This document is an excerpt from the EUR-Lex website
Document 32006D0195
2006/195/EC: Commission Decision of 2 March 2006 as regards Community financial aid for the year 2006, to certain Community reference laboratories in the veterinary public health field of residues (notified under document number C(2006) 604)
Deċiżjoni tal-Kummissjoni tat- 2 ta' Marzu 2006 fir-rigward ta' l-għajnuna finanzjarja tal-Komunità għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-residwi (innotifikata taħt dokument numru C(2006) 604)
Deċiżjoni tal-Kummissjoni tat- 2 ta' Marzu 2006 fir-rigward ta' l-għajnuna finanzjarja tal-Komunità għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-residwi (innotifikata taħt dokument numru C(2006) 604)
ĠU L 70, 9.3.2006, p. 78–79
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 118M, 8.5.2007, p. 378–379
(MT)
In force
8.5.2007 |
MT |
Il-Ġurnal Uffiċjali ta’ l-Unjoni Ewropea |
378 |
DEĊIŻJONI TAL-KUMMISSJONI
tat-2 ta' Marzu 2006
fir-rigward ta' l-għajnuna finanzjarja tal-Komunità għas-sena 2006, lil ċerti laboratorji ta' referenza tal-Komunità fil-qasam tas-saħħa pubblika veterinarja tar-residwi
(innotifikata taħt dokument numru C(2006) 604)
(It-testi bil-Ġermaniż, bil-Franċiż u bl-Olandiz biss huma awtentiċi)
(2006/195/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-qasam tal-veterinarja (1), u b' mod partikolari l-Artikolu 28(2) tagħha,
Billi:
(1) |
Id-Deċiżjoni 90/424/KEE tipprevedi li l-Komunità għandha tikkontribwixxi sabiex tittejjeb l-effiċjenza ta' l-ispezzjonijiet veterinarji billi tagħti għajnuna finanzjarja lil laboratorji ta' referenza. Kwalunkwe laboratorju ta' referenza indikat bħala tali, jista' jirċievi għajnuna tal-Komunità skond il-leġiżlazzjoni veterinarja tal-Komunità, taħt ċerti kondizzjonijiet. |
(2) |
Ir-Regolament tal-Kummissjoni (KE) Nru 156/2004 tad-29 ta' Jannar 2004 dwar l-assistenza finanzjarja tal-Komunità lil laboratorji ta' referenza tal-Komunità skond l-Artikolu 28 tad-Deċiżjoni 90/424/KEE (2) jipprevedi li l-kontribuzzjoni finanzjarja mill-Komunità għandha tingħata jekk il-programmi ta' ħidma approvati jitwettqu b'mod effiċjenti u jekk il-benefiċjarji jfornu l-informazzjoni kollha meħtieġa f'ċerti limiti ta' żmien. |
(3) |
Il-Kummissjoni vvalutat il-programmi ta' ħidma u l-estimi ta' baġit korrispondenti, ippreżentati mil-laboratorji ta' referenza tal-Komunità kkonċernati għas-sena 2006. |
(4) |
Skond dan, l-għajnuna finanzjarja Komunitarja għandha tingħata lil-laboratorji tar-referenza Komunitarji għall-funzjonijiet u dmirijiet previsti fid-Direttiva tal-Kunsill 96/23/KE tad-29 ta' April 1996 dwar miżuri tagħha dwar il-monitoraġġ ta' ċerti sustanzi u residwi f'annimali u prodotti ta' annimali ħajjin u li tirrevokaw id-Direttivi 85/358/KEE u 86/469/KEE u d-Deċiżjonijiet 89/187/KEE u 91/664/KEE (3). |
(5) |
Flimkien ma' l-għajnuna finanzjarja mill-Komunità, aktar għajnuna għandha tingħata għall-organizzazzjoni ta' workshops f'oqsma li jaqgħu taħt ir-responsabbilità tal-laboratorji ta' referenza tal-Komunità. |
(6) |
Skond l-Artikolu 3(2) tar-Regolament tal-Kunsill (KE) Nru 1258/1999 tas-17 ta' Mejju 1999 dwar l-iffinanzjar tal-politika agrikola komuni (4), il-miżuri tas-saħħa tal-veterinarja u l-pjanti li ttieħdu skond ir-regoli tal-Komunità huma ffinanzjati taħt it-Taqsima tal-Fond Ewropew Agrikolu ta' Gwida u Garanzija. Għal skopijiet ta' kontroll finanzjarju, l-Artikoli 8 u 9 tar-Regolament (KE) Nru 1258/1999, japplikaw għal din id-Deċiżjoni. |
(7) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
1. Il-Komunità tagħti għajnuna finanzjarja lill-Ġermanja għall-funzjonijiet u dmirijiet previsti fl-Anness V, Kapitolu 2, għad-Direttiva 96/23/KE li jridu jitwettqu mill-Bundesamt für Verbraucherschutz und Lebensmittelsicherheit (dawk li kien il-Bundesinstitut für gesundheitlichen Verbraucherschutz und Veterinärmedizin (BGVV)), Berlin, il-Ġermanja, għad-detezzjoni tar-residwi ta' ċerti sustanzi.
Għall-perjodu li jibda mill-1 ta' Jannar 2006 sal-31 ta' Diċembru 2006, dik l-għajnuna finanzjarja mhijiex se tiskorri l-425 000 EUR.
2. Flimkien ma' l-ammont massimu previst fil-paragrafu 1, il-Komunità tagħti għajnuna finanzjarja lill-Ġermanja għall-organizzazzjoni ta' workshop mil-laboratorju msemmi fil-paragrafu 1. Dik l-għajnuna mhijiex se tiskorri t-30 000 EUR.
Artikolu 2
1. Il-Komunità tagħti għajnuna finanzjarja lill-Franza għall-funzjonijiet u dmirijiet previsti fl-Anness V, Kapitolu 2, għad-Direttiva 96/23/EC li jridu jitwettqu mil-Laboratoire d'études et de recherches sur les médicaments vétérinaires et les désinfectants de L'Agence Française de Sécurité Sanitaire des aliments, (dak li kien il-Laboratoire des médicaments veterinaries (CNEVA-LMV)), Fougères, Franza, għad-detezzjoni tar-residwi ta' ċerti sustanzi.
Għall-perjodu li jibda mill-1 ta' Jannar 2006 sal-31 ta' Diċembru 2006, dik l-għajnuna finanzjarja mhijiex se tiskorri l-425 000 EUR.
2. Flimkien ma' l-ammont massimu previst fil-paragrafu 1, il-Komunità tagħti għajnuna finanzjarja lil Franza għall-organizzazzjoni ta' workshop mil-laboratorju msemmi fil-paragrafu 1. Dik l-għajnuna mhijiex se tiskorri t-30 000 EUR.
Artikolu 3
1. Il-Komunità tagħti għajnuna finanzjarja lill-Italja għall-funzjonijiet u dmirijiet previsti fl-Anness V, Kapitolu 2, għad-Direttiva 96/23/KE li jridu jitwettqu mill-Istituto Superiore di Sanità, Ruma, l-Italja, għad-detezzjoni tar-residwi ta' ċerti sustanzi.
Għall-perjodu li jibda mill-1 ta' Jannar 2006 sal-31 ta' Diċembru 2006, dik l-għajnuna finanzjarja mhijiex se tiskorri l-255 000 EUR.
2. Flimkien ma' l-ammont massimu previst fil-paragrafu 1, il-Komunità tagħti għajnuna finanzjarja lill-Italja għall-organizzazzjoni ta' workshop mil-laboratorju msemmi fil-paragrafu 1. Dik l-għajnuna mhijiex se tiskorri t-30 000 EUR.
Artikolu 4
1. Il-Komunità tagħti għajnuna finanzjarja lill-Olanda għall-funzjonijiet u dmirijiet previsti fl-Anness V, Kapitolu 2, għad-Direttiva 96/23/KE li jridu jitwettqu mill-Rijksinstituut voor Volksgezondheid en Milieuhygiëne (RIVM), Bilthoven, l-Olanda, għad-detezzjoni tar-residwi ta' ċerti sustanzi.
Għall-perjodu li jibda mill-1 ta' Jannar 2006 sal-31 ta' Diċembru 2006, dik l-għajnuna finanzjarja mhijiex se tiskorri l-425 000 EUR.
2. Flimkien ma' l-ammont massimu previst fil-paragrafu 1, il-Komunità tagħti għajnuna finanzjarja lill-Olanda għall-organizzazzjoni ta' workshop mil-laboratorju msemmi fil-paragrafu 1. Dik l-għajnuna mhijiex se tiskorri t-30 000 EUR.
Artikolu 5
Din id-Deċiżjoni hija indirizzata lir-Repubblika Federali tal-Ġermanja, ir-Repubblika Franċiża, ir-Repubblika Taljana u r-Renju ta' l-Olanda.
Magħmula fi Brussell, it-2 ta' Marzu 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, tat-18.8.1990, p. 19. Deċiżjoni kif emendata l-aħħar bid-Direttiva Nru 2006/53/KE (ĠU L 29, 2.2.2006, p. 37).
(2) ĠU L 27, tat-30.1.2004, p. 5.
(3) ĠU L 125, tat-23.5.1996, p. 10. Direttiva kif l-aħħar emendata mir-Regolament (KE) Nru 882/2004 tal-Parlament Ewropew u tal-Kunsill (ĠU L 165, tat-30.4.2004, p. 1), kif korreġut mil-ĠU L 191, 28.5.2004, p. 1).
(4) ĠU L 160, tas-26.6.1999, p. 103.