12.10.2005   

MT

Il-Ġurnal Uffiċjali ta’ l-Unjoni Ewropea

194

(1)

Id-Deċiżjoni tal-Kunsill 2000/258/KE innominat il-laboratorju ta' l- Agenċe Française de Séċurité Sanitaire des Aliments de Nanċy (il-Laboratorju ta'l-AFSSA, Nanċy), Franza bħala l-istitut responsabbli li jistabbilixxi l-kriterji neċessarji biex jiġu standardizzati t-testijiet seroloġiċi biex josservaw l-effettività tat-tilqim tar-rabja. Din id-deċiżjoni tipprovdi wkoll għal-laboratorju ta' l-AFSSA, Nanċy li jibgħat lill-Kummissjoni l-lista tal-laboratorji tal-Komunità biex jiġu awtorizzati biex jagħmlu dawn it-testijiet seroloġiċi. Għaldaqstant, il-laboratorju ta' l-AFSSA, Nanċy jopera l-proċedura stabbilita ta' ttestjar ta' profiċjenza biex jivvaluta l-laboratorji għall-awtorizazzjoni biex jagħmlu t-testijiet seroloġiċi.

(2)

Id-Deċiżjoni tal-Kummissjoni 2004/233/KE ta' l-4 ta' Marzu 2004 li tawtorizza l-laboratorji li jiċċekkjaw l-effettività tat-tilqim kontra r-rabja f'ċerti karnivori (2), stabbilixxit lista ta' laboratorji approvati fl-Istati Membri fuq il-bażi tar-riżultati tat-testijiet ta' profiċjenza kkommunikati mill-Laboratorju ta'l-AFSSA ta' Nanċy.

(3)

Tliet Laboratorji, fl-Olanda, il-Polonja u l-Portugall rispettivament, kienu approvati mill-Laboratorju ta' l-AFSSA, ta' Nanċy, skond id-deċiżjoni 2000/258/KE.

(4)

Minbarra dan, huwa xieraq li jiġu miżjuda dawn it-tlett laboratorji mal-lista ta' laboratorji approvati fl-Istati Membri kif stabbilit fl-Anness tad-Deċiżjoni 2004/233/KE.

(5)

Minbarra dan, wara t-talba tal-Ġermanja, jridu jsiru ċerti emendi fl-indirizzi ta' żewġ laboratorji Ġermaniżi.

(6)

Barra minn hekk, wara t-talba ta'l-Islovenja, l-isem tal-laboratorju dijanjostiku f'dan l-Istat Membru għandu jiġi emendat.

(7)

Id-Deċiżjoni 2004/233/KE għandha għalhekk tiġi emendata b'dan il-mod.

(8)

Il-miżuri pprovduti fid-deċiżjoni skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali.