EUR-Lex Access to European Union law
This document is an excerpt from the EUR-Lex website
Document 32004L0096
Commission Directive 2004/96/EC of 27 September 2004 amending Council Directive 76/769/EEC as regards restrictions on the marketing and use of nickel for piercing post assemblies for the purpose of adapting its Annex I to technical progress(Text with EEA relevance)
2004/96/KE: Direttiva tal-Kummissjoni 2004/96/KE tas- 27 ta' Settemrbu 2004 temenda d-Direttiva tal-Kunsill 76/769/KE fir-rigward ta' restrizzjonijiet fit-tqegħid fis-suq u fl-użu tan-nikil għall-muntaturi tat-titqib għall-fini tal-addattament tal-Anness I tiegħu mal-progress tekniku Test b'rilevanza għaż-ŻEE.
2004/96/KE: Direttiva tal-Kummissjoni 2004/96/KE tas- 27 ta' Settemrbu 2004 temenda d-Direttiva tal-Kunsill 76/769/KE fir-rigward ta' restrizzjonijiet fit-tqegħid fis-suq u fl-użu tan-nikil għall-muntaturi tat-titqib għall-fini tal-addattament tal-Anness I tiegħu mal-progress tekniku Test b'rilevanza għaż-ŻEE.
ĠU L 301, 28.9.2004, p. 51–52
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 322M, 2.12.2008, p. 1–2
(MT)
No longer in force, Date of end of validity: 31/05/2009
2.12.2008 |
MT |
Il-Ġurnal Uffiċjali ta’ l-Unjoni Ewropea |
1 |
DIRETTIVA TAL-KUMMISSJONI 2004/96/KE
tas-27 ta' Settemrbu 2004
temenda d-Direttiva tal-Kunsill 76/769/KE fir-rigward ta' restrizzjonijiet fit-tqegħid fis-suq u fl-użu tan-nikil għall-muntaturi tat-titqib għall-fini tal-addattament tal-Anness I tiegħu mal-progress tekniku
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabilixxi l-Komunità Ewropea, u
Wara li kkunsidrat id-Direttiva tal-Kunsill 76/769/KEE tas-27 ta' Lulju 1976 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri li għandhom x’jaqsmu mar-restrizzjonijiet dwar il-marketing u l-użu ta’ ċerti sustanzi u preparazzjonijiet perikolużi (1), b'mod partikolari l-Artikolu 2a tagħħa,
Billi:
(1) |
Skont id-Direttiva 76/769/KE kif emendata mid-Direttiva 94/27/KE tal-Parlament Ewropew u tal-Kunsill (2), in-nikil u l-komposti tiegħu ma jistgħux jiġu użati f'ċertu muntaturi għat-titqib u ċerti prodotti oħra sakemm dawn ma jikkonformawx mar-rekwiżiti stipulati fid-Direttiva 76/769/KE. |
(2) |
Ir-riskju ta' sensibilizzazzjoni għan-nikil għall-bniedem minn muntaturi tat-titqib kien evalwat mill-ġdid permezz ta' valutazzjoni tar-riskji speċifika; il-valutazzjoni tar-riskji kkonkludiet illi limitu tal-migrazzjoni għal muntaturi tat-titqib huwa aktar addattat minn limitu tal-kontenut. |
(3) |
Ir-rata l-ġdida tal-ħelsien tan-nikil (limitu tal-migrazzjoni) għandha tkun aġġustata bil-fattur ta' multiplikazzjoni stipulat fl-EN 1811 sabiex jagħmel tajjeb għal varjazzjonijiejt bejn il-laboratorji u ineżattezzi fil-kejl. Il-Kumitat Ewropew għall-Istandardizzazzjoni (CEN) qed ikun mistieden sabiex b'mod partikolari jirrevedi EN 1811 fir-rigward tal-fattur tal-aġġustament u sabiex jipprepara standard rivedut bla fattur tal-aġġustament, jew b'fattur tal-aġġustament iżgħar, jekk ikun il-każ. |
(4) |
Il-valutazzjoni tar-riskji kienet riferita lill-Kumitat Xjentifiku dwar it-Tossiċità, l-Ekotossiċità u l-Ambjent (CSTEE) għal parir espert ieħor u l-CSTEE ikkonferma li limitu tal-migrazzjoni tan-nikil jista' jikkaġuna tnaqqis fir-riskji ta' sensibilizzazzjoni meta paragunat ma' limitu tal-kontenut tan-nikil. |
(5) |
Id-dispożizzjonijiet stipulati f'din id-Direttiva jikkunsidraw l-istat kurrenti ta' għarfien, xjenza u teknika. |
(6) |
Din id-Direttiva tapplika mingħajr preġudizzju għal-leġislazzjoni tal-Komunità li tistipula rekwiżiti minimi għall-protezzjoni tal-ħaddiema, b'mod partikolari d-Direttiva tal-Kunsill 89/391/KEE tat-12 ta' Ġunju 1989 dwar l-introduzzjoni ta' miżuri sabiex jinkoraġġixxu titjib fis-sigurtà u s-saħħa tal-ħaddiema fuq il-post tax-xogħol (3), u Direttiva 2004/37/KE tal-Parlament Ewropew u tal-Kunsill tad-29 t'April 2004 dwar il-protezzjoni tal-ħaddiema minn riskji relatati mal-esposizzjoni għall-karċinoġeni jew mutaġeni fuq il-post tax-xogħol (is-Sitt Direttiva individwali skont it-tifsira tal-Artikolu 16(1) tad-Direttiva 89/391/KEE) (4). |
(7) |
Il-miżuri stipulati f'din id-Direttiva huma skont l-opinjoni tal-Kumitat għall-addattament għall-progress tekniku tad-Direttivi dwar it-tneħħija ta' ostakoli tekniċi għall-kummerċ fis-sustanzi u taħlitiet perikolużi, |
ADOTTAT DIN ID-DIRETTIVA:
Artikolu 1
L-Anness I tad-Direttiva 76/769/KEE huwa emendat kif stipulat fl-Anness ta' din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux aktar tard mill-1 ta' Awwissu 2005, il-liġijiet, ir-regolamenti u d-dispożizzjonijijet amministrattivi neċessarji sabiex jikkonformaw ruħhom ma' din id-Direttiva. Huma għandhom minnufih jikkomunikaw lill-Kummissjoni, it-test ta' dawn id-dispożizzjonijiet u tabulat korrelattiv bejn dawn id-dispożizzjonijiet u din id-Direttiva.
Għandhom japplikaw dawn id-dispożizzjonijiet mill-1 ta' Settembru 2005.
Meta l-Istati Membri jadottaw dawn id-dispożizzjonijiet, għandhom jinkludu referenza għal din id-Direttiva jew ikunu akkompanjati minn referenza simili fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fis-settur li tkopri din id-Direttiva.
Artikolu 3
Din id-Direttiva tidħol fis-seħħ fl-għoxrin ġurnata wara dik tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussell, 27 ta' Settemrbu 2004.
Għall-Kummissjoni
Olli REHN
Membru tal-Kummissjoni
(1) ĠU L 262, 27.9.1976, p. 201. Id-Direttiva kif emendata l-aħħar mid-Direttiva 2004/21/KE (ĠU L 57, 25.2.2004, p. 4).
(2) ĠU L 188, 22.7.1994, p. 1.
(3) ĠU L 183, 29.6.1989, p. 1. Id-Direttiva kif emendata mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(4) ĠU L 158, 30.4.2004, p. 50.
ANNESS
Fl-Anness I tad-Direttiva 76/769/KEE, fil-punt 28, Nikil, fil-punt 1tat-tieni kolonna qed jiġi mibdul b'dan li ġej:
“1. |
Fil-muntaturi kollha li jiġu mdaħħla f'widnejn imtaqqba jew partijiet oħra mtaqqba tal-ġisem tal-bniedem sakemm ir-rata tal-ħelsien tan-nikil għal dawn il-muntaturi tkun anqas minn 0,2 μg/ċm2/ġimgħa (limitu tal-migrazzjoni);” |