32001R1800

Ir-Regolament tal-Kummissjoni (KE) Nru 1800/2001

Dtat-13 ta' Settembru 2001

li jemenda r-Regolament tal-Kunsill (KE) Nru 1420/1999 u r-Regolament (KE) Nru 1547/1999 fir-rigward ta' trasport ta' ċerti tipi ta' skart lejn il-Guinea

(Test b'relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KEE) Nru 259/93 ta' l-1 ta' Frar 1993 dwar is-superviżjoni u kontroll ta' trasport ta' skart fi, ġewwa jew barra mill-Komunità Ewropea [1], kif l-aħħar emendat bir-Regolament (KE) Nru 1999/816 [2], u b'mod partikolari l-Artikolu 17(3) tiegħu,

Wara li kkunsidrat ir-Regolament tal-Kummissjoni (KE) Nru 1420/1999 tad-29 ta' April 1999 li jistabbilixxi regoli u proċeduri għall-applikazzjoni ta' trasport lill-ċerti pajjiżi mhux tal-OECD ta' ċerti tipi ta' skart [3], kif l-aħħar emendat bir-Regolament tal-Kunsill (KE) Nru 77/2001 [4], u b'mod partikolari l-Artikolu 3(5) tiegħu,

Billi:

(1) Il-Guinea innotifikat lill-Kummissjoni fit-22 ta' Marzu 2001 li l-importazzjoni ta' l- iskart kollu elenkat fil-kategorija GM ta' l-Anness II li jinsab mar-Regolament (KEE) Nru 259/93 huwa aċċettat mingħajr proċedura ta' kontroll.

(2) Skond l-Artikolu 17(3) tar-Regolament (KEE) Nru 259/93, il-kumitat stabbilit bl-Artikolu 18 tad-Direttiva tal-Kunsill 75/442/KEE tal-15 ta' Lulju 1975 dwar skart [5], kif l-aħħar emendat bid-Deċiżjoni tal-Kummissjoni 96/350/KE [6], kien notifikat bit-talba uffiċċjali tal-Guinea fil-5 ta' April 2001.

(3) Biex jingħata kont tas-sitwazzjoni l-ġdida f'dan il-pajjiż, huwa meħtieġ li jiġi emendat fl-istess waqt ir-Regolament (KE) Nru 1420/1999 u r-Regolament tal-Kummissjoni (KE) Nru 1547/1999 [7], kif l-aħħar emendat bir-Regolament (KE) Nru 1552/2000 [8].

(4) Il-miżuri li għalihom jipprovdi dan r-Regolament huma skond l-opinjoni tal-Kumitat stabbilit bis-saħħa ta' l-Artikolu 18 tad-Direttiva 75/442/KEE,

ADOTTAT DAN IR-REGOLAMENT:

Artikolu 1

Bejn it-test li jirrelata mal-GRENADA u HONGKONG fl-Anness D li jinsab mar-Regolament (KE) Nru 1547/1999, it-test li ġej huwa mdaħħal:

"GUINEA

It-tipi kollha tas-sezzjoni GM (Skart li joħroġ mill-industriji agro-alimentari)."

Artikolu 2

Wara t-test "It-tipi kollha ħlief" relatat mal-Guinea fl-Anness B li jinsab mar-Regolament (KE) Nru 1420/1999 it-test:

"GJ 120 | 630900 | Ħwejjeġ li jintlibsu u oġġetti oħra tattessuti li jintlibsu" |

huwa mibdul bit-test:

GJ 120 | 630900 | Ħwejjeġ li jintlibsu u oġġetti oħra tattessuti li jintlibsu |

"1. 2. It-tipi kollha tas-sezzjoni GM (Skart li joħroġ mill-industriji agro-ikel)."

Artikolu 3

Dan ir-Regolament għandu jidħol fis-seħħ fil-20 jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-13 ta' Settembru 2001.

Għall-Kummissjoni

Pascal Lamy

Membru tal-Kummissjoni

[1] ĠU L 30, tas-6.02.93, p. 1.

[2] ĠU L 316, ta' l-10.12.99, p. 45.

[3] ĠU L 166, tal-1.07.99, p. 6.

[4] ĠU L 11, tas-16.01.01, p. 14.

[5] ĠU L 194, tal-25.07.75, p. 39.

[6] ĠU L 135, tas-6.06.96, p. 32.

[7] ĠU L 185, tas-17.07.99, p. 1.

[8] ĠU L 176, tal-15.07.00, p. 27.

--------------------------------------------------