8.1.2008   

MT

Il-Ġurnal Uffiċjali ta’ l-Unjoni Ewropea

93

(1)

Fl-20 ta' Frar 2006 l-Kunsill adotta l-Azzjoni Konġunta 2006/119/PESK li estendiet il-mandat tar-Rappreżentant Speċjali ta' l-Unjoni Ewropea (RSUE) għall-proċess ta' paċi fil-Lvant Nofsani (1) sat-28 ta' Frar 2007.

(2)

Fis-7 ta' Ġunju 2006 l-Kunsill approva l-politika ta' l-Unjoni Ewropea dwar is-sigurtà tal-persunal skjerat barra l-Unjoni Ewropea f'kapaċità operattiva taħt it-Titolu V tat-Trattat ta' l-Unjoni Ewropea.

(3)

Fl-14 ta' Novembru 2005, il-Kunsill adotta l-Azzjoni Konġunta 2005/797/PESK dwar il-Missjoni tal-Pulizija ta' l-Unjoni Ewropea għat-territorji Palestinjani (2), l-EUPOL COPPS, li tagħti rwol speċifiku għar-RSUE.

(4)

Fil-25 ta' Novembru 2005 l-Kunsill adotta l-Azzjoni Konġunta 2005/889/PESK dwar l-istabbiliment ta' Missjoni ta' l-Unjoni Ewropea ta' Assistenza fil-Fruntieri għall-Punt ta' Qsim ta' Rafah (EU BAM Rafah) (3), u li tagħti wkoll rwol speċifiku għar-RSUE.

(5)

Abbażi ta' reviżjoni ta' l-Azzjoni Konġunta 2006/119/PESK, il-mandat tar-RSUE għandu jiġi emendat u estiż b'perijodu ta' 12-il xahar.

(6)

Ir-RSUE sejjer jimplimenta l-mandat tiegħu fil-kuntest ta' sitwazzjoni li tista' tiddeterjora u li tista' tagħmel ħsara lill-objettivi tal-Politika Estera u ta' Sigurtà Komuni stabbiliti fl-Artikolu 11 tat-Trattat,

(a)

soluzzjoni ta' żewġ Stati b'Iżrael u bi Stat Palestinjan demokratiku, vijabbli, paċifiku u sovran jgħixu maġenb xulxin fi ħdan fruntieri sikuri u rikonoxxuti, li jgawdu relazzjonijiet normali mal-ġirien tagħhom skond ir-Riżoluzzjonijiet 242 (1967), 338 (1973), 1397 (2002) u 1402 (2002) tal-Kunsill tas-Sigurtà tan-Nazzjonijiet Uniti (NU) u l-prinċipji tal-konferenza ta' Madrid;

(b)

soluzzjoni fil-linji Iżrealita-Sirjana u Iżraelita-Libaniża;

(ċ)

soluzzjoni ġusta għall-kwistjoni kumplessa ta' Ġerusalemm u soluzzjoni ġusta, vijabbli u miftehma għall-problema tar-refuġjati Palestinjani;

(d)

tlaqqigħ ta' konferenza ta' paċi fi żmien xieraq, li għandha tindirizza aspetti politiċi u ekonomiċi kif ukoll materji relatati mas-sigurtà, tikkonferma l-parametri ta' soluzzjoni politika u tistabbilixxi skeda realistika u definita tajjeb ta' żmien;

(e)

l-istabbiliment ta' arranġamenti sostenibbli u effettivi tal-pulizija ta' appartenenza Palestinjana skond l-aħjar standards internazzjonali, f'koperazzjoni mal-programmi tal-Komunità Ewropea għall-bini ta' istituzzjonijiet kif ukoll ma' sforzi internazzjonali oħra fil-kuntest usa' tas-Settur tas-Sigurtà, inkluża r-Riforma tal-Ġustizzja Kriminali;

(f)

it-tkomplija ta' proviżjoni ta' preżenza ta' parti terza fil-Punt ta' Qsim ta' Rafah sabiex tikkontribwixxi, f'koperazzjoni ma' l-isforzi tal-Komunità għall-bini ta' istituzzjonijiet, għall-ftuħ tal-Punt ta' Qsim ta' Rafah u sabiex tinbena l-fiduċja bejn il-Gvern ta' l-Iżreal u l-Awtorità Palestinjana.

(a)

taħdem mal-partijiet u ma' sħab fil-komunità internazzjonali, speċjalment fi ħdan il-qafas tal-Kwartett tal-Lvant Nofsani, sabiex tiġi segwita kull opportunità għall-paċi u għal futur deċenti għan-nies kollha tar-reġjun;

(b)

tkompli tassisti fir-riformi politiċi u amministrattivi Palestinjani, fil-proċess elettorali u fir-riformi tas-sigurtà;

(ċ)

tikkontribwixxi bis-sħiħ għall-bini tal-paċi, kif ukoll għall-irkupru ta' l-ekonomija Palestinjana bħala parti integrali ta' l-iżvilupp reġjonali.

(a)

jipprovdi kontribut attiv u effiċjenti mill-Unjoni Ewropea għal azzjonijiet u inizjattivi li jwasslu għal riżoluzzjoni finali tal-kunflitt bejn l-Iżrael u l-Palestina u tal-kunflitti bejn l-Iżrael u s-Sirja u bejn l-Iżrael u l-Libanu;

(b)

jiffaċilita u jżomm kuntatt mill-qrib mal-partijiet kollha għall-proċess ta' paċi fil-Lvant Nofsani, ma' pajjiżi oħra tar-reġjun, ma' membri tal-Kwartett tal-Lvant Nofsani u ma' pajjiżi rilevanti oħra, kif ukoll man-NU u ma' organizzazzjonijiet internazzjonali rilevanti oħra, sabiex jaħdem magħhom fit-tisħiħ tal-proċess ta' paċi;

(ċ)

jiżgura preżenza kontinwa ta' l-Unjoni Ewropea fuq il-post u f'fora internazzjonali rilevanti oħra u jikkontribwixxi għall-maniġġar u l-prevenzjoni ta' kriżijiet;

(d)

josserva u jappoġġa n-negozjati għall-paċi bejn il-partijiet u joffri l-pariri u l-medjazzjoni ta' l-Unjoni Ewropea skond il-każ;

(e)

jikkontribwixxi, meta jkun mitlub, għall-implimentazzjoni ta' ftehim internazzjonali milħuqa bejn il-partijiet u jinvolvi ruħu magħhom diplomatikament fil-każ ta' nuqqas ta' konformità mat-termini ta' dawn il-ftehim;

(f)

jagħti attenzjoni partikolari lil fatturi li jkollhom implikazzjoni għad-dimensjoni reġjonali tal-proċess ta' paċi fil-Lvant Nofsani;

(g)

jinvolvi ruħu b'mod kostruttiv ma' firmatarji għall-ftehim fi ħdan il-qafas tal-proċess ta' paċi sabiex jippromwovi konformità man-normi bażiċi tad-demokrazija, inklużi r-rispett għad-drittijiet tal-bniedem u l-istat ta' dritt;

(h)

jikkontribwixxi għall-implimentazzjoni tal-politika ta' l-Unjoni Ewropea dwar id-drittijiet tal-bniedem u l-Linji Gwida ta' l-Unjoni Ewropea dwar id-Drittijiet tal-Bniedem, b'mod partikolari fir-rigward ta' tfal u nisa f'żoni milquta minn konflitt, speċjalment bil-monitoraġġ u l-indirizz ta' żviluppi f'dan ir-rigward.

(i)

jirrapporta dwar il-possibbiltajiet li l-Unjoni Ewropea tintervjeni fil-proċess ta' paċi u dwar l-aħjar mod kif jiġu segwiti l-inizjattivi ta' l-Unjoni Ewropea u l-isforzi attwali ta' l-Unjoni Ewropea relatati mal-proċess ta' paċi fil-Lvant Nofsani, bħall-kontribut ta' l-Unjoni Ewropea għar-riformi Palestinjani, u inklużi l-aspetti politiċi tal-proġetti rilevanti ta' l-Unjoni Ewropea għall-iżvilupp;

(j)

jimmonitorja azzjonijiet minn kwalunkwe waħda miż-żewġ naħat dwar l-implimentazzjoni tar-roadmap u dwar kwistjonijiet li jistgħu jippreġudikaw l-eżitu tan-negozjati dwar status permanenti sabiex jippermetti lill-Kwartett tal-Lvant Nofsani jivvaluta aħjar il-konformità tal-partijiet;

(k)

jiffaċilita l-koperazzjoni dwar kwistjonijiet ta' sigurtà fi ħdan il-Kumitat ta' Sigurtà Permanenti Unjoni Ewropea-Palestina stabbilit fid-9 ta' April 1998 kif ukoll b'modi oħra;

(l)

jikkontribwixxi għal komprensjoni aħjar tar-rwol ta' l-Unjoni Ewropea fost opinjonisti ewlenin fir-reġjun;

(m)

jiżviluppa u jimplimenta programm ta' l-Unjoni Ewropea relatat ma' kwistjonijiet ta' sigurtà. Għal dan il-għan, ir-RSUE jista' jiġi mgħejun minn espert responsabbli mill-implimentazzjoni prattika ta' proġetti operattivi relatati ma' kwistjonijiet ta' sigurtà;

(n)

jipprovdi gwida, skond kif ikun meħtieġ, lill-Kap tal-Missjoni/Kummissarju tal-Pulizija ta' l-Uffiċċju ta' Koordinazzjoni ta' l-Unjoni Ewropea għall-Appoġġ tal-Pulizija Palestinjana (EUPOL COPPS);

(o)

jipprovdi gwida, skond kif ikun meħtieġ, lill-Kap tal-Missjoni tal-Missjoni ta' Assistenza tal-Fruntieri ta' l-Unjoni Ewropea għall-Punt ta' Qsim ta' Rafah (EU BAM Rafah).

(i)

jistabbilixxi pjan ta' sigurtà speċifiku għall-missjoni, ibbażat fuq il-gwida tas-Segretarjat Ġenerali tal-Kunsill, li jinkludi miżuri ta' sigurtà fiżiċi, organizzativi u proċedurali speċifiċi għall-missjoni, li jirregolaw l-immaniġġar tal-moviment sikur tal-persunal lejn, u ġewwa, iż-żona tal-missjoni, l-immaniġġar ta' inċidenti ta' sigurtà u pjan ta' kontinġenza u ta' evakwazzjoni tal-missjoni;

(ii)

jiżgura li l-persunal kollu skjerat barra mill-Unjoni Ewropea jkun kopert b'assigurazzjoni ta' riskju għoli kif mitlub mill-kondizzjonijiet fiż-żona tal-missjoni;

(iii)

jiżgura li l-membri kollha tal-grupp tiegħu li ser jiġu skjerati barra mill-Unjoni Ewropea, inkluż il-persunal kuntrattat lokalment, ikunu rċivew taħriġ adegwat ta' sigurtà qabel jew malli jaslu fiż-żona tal-missjoni, ibbażat fuq il-klassifikazzjoni ta' riskju magħżula għaż-żona tal-missjoni mis-Segretarjat Ġenerali tal-Kunsill;

(iv)

jiżgura li r-rakkomandazzjonijiet kollha miftiehma, magħmula wara valutazzjonijiet regolari ta' sigurtà, jiġu implimentati, u jipprovdi lis-SĠ/RGħ, lill-Kunsill u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta' sigurtà fil-qafas tar-rapporti ta' nofs it-terminu u ta' implimentazzjoni tal-mandat;

(v)

jiżgura, kif meħtieġ u fi ħdan ir-responsabbiltajiet tiegħu bħala parti mill-katina ta' kmand, li jittieħed approċċ koerenti fir-rigward tas-sigurtà tal-persunal fl-elementi kollha ta' l-Unjoni Ewropea preżenti f'operazzjoni jew operazzjonijiet ta' maniġġar ta' kriżi fiż-żona ġeografika ta' responsabbiltà tiegħu.