This document is an excerpt from the EUR-Lex website
Document 32002E0373
Council Joint Action of 21 May 2002 regarding a contribution of the European Union towards reinforcing the capacity of the Georgian authorities to support and protect the OSCE observer mission on the border of Georgia with the Ingush and Chechen Republics of the Russian Federation
Azzjoni konġunta tal-kunsill tal-21 ta’ Mejju 2002 li tirrigwarda kontribuzzjoni ta’ l-Unjoni Ewropea lejn ir-rinfurzar tal-kapaċità ta’ l-awtoritajiet tal-Georgia biex jappoġġaw u jipproteġu osservaturi f’missjoni ta’ l-OSCE fuq il-fruntieri tal-Georgia mar-Repubbliki ta’ l-Ingush u tac-Ċeċnija tal-Federazzjoni Russa
Azzjoni konġunta tal-kunsill tal-21 ta’ Mejju 2002 li tirrigwarda kontribuzzjoni ta’ l-Unjoni Ewropea lejn ir-rinfurzar tal-kapaċità ta’ l-awtoritajiet tal-Georgia biex jappoġġaw u jipproteġu osservaturi f’missjoni ta’ l-OSCE fuq il-fruntieri tal-Georgia mar-Repubbliki ta’ l-Ingush u tac-Ċeċnija tal-Federazzjoni Russa
ĠU L 134, 22.5.2002, p. 1–2
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 134 , 22/05/2002 P. 0001 - 0002
Azzjoni konġunta tal-kunsill tal-21 ta’ Mejju 2002 li tirrigwarda kontribuzzjoni ta’ l-Unjoni Ewropea lejn ir-rinfurzar tal-kapaċità ta’ l-awtoritajiet tal-Georgia biex jappoġġaw u jipproteġu osservaturi f’missjoni ta’ l-OSCE fuq il-fruntieri tal-Georgia mar-Repubbliki ta’ l-Ingush u tac-Ċeċnija tal-Federazzjoni Russa (2002/373/PESK) IL-KUNSILL TA’ L-UNJONI EWROPEA, Wara li kkunsidra t-Trattat ta’ l-Unjoni Ewropea u partikolarment l-Artikolu 14 tiegħu, Billi: (1) Fl- 20 ta’ Lulju 2000, il-Kunsill adotta Azzjoni Konġunta 2000/456/PESK li jirrigwarda kontribuzzjoni ta’ l-Unjoni Ewropea lejn ir-rinfurzar tal-kapaċità ta’ l-awtoritajiet tal-Georgia biex jappoġġaw u jipproteġu osservaturi f’missjoni ta’ l-OSCE fuq il-fruntieri tal-Georgia mar-Repubbliki ta’ l-Ingush u tac-Ċeċnija tal-Federazzjoni Russa [1], li skada fil- 31 ta’ Diċembru 2000. (2) Fis-26 ta’ Lulju 2001, il-Kunsill adotta Azzjoni Konġunta 2001/568/PESK [2] dan bil-għan biex jiġi assigurat appoġġ kontinwu ta’ l-Unjoni Ewropea lejn stabilità tar-reġjun Kawkasu. (3) Mit-28 ta’ Mejju sal-1 ta’ Ġunju 2001, General Sir Garry Johnson, bħala espert ta’ l-Unjoni Ewropea, għamel missjoni ta’ stima fejn ikkonkluda li ser ikun hemm bżonn ta’ izjed appoġġ mill-UE, jekk il-mandat ta l-OSCE jkun estiż lejn ir-reġjun ta’ l-Ingush. (4) Fit-13 ta’ Diċembru 2001, l-OSCE iddeċida biex jestendi l-mandat tal-missjoni ta’ l-OSCE f’Georgia għal osservazzjonijiet u rapporti dwar il-moviment minn naħa għal oħra tal-fruntieri bejn Georgia u r-Repubblika ta’ l-Ingush tal-Federazzjoni Russa, GIET ADOTTATA DIN L-AZZJONI KONĠUNTA: Artikolu 1 1. L-Unjoni Ewropea għandha tipprovdi assistenza għar-rinfurzar tal-kapaċità ta’ l-awtoritajiet tal-Georgia biex jipprovdu, permezz ta’ l-għassiesa tal-fruntieri tagħhom, appoġġ u protezzjoni ghal missjoni ta’ osservazzjoni ta’ l-OSCE fuq il-fruntiera tal-Georgia mar-Repubblika ta’ l-Ingush tal-Federazzjoni Russa, kif ukoll assistenza kontinwa ma’ dak li għandu x’jaqsam mal-fruntieri tal-Georgia mar-Repubblika ta’ Ċeċnija tal-Federazzjoni Russa. 2. Għal dan il-għan, l-Unjoni Ewropea għandha tipprovdi appoġġ finanzjarju lill-missjoni ta’ l-OSCE f’Georgia, u partikolarment ghall-operazzjoni ta’ osservazzjoni tal-fruntieri, biex ikopri l-ispejjez relatati ma’ ċertu apparat. Artikolu 2 1. Il-missjoni ta’ l-OSCE f’Georgia għandha tkun responsabbli għall-akkwist u trasferiment ta’ apparat 2. Il-Kummissjoni għandha tikkonkludi ftehim finanzjarju ma’ l-OSCE fuq l-użu ta’ l-appoġġ finanzjarju ta’ l-Unjoni Ewropea, li għandha tieħu l-forma ta’ għotja. L-għotja għandha tkopri l-akkwist ta’ oġġetti mażgħula mill-OSCE skond il-bzonnijiet ta’ l-awtoritajiet tal-Georgia fuq naħat Ingush u Ċeċeni tal-fruntiera tal-Georgia. 3. Il-Kummissjoni, permezz tad-delegazzjoni tagħha f’Tbilisi, għandha żżomm kuntatt viċin ma’ l-OSCE biex tkun tista’ tosserva u tevalwa l-wassla effettiva u l-użu ta’ l-apparat lill-għassiesa tal-fruntiera tal-Georgia. 4. Meta jwettqu dawn l-attivitajiet, il-Kummissjoni għandha tikkopera, kif inhu xieraq, mal-missjonijiet lokali ta’ l-Istati Membri. 5. Il-Kummissjoni għandha tirrapporta fuq l-implimentazzjoni ta’ l-Azzjoni ta’ l- Kunsill taħt l-awtorità tal-Presidenża, assistit mis-Segretarju Ġenerali tal-Kunsill, Rappreżentant għoli tal-PESK. Artikolu 3 1. Ir-referenza finanzjarja ta’ l-ammont għall-iskopijiet kif imsemmija fl-Artikolu 1 għandha tkun ta’ EUR 100000. 2. L-infiq li huwa finanzjat mill-ammont kif stipulat fil-paragrafu 1 għandha tkun amministrata f’konformità mal-proċeduri tal-Komunità Ewropeja u mar-regolamenti li huma applikabli għall-budget. Artikolu 4 Din l-Azzjoni Konġunta għandha tidħol is-seħħ dak inhar meta tiġi adottata. Għandha tiskadi 12 –il xahar wara li jiġi konkluż il-ftehim finanzjarju bejn il-Kummissjoni u l-OSCE. Artikolu 5 Din l-Azzjoni Konġunta ser tiġi ppublikata fil-Ġurnal Ufficjali Magħmul fi Brussell, fil-21 ta’ Mejju 2002. Għall-Kunsill Il-President R. De Miguel [1] ĠU L 183, tat-22.7.2000, p. 3. [2] ĠU L 202, tas-27.7.2001, p. 2. --------------------------------------------------