjonali ta’ vjaġġar, skond in-nefqa attwali |
L-ispejjeż addizzjonali ta’ vjaġġar skond il-fattura mibgħuta lill-applikant għandhom jinkludu l-ħin li esperti jieħdu f’mezzi ta’ trasport ’il hinn mit-territorji ta’ l-Istati Membri. L-għadd rilevanti ta’ sigħat għandu jidher fil-fattura skond id-dritt għal kull siegħa.
Artikolu 7
Fuq talba ta’ l-applikant u bil-kunsens tad-Direttur Eżekuttiv ta’ l-Aġenzija, xogħol ta' ċertifikazzjoni jista’, f'każijiet eċċezzjonali, jsir kif se jingħad:
(a) |
billi għax-xogħol ikunu assenjati kategoriji ta’ persunal li normalment l-Aġenzija ma kinitx tassenja skond il-proċeduri standard tagħha, u/jew |
(b) |
billi jkunu assenjati dawk ir-riżorsi umani biex ix-xogħol isir aktar malajr milli skond il-proċeduri standard ta’ l-Aġenzija. |
F’każ bħal dan, għandha tiġi applikata żieda eċċezzjonali mad-dritt impost biex tagħmel tajjeb għall-ispejjeż kollha ta’ l-Aġenzija biex hija tissodisfa din it-talba speċjali.
Artikolu 8
1. Id-dritt għandu jitħallas mill-applikant. Dan għandu jitħallas f'EUR. L-applikant għandu jassigura li l-Aġenzija titħallas l-ammont kollu dovut. Drittijiet bankarji li jista’ jkun hemm relattivi għall-ħlas tad-dritt għandhom jitħallsu mill-applikant.
2. Il-ħruġ, iż-żamma u/jew l-emenda ta’ ċertifikat għandhom ikunu suġġetti għal ħlas minn qabel ta’ l-ammont kollu tad-dritt dovut, sakemm ma jkunx ġie miftiehem xort’oħra bejn l-Aġenzija u l-applikant. Fil-każ ta’ nuqqas ta’ ħlas, l-Aġenzija tista’ tirrevoka ċ-ċertifikat rilevanti wara li tkun tat twissija formali lill-applikant.
3. Ammonti ta’ inqas minn jew ugwali għal 1 000 EUR għandhom jitħallsu f’daqqa meta timtela l-applikazzjoni.
4. L-iskala ta’ drittijiet applikata mill-Aġenzija u l-kondizzjonijiet ta’ ħlas għandhom jiġu kkomunikati lill-applikanti meta jippreżentaw l-applikazzjonijiet tagħhom.
5. Għax-xogħol kollu ta’ ċertifikazzjoni li jkun jeħtieġlu l-ħlas ta’ dritt ikkalkolat bis-siegħa, l-Aġenzija tista’, meta tintalab, tagħti stima lill-applikant. L-istima għandha tiġi emendata mill-Aġenzija f’każ li jkun jidher li x-xogħol ikun eħfef jew jista’ jsir aktar malajr milli kien jidher fil-bidu, jew, bil-kontra, jekk jirriżulta aktar kumpless u jieħu aktar fit-tul biex isir milli l-Aġenzija setgħet bassret.
6. Fejn, wara l-ewwel eżami, l-Aġenzija tiddeċiedi li ma taċċettax applikazzjoni, kull dritt li jkun diġà tħallas għandu jintradd lill-applikant, ħlief għal ammont biex jagħmel tajjeb għall-ispejjeż amministrattivi għat-trattament ta’ l-applikazzjoni. Dak l-ammont għandu jkun ekwivalenti għad-doppju tad-dritt għal kull siegħa, kif stabbilit fit-Taqsima II ta’ l-Anness.
7. Fejn xogħol ta’ ċertifikazzjoni jkollu jiġi interrott mill-Aġenzija minħabba li l-applikant ma jkollux mezzi biżżejjed jew ma jkunx konformi mal-ħtiġijiet applikabbli, jew minħabba li l-applikant jiddeċiedi li jabbanduna l-applikazzjoni tiegħu jew jipposponi x-xogħol tiegħu, il-bilanċ ta’ kull dritt dovut, ikkalkolat bis-siegħa, iżda li ma jkunx aktar minn dritt uniformi applikabbli, għandu jitħallas kollu meta l-Aġenzija tieqaf mix-xogħol. L-għadd rilevanti ta’ sigħat għandu jidher fil-fattura skond id-dritt għal kull siegħa, kif stabbilit fit-Taqsima II ta’ l-Anness. Meta, fuq talba ta’ l-applikant, l-Aġenzija terġa’ tibda taħdem fuq xogħol ta’ ċertifikazzjoni li jkun ġie interrott, il-ħlas għal dan ix-xogħol ikun daqs dak ta’ wieħed ġdid.
Artikolu 9
Id-drittijiet għandhom jintalbu u jinġabru biss mill-Aġenzija.
Stati Membri m’għandhomx jiġbru drittijiet għal xogħol ta’ ċertifikazzjoni, anki jekk huma jagħmlu dak ix-xogħol f’isem l-Aġenzija.
L-Aġenzija għandha tirrimborsa lill-Istati Membri għal xogħol ta’ ċertifikazzjoni li jagħmlu f’isimha.
KAPITOLU III
ĦLASIJIET
Artikolu 10
1. Il-ħlasijiet għandhom jinġabru mill-Aġenzija għas-servizzi kollha, inkluża l-provvista ta’ oġġetti, ħlief għal dawk imsemmija fl-Artikolu 3.
Iżda dawn li ġejjin għandhom ikunu mingħajr ħlas:
(a) |
it-trasmissjoni ta’ dokumenti u tagħrif, f’kull għamla, skond ir-Regolament (KE) Nru 1049/2001 tal-Parlament Ewropew u tal-Kunsill (3); |
(b) |
id-dokumenti disponibbli mingħajr ħlas mill-websajt ta’ l-Aġenzija. |
2. Ħlasijiet għandhom ukoll jinġabru mill-Aġenzija meta jkun ippreżentat appell kontra deċiżjoni tagħha, skond l-Artikolu 35 tar-Regolament (KE) Nru 1592/2002.
Artikolu 11
L-ammont ta’ ħlasijiet miġbur mill-Aġenzija għandu jkun ugwali għan-nefqa attwali tas-servizz mogħti, inkluża l-ispiża biex is-servizz ikun disponibbli għall-applikant. Għal dak il-għan, iż-żmien li l-Aġenzija tieħu biex tagħti s-servizz għandu jitniżżel fil-fattura skond id-dritt għal kull siegħa, kif imsemmi fit-Taqsima II ta’ l-Anness.
Il-ħlasijiet li jkollhom isiru meta jiġi ppreżentat appell skond l-Artikolu 35 tar-Regolament (KE) Nru 1592/2002, għandhom ikunu f’għamla ta’ somma b’rata fissa, kif speċifikat fit-Taqsima IV ta’ l-Anness. Fejn l-appell jinqata’ favur il-persuna li tkun ippreżentatu, is-somma ta’ rata fissa għandha tintradd awtomatikament mill-Aġenzija lil dik il-persuna.
L-ammont tal-ħlasijiet għandu jiġi kkomunikat lill-applikant qabel ma jingħata s-servizz, flimkien mal-kondizzjonijiet għall-ħlas tiegħu.
Artikolu 12
Il-ħlasijiet għandhom isiru mill-applikant, jew fil-każ ta’ appell, mill-persuna naturali jew ġuridika li tkun ippreżentat l-appell.
Huma għandhom jitħallsu f'EUR.
L-applikant għandu jassigura li l-Aġenzija titħallas l-ammont sħiħ dovut. Drittijiet bankarji li jista’ jkun hemm u li jkunu relattivi għall-ħlas għandhom jitħallsu mill-applikant.
Sakemm ma jkunx miftiehem xort’oħra bejn l-Aġenzija u l-applikant jew il-persuna naturali jew ġuridika appellanti, il-ħlasijiet għandhom jinġabru qabel ma jingħata s-servizz jew, skond il-każ, qabel ma tibda l-proċedura ta’ l-appell.
Ammonti ta’ inqas minn jew ugwali għal 1 000 EUR għandhom jitħallsu f’daqqa fid-data li fiha timtela’ l-applikazzjoni, jew li fiha jkun ippreżentat l-appell, fi ħlas wieħed.
KAPITOLU IV
DISPOŻIZZJONIJIET TRANSITORJI U FINALI
Artikolu 13
Ir-Regolament (KE) Nru 488/2005 huwa revokat.
Artikolu 14
1. Dan ir-Regolament għandu jidħol fis-seħħ fl-1 ta’ Ġunju 2007. Huwa għandu japplika suġġett għall-kondizzjonijiet li ġejjin:
(a) |
Id-drittijiet li jidhru fit-tabelli 1 sa 5 tat-Taqsima I ta’ dak l-Anness għandhom japplikaw għal kull ċertifikat maħruġ wara l-1 ta’ Ġunju 2007. |
(b) |
Id-drittijiet li jidhru fit-Tabella 6 tat-Taqsima I ta’ l-Anness għandhom japplikaw għad-drittijiet annwali miġbura wara l-1 ta’ Ġunju 2007. |
(c) |
Għal applikanti li kienu mitlubin iħallsu d-dritt ta’ sorveljanza msemmi fil-punt (vi) ta’ l-Anness tar-Regolament (KE) Nru 488/2005 qabel l-1 ta’ Ġunju 2007, id-drittijiet li jidhru fit-Tabella 7 tat-Taqsima I ta’ l-Anness għandhom japplikaw ma’ l-ewwel ħlas akkont annwali dovut fl-aħħar tal-perjodu ta’ tliet (3) snin imsemmi fil-punt (vi) ta’ l-Anness tar-Regolament (KE) Nru 488/2005. |
(d) |
Għal applikanti li kienu mitlubin iħallsu d-drittijiet ta’ sorveljanza msemmija fil-punti (viii), (x), (xiii) jew (xi) ta’ l-Anness tar-Regolament (KE) Nru 488/2005 qabel l-1 ta’ Ġunju 2007, id-drittijiet ta’ sorveljanza li jidhru fit-Tabelli 8, 9 u 10 tat-Taqsima I, u fil-paragrafu 2 tat-Taqsima III, ta’ l-Anness ta’ dan ir-Regolament, rispettivament, għandhom japplikaw ma’ l-ewwel ħlas akkont annwali dovut fl-aħħar tat-tmiem tal-perjodi ta’ sentejn (2) imsemmijin fil-punti (viii), (x) u (xiii) ta’ l-Anness tar-Regolament (KE) Nru 488/2005. |
2. Bla ħsara għall-Artikolu 13, ir-Regolament (KE) Nru 488/2005 għandu jibqa’ japplika għal kull dritt u ħlas li jmorru lil hinn mill-ambitu ta’ l-applikazzjoni ta’ dan ir-Regolament skond il-paragrafu 1.
3. Dan ir-Regolament għandu jiġi rivedut fi żmien ħames snin mid-dħul tiegħu fis-seħħ.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 31 ta’ Mejju 2007.
Għall-Kummissjoni
Jacques BARROT
Viċi President
(1) ĠU L 240, 7.9.2002, p. 1. Ir-Regolament kif l-aħħar emendat bir-Regolament tal-Kummissjoni (KE) Nru 1701/2003 (ĠU L 243, 27.9.2003, p. 5).
(2) ĠU L 81, 30.3.2005, p. 7. Ir-Regolament kif emendat bir-Regolament (KE) Nru 779/2006 (ĠU L 137, 25.5.2006, p. 3).
(3) ĠU L 145, 31.5.2001, p. 43.
ANNESS
Kontenut
Taqsima I: |
Xogħol bi ħlas ta’ dritt uniformi |
Taqsima II: |
Xogħol bi ħlas bis-siegħa |
Taqsima III: |
Drittijiet għal xogħol ieħor ta’ ċertifikazzjoni |
Taqsima IV: |
Ħlasijiet għal appelli |
Taqsima V: |
Rata annwali ta’ inflazzjoni |
Taqsima VI: |
Tagħrif dwar prestazzjoni |
Nota ta’ spjegazzjoni
(1) |
Drittijiet u ħlasijiet huma denominati f'ewro. |
(2) |
Drittijiet relattivi għal prodotti msemmija fit-Tabelli 1 sa 4 tat-Taqsima I huma imposti għal kull operazzjoni u għal kull peijodu ta’ 12-il xahar. Wara l-ewwel peijodu ta’ 12-il xahar, jekk ikun il-każ, dawn id-drittijiet jiġu determinati pro rata temporis (parti waħda (1) minn kull 365 parti tad-dritt annwali rilevanti kull jum wara l-ewwel peijodu ta’ 12-il xahar). Id-drittijiet imsemmijin fit-Tabella 5 huma imposti għal kull operazzjoni. Id-drittijiet imsemmijin fit-Tabella 6 huma imposti għal kull peijodu ta’ 12-il xahar. |
(3) |
Dwar drittijiet relattivi għal organizzazzjonijiet imsemmijin fit-Tabelli 7 sa 10 tat-Taqsima I, drittijiet ta’ approvazzjoni huma imposti darba u drittijiet ta’ sorveljanza huma imposti kull 12-il xahar. |
(4) |
Xogħol bi ħlas bis-siegħa kif imsemmi fit-Taqsima II jintlaqat mid-dritt applikabbli għal kull siegħa, kif speċifikat f’din it-Taqsima, immultiplikat bin-numru attwali ta’ sigħat ta’ xogħol li tkun għamlet l-Aġenzija, jew bl-għadd ta’ sigħat stabbilit f’din it-Taqsima. |
(5) |
Speċifikazzjonijiet ta’ ċertifikazzjoni (CS) imsemmijin f’dan l-Anness huma dawk adottati skond l-Artikolu 14(2) tar-Regolament (KE) Nru 1592/2002 u ppubblikati fil-pubblikazzjoni uffiċjali ta’ l-Aġenzija skond id-Deċiżjoni ta’ l-EASA 2003/8 tat-30 ta’ Ottubru 2003 (www.easa.europa.eu). |
(6) |
“Ajruplani kbar bi ġwienaħ li jduru” (Large rotorcraft) tirreferi għal “CS 29” u “CS 27 cat A”; “Ajruplani żgħar bi ġwienaħ li jduru” (Small rotorcraft) tirreferi għal “CS 27 b”Piż Massimu mat-Tluq (MTOW) taħt it-3 175 Kg u limitat għal 4 sedili, li jinkludu dak tal-pilota, u għal “CS VLR”; “Ajruplani medji bi ġwienaħ li jduru (Medium rotorcraft)” tirreferi għal “CS 27” oħra. |
(7) |
“Derivattiv” tfisser mudell ġdid miżjud ma’ Ċertifikat tat-Tip eżistenti. |
(8) |
Fit-Tabelli 1, 2 u 6 tat-Taqsima I, il-valuri tal-“partijiet” jirreferu għall-prezzijiet rilevanti fil-lista tal-manifattur. |
(9) |
Fit-Tabelli 3 u 4 tat-Taqsima I, “Sempliċi”, “Standard” u “Kumplessi” jirreferu għal li ġej:
|
(10) |
Fit-Tabella 7 tat-Taqsima I, Organizzazzjonijiet tad-Disinn huma kkategorizzati kif ġej:
|
(11) |
Fit-Tabella 8 tat-Taqsima I, il-fatturat li jkun tqies huwa l-fatturat relattiv għal attivitajiet skond l-iskop tal-ftehim. |
(12) |
Fit-Tabelli 7, 9 u 10 tat-Taqsima I, l-għadd tal-persunal li jkun tqies huwa l-għadd tal-persunal relattiv għal attivitajiet skond l-iskop tal-ftehim. |
TAQSIMA I
Xogħol bi ħlas ta’ dritt uniformi
Tabella 1: Ċertifikati tat-Tip u Ċertifikati tat-Tip Ristretti (imsemmijin fis-Sotto-Taqsima B u fis-Sotto-Taqsima O ta’ l-Anness tar-Regolament (KE) Nru 1702/2003 (1))
Dritt wieħed |
|
|
Dritt uniformi |
Inġenji ta’ l-ajru bi ġwienaħ fissi |
|
Iktar minn 150 tunnellata |
2 600 000 |
Iktar minn 50 tunnellata sa 150 tunnellata |
1 330 000 |
Iktar minn 22 tunnellata sa 50 tunnellata |
1 060 000 |
Iktar minn 5,7 tunnellati sa 50 tunnellata |
410 000 |
Iktar minn 2 tunnellati sa 5,7 tunnellati |
227 000 |
Sa 2 tunnellati |
12 000 |
Ajruplani ħfief ħafna, ajruplani tal-baħar |
6 000 |
Ajruplani bi ġwienaħ li jduru |
|
Kbar |
525 000 |
Medji |
265 000 |
Żgħar |
20 000 |
Oħrajn |
|
Bżieżaq |
6 000 |
Propulsjoni |
|
Iktar minn 25 KN |
365 000 |
Sa 25 KN |
185 000 |
Magni mingħajr turbina |
30 000 |
Magni mingħajr turbina CS 22 H |
15 000 |
Skrun ta’ iktar minn 22 t |
10 250 |
Skrun sa 22 t |
2 925 |
Partijiet |
|
Valur ’il fuq minn 20 000 EUR |
2 000 |
Valur bejn 2 000 and 20 000 EUR |
1 000 |
Valur taħt 2 000 EUR |
500 |
Tabella 2: Derivattivi għal Ċertifikati tat-Tip jew Ċertifikati tat-Tip Ristretti
(EUR) |
|
|
Dritt uniformi (2) |
Inġenji ta’ l-ajru bi ġwienaħ fissi |
|
Iktar minn 150 tunnellata |
1 000 000 |
Iktar minn 50 tunnellata sa 150 tunnellata |
500 000 |
Iktar minn 22 tunnellata sa 50 tunnellata |
400 000 |
Iktar minn 5,7 tunnellati sa 50 tunnellata |
160 000 |
Iktar minn 2 tunnellati sa 5,7 tunnellati |
80 000 |
Sa 2 tunnellati |
2 800 |
Ajruplani ħfief ħafna, ajruplani tal-baħar |
2 400 |
Ajruplani bi ġwienaħ li jduru |
|
Kbar |
200 000 |
Medji |
100 000 |
Żgħar |
6 000 |
Oħrajn |
|
Bżieżaq |
2 400 |
Propulsjoni |
|
Iktar minn 25 KN |
100 000 |
Sa 25 KN |
50 000 |
Magni mingħajr turbina |
10 000 |
Magni mingħajr turbina CS 22 H |
5 000 |
Skrun ta’ iktar minn 22 t |
2 500 |
Skrun sa 22 t |
770 |
Partijiet |
|
Valur ’il fuq minn 20 000 EUR |
1 000 |
Valur bejn 2 000 and 20 000 EUR |
600 |
Valur taħt 2 000 EUR |
350 |
Tabella 3: Ċertifikati tat-Tip Supplimentali (imsemmijin fis-Sotto-Taqsima E ta’ l-Anness tar-Regolament (KE) Nru 1702/2003)
(EUR) |
|||
|
Dritt uniformi (3) |
||
Kumplessi |
Standard |
Sempliċi |
|
Inġenji ta’ l-ajru bi ġwienaħ fissi |
|||
Iktar minn 150 tunnellata |
25 000 |
6 000 |
3 000 |
Iktar minn 50 tunnellata sa 150 tunnellata |
13 000 |
5 000 |
2 500 |
Iktar minn 22 tunnellata sa 50 tunnellata |
8 500 |
3 750 |
1 875 |
Iktar minn 5,7 tunnellati sa 50 tunnellata |
5 500 |
2 500 |
1 250 |
Iktar minn 2 tunnellati sa 5,7 tunnellati |
3 800 |
1 750 |
875 |
Sa 2 tunnellati |
1 600 |
1 000 |
500 |
Ajruplani ħfief ħafna, ajruplani tal-baħar |
250 |
250 |
250 |
Ajruplani bi ġwienaħ li jduru |
|||
Kbar |
11 000 |
4 000 |
2 000 |
Medji |
5 000 |
2 000 |
1 000 |
Żgħar |
900 |
400 |
250 |
Oħrajn |
|||
Bżieżaq |
800 |
400 |
250 |
Propulsjoni |
|||
Iktar minn 25 KN |
12 000 |
5 000 |
2 500 |
Sa 25 KN |
5 800 |
2 500 |
1 250 |
Magni mingħajr turbina |
2 800 |
1 250 |
625 |
Magni mingħajr turbina CS 22 H |
1 400 |
625 |
300 |
Skrun ta’ iktar minn 22 t |
2 000 |
1 000 |
500 |
Skrun sa 22 t |
1 500 |
750 |
375 |
Tabella 4: Bidliet maġġuri u tiswijiet maġġuri (imsemmija fis-Sotto-Taqsimiet D u M ta’ l-Anness tar-Regolament (KE) Nru 1702/2003)
(EUR) |
|||
|
|||
Kumplessi |
Standard |
Sempliċi |
|
Inġenji ta’ l-ajru bi ġwienaħ fissi |
|||
Iktar minn 150 tunnellata |
20 000 |
6 000 |
3 000 |
Iktar minn 50 tunnellata sa 150 tunnellata |
9 000 |
4 000 |
2 000 |
Iktar minn 22 tunnellata sa 50 tunnellata |
6 500 |
3 000 |
1 500 |
Iktar minn 5,7 tunnellati sa 50 tunnellata |
4 500 |
2 000 |
1 000 |
Iktar minn 2 tunnellati sa 5,7 tunnellati |
3 000 |
1 400 |
700 |
Sa 2 tunnellati |
1 100 |
500 |
250 |
Ajruplani ħfief ħafna, ajruplani tal-baħar |
250 |
250 |
250 |
Ajruplani bi ġwienaħ li jduru |
|||
Kbar |
10 000 |
4 000 |
2 000 |
Medji |
4 500 |
2 000 |
1 000 |
Żgħar |
850 |
400 |
250 |
Oħrajn |
|||
Bżieżaq |
850 |
400 |
250 |
Propulsjoni |
|||
Iktar minn 25 KN |
5 000 |
2 000 |
1 000 |
Sa 25 KN |
2 500 |
1 000 |
500 |
Magni mingħajr turbina |
1 300 |
600 |
300 |
Magni mingħajr turbina CS 22 H |
600 |
300 |
250 |
Skrun ta’ iktar minn 22 t |
250 |
250 |
250 |
Skrun sa 22 t |
250 |
250 |
250 |
Tabella 5: Bidliet żgħar u tiswijiet żgħar (imsemmijin fis-Sotto-Taqsimiet D u M ta’ l-Anness tar-Regolament (KE) Nru 1702/2003)
(EUR) |
|
|
Dritt uniformi (6) |
Inġenji ta’ l-ajru bi ġwienaħ fissi |
|
Iktar minn 150 tunnellata |
500 |
Iktar minn 50 tunnellata sa 150 tunnellata |
500 |
Iktar minn 22 tunnellata sa 50 tunnellata |
500 |
Iktar minn 5,7 tunnellati sa 50 tunnellata |
500 |
Iktar minn 2 tunnellati sa 5,7 tunnellati |
250 |
Sa 2 tunnellati |
250 |
Ajruplani ħfief ħafna, ajruplani tal-baħar |
250 |
Ajruplani bi ġwienaħ li jduru |
|
Kbar |
500 |
Medji |
500 |
Żgħar |
250 |
Oħrajn |
|
Bżieżaq |
250 |
Propulsjoni |
|
Iktar minn 25 KN |
500 |
Sa 25 KN |
500 |
Magni mingħajr turbina |
250 |
Magni mingħajr turbina CS 22 H |
250 |
Skrun ta’ iktar minn 22 t |
250 |
Skrun sa 22 t |
250 |
Tabella 6: Dritt annwali għal detenturi ta’ Ċertifikati tat-Tip u Ċertifikati Tat-Tip Ristretti ta’ l-EASA u Ċertifikati tat-Tip oħrajn meqjusin bħala aċċettati skond ir-Regolament (KE) Nru 1592/2002
(EUR) |
||
|
||
|
Disinn ta’ l-UE |
Disinn mhux ta’ l-UE |
Inġenji ta’ l-ajru bi ġwienaħ fissi |
||
Iktar minn 150 tunnellata |
270 000 |
90 000 |
Iktar minn 50 tunnellata sa 150 tunnellata |
150 000 |
50 000 |
Iktar minn 22 tunnellata sa 50 tunnellata |
80 000 |
27 000 |
Iktar minn 5,7 tunnellati sa 50 tunnellata |
17 000 |
5 700 |
Iktar minn 2 tunnellati sa 5,7 tunnellati |
4 000 |
1 400 |
Sa 2 tunnellati |
2 000 |
670 |
Ajruplani ħfief ħafna, ajruplani tal-baħar |
900 |
300 |
Ajruplani bi ġwienaħ li jduru |
||
Kbar |
65 000 |
21 700 |
Medji |
30 000 |
10 000 |
Żgħar |
3 000 |
1 000 |
Oħrajn |
||
Bżieżaq |
900 |
300 |
Propulsjoni |
||
Iktar minn 25 KN |
40 000 |
13 000 |
Sa 25 KN |
6 000 |
2 000 |
Magni mingħajr turbina |
1 000 |
350 |
Magni mingħajr turbina CS 22 H |
500 |
250 |
Skrun ta’ iktar minn 22 t |
750 |
250 |
Skrun sa 22 t |
|
|
Partijiet |
||
Valur ’il fuq minn 20 000 EUR |
2 000 |
700 |
Valur bejn 2 000 u 20 000 EUR |
1 000 |
350 |
Valur taħt 2 000 EUR |
500 |
250 |
Tabella 7: L-Approvazzjoni ta’ l-Organizzazzjoni tad-Disinn (imsemmija fis-Sotto-Taqsima J ta’ l-Anness tar-Regolament (KE) Nru 1702/2003)
(EUR) |
|||||
|
DOA 1A |
DOA 1B DOA 2A |
DOA 1C DOA 2B DOA 3A |
DOA 2C DOA 3B |
DOA 3C |
Dritt ta’ approvazzjoni, f'ewro |
|||||
Relattiva għall-persunal taħt 10 |
11 250 |
9 000 |
6 750 |
4 500 |
3 600 |
10 sa 49 |
31 500 |
22 500 |
13 500 |
9 000 |
— |
50 sa 399 |
90 000 |
67 500 |
45 000 |
36 000 |
— |
400 sa 999 |
180 000 |
135 000 |
112 500 |
99 000 |
— |
1 000 sa 2 499 |
360 000 |
— |
— |
— |
— |
2 500 sa 5 000 |
540 000 |
— |
— |
— |
— |
Iktar minn 5 000 |
3 000 000 |
— |
— |
— |
— |
|
Dritt ta’ sorveljanza, f'ewro |
||||
Relattiva għall-persunal taħt 10 |
5 625 |
4 500 |
3 375 |
2 250 |
1 800 |
10 sa 49 |
15 750 |
11 250 |
6 750 |
4 500 |
— |
50 sa 399 |
45 000 |
33 750 |
22 500 |
18 000 |
— |
400 sa 999 |
90 000 |
67 500 |
56 250 |
49 500 |
— |
1 000 sa 2 499 |
180 000 |
— |
— |
— |
— |
2 500 sa 5 000 |
270 000 |
— |
— |
— |
— |
Iktar minn 5 000 |
1 500 000 |
— |
— |
— |
— |
Tabella 8: L-Approvazzjoni ta’ l-Organizzazzjoni tal-Produzzjoni (imsemmija fis-Sotto-Taqsima G ta’ l-Anness tar-Regolament (KE) Nru 1702/2003)
(EUR) |
||
|
Dritt ta’ approvazzjoni, f'ewro |
Dritt ta’ sorveljanza, f'ewro |
Fatturat taħt il-miljun ewro |
9 000 |
6 500 |
Bejn 1 000 000 u 4 999 999 |
38 000 |
28 000 |
Bejn 5 000 000 u 9 999 999 |
58 000 |
43 000 |
Bejn 10 000 000 u 49 999 999 |
75 000 |
57 000 |
Bejn 50 000 000 u 99 999 999 |
270 000 |
200 000 |
Bejn 100 000 000 u 499 999 999 |
305 000 |
230 000 |
Bejn 500 000 000 u 999 999 999 |
630 000 |
475 000 |
Iktar minn 999 999 999 |
900 000 |
2 000 000 |
Tabella 9: L-Approvazzjoni ta’ l-Organizzazzjoni tal-Manutenzjoni (imsemmija fl-Anness I, Sotto-Taqsima F, u fl-Anness II tar-Regolament (KE) Nru 2042/2003 (****))
(EUR) |
||
|
Dritt ta’ approvazzjoni, f'ewro (10) |
Dritt ta’ sorveljanza, f'ewro (10) |
Relattiva għall-persunal taħt 5 |
3 000 |
2 300 |
Bejn 5 u 9 |
5 000 |
4 000 |
Bejn 10 u 49 |
11 000 |
8 000 |
Bejn 50 u 99 |
22 000 |
16 000 |
Bejn 100 u 499 |
32 000 |
23 000 |
Bejn 500 u 999 |
43 000 |
32 000 |
Iktar minn 999 |
53 000 |
43 000 |
(EUR) |
|
Klassifikazzjoni teknika |
Dritt uniformi abbażi tal-klassifikazzjoni teknika, f'ewro (11) |
A 1 |
11 000 |
A 2 |
2 500 |
A 3 |
5 000 |
A 4 |
500 |
B 1 |
5 000 |
B 2 |
2 500 |
B 3 |
500 |
C |
500 |
Tabella 10: L-Approvazzjoni ta’ l-Organizzazzjoni għat-Taħriġ fil-Manutenzjoni (imsemmija fl-Anness IV tar-Regolament (KE) Nru 2042/2003)
(EUR) |
||
|
Dritt ta’ approvazzjoni, f'ewro |
Dritt ta’ sorveljanza, f'ewro |
Relattiva għalt-persunal taħt 5 |
4 000 |
3 000 |
Bejn 5 u 9 |
7 000 |
5 000 |
Bejn 10 u 49 |
16 000 |
14 000 |
Bejn 50 u 99 |
35 000 |
30 000 |
Iktar minn 99 |
42 000 |
40 000 |
TAQSIMA II
Xogħol bi ħlas abbażi ta’ kull siegħa
1. |
Dritt għal kull siegħa:
|
2. |
Bażi ta’ siegħa skond ix-xogħol relattiv:
|
TAQSIMA III
Drittijiet għal xogħol ieħor relattiv għaċ-ċertifikazzjoni
1. |
L-aċċettazzjoni ta’ approvazzjonijiet ekwivalenti għal approvazzjonijiet tat-“taqsima 145” u tat-“taqsima 147” skond il-ftehim bilaterali applikabbli:
|
2. |
L-approvazzjoni ta’ l-organizzazzjoni tal-maniġment tal-kondizzjoni tajba kontinwa għat-titjir (imsemmija fit-taqsima M, is-sotto-taqsima Ġ ta’ l-anness I tar-regolament (ke) nru 2042/2003):
|
3. |
Reviżjonijiet u/jew emendi awtonomi għall-manwal ta’ titjir ta’ inġenji ta’ l-ajru: Bi ħlas daqs ta’ bidla fil-prodott korrispondenti. |
TAQSIMA IV
Ħlasijiet għal appelli
Il-ħlas tad-drittijiet għall-amministrazzjoni ta’ appelli huwa kif jingħad fl-Artrtikolu 35 tar-Regolament (KE) 1592/2002.
Il-ħlas għall-applikazzjonijiet kollha ta’ appelli huwa wieħed fiss kif jidher mit-tabella, immultiplikat bil-koeffiċjent indikat għall-kategorija li tikkorrispondi mal-ħlas għall-persuna jew l-organizzazzjoni kkonċernata.
Il-ħlas għandu jintradd f’dawk il-każijiet fejn l-appell jirriżulta f’revoka ta’ Deċiżjoni ta’ l-Aġenzija.
L-Organizzazzjonijiet jeħtiġilhom jipprovdu ċertifikat iffirmat minn uffiċjal awtorizzat ta’ l-organizzazzjoni kkonċernata biex l-Aġenzija tkun tista’ tiddetermina l-kategorija li tikkorrispondi mal-ħlas.
Ħlas fiss |
10 000 EUR |
Kategorija ta’ ħlas għal persuni naturali |
Koeffiċjent ta’ dritt fiss |
|
0,1 |
Kategorija ta’ ħlas għal organizzazzjonijiet, skond il-fatturat finanzjarju ta’ l-appellant f'euro |
Koeffiċjent ta’ dritt fiss |
inqas minn 100 001 |
0,25 |
bejn 100 001 u 1 200 000 |
0,5 |
bejn 1 200 001 u 2 500 000 |
0,75 |
bejn 2 500 001 u 5 000 000 |
1 |
bejn 5 000 001 u 50 000 000 |
2,5 |
bejn 50 000 001 u 500 000 000 |
5 |
bejn 500 000 001 u 1 000 000 000 |
7,5 |
iktar minn 1 000 000 000 |
10 |
TAQSIMA V
Rata annwali ta’ inflazzjoni
L-ammonti stabbiliti fit-Taqsimiet I, II u III għandhom jiġu indiċjati skond ir-rata ta’ inflazzjoni stabbilita f’din it-Taqsima. Dan l-indiċjar għandu jsir kull sena fl-anniversarju tad-dħul fis-seħħ ta’ dan ir-Regolament.
Rata annwali ta’ inflazzjoni li għandha tintuża: |
EUROSTAT HICP (L-oġġetti kollha) – UE 27 (2005 = 100) Bidla perċentwali/medja ta’ 12-il xahar |
Il-valur tar-rata li għandha titqies: |
Il-valur tar-rata fil-31 ta’ Diċembru qabel l-implimentazzjoni ta’ l-indiċjar |
TAQSIMA VI
Tagħrif dwar il-prestazzjoni
It-tagħrif li ġej għandu jkun relatat ma’ l-aħħar perjodu ta’ 6 xhur qabel ma jinħarġu mill-Aġenzija skond l-Artikolu 5.
|
L-għadd ta’ persunal ta’ l-Aġenzija li jagħmel xogħol ta’ ċertifikazzjoni |
|
L-għadd ta’ sigħat ta’ xogħol mogħti biex jinħadem mill-Amministrazzjonijiet Nazzjonali ta’ l-Avjazzjoni (NAAs) |
|
L-ispiża totali taċ-ċertifikazzjoni |
|
L-għadd ta’ ħidmiet ta’ ċertifikazzjoni magħmulin (kollha jew mibdijin) mill-Aġenzija |
|
L-għadd ta’ ħidmiet ta’ ċertifikazzjoni magħmulin (kollha jew mibdijin) f’isem l-Aġenzija |
|
L-għadd ta’ sigħat li l-persunal ta’ l-Aġenzija ħadem f’attivitajiet għall-kondizzjoni tajba kontinwa għat-titjir |
|
L-ammont totali tal-fattura mibgħuta lill-industrija |
(*) “Sinifikattiv” hija definita fil-paragrafu 21A.101 (b) ta’ l-Anness tar-Regolament (KE) Nru 1702/2003 (u bl-istess mod fil-FAA 21.101 (b)).
(**) “Bażiku”, “livell 1”, “livell 2” u “komponent kritiku” huma definiti fil-proċeduri ta’ implimentazzjoni teknika għal ċertifikazzjoni tal-kondizzjoni tajba għat-titjir u ċertifikazzjoni ambjentali (TIP) lill-abbozz tal-ftehim bilaterali dwar is-Sigurtà ta' l-Avjazzjoni ta’ l-Unjoni Ewropea u l-Istati Uniti ta’ l-Amerika (UE/US).
(***) Kriterji ta’ aċċettazzjoni awtomatika mill-EASA għal bidliet maġġuri tal-livell 2 tal-FAA huma definiti fid-Deċiżjoni tad-Direttur Eżekuttiv ta’ l-EASA 2004/04/CF, jew fil-proċeduri ta’ implimentazzjoni teknika għal ċertifikazzjoni tal-kondizzjoni tajba għat-titjir u ċertifikazzjoni ambjentali (TIP) lill-abbozz tal-ftehim bilaterali dwar is-Sigurtà ta' l-Avjazzjoni ta’ l-UE/US, skond il-każ.
(1) Ir-Regolament tal-Kummissjoni (KE) Nru 1702/2003 ta’ l-24 ta’ Settembru 2003, li jistabbilixxi regoli ta’ implimentazzjoni biex inġenji ta’ l-ajru, prodotti, partijiet u tagħmir relattivi jiġu ċċertifikati bħala tajbin għall-ajru u li ma jagħmlux ħsara lill-ambjent, kif ukoll għaċ-ċertifikazzjoni ta’ organizzazzjonijiet relattivi għad-disinn u l-produzzjoni tagħhom (ĠU L 243, 27.9.2003, p. 6) kif l-aħħar emendat mir-Regolament (KE) Nru 375/2007 (ĠU L 94, 4.4.2007, p. 3).
(2) Għal Derivattivi li jinkludu Bidla/Bidliet Maġġuri sinifikattiva/i, kif deskritt fis-Sotto-Taqsima D ta' l-Anness tar-Regolament (KE) Nru 1702/2003, u li jinvolvu bidliet fil-ġeometrija u/jew fl-impjant tal-mutur ta’ inġenji ta’ l-ajru, għandu japplika d-dritt rispettiv taċ-Ċertifikat tat-Tip jew taċ-Ċertifikat tat-Tip Ristrett, kif definiti fit-Tabella 1.
(3) Għal Ċertifikati tat-Tip Supplimentari li jinvolvu bidliet fil-ġeometrija u/jew fl-impjant tal-makkinarju ta’ inġenji ta’ l-ajru, għandu japplika d-dritt rispettiv taċ-Ċertifikat tat-Tip jew taċ-Ċertifikat tat-Tip Ristrett, kif definiti fit-Tabella 1.
(4) Għal Bidliet Maġġuri sinifikattivi, kif deskritti fis-Sotto-Taqsima D ta’ l-Anness tar-Regolament (KE) Nru 1702/2003, li jinvolvu bidliet fil-ġeometrija u/jew fl-impjant tal-makkinarju ta’ inġenji ta’ l-ajru, għandu japplika d-dritt rispettiv taċ-Ċertifikat tat-Tip jew taċ-Ċertifikat tat-Tip Ristrett, kif definiti fit-Tabella 1.
(5) Bidliet u tiswijiet fuq l-Unità tal-Makkinarju Awżiljari (APU) għandhom ikunu bi ħlas bħala bidliet u tiswijiet fuq magni ta’ l-istess rata ta’ enerġija.
(6) Id-drittijiet stabbiliti f’din it-Tabella m’għandhomx japplikaw għal Bidliet u Tiswijiet żgħar magħmulin minn Organizzazzjonijiet tad-Disinn skond it-Taqsima 21A.263(ċ)(2) ta’ Sotto-Taqsima J ta’ l-Anness tar-Regolament (KE) Nru 1702/2003.
(7) Għal inġenji ta' l-ajru għall-ġarr tal-merkanzija, jiġi applikat koeffiċjent ta’ 0,85 lid-dritt għall-verżjoni ekwivalenti tal-passiġġieri.
(8) Għal detenturi ta’ Ċertifikati tat-Tip multipli u/jew Ċertifikati tat-Tip Ristretti multipli, jiġi applikat tnaqqis tad-dritt annwali għat-tieni Ċertifikat tat-Tip u oħrajn sussegwenti, jew Ċertifikati tat-Tip Ristretti, fl-istess kategorija tal-prodott kif jidher fit-tabella li ġejja:
Prodott f’kategorija identika |
Tnaqqis applikat għal dritt uniformi |
1 |
0 % |
2 |
10 % |
3 |
20 % |
4 |
30 % |
5 |
40 % |
6 |
50 % |
7 |
60 % |
8 |
70 % |
9 |
80 % |
10 |
90 % |
Il-11-il prodott u prodotti sussegwenti |
100 % |
(9) Għal inġenji ta’ l-ajru li minnhom hemm inqas minn 50 eżemplari rreġistrati mad-dinja kollha, attivitajiet kontinwi fuq il-kondizzjoni tajba għat-titjir għandhom ikunu bi ħlas abbażi ta’ siegħa, bid-dritt għal kull siegħa kif stabbilit fit-Taqsima II ta’ l-Anness, sal-livell tad-dritt għall-kategorija tal-prodott rilevanti ta’ l-inġenji ta’ l-ajru. Għal prodotti, partijiet u tagħmir li mhumiex inġenji ta’ l-ajru, il-limitazzjoni tikkonċerna l-għadd ta’ inġenji ta’ l-ajru li fuqhom ikunu installati il-prodott, il-parti jew it-tagħmir imsemmi.
(****) Ir-Regolament tal-Kummissjoni (KE) Nru 2042/2003 ta’ l-20 ta’ Novembru 2003, dwar il-kapaċità kontinwata li jintużaw fl-ajru ta' inġenji ta' l-ajru u prodotti, partijiet u tagħmir ajrunawtiku, u dwar l-approvazzjoni ta' organizzazzjonijiet u persunal involut f'dan ix-xogħolpersunal (ĠU L 315, 28.11.2003, p. 1), kif l-aħħar emendat mir-Regolament (KE) Nru 376/2007 (ĠU L 94, 4.4.2007, p. 18).
(10) Id-dritt li għandu jitħallas għandu jkun magħmul minn dritt uniformi abbażi ta’ l-għadd tal-persunal flimkien ma’ dritt uniformi abbażi tal-klassifikazzjoni teknika.
(11) Għal organizzazzjonijiet li jkollhom diversi klassifikazzjonijiet A u/jew B, għandu jitħallas biss l-ogħla dritt. Għal organizzazzjonijiet bi klassifikazzjoni Ċ u/jew D waħda jew aktar, kull klassifikazzjoni għandha tkun bi ħlas tad-dritt relattiv għall-“klassifikazzjoni Ċ”.