1.3.2007   

MT

Il-Ġurnal Uffiċjali ta’ l-Unjoni Ewropea

4

(1)

Ir-Regolament (KE) Nru 1774/2002 jistipula regoli sanitarji li jirrigwardaw prodotti sekondarji ta' l-annimali mhux maħsuba għall-konsum mill-bniedem. Minħabba n-natura stretta ta' dawn ir-regoli, ingħataw miżuri tranżitorji.

(2)

Ir-Regolament tal-Kummissjoni (KE) Nru 809/2003 tat-12 ta' Mejju 2003 dwar miżuri tranżitorji li jaqgħu taħt ir-Regolament (KE) Nru 1774/2002 tal-Parlament Ewropew u tal-Kunsill fir-rigward ta' l-istandards ta' pproċessar għall-materjal tal-kategorija 3 u demel użat fl-impjanti li jipproduċu l-kompost (2) jipprevedi ċerti miżuri tranżitorji sabiex jagħtu żmien lill-industrija sabiex tadatta u tiżviluppa standards alternattivi ta' pproċessar għall-materjal tal-kategorija 3 u d-demel użat f'impjanti li jipproduċu l-kompost sal-31 ta' Diċembru 2006.

(3)

Ir-Regolament tal-Kummissjoni (KE) Nru 810/2003 tat-12 ta' Mejju 2003 dwar miżuri tranżitorji li jaqgħu taħt ir-Regolament (KE) Nru 1774/2002 tal-Parlament Ewropew u tal-Kunsill fir-rigward ta' l-istandards ta' pproċessar għall-materjal tal-kategorija 3 u demel użat fl-impjanti li jipproduċu l-bijogass (3) jipprevedi ċerti miżuri tranżitorji sabiex jagħtu żmien lill-industrija sabiex tadatta u tiżviluppa standards alternattivi ta' pproċessar għall-materjal tal-kategorija 3 u d-demel użat f'impjanti li jipproduċu l-bijogass sal-31 ta' Diċembru 2006.

(4)

Fis-7 ta' Settembru 2005, l-Awtorità Ewropea tas-Sikurezza ta' l-Ikel (AESI) ħarġet opinjoni dwar is-sikurezza fir-rigward tar-riskji bijoloġiċi ta' l-istandards tat-trattament ta' prodotti sekondarji ta' l-annimali għal produzzjoni tal-bijogass u l-kompost.

(5)

Fuq il-bażi ta' l-opinjoni ta' l-AESI msemmija hawn fuq, ġie adottat ir-Regolament tal-Kummissjoni (KE) Nru 208/2006 tas-7 ta' Frar li jemenda l-Annessi VI u VII għar-Regolament (KE) Nru 1774/2002 tal-Parlament Ewropew u tal-Kunsill fir-rigward ta' standards ta' proċessar għal impjanti ta' produzzjoni tal-bijogass u l-kompost u rekwiżiti għad-demel (4), fis-7 ta' Frar 2006, li jistipula r-rekwiżiti ta' validazzjoni għal standards alternattivi ta' pproċessar.

(6)

Il-miżuri tranżitorji stipulati fir-Regolament (KE) Nru 809/2003 u (KE) Nru 810/2003 ma jirrestrinġux l-operaturi kkonċernati milli jagħmlu użu mill-proċedura ta' validazzjoni introdotta bir-Regolament (KE) Nru 208/2006.

(7)

Standards alternattivi ta' pproċessar issa jistgħu jiġu approvati mill-awtorità kompetenti ta' l-Istati Membri jekk il-validazzjoni twettqet b'suċċess. Minkejja dan, l-Istati Membri jeħtieġu aktar żmien sabiex ilestu l-proċeduri ta' validazzjoni.

(8)

Barra minn dan, proċessi ta' fermentazzjoni mesofilika jintużaw ta' spiss f'ċerti reġjuni ta' l-UE. Proċessi ta' dan it-tip ma kinux indirizzati speċifikament fl-opinjoni ta' l-AESI msemmija hawn fuq. Minkejja dan, jistgħu ma jilħqux ir-rekwiżiti kollha stipulati għall-validazzjoni ta' l-istandards alternattivi ta' pproċessar. Għalhekk il-Kummissjoni ppreżentat mistoqsija lill-AESI fejn fittxet il-parir tagħha dwar is-sikurezza tal-proċessi ta' fermentazzjoni mesofilika. L-AESI qiegħda attwalment tivvaluta r-riskji possibbli ta' dan il-proċess.

(9)

Fl-istennija tal-parir mill-AESI u sabiex jiġi pprovdut żmien ulterjuri lill-Istati Membri għall-validazzjoni ta' proċessi alternattivi, il-miżuri tranżizzjonali previsti fir-Regolamenti (KE) Nru 809/2003 u (KE) Nru 810/2003 għandhom jiġu estiżi għal perjodu ulterjuri ta' żmien sabiex jippermettu lill-Istati Membri jawtorizzaw lill-operaturi jissuktaw japplikaw regoli nazzjonali għall-istandards ta' pproċessar għall-materjali tal-Kategorija 3 u d-demel użati fl-impjanti ta' produzzjoni tal-kompost u l-bijogass.

(10)

Ir-Regolamenti (KE) Nru 809/2003 u (KE) Nru 810/2003 għandhom għalhekk jiġu emendati skond dan.

(11)

Il-miżuri previsti f'dan ir-Regolament huma konformi ma' l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali,