32003D0056

Edizzjoni Speċjali biċ-Ċek: Kapitolu 03 Volum 038 P. 148 - 170
Edizzjoni Speċjali bl-Estonjan: Kapitolu 03 Volum 038 P. 148 - 170
Edizzjoni Speċjali bil-Letton: Kapitolu 03 Volum 038 P. 148 - 170
Edizzjoni Speċjali bil-Litwan: Kapitolu 03 Volum 038 P. 148 - 170
Edizzjoni Speċjali bl-Ungeriż Kapitolu 03 Volum 038 P. 148 - 170
Edizzjoni Speċjali bil-Malti: Kapitolu 03 Volum 038 P. 148 - 170
Edizzjoni Speċjali bil-Pollakk: Kapitolu 03 Volum 038 P. 148 - 170
Edizzjoni Speċjali bis-Slovakk: Kapitolu 03 Volum 038 P. 148 - 170
Edizzjoni Speċjali bis-Sloven: Kapitolu 03 Volum 038 P. 148 - 170
Edizzjoni Speċjali bil-Bulgaru: Kapitolu 03 Volum 046 P. 77 - 99
Edizzjoni Speċjali bir-Rumen: Kapitolu 03 Volum 046 P. 77 - 99
Edizzjoni speċjali bil-Kroat: Kapitolu 03 Volum 018 P. 163 - 185

32003D0056

Official Journal L 022 , 25/01/2003 P. 0038 - 0060

Id-Deċiżjoni tal-Kummissjoni

ta' l-24 ta' Jannar 2003

dwar ċertifikati tas-saħħa għall-importazzjoni ta' annimali ħajjin u prodotti ta' l-annimali minn New Zealand

(notifikata taħt id-dokument numru K (2003) 326)

(Test b'rilevanza għaż-ŻEE)

(2003/56/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunisll 97/132/KE tas-17 ta' Diċembru 1996 dwar il-konklużjoni ta' Ftehim bejn il-Komunità Ewropea u New Zealand dwar miżuri sanitarji applikabbli għall-kummerċ f'annimali ħajjin u prodotti ta' annimali [1], kif l-aħħar emendat bid-Deċiżjoni 2002/957/KE [2], u b'mod partikolari l-Artikolu 4 tagħha,

Wara li kkunsidrat id-Direttiva tal-Kunsill 72/462/KEE tat-12 ta' Diċembru 1972 dwar problemi tas-saħħa u spezzjoni veterinarja fuq l-importazzjoni ta' annimali ta' l-ifrat, ovini u kaprini u ħnieżer, laħam frisk jew prodotti tal-laħam minn pajjiżi terzi [3], kif l-aħħar emendata bir-Regolament tal-Kunsill (KE) Nru 1452/2001 [4], u b'mod partikolari l-Artikolu 11(2) u l-Artikolu 22(2) tiegħu, u d-disposizzjonijiet korripondenti tad-Direttivi l-oħra li jistabbilixxu kondizzjonijiet sanitarji u mudelli ta' ċertifikati għall-importazzjonijiet ta' annimali ħajjin u prodotti ta' annimali minn pajjiżi terzi,

Billi:

(1) Id-Deċiżjoni tal-Kunsill 97/132/KE tipprovdi għall-adozzjoni ta' garanziji għall-importazzjoni ta' laħam frisk u prodotti bażati fuq il-laħam minn New Zealand ekwivalenti għal dawk preskritti fid-Direttiva tal-Kunsill 72/462/KEE.

(2) L-Anness V mal-Ftehim bejn il-Komunità Ewropea u New Zealand dwar miżuri sanitarji applikabbli għall-kummerċ f'annimali ħajjin u prodotti ta' annimali (il-Ftehim) jistabbilixxi l-miżuri ta' saħħa pubblika u saħħa ta' annimali għal-laħam frisk u prodotti bbażati fuq il-laħam u għal ċerti prodotti ta' annimali oħra minn New Zealand li għalihom ġiet iddeterminata l-ekwivalenza.

(3) Bid-Deċiżjoni 2002/957/KE tiegħu li temenda l-Annessi V u VII mal-Ftehim, il-Kunsill iddetermina l-ekwivalenza tas-sistemi ta' ċertifikazzjoni għal-laħam frisk u prodotti bażati fuq il-laħam u għal ċerti prodotti ta' annimali oħra minn New Zealand. Ekwivalenza tali għandha tkun implimentata billi jkunu preskritti l-mudelli taċ-ċertifikati tas-saħħa uffiċjali biex jippermettu l-importazzjoni ta' dawk il-prodotti fuq dik il-bażi.

(4) Taħt l-Anness VII mal-Ftehim, l-ekwivalenza sħiħa tal-miżuri hija l-ekwivalenza tal-miżuri tas-saħħa ta' l-annimali u/jew saħħa pubblika kif jixraq u tas-sistemi ta' ċertifikazzjoni, mingħajr preġudizzju għar-rekwiżiti ta' ċertifikazzjoni mhux koperti mil-Ftehim.

(5) L-Anness VII mal-Ftehim jipprovdi l-mudell għal attestazzjonijiet ta' saħħa li għandhom ikunu inklużi fiċ-ċertifikat ta' saħħa uffiċjali għal annimali ħajjin u prodotti ta' annimali li fuqhom tkun inqablet ekwivalenza sħiħa ta' miżuri.

(6) Ekwivalenza sħiħa kienet iddeterminata għal ċerti prodotti ta' l-annimali rigward saħħa ta' l-annimali u saħħa pubblika u sistemi ta' ċertifikazzjoni. Madankollu, ekwivalenza sħiħa għal prodotti ta' annimali oħra kienet iddeterminata biss jew għal miżuri ta' saħħa ta' l-annimali jew ta' saħħa pubblika u għal sistemi ta' ċertifikazzjoni. Għalhekk, huwa meħtieġ li jinżammu mudelli diversi ta' ċertifikati tas-saħħa uffiċjali. Dawn iċ-ċertifikati tas-saħħa uffiċjali għandhom jissostitwixxu lil dawk preskritti skond il-leġislazzjoni Komunitarja għall-importazzjoni ta' prodotti ta' l-annimali relevanti minn New Zealand.

(7) Għal prodotti ta' l-annimali oħra u għal annimali ħajjin ekwivalenza sħiħa ma ġietx iddeterminata. Għal dawk il-prodotti ta' l-annimali u għal annimali ħajjin, l-importazzjoni għandha tkun permessa fuq il-bażi ta' ċertifikati tas-saħħa uffiċjali skond il-leġislazzjoni Komunitarja eżistenti jew il-kondizzjonijiet tas-saħħa nazzjonali prevalenti ta' l-Istat Membru sakemm tkun pendenti l-adozzjoni ta' kondizzjonijiet armonizzati ta' importazzjoni.

(8) Kif jipprovdi l-Anness V mal-Ftehim, il-garanziji addizzjonali għall-importazzjoni ta' ċerti prodotti ta' l-annimali maħsuba għal ċerti Stati Membri, għandhom ikunu provduti minn New Zealand fl-għamla ta' dikjarazzjoni li għandha tkun inkluża fiċ-ċertifikat tas-saħħa uffiċjali. Id-dikjarazzjoni addizzjonali dwar l-enċefalopatiji sponġiformi li jittieħdu għandha wkoll tkun ipprovduta minn New Zealand għall-oriġini ta' ċerti prodotti ta' l-annimali.

(9) Kif jipprovdi l-Anness VII ma' dan il-Ftehim, iċ-ċertifikazzjoni għal kunsinni ta' komoditajiet li fuqhom kienet maqbula ekwivalenza sħiħa tista' tinħareġ wara t-tluq tal-kunsinna minn New Zealand taħt ċerti kondizzjonijiet.

(10) Kif jipprovdi l-Anness VII ma' dan il-Ftehim iċ-ċertifikat tas-saħħa uffiċjali għandu jinħareġ bl-Ingliż kif ukoll f'waħda mil-lingwi ta' l-Istat Membru tal-wasla (fejn tasal il-kunsinna).

(11) Huwa wkoll xieraq li jkunu stabbiliti għal New Zealand ċerti rekwiżiti addizzjonali oħra ta' ċertifikazzjoni.

(12) Prodotti ta' l-annimali importati fi New Zealand u sussegwentement esportati lejn il-Komunità wara ħażna u pproċessar mill-ġdid fi New Zealand, għandhom jikkonformaw mar-regoli Komunitarji konnessi ma' dawk il-prodotti. Ċertifikat tas-saħħa uffiċjali għandu għalhekk ikun stabbilit għal dawk il-prodotti.

(13) Id-Direttiva tal-Kunsill 93/119/KE tat-22 ta' Diċembru 1993 dwar il-protezzjoni ta' l-annimali fil-ħin tal-qtil jew qatla [5] tipprovdi li ċertifikati tas-saħħa uffiċjali għal-laħam għandhom ikunu ssupplimentati b'attestazzjoni li tiċċertifika li ċerti annimali li tirreferi għalihom dik id-Direttiva nqatlu taħt kondizzjonijiet li joffru garanziji ta' trattament uman ekwivalenti għall-inqas għal dawk li tipprovdi għalihom dik id-Direttiva. Din l-attestazzjoni għandha tkun inkluża fil-mudelli korrispondenti taċ-ċertifikati tas-saħħa uffiċjali.

(14) Id-Deċiżjoni tal-Kunsill 97/131/CE tas-17 ta' Diċembru 1996 dwar il-konklużjoni ta' Ftehim fl-għamla ta' Skambju ta' Ittri dwar l-applikazzjoni proviżorja tal-Ftehim bejn il-Komunità Ewropea u New Zealand dwar miżuri sanitarji applikabbli fil-kummerċ ta' annimali ħajjin u prodotti ta' annimali [6] approvat ftehim fl-għamla ta' skambu ta' ittri dwar l-applikazzjoni proviżorja tal-Ftehim, li bih, sad-dħul fis-seħħ tal-Ftehim, il-kondizzjonijiet taċ-ċertifikazzjoni applikabbli mill-31 ta' Diċembru 1996 għandhom jissoktaw japplikaw. Huwa għalhekk meħtieġ li d-Deċiżjoni 80/805/KE tal-25 ta' Lulju 1980 dwar kondizzjonijiet ta' saħħa ta' l-annimali u ċertifikazzjoni veterinarja għall-importazzjoni ta' laħam frisk minn New Zealand [7] tkun irrevokata, u jkun żgurat li d-data ta' applikazzjoni ta' din id-Deċiżjoni tikkorrispondi mad-data li fiha l-Ftehim jidħol fis-seħħ.

(15) Biex tkun iffaċilitata bidla għal-lixx miċ-ċertifikati tas-saħħa ufficjali eżistenti, għandha ssir disposizzjoni għal perjodu transizzjonali.

(16) Il-miżuri li tipprovdi għalihom din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

1. L-Istati Membri għandhom jawtorizzaw l-importazzjoni minn New Zealand ta' annimali ħajjin u prodotti ta' annimali, miġjuba fl-Anness I, bil-kondizzjoni li jissodisfaw ir-rekwiżiti taċ-ċertifikazzjoni li jirreferi għalihom dak l-Anness, u fejn meħtieġ, ikunu akkompanjati b'ċertfikat tas-saħħa uffiċjali maħruġ qabel it-tluq tal-kunsinna minn New Zealand, skond wieħed mill-mudelli li ġejjin:

(a) fejn ekwivalenza kienet stabbilita, il-mudell li jirreferi għalih l-Anness I kif miġjub fl-Annessi II sa V;

(b) f'każijiet oħra, il-mudelli miġjuba fl-Annessi ma' l-atti li jirreferi għalihom l-Anness I.

2. Iċ-ċertifikat(i) tas-saħħa uffiċjali għall-annimali ħajjin u prodotti ta' annimali li jirreferi għalihom l-Anness VI għandu jkollu(jkollhom) id-dikjarazzjoni(ijiet) addizzjonali li jirreferi għaliha(hom) dak l-Anness fejn l-Istat Membru ta' destinazzjoni tal-kunsinna jkun il-Finlandja jew l-Isvezja.

3. Permezz ta' deroga mid-dispożizzjonijiet tal-paragrafu 1, ċertifikati tas-saħħa uffiċjali maħruġa skond il-mudelli miġjuba fl-Anness II sa V jistgħu jinħarġu wara t-tluq tal-kunsinna minn New Zealand bil-kondizzjoni li:

(a) ikunu disponibbli mal-wasla fil-post ta' spezzjoni fil-konfini; u

(b) l-uffiċjal li jiċċertifika jkun iddikjara bil-miktub li jkun iċċertifika l-kunsinna fuq il-bażi tad-dokument(i) ta' eliġibilità ta' New Zealand, li kienu aċċertati minnu jew minnha u li kienu nħarġu qabel it-tluq tal-kunsinna.

4. Sakemm tkun pendenti l-adozzjoni ta' regoli ta' importazzjoni armonizzati r-rekwiżiti tas-saħħa nazzjonali prevalenti fi Stati Membri għandhom jibqgħu applikabbli għal annimali ħajjin u prodotti ta' annimali fejn hekk jissemma' fl-Anness I.

Artikolu 2

Fejn il-kunsinna tkun ippreżentata għal spezzjoni veterinarja, iċ-ċertifikat tas-saħħa uffiċjali għandu jkun ipprovdut fil-lingwa Ingliża kif ukoll f'waħda mil-lingwi uffiċjali ta' l-Istat Membru li fih ikun qiegħed il-post ta' spezzjoni fil-konfini fejn il-kunsinna tkun ippreżentata.

Artikolu 3

Iċ-ċertifikat(i) tas-saħħa uffiċjali għall-prodotti ta' l-annimali elenkati fl-Anness I għandu jkollu(hom) dikjarazzjoni(jiet) addizzjonali deskritta(i) fl-Anness VI fejn kienu importati minn pajjiż terz fi New Zealand u jkunu sussegwentement esportati lejn il-Komunità.

Artikolu 4

Għal perjodu transizzjonali li ma jeċċedix id-90 jum mid-data ta' l-applikazzjoni ta' din id-deċiżjoni, Stati Membri għandhom jawtorizzaw l-importazzjoni ta' annimali ħajjin u prodotti ta' annimali miġjubin fl-Anness I taħt il-mudelli ta' ċertifikati applikabbli qabel.

Artikolu 5

Id-Deċiżjoni tal-Kummissjoni 80/805/KEE hija rrevokata.

Artikolu 6

Din id-Deċiżjoni għandha tapplika mill-1 ta' Frar 2003.

Artikolu 7

Dan id-Deċiżjoni hija ndirizzata lill-Istati Membri.

Magħmula fi Brussel, fl-24 ta' Jannar 2003.

Għall-Kummissjoni

David Byrne

Membru tal-Kummissjoni

[1] ĠU L 57, tas-26.2.1997, pġ. 4.

[2] ĠU L 333, ta’ l-10.12.2002, pġ. 13.

[3] ĠU L 302, tal-31.12.1972, pġ. 24.

[4] ĠU L 198, tal-21.7.2001, pġ. 11.

[5] ĠU L 340, tal-31.12.1993, pġ. 21.

[6] ĠU L 57, tas-26.2.1997, pġ. 1.

[7] ĠU L 236, tad-9.9.1980, pġ. 28.

--------------------------------------------------

ANNESS I

ĊERTIFIKATI, DIKJARAZZJONIJIET U GARANZIJI ADDIZZJONALI

AN Numru Assenjat (numru li huwa arbitrarjament assenjat għal komodita partikolari u, bħala tali, għandu jidher fuq iċ-ċertifikat)

Direzzjoni Kif deskritta fl-Artikolu 8(4) tad-Direttiva tal-Kunsill 97/78/KE [1]

N/A Mhux applikabbli

Prodotti oħra Kif iddefiniti fl-Artikolu 2(b) tad-Direttiva tal-Kunsill 77/99/KEE [2]

PNHC Kondizzjonijiet tas-saħħa nazzjonali prevalenti ta' l-Istat(i) Membru(i) skond il-liġi tal-KE [3]

() Ir-referenza għal-leġislazzjoni tinkludi l-emendi sussegwenti kollha.

Komodità | Idderivati minn/Speċi/Għamla | AN | Ċertifikazzjoni |

6.Laħam friskinkluż demm/għadam/xaħam (frisk) mhux ipproċessat għall-konsum uman, preparazzjonijiet tal-laħam u ikkapuljat tal-laħam idderivati minn laħam frisk | Laħam frisk inkluż demm/għadam/xaħam (frisk) mhux ipproċessat għall-konsum uman Annimali li jixtarru, Equidae, ħnieżer | 6.1 | Anness II | Anness II | Anness VII (għal kunsinni għall-Isvezja/il-Finlandja) Dikjarazzjoni TSE addizzjonali Regolament (KE) Nru 1999/2001 kif emendat |

Preparazzjonijiet tal-laħam, ikkapuljat tal-laħam idderivati minn laħam frisk Annimali li jixtarru, Equidae, ħnieżer | 6.2 | Anness II | Anness II | Iffriżat biss Dikjarazzjoni addizzjonali TSE Regolament (KE) No 270/2002 u (KE) Nru 1494/2002 |

11.Prodotti tas-sajd għall-konsum uman (eskluż ħaj) | Prodott marini slavaġ, akkwakultura, ta' l-ilma ħelu slavaġ | | | | |

għat-tnissil, trobbija, tkabbir, relaying (molluski) | | | | |

13.Ħalib u prodotti tal-ħalib għall-konsum uman — prodotti oħra kif iddefiniti fid-Direttiva 77/99/KEE | Pasturizzat (frat inklużi buflu, nagħaġ, mogħoż) | 13.1 | Deċiżjoni tal-Kummissjoni 95/343/KE | Deċiżjoni tal-Kummissjoni 95/333/KE | |

19.A.Ikel ta' l-annimali tad-dar (inkluż ipproċessat) li fih biss materjal ta' riskju żgħir | L-Artikolu 5 tad-Direttiva tal-Kunsill 90/667/KEE u 92/118/KEE | | | | |

—Ikel ta' l-annimali tad-dar (mammiferi/mhux mammiferi) | 19A.1 | 94/309/EC | N/A | Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 |

19.B.Ikel ta' l-annimali tad-dar li fih proteina ta' l-annimali proċessata derivata minn skart ta' l-annimali ta' riskju għoli | L-Artikolu 3 tad-Direttiva tal-Kunsill 90/667/KEE u 92/118/KEE (mammiferi/mhux mammiferi) | 19B | Deċiżjoni tal-Kummissjoni 94/344/KE u 97/198/KE | Mhux applikabbli | Ara n-nota 1 f'qiegħ il-paġina Dikjarazzjoni addizzjonali TSE Regolament(KE) Nru 270/2002 u (KE) Nru 1494/2002 |

20.Għadam u prodotti ta' l-għadam għall-konsum uman — prodotti oħra kif iddefiniti fid-Direttiva 77/99/KEE | Mammali ta' l-art | | | | |

21.Għadam proċessat u prodotti ta' l-għadam mhux għall-konsum uman jew ta' l-annimali(Għadam rendered għall-għalf ta' annimali jirreferi proteini proċessati materjal ta' għalf għall-annimali) | Bħal fid-Direttiva tal-Kunsill 92/118/KEE | 21 | Deċiżjoni tal-Kummissjoni 94/446/KE | Mhux applikabbli | Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 |

22.Proteina ta' l-annimali proċessata għall-konsum uman — prodotti oħra kif definiti fid-Direttiva 77/99/KEE | Mammali ta' l-art | | | | |

—laħam frisk, kaċċa mrobbija u selvaġġa (ħnieżer, ċerv) | 22.1 | Anness II | Anness II | Timbru pentagonali (kaċċa selvaġġa) Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 (laħam frisk) |

23.Proteina proċessata (rendered) ta' l-annimali għal materjali ta' għalf | PAP derivata minn skart ta' annimali b'riskju għoli (mammiferi/mhux non-mammiferi) | 23.1 | Deċiżjoni tal-Kummissjoni 94/344/KE Deċiżjoni tal-Kummissjoni 97/198/KE | Mhux applikabbli | Ara n-nota 1 f'qiegħ il-paġina Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 |

PAP derivata minn skart ta' annimali b'riskju żgħir (mammiferi/mhux mammiferi) | 23.2 | Deċiżjoni tal-Kummissjoni 93/344/KE | Mhux applikabbli | Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 |

25.Demm u prodotti mid-demm għall-konsum uman — prodotti oħra kif definiti fid-Direttiva 77/99/KEE | Mammali ta' l-art | | | | |

26.Demm proċessat u prodotti tad-demm (eskluż serum minn equidae)għal użu farmaċewtiku u tekniku | Laħam frisk | | | | |

27.Xaħam u xaħmijiet rendered għall-konsum uman konsum — prodotti oħra kif definiti fid-Direttiva 77/99/KEE | Mammali ta' l-art | | | | |

—Laħam frisk, kaċċa mrobbija u selvaġġa | 27.1 | Anness II | Anness II | Timbru pentagonali (għax-xaħam ta' kaċċa selvaġġa) Dikjarazzjoni addizzjonali TSE Regolament (KE) Nru 270/2002 u (KE) Nru 1494/2002 (laħam frisk) |

28.Xaħam u xaħmijiet rendered mhux għall-konsum uman | Direttiva tal-Kunsill 90/667/KEE | | | | |

[1] ĠU L 24, tat-30.1.1998, pġ. 9.

[2] ĠU L 26, tal-31.1.197, pġ. 1.

[3] Sakemm tkun pendenti l-adozzjoni ta’ regoli Komunitarji, regoli nazzjonali għandhom jissoktaw japplikaw suġġetti għall-osservazzjoni mad-disposizzjoniijiet ġenerali tat-Trattat.

--------------------------------------------------

ANNESS II

+++++ TIFF +++++

--------------------------------------------------

ANNESS III

+++++ TIFF +++++

--------------------------------------------------

ANNESS IV

+++++ TIFF +++++

--------------------------------------------------

ANNESS V

+++++ TIFF +++++

--------------------------------------------------

ANNESS VI

Esportazzjonijiet ta' Prodotti ta' Annimali Importati

F'kull każ il-prodott kellu jkun:

- oriġinat minn pajjiż terz eliġibbli biex jesporta l-oġġett lejn il-Komunità Ewropea,

- idderivat minn stabbilimenti eliġibbli biex jesportaw lejn il-Komunità Ewropea, u

- eliġibbli biex ikun esportat lejn il-Komunità Ewropea.

Kopja taċ-ċertifikat ta' importazzjoni għandha tinhemeż maċ-ċertikat tas-saħħa ffirmat ta' New Zealand; din il-kopja għandha tkun kopja ċertifikata endorsjata ta' l-oriġinal, u tkun iffirmata mill-uffiċjal li jiċċertifika.

L-oriġinal jew kopja ċċertifikata taċ-ċertifikat ta' importazzjoni għandha tinżamm mill-uffiċjal li jiċċertifika.

Id-dikjarazzjoni(jiet) addizzjonali li ġejja(in) għandha(hom) tidher/jidhru fuq iċ-ċertifikati mudelli preskritti fl-Anness I. Id-dikjarazzjonijiet għandhom jidhru bil-lingwi li jirreferi għalihom l-Artikolu 2 tad-Deċiżjoni tal-Kummissjoni 2003/56/KE.

1. Oriġini mħallta

Għal prodotti ta' annimali li kienu importati fi New Zealand u nħażnu u kienu pproċessati fi stabbilimenti elenkati mill-KE bi prodott ta' oriġini minn New Zealand (i.e il-kunsinna tkun ta' oriġini mħallta), id-dikjarazzjoni li ġejja għandha tidher fuq iċ-ċertifikati mudelli xierqa nnotati fl-Anness I:

+++++ TIFF +++++

2. Pajjiż ta' oriġini mantenut, mhux imħallat ma' prodott ta' oriġini minn New Zealand.

Għal prodotti ta' l-annimali li kienu importati fi New Zealand u nħażnu u kienu pproċessati fi stabbilimen ta' esportazzjoni ta' New Zealand elenkati mill-KE imma ma tħalltux ma' prodotti ta' oriġini ta' New Zealand, id-dikjarazzjoni li ġejja għandha tidher fiċ-ċertifikati mudelli nnotati gl-Anness I:

+++++ TIFF +++++

--------------------------------------------------

ANNESS VII

Garanziji addizzjonali konnessi ma' annimali ħajjin u prodotti ta' annimali li jipprovdi għalihom l-Anness V tad-Deċiżjoni tal-Kunsill 97/132/KE

Iċ-ċertifikat(i) tas-saħħa għal annimali ħajjin u prodotti ta' annimali elenkati f'dan l-Anness, għandu(hom) iġib(u) d-dikjarazzjoni xierqa miġjuba fil-leġislazzjoni korrispondenti jekk ikunu importati għal kunsinna jew fl-Isvezja jew fil-Finlandja:

Annimali ħajjin u prodotti ta' annimali | Dikjarazzjoni |

Tjur ħajjin

—Tjur ħajjin għall-biċċerija | L-Anness A mad-Deċiżjoni tal-Kunsill 95/410/KE |

—Tjur għat-tnissil | L-Anness II mad-Deċiżjoni tal-Kunsill 95/160/KE |

—Flieles ta' jum (tat-twelid) | L-Anness III mad-Deċiżjoni tal-Kunsill 95/160/KE |

—Tiġieġ ibidu | L-Anness II mad-Deċiżjoni tal-Kunsill 95/161/KE |

Laħam frisk: Laħam tal-vitella, ċanga u Il-laħam frisk kien suġġett għal majjal imma eskluż | "Il-laħam frisk maħsub ittestjar mikrobijoloġiku għal għanijiet ta' pasturizzazzjoni, salmonella kif tipprovdi d-Deċiżjoni sterilizzazzjoni jew għal trattamenti tal-Kunsill 95/411/KE permezz tali jkollu effett ekwivalenti teħid ta' kampjuni fl-istabbiliment ta'oriġini ta' dan il-laħam" |

Laħam frisk tat-tjur | "Il-laħam frist kien suġġett għal ittestjar mikrobijoloġiku għal salmonella kif tipprovdi d-Deċiżjoni tal-Kunsill 95/411/KE permezz ta' teħid ta' kampjuni fl-istabbiliment ta'oriġini ta' dan il-laħam." |

Bajd tal-mejda għall-konsum uman | Deċiżjoni tal-Kummissjoni 95/168/KE |

--------------------------------------------------

Choose the experimental features you want to try

32003D0056