(1)

L-influwenza tat-tajr hija marda virali kuntaġġjuża ħafna fit-tjur u l-għasafar, li malajr tista' tieħu proporżjonijiet epiżootiċi li jistgħu jkunu ta' tehdida għas-saħħa ta' l-annimali u tal-bniedem u li tnaqqas b'mod sinjifikanti l-profitt tat-trobbija tat-tjur.

(2)

Hemm riskju li l-aġent tal-marda jista' jiġi introdott permezz tal-kummerċ internazzjonali fit-tjur ħajjin u prodotti tat-tjur.

(3)

Fis-6 ta' Awissu 2004, ir-Repubblia ta' l-Afrika t' Isfel ikkonfermat żewġ attakki patoġeniċi kbar ta' influwenza tat-tjur f'gruppi ta' għasafar li ma jtirux fil-Provinċja tal-Kap tal-Lvant.

(4)

Dan il-virus ta' razza ta' l-influwenza tat-tjur li ġie osservat hu tas-sottotip H5N2 u b'hekk differenti mir-razza li bħalissa qiegħda tikkawża l-epidemija fl-Azja. Tagħrif kurrenti jissuġġerixxi li r-riskju għas-saħħa pubblika li għandu x'jaqsam ma' dan is-sottotip hu inferjuri għar-rskju tar-razza li tiċċirkola fl-Ażja, li hu sottotip ta' virus H5N1.

(5)

Bħalissa għat-tjur u prodotti tat-tjur, ir-Repubblika ta' l-Afrika t' Isef hi biss awtorizzata tesporta lill-Komunità, għasafar li ma jtirux, ħajjin u l-bajd li jfaqqas tagħhom u laħam frisk mill-għasafar li ma jtirux u prodotti tal-laħam/preparazzjonijiet tal-laħam li fih l-laħam ta' l-għasafar li ma jtirux, kif ukoll għasafar oħra minbarra tjur.

(6)

Madankollu l-awtoritajiet awtorizzati tar-Repubblika ta' l-Afrika t' Isfel ssospendew iċ-ċertifikazzjoni ta' għasafar li ma jtirux, ħajjin u l-laħam tagħhom u ċerti prodotti tal-laħam lill-UE fis-6 ta' Awwissu 2004 sakemm is-sitwazzjoni tiċċara.

(7)

B'konsiderazzjoni għar-riskju tas-saħħa ta' l-annimali minħabba l-introduzzjoni ta' mard fil-Komunità, importazzjonijiet ta' għasafar li ma jtirux, ħajjin, u bajd li jfaqqsu ta' dawn l-ispeċi u laħam frisk ta' l-għasafar li ma jtirux, preparazzjonijiet tal-laħam u prodotti tal-laħam li huma magħmula minn, jew għandhom laħam ta' dawk l-ispeċi, minn għasafar maqtula wara s-16 ta' Lulju 2004, ġew sospiża mir-Repubblika ta' l-Afrika t' Isfel mill-10 ta' Awwissu 2004 permezz tad-Deċiżjoni tal-Kummissjoni 2004/594/KE (3)

(8)

Bi qbil mad-Deċiżjoni tal-Kummissjoni 2000/666/KE (4) importazzjoni ta' għasafar minbarra t-tjur hu awtorizzat mill-pajjiżi membri kollha ta' l-OIE (Organizzazzjoni Dinji għas-Saħħa ta' l-Annimali) soġġetta għal garanziji tas-saħħa ta' l-annimali pprovduti mill-pajjiż ta' l-oriġini, u miżuri stretti ta' kwarantina, ta' wara l-importazzjoni, stabbiliti fl-Istati Membri.

(9)

Madankollu, l-importazzjoni ta' għasafar minbarra dawk tat-tjur, inklużi għasafar domestiċi li huma akkompanjati mis-sid tagħhom ġew sospiżi ukoll mir-Repubblika ta' l-Afrika t' Isfel mid-Deċiżjoni 2004/594/KE bħala miżuri oħra sabiex jeskludu kwalunkwe riskju possibbli għal kawża ta' mard fil-postijiet ta' kwarantina taħt l-awtorità ta' l-Istati Membri.

(10)

Id-Deċiżjoni tal-Kummissjoni 97/222/KE (5) tistipula l-lista tal-pajjizi terzi li minnhom l-Istati Membri jistgħu jawtorizzaw l-importazzjoni ta' prodotti tal-laħam, u jistabbilixxi skemi ta' trattamenti sabiex jevitaw ir-riskju ta' teħid ta' mard permezz ta' prodotti bħal dawn.It-trattament li għandu jiġi applikat mal-prodott jiddependi fuq l-istat tas-saħħa tal-pajjiż ta' l-oriġini, b'konnessjoni ma' l-ispeċi li minnu ġie meħud il-laħam, sabiex jevitaw tagħbija żejda fuq il-kummerċ, importazzjoni tal-prodotti tal-laħam ta' l-għasafar li ma jtirux li joriginaw mir-Repubblika ta' l-Afrika t' Isfel sottopost għal temperatura ta' mill-inqas 70o Ċelsius f'kull parti tal-prodott, għandha tiġi awtorizzata.

(11)

Bi qbil mar-Regolament (KE) Nru 1774/2002 tal-Parlament Ewropew u tal-Kunsill (6), l-importazzjoni ta' trofej tal-kaċċa mhux trattati ta' l-għasafar li joriginaw mir-Repubblika ta' l-Afrika t' Isfel hi fil-preżent awtorizzata. Minħabba is-sitwazzjoni preżenti ta' l-influwenza tat-tajr, din l-importazzjoni għandha tiġi sospiża biex b'hekk tipprevieni kwalunkwe riskju ta' introduzzjoni tal-marda fil-Komunità.

(12)

Bi qbil mar-Regolament (KE) Nru 1774/2002, l-importazzoni ta' rix u partijiet ta' rix mhux ipproċessati li joriginaw mir-Repubblika ta' l-Afrika t' Isfel hi fil-preżent awtorizzata. Minħabba s-sitwazzjoni preżenti ta' l-influwenza tat-tajr, din l-importazzjoni għandha tiġi sospiża biex b'hekk tipprevieni kwalunkwe riskju ta' introduzzjoni tal-marda fil-Komunità. Madankollu, l-importazzjoni ta' rix tista' tiġi awtorizzata permezz ta' dokument kummerċjali li jiddikjara li r-rix ġew ittrattati.

(13)

Miżuri ta' kontroll sanitarju applikabbli għal materja prima għal produzzjoni ta' oġġetti ta' l-ikel ta' l-annimali u prodotti farmaċewtiċi u tekniċi jippermettu l-esklużjoni tal-medda ta' applikazzjoni ta' din id-Deċiżjoni ta' importazzjoni soġġetti għal kontroll ta' prodotti bħal dawn.

(14)

Minħabba f'hekk, il-miżuri ta' ħarsien applikabbli għat-territorju sħiħ tar-Repubblika ta' l-Afrika t' Isfel għandhom jiġu estiżi u d-Deċiżjoni 2004/594/KE għandha tiġi irrevokata.

(15)

Il-miżuri li hemm ipprovdut għalihom f'din id-Deċiżjoni huma konformi ma' l-opinjoni tal-Kumitat Permanenti tal-Katina Alimentari u tas-Saħħa ta' l-Annimali.

—

għasafar ħajjin li ma jtirux, u bajd li jfaqqsu ta' dawn l-ispeċi,

—

għasafar minbarra dawk tat-tjur kif ukoll għasafar domestiċi li huma akkumpanjati mis-sid tagħhom,

—

laħam frisk ta' għasafar li ma jtirux,

—

preparazzjonijiet ta' laħam u prodotti ta' laħam magħmulin minn, jew li għandhom laħam ta' dawn l-ispeċi,

—

trofej tal-kaċċa mhux trattati ta' kwalunkwe tip ta' għasfur,

—

rix u partijiet tar-rix mhux ipproċessati.