21.11.2006   

MT

Il-Ġurnal Uffiċjali ta’ l-Unjoni Ewropea

318

(1)

Id-Direttiva 2002/32/KE tistipola li l-użu ta’ prodotti li huma intenzjonati għall-għalf għall-bhejjem li fihom livelli ta’ sustanzi mhux mixtieqa li jaqbżu l-livelli massimi stipolati fl-Anness I miegħu huwa pprojbit.

(2)

Meta d-Direttiva 2002/32/KE ġiet adottata, il-Kummissjoni stipolat li d-dispożizzjonijiet stipolati fl-Anness I ma’ dik id-Direttiva għandhom jiġu riveduti fuq il-bażi ta’ l-assessjar tar-riskju xjentifiku aġġornat u billi titqies l-projbizzjoni ta’ kull dilwizzjoni ta’ prodotti kkontaminati li mhumiex f’ konformità li huma intenzjonati għall-għalf tal-bhejjem.

(3)

Il-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) adottat opinjoni fuq talba tal-Kummissjoni relatata mal-camphechlor bħala sustanza mhux mixtieqa fl-għalf għall-bhejjem fit-2 ta’ Frar 2005.

(4)

Il-camphechlor huwa insettiċida mhux sistemiku li l-użu tiegħu qiegħed jispiċċa f’ bosta partijiet tad-dinja. It-taħlit tal-camphechlor huwa ta’ kompożizzjoni kumplessa, ta’ mill-inqas 202 konġeneru differenti identifikati. Minħabba l-persistenza u l-proprjetajiet kimiċi tiegħu, il-camphechlor għadu jinstab fl-ambjent.

(5)

Filwaqt li ċerti konġeneri, bħalma huwa s-CHB 32, li huma kostitwenti ewlenin fit-taħlit tekniku, huma soġġetti għall-bijotrasformazzjoni relattivament rapida, konġeneri oħrajn bħalma huma is-CHB 26, 50 u 62 huma iktar persistenti u jibbijoakkumulaw sew fil-katina alimentari. Il-konġeneri CHB 26, 50 u 62 jistgħu jservu ta’ indikaturi tal-kontaminazzjoni bil-camphechlor. Il-preżenza tas-CHB 32 hija indikazzjoni dwar kontaminazzjoni reċenti u tista’ tiġi inkluża fil-programmi ta’ monitoraġġ sabiex jiġu identifikati prattiċi frawdolenti possibbli.

(6)

Is-sorsi ewlenin ta’ l-espożizzjoni għall-camphechlor ta’ l-annimali mill- għalf huma ż-żejt tal-ħuta u oġġetti ta’ l-għalf li fihom il-ħut (fish meal). L-għalf tal-ħut (partikolarment għal speċi karnivori) jista’ jkun fih ammonti ta’ oġġetti ta’ l-għalf li fih il-fish meal jew iż-żejt tal-ħuta. Għal annimali oħrajn l-użu ta’ l-oġġetti ta’ l-għalf li fih il-ħut huwa baxx, għalhekk l-espożizzjoni tagħhom permezz ta’ l-għalf hija iktar baxxa.

(7)

Il-ħut huwa l-iktar sensittiv għat-tossiċità minħabba l-camphechlor. It-trasferiment tal-Camphechlor f’ tessuti li jittieklu ta’ ħut li fih ħafna xaħam huwa għoli, filwaqt li t-trasferiment f’ annimali tar-razzett oħrajn huwa iktar baxx. Il-ħut, partikolarment l-speċi li fihom ħafna xaħam (lipidi), huma s-sors ewlieni ta’ l-espożizzjoni għall-bniedem, filwaqt li sorsi oħrajn huma ta’ inqas importanza.

(8)

Huwa xieraq li jiġu sostitwiti l-livelli massimi ġenarali attwali fir-rigward tal-camphechlor fl-oġġetti ta’ l-għalf kollha, b’ livell massimu ta’ camphechlor fiż-żejt tal-ħuta, fl-oġġetti ta’ l-għalf li fihom il-ħut u fl-għalf għall-ħut sabiex ikun aċċertat li dawn il-prodotti ma jirrappreżentaw ebda periklu għas-saħħa tal-bniedem u ta’ l-annimali. Is-sikurezza ta’ l-għalf isaħħet, minħabba li l-livell ta’ għalf għall-ħut, li jingħata lill-ħut, tnaqqas sew u l-infurzar permezz ta’ kontroll immirat fuq dawn il-prodotti intenzjonati għan-nutriment ta’ l-annimali identifikat bħala s-sors ewlieni ta’ l-espożizzjoni għall-camphechlor għandu jtejjeb is-sikurezza ta’ l-għalf.

(9)

Il-livell massimu ġenerali attwali għall-camphechlor ma jirrifflettix il-livelli attwali normali tal-kontaminazzjoni fl-isfond taż-żejt tal-ħuta. Huwa xieraq li jiġi stabbilit livell massimu fiż-żejt tal-ħuta fejn jitqiesu l-livelli fl-isfond mingħajr ma jkun hemm periklu għas-saħħa ta’ l-annimali u tal-pubbliku. Il-livell massimu għandu jiġi rivedut fid-dawl ta’ l-applikazzjoni meħtieġa fuq skala usa’ ta’ proċeduri ta’ dekontaminazzjoni.

(10)

Id-Direttiva 2002/32/KEE għandha, għalhekk, tiġi emendata b’ mod xieraq.

(11)

Il-miżuri pprovduti f’din id-Direttiva huma in konformità ma’ l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,