This document is an excerpt from the EUR-Lex website
Document 32005R1293
Commission Regulation (EC) No 1293/2005 of 5 August 2005 amending Regulation (EEC) No 2676/90 determining Community methods for the analysis of wines
1293/2005/KE: Regolament tal-Kummissjoni (KE) Nru 1293/2005 tal- 5 ta' Awwissu 2005 li jemenda r-Regolament (KEE) Nru 2676/90 li jistabbilixxi metodi Komunitarji għall-analiżi tal-inbid
1293/2005/KE: Regolament tal-Kummissjoni (KE) Nru 1293/2005 tal- 5 ta' Awwissu 2005 li jemenda r-Regolament (KEE) Nru 2676/90 li jistabbilixxi metodi Komunitarji għall-analiżi tal-inbid
ĠU L 330M, 9.12.2008, p. 219–222
(MT) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 205, 6.8.2005, p. 12–15
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
No longer in force, Date of end of validity: 31/07/2009; Impliċitament imħassar minn 32009R0606
9.12.2008 |
MT |
Il-Ġurnal Uffiċjali ta’ l-Unjoni Ewropea |
219 |
REGOLAMENT TAL-KUMMISSJONI (KE) Nru 1293/2005
tal-5 ta' Awwissu 2005
li jemenda r-Regolament (KEE) Nru 2676/90 li jistabbilixxi metodi Komunitarji għall-analiżi tal-inbid
IL-KUMMISSJONI TAL-KOMUNITAJIET EWROPEJ,
wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1493/1999 tas-17 ta' Mejju 1999 dwar l-organizzazzjoni komuni tas-suq tal-inbid (1), u b'mod partikolari l-Artikolu 46(3) tiegħu,
Billi:
(1) |
Il-metodu tal-kejl tal-pressjoni żejda tal-inbejjed li jfexfxu u dawk spumanti kien stabbilit skont kriterji rikonoxxuti internazzjonalment. L-Uffiċju Internazzjonali tad-Dwieli u tal-Inbid adotta d-deskrizzjoni ġdida ta' dan il-metodu fl-Assemblea Ġenerali tiegħu tal-2003. |
(2) |
L-użu ta' dan il-metodu jiżgura monitoraġġ iktar sempliċi u preċiż tal-pressjoni żejda f'dawn l-inbejjed. |
(3) |
Id-deskrizzjoni tal-metodu li jintuża s-soltu fil-Kapitolu 37 tal-Anness għar-Regolament tal-Kummissjoni (KEE) Nru 2676/90 (2) mhijiex meħtieġa iktar u għalhekk il-paragrafu 3 tal-Kapitolu 37 għandu jitneħħa. Barra minn hekk, id-deskrizzjoni aġġornata ta' dan il-metodu għandha tiddaħħal f'kapitolu ġdid tal-Anness għal dak ir-Regolament. |
(4) |
Ir-Regolament (KEE) Nru 2676/90 għandu għalhekk jiġi emendat skont dan. |
(5) |
Il-miżuri pprovduti f'dan ir-Regolament huma skont l-opinjoni tal-Kumitat ta' Ġestjoni għall-Inbid, |
ADOTTAT DAN IR-REGOLAMENT:
Artikolu 1
L-Anness għar-Regolament (KE) Nru 2676/90 għandu jiġi emendat skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 5 ta' Awwissu 2005.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bil-Att tal-Adeżjoni tal-2003.
(2) ĠU L 272, 3.10.1990, p. 1. Ir-Regolament kif emendat l-aħħar bir-Regolament (KE) Nru 355/2005 (ĠU L 56, 2.3.2005, p. 3).
ANNESS
L-Anness għar-Regolament (KEE) Nru 2676/90 huwa emendat kif ġej:
(1) |
Il-Kapitolu 37. “Diossidu tal-karbonju” huwa emendat kif ġej:
|
(2) |
Wara l-Kkapitolu 37, it-test illi ġej għandu jiddaħħal bħala l-Kapitolu 37-bis: “37 bis — IL-KEJL TAL-PRESSJONI ŻEJDA FL-INBEJJED SPUMANTI U DAWK LI JFEXFXU 1. IL-PRINĊIPJU Wara li tkun ġiet stabilizzata t-temperatura u l-flixkun ikun tqanqal, il-pressjoni żejda titkejjel bl-afrometru (gejġ tal-pressjoni). Hija titkejjel f'Pascals (Pa) (metodu tat-tip I). Il-metodu japplika wkoll għall-inbejjed spumanti bil-gass miżjud u għal dawk ifexfxu bil-gass miżjud. 2. L-APPARAT L-apparat li jkejjel il-pressjoni żejda fil-fliexken tal-inbejjed spumanti u dawk li jfexfxu jissejjaħ afrometru. Dan għandu għamliet differenti skont it-tappijiet li jintużaw biex jingħalaq il-flixkun (kapsula tal-metall, kapsula forma ta' ras, tapp tas-sufra jew tal-plastik). 2.1. Fliexken li għandhom il-kapsuli Huwa magħmul minn tliet partijiet (dijagramma 1):
2.2. Fliexken li għandhom it-tapp Huwa magħmul minn żewġ partijiet (dijagramma 2):
Rimarki rigward il-manometri li jinsabu ma' dawn iż-żewġ tipi ta' apparat:
3. IL-PROĊEDURA Il-kejl irid isir fuq fliexken li tagħhom it-temperatura tkun ilha stabbli tal-anqas għal 24 siegħa. Wara li jiġu minfuda, ir-ras, it-tapp tas-sufra jew tal-plastik, il-flixkun irid jitqanqal bil-qawwi sakemm tintlaħaq pressjoni kostanti, sabiex ikun jista' jseħħ il-qari. 3.1. Fliexken bil-kapsuli L-ixprun tal-morsa jiżżerżaq taħt iċ-ċirku tal-flixkun. L-iskorfina tiġi ssikkata sakemm l-apparat kollu jkun sod fuq il-flixkun. Il-parti ta' fuq imbagħad tiġi ssikkata fl-iskorfina. Sabiex ma jkunx hemm telf ta' gass it-titqib tal-kapsula għandu jsir malajr kemm jista' jkun, sabiex il-ġonta tiġi tmiss mal-kapsula. Il-flixkun imbagħad irid jitħallat tajjeb ħafna sakemm tintlaħaq pressjoni kostanti u sabiex iseħħ il-qari. 3.2. Fliexken bit-tapp Il-ponta titpoġġa f'tarf il-labra. Dan kollu jitqiegħed fuq it-tapp. Jiġu ssikkati l-erba' viti fuq it-tapp. Tiġi ssikkata l-parti ta' fuq (il-labra tidħol fit-tapp). Il-ponta trid taqa' fil-flixkun sabiex il-pressjoni tkun tista' tgħaddi għall-manometru. Il-qari jsir wara li l-flixkun jitħallat tajjeb sakemm tintlaħaq pressjoni kostanti. Il-ponta tinġabar wara l-qari. 4. L-ESPRESSJONI TAR-RIŻULTATI Il-pressjoni żejda li tilħaq l-20 °C (Paph20) tiġi espressa f'pascals (Pa) jew f'kilopascals (kPa). Dan irid ikun skont il-preċiżjoni tal-manometru (per eżempju: 6,3 × 105 Pa jew 630 kPa u mhux 6,33 × 105 Pa jew 633 kPa għal manometru ta' klassi 1 b'qari ta' skala sħiħa ta' 1 000 kPa). Meta l-kejl tat-temperatura jkun differenti minn 20 °C ikun hemm bżonn korrezzjoni billi l-pressjoni mkejla tiġi multiplikata bil-koeffiċjent xieraq (ara t-tabella 1). Tabella 1 Il-proporzjon bejn il-pressjoni żejda Paph20 tal-inbid li jfexfex jew dak spumanti f'temperatura ta' 20 °C u l-pressjoni żejda Paph t f'temperatura t
5. IL-KONTROLL TAR-RIŻULTATI Il-metodu tad-determinazzjoni diretta tal-parametri fiżiċi (metodu tal-kriterji tat-tip I) L-iċċekkjar tal-afrometri L-afrometri jridu jiġu ċċekkjati regolarment (għallinqas darba fis-sena). L-iċċekkjar isir permezz ta' kejl ta' kalibrazzjoni. Dan iqabbel il-manometru għall-ittestjar ma' manometru ta' referenza, ta' kwalità għolja mkejjel bl-istandards nazzjonali, immuntat b'mod parallel. L-iċċekkjar isir biex jitqabblu l-valuri indikati miż-żewġ apparati għal-livelli ta' pressjonijiet li jitilgħu u jinżlu. Jekk ikun diferenza bejn dawn it-tnejn, il-manometru jista' jiġi rregolat permezz ta' vit. Il-laboratorji u l-entitajiet awtorizzati huma kollha mgħammra b'dan il-kejl ta' kalibrazzjoni; jinsabu wkoll disponibbli mingħand il-manifatturi tal-manometri.” |