EUR-Lex Access to European Union law
This document is an excerpt from the EUR-Lex website
Document 32001L0090
Commission Directive 2001/90/EC of 26 October 2001 adapting to technical progress for the seventh time Annex I to Council Directive 76/769/EEC on the approximation of the laws, regulations and administrative provisions of the Member States relating to restrictions on the marketing and use of certain dangerous substances and preparations (creosote) (Text with EEA relevance)
Id-Direttiva tal-Kummissjoni 2001/90/KE tas-26 ta' Ottubru 2001 li tadatta għall-progress tekniku għas-seba’ darba l-Anness 1 tad-Direttiva tal-Kunsill 76/769/KEE dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mar-restrizzjonijiet dwar il-marketing u l-użu ta' ċerti sustanzi u preparazzjonijiet perikolużi (creosote) (Test b'rilevanza għaż-ŻEE)
Id-Direttiva tal-Kummissjoni 2001/90/KE tas-26 ta' Ottubru 2001 li tadatta għall-progress tekniku għas-seba’ darba l-Anness 1 tad-Direttiva tal-Kunsill 76/769/KEE dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mar-restrizzjonijiet dwar il-marketing u l-użu ta' ċerti sustanzi u preparazzjonijiet perikolużi (creosote) (Test b'rilevanza għaż-ŻEE)
ĠU L 283, 27.10.2001, p. 41–43
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 31/05/2009
Official Journal L 283 , 27/10/2001 P. 0041 - 0043
Id-Direttiva tal-Kummissjoni 2001/90/KE tas-26 ta' Ottubru 2001 li tadatta għall-progress tekniku għas-seba’ darba l-Anness 1 tad-Direttiva tal-Kunsill 76/769/KEE dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mar-restrizzjonijiet dwar il-marketing u l-użu ta' ċerti sustanzi u preparazzjonijiet perikolużi (creosote) (Test b'rilevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 76/769/KEE tas-27 ta' Lulju 1976 dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mar-restrizzjonijiet dwar il-marketing u l-użu ta' ċerti sustanzi u preparazzjonijiet perikolużi [1], kif l-aħħar emendata bid-Direttiva tal-Kunsill 2001/41/KE tal-Parlament Ewropew u tal-Kunsill [2], u b'mod partikolari, l-Artikolu 2a tagħha, introdott bid-Direttiva tal-Kunsill 89/678/KEE [3], Billi: (1) Id-Direttiva 94/60/KE tal-Parlament Ewropew u tal-Kunsill ta' l-20 ta' Diċembru 1994 li temenda għall-erbatax il-darba id-Direttiva 76/769/KEE dwar l-approssimazzjoni tal-liġijiet, ir-regolamenti u d-disposizzjonijiet amministrattivi ta' l-Istati Membri li għandhom x'jaqsmu mar-restrizzjonijiet dwar il-marketing u l-użu ta' ċerti sustanzi u preparazzjonijiet perikolużi [4] tqiegħed ċerti restrizzjonijiet fuq il-marketing u l-użu tal-creosote. (2) Studju riċenti [5] kkonkluda li l-creosote għandu potenzjal akbar li jikkawża l-kanċer milli kien maħsub. (3) L-istudju ġie riferut lill-Kumitat Xjentifiku dwar it-Tossiċità, l-Ekotossiċità u l-Ambjent (CSTEE) għal reviżjoni fost il-pari [6] u l-CSTEE kkonkluda li l-istudju kien maħsub sew u li hemm evidenza xjentifika sabiex issostni l-opinjoni u li hemm riskju ta' kanċer għal konsumaturi mill-creosote b’ kontenut ta'benzo-a-pyrene (BaP) ta' inqas minn 0,005 % skond il-massa u/jew minn injam li jikkontjeni dan il-creosote, u li d-daqs tar-riskju jagħti raġunijiet ċari għal tħassib. (4) Analiżi tal-vantaġġi u l-iżvantaġġi ta' aktar restrizzjonijiet fuq il-marketing u l-użu tal-creosote [7] ikkonkludiet fost affarijiet oħra, li l-maġġoranza ta' l-użu industrijali tal-creosote fil-Komunità diġà jinkludi inqas minn 0,005 % BaP skond il-massa u indikat illi r-riskji għas-saħħa minn dan il-creosote u/jew injam li fih dan il-creosote x’ aktarx ikunu baxxi f'applikazzjonijiet industrijali. (5) Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 li tikkonċerna t-tqegħid fis-suq ta' prodotti bioċidi [8] ser tarmonizza l-awtorizzazzjoni tal-bioċidiċi f'livell Ewropew u r-Regolament tal-Kummissjoni (KE) Nru 1896/2000 tas-7 ta' Settembru 2000 dwar l-ewwel fażi tal-programm imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar prodotti bioċidiċi [9] teħtieġ li preservattivi ta' l-injam jiġu valutati bħala prijorità fil-programm ta' reviżjoni stabbilit taħt id-Direttiva 98/8/KE. Sakemm issir l-armonizzazzjoni tar-regoli taħt id-Direttiva 98/8/KE ir-restrizzjonijiet dwar il-creosote jeħtieġ li jiġu adattati għall-progress tekniku. (6) Din id-Direttiva hija mingħajr preġudizzju għad-Direttiva tal-Kunsill 89/391/KEE tat-12 ta' Ġunju 1989 dwar l-introduzzjoni tal-miżuri għall-inkoraġġiment ta' titjib fis-sigurtà u s-saħħa tal-ħaddiema fuq ix-xogħol [10], li tistabbilxxi l-ħtiġiet minimi għall-protezzjoni tal-ħaddiema u d-Direttivi individwali tagħha fis-sens ta' l-Artikolu 16(1) ta' dik id-Direttiva, b’mod partikolari d-Direttiva tal-Kunsill 90/394/KEE tat-28 ta' Ġunju 1990 dwar il-protezzjoni ta' ħaddiema mir-riskji relatati ma’ l-espożizzjoni għall-karċinoġeni fuq ix-xogħol [11] u d-Direttiva tal-Kunsill 98/24/KE tas-7 ta' April 1998 dwar il-protezzjoni tas-saħħa u s-sigurtà tal-ħaddiema minn riskji ġejjin minn aġenti kimiċi fuq il-post tax-xogħol [12]. (7) Il-miżuri previsti f'din id-Direttiva huma skond l-opinjoni tal-Kumitat għall-adattament għall-progress tekniku tad-direttivi dwar it-tneħħija ta' ostakolil tekniċi għall-kummerċ f'sustanzi u preparazzjonijiet perikolużi, ADOTTAT DIN ID-DIRETTIVA Artikolu 1 L-Anness I għad-Direttiva 76/769/KEE huwa hawnhekk adattat għall-progress tekniku kif stabbilit fl-Anness m’ hawnhekk. Artikolu 2 1. L-Istati Membri għandhom jadottaw u jippubblikaw id-disposizzjonijiet neċessarji sabiex jikkonformaw ma’ din id-Direttiva sa mhux aktar tard mill-31 ta' Diċembru 2002. Għandhom minnufih jinfurmaw lill-Kummissjoni bihom. Għandhom japplikaw dawn id-disposizzjonijiet sa mhux aktar tard mit-30 ta' Ġunju 2003. 2. Meta l-Istati Membri jadottaw dawn id-disposizzjonijiet, għandu jkollhom referenza għal din id-Direttiva jew ikollhom magħhom din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referneza. Artikolu 3 Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej. Artikolu 4 Din id-Direttiva hija indirizzata lill-Istati Membri. Magħmula Brussel, fis-26 ta' Ottubru 2001. Għall-Kummissjoni. Erkki Liikanen Membru tal-Kummissjoni. [1] ĠU L 262, tas-27.9.1976, p. 24. [2] ĠU L 194, tat-18.07.01, p. 36. [3] ĠU L 398, tat-30.12.89, p. 24. [4] ĠU L 365, tal-31.12.1994, p. 1. [5] Studju tal-karċinoġeniċità tal-ġilda ta' żewġ prodotti tal-qatran tal-faħam b'applikazzjoni epikutatewka kronika fuq ġrieden maskili CD-1 (78 ġimgħa), u r-rapport finali magħmul mill-Istitut Fraunhofer tar-Riċerka tat-Tossiċità u Aerosol (Hanover, il-Ġermanja). [6] L-Opinjoni dwar ir-riskju tal-kanċer għall-konsumaturi mill-creosote li jikkontjeni inqas minn 50ppm benzo-ġaħ-pyrene u/jew minn injam trattat b'dan il-creosote u stima tad-daqs rispettiv, espressa fit-tmien laqgħa plenarja tas-CSTEE. Brussel, l-4 ta' Marzu 1999. Internet: http://europa.eu.int/comm/food/fs/sc/sct/out29-en.html [7] Analiżi tal-vantaġġi u l-iżvantaggi ta' restrizzjonijiet fuq it-tqegġid fis-suq u l-użu tal-creosote, "Risk and Policy Analysis Limited", (Norfolk, L-Ingilterra). [8] ĠU L 123, ta' l-24.04.98, p. 1. [9] ĠU L 228, tat-8.09.00, p. 6. [10] ĠU L 183, tad-29.06.89, p. 1. [11] ĠU L 196, tas-26.07.90, p. 1. [12] ĠU L 131, tal-5.05.98, p. 11. -------------------------------------------------- ANNESS Fl-Anness I tad-Direttiva 76/769/KEE, il-punt 32 huwa sostitwit b’ dan li ġej: "32.Sustanzi u preparazzjonijiet li fihom sustanza waħda jew iktar milli ġejjin:(a)creosoteEINECS Nru 232-287-5SAK Nru 8001-58-9(b)żejt tal-creosoteEINECS Nru 263-047-8SAK Nru 61789-28-4(ċ)distillati (qatran tal-faħam)żjut tan-naftalinaEINECS Nru 283-484-8SAK Nru 84650-04-4(d)żejt tal-creosote, frazzjon ta' l-acenafteneEINECS Nru 292-605-3SAK Nru 90640-84-9(e)distillati (qatran tal-faħam)ta' fuqEINECS Nru 266-026-1SAK No 65996-91-0(f)żejt ta' l-antraċeneEINECS Nru 292-602-7SAK Nru 90640-80-5(g)aċidi tal-qatran, faħam, mhux ipproċessatiEINECS Nru 266-019-3SAK Nru 65996-85-2(h)creosote, injamEINECS Nru 232-419-1SAK Nru 8021-39-4(i)żejt tal-qatran, alkalinta' temperature baxxa EINECS Nru 310-191-5SAK Nru 122384-78-5 | 1.Ma jistgħux jintużaw fit-trattament ta' l-injam. Barra minn hekk, injam trattat b’ dan il-mod ma jistax jitqiegħed fis-suq2.Madankollu, b'deroga,(i)li għandha x'taqsam mas-sustanzi u l-preparazzjonijiet: dawn jistgħu jintużaw għal trattament ta' l-injam f'installazzjonijiet industrijali jew minn professjonisti koperti bil-leġiżlazzjoni Komunitarja dwar il-protezzjoni tal-ħaddiema għal trattament mill-ġdid in situ, biss jekk dawn ikun fihom:(a)benzo-a-pyrene b'konċentrazzjoni ta' inqas minn 0,005 % skond il-massa(b)u fenoli estrattabbli bl-ilma b'konċentrazzjoni ta' inqas minn 3 % skond il-massa.Dawn is-sustanzi u l-preparazzjonijiet għall-użu fit-trattament ta' l-injam f'installazzjonijiet industrijali jew minn professjonisti:jistgħu jitqiegħdu fis-suq biss f'imballaġġ ta' kapaċità ugwali għal jew iktar minn 20 litru,ma jistgħux jinbigħu lil konsumaturiMingħajr preġudizzju għall-applikazzjoni ta' disposizzjonijiet Komunitarji oħra dwar il-klassifikazzjoni, l-imballaġġ u l-ittikkettar ta' sustanzi u preparazzjonijiet perikolużi, l-imballaġġ ta' dawn is-sustanzi u preparazzjonijiet għandu jiġi mmarkat b'mod leġibbli u indelibbli "Għal użu f'installazzjonijiet industrijali jew għal trattament professjonali biss".(ii)Fir-rigward ta' injam trattat f'installazzjonijiet industrijali jew minn professjonisti skond (i) li jitqiegħed fis-suq għall-ewwel darba jew jiġi trattat mill-ġdid in situ: dan huwa permess biss għal użu industrijali u professjonali, per eżempju, fuq binarji, f'trasmissjoni ta' enerġija elettrika u telekomunikazzjonijiet, għall-"fencing", għal skopijiet agrikoli (per eżempju, bsaten għall-appoġġ tas-siġar), u f'portijiet u kanali.(iii)Fir-rigward ta' injam li ġie ttrattat b'sustanzi elenkati fil-punt 32 (a) għal (i) qabel ma’ tapplika din id-Direttiva; il-projbizzjoni fil-punt 1 dwar it-tqegħid fis-suq m’ għandhiex tapplika meta dan jitqiegħed fis-suq second hand għal użu mill-ġdid3.Madankollu, l-injam ittrattat imsemmi taħt il-punt 20(ii) u (iii) ma jistax jintuża:f'bini, ikun liema jkun l-użu tiegħuf'ġugarellifi playgroundsf'ġonna pubbliċi, ġonna u faċilitajiet fuq barra ta' rikrejazzjoni u mistrieħ fejn hemm riskju ta' kuntatt frekwenti mal-ġilda,fil-fabbrikazzjoni ta' għamara għall-ġnien, bħal per eżempju, imwejjed għall-picnicsgħall-fabbrikazzjoni u l-użu u kwalunkwe trattament mill-ġdid ta':kontenituri maħsuba għal skopijiet ta' tkabbirimballaġġ li jista’ jiġi f’ kuntatt ma’ materja prima, intermedja jew prodotti lesti ddestinati għall-konsum uman u/jew mil-annimalimaterjali oħrajn li jistgħu jikkontaminaw il-prodotti imsemmija hawn fuq." | --------------------------------------------------