32001L0043

Id-Direttiva 2001/43/KE tal-Parlament Ewropew u tal-Kunsill

tas-27 ta' Ġunju 2001

li temenda d-Direttiva tal-Kunsill 92/23/KEE li tirrigwarda t-tyres ta' vetturi bil-mutur u l-karrijiet tagħhom kif ukoll għat-twaħħil tagħhom

IL-PARLAMENT EWROPEW U L-KUNSILL TA' L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 95 tiegħu,

Wara li kkunsidraw il-proposta mill-Kummissjoni [1],

Wara li kkunsidraw l-opinjoni tal-Kumitat Ekonomiku u Soċjali [2],

Filwaqt li jaġixxu skond il-proċedura msemmija fl-Artikolu 251 tat-Trattat [3], fid-dawl tat-test konġunt li kien approvat mill-Kumitat ta' Konċiljazzjoni tal-21 ta' Marzu 2001,

Billi:

(1) Għandhom jittieħdu miżuri biex jiġi żgurat il-funzjonament mingħajr xkiel tas-suq intern.

(2) Id-Direttiva tal-Kunsill 92/23/KEE tal-31 ta' Marzu 1992 li tirrigwarda t-tyres ta' vetturi bil-mutur u l-karrijiet tagħhom kif ukoll għat-twaħħil tagħhom [4] hija waħda mid-direttivi separati skond il-proċedura ta' approvazzjoni tal-Komunità, introdotti bid-Direttiva tal-Kunsill 70/156/KEE tas-6 ta' Frar 1970 dwar l-approssimazzjoni tal-liġijiet ta' l-Istati Membri li għandhom x'jaqsmu ma' l-approvazzjoni tat-tip ta' vetturi bil-mutur u l-karrijiet tagħhom [5]; għalhekk id-disposizzjonijiet tad-Direttiva 70/156/KEE li jinvolvu sistemi, komponenti u unitajiet tekniċi separati għal vetturi bil-mutur japplikaw ukoll għal din id-Direttiva.

(3) Għall-iskopijiet ta' l-implimentazzjoni b'mod partikolari ta' l-Artikolu 3(4), u l-Artikolu 4(3) tad-Direttiva 70/156/KEE, kull Direttiva separata għandu jkollha, fl-Anness għaliha, dokument ta' informazzjoni u dokument ta' approvazzjoni imfasslin skond l-Anness VI tad-Direttiva 70/156/KEE bl-iskop li l-approvazzjoni tiġi kompjuterizzata; id-dokument ta' approvazzjoni stabbilit fid-Direttiva 92/23/KEE għandu għalhekk jiġi emendat.

(4) l-Artikolu 4(2) tad-Direttiva tal-Kunsill 92/97/KEE ta' l-10 ta' Novembru 1992 li temenda d-Direttiva 70/157/KEE li tirrigwardja l-livell permissibbli tal-ħoss u s-sistema ta' l-exhaust tal-vetturi bil-mutur [6], jgħid li kull azzjoni sussegwenti maħsuba, b'mod partikolari, biex tirrikonċilja l-ħtiġiet tas-sigurta mal-bżonn li jiġu limitati l-ħsejjes ikkawżati mill-kuntatt bejn it-tyres u l-wiċċ tat-triq, tiġi adottata fuq il-bażi ta' proposta mill-Kummissjoni li tqis l-istudji u r-riċerka li għandhom jsiru fir-rigward tas-sors tal-ħoss.

(5) Metodu realistiku u u li jista' jkun riprodott li jippermetti l-kejl tal-ħoss li jiġi mill-kuntatt bejn it-tyres u l-wiċċ tat-triq ġie żviluppat; fuq il-bażi ta' dan il-metodu ġdid ta' tikjil, sar studju biex jipproduċi valur numeriku għall-livell ta' ħoss li jirrappreżenta l-ħoss tat-tyre fuq it-triq iġġenerat minn tipi differenti ta' tyres imwaħħlin ma' tipi differenti ta' vetturi bil-mutur.

(6) Irid jiġi rikonoxxut, meta jiġu stabbiliti l-ħtiġiet għall-ħsejjes tat-tidwir tat-tyres, illi t-tyres huma ddisinjata b'għal parametri relatati mas-sigurta u l-ambjent, u li jekk parametru wieħed jiġi kostrett, -parametri l-oħra jistgħu jiġu affettwati; għandu jkun rikonoxxut ukoll meta jiġu stabbiliti l-ħtiġiet għall-ħsejjes tat-tidwir tat-tyres, li qed isir żvilupp kontinwu ta' standards internazzjonali relatati mal-kwalità ta' l-uċuh tat-toroq mill-Organizzazzjoni Internazzjonali għall-Istandardizzazzjoni (ISO), u mal-ħtiġiet tar-reżistenza u s-sigurtà tat-tyres mill-Kummissjoni Ekonomika għall-Ewropa tan-Nazzjonijiet Uniti.

(7) Id-Direttiva 92/23/KEE għandha tiġi emendata għal hekk.

(8) Il-miżuri neċessarji għall-implimentzzjoni ta' din id-Direttiva għandhom jiġu adottati b'konformità mad-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni mogħtija lill-Kummissjoni [7],

ADOTTAW DIN ID-DIRETTIVA:

Artikolu 1

Id-Direttiva 92/23/KEE għandha tiġi emendata kif ġej:

1. "Approvazzjoni tat-tip ta' komponent tal-KEE", "approvazzjoni tat-tip tal-KEE" u "approvazzjoni tal-KEE" għandhom jinbidlu f'kull każ bit-terminu "approvazzjoni tat-tip tal-KE";

2. fl-Artikolu 1, l-ewwel inċiż għandu jinqara hekk:

"— "tyre" ifisser kull tyre pnewmatiku ġdid, inklużi tyres għax-xitwa li jkollhom toqob għall-grampuni, bħala tagħmir orġinali jew ta' tibdil, intenzjonat biex jitwaħħal fuq vetturi li għalihom tapplika d-Direttiva 70/156/KEE. Din id-definizzjoni ma tkoprix tyres tax-xitwa bil-grampuni;"

3. L-Artikolu li ġej għandu jiddaħħal:

"Artikolu 1a

1. Il-ħtiġiet stabbiliti fl-Anness V għandhom japplikaw għal tyres intenzjonati għat-twaħħil fuq vetturi użati għall-ewwel darba fl-1 ta' Ottubru 1980 jew wara.

2. Il-ħtiġiet stabbiliti fl-Anness V ma għandhomx japplikaw għal:

(a) tyres li l-kategorija tal-veloċità tagħhom hija ta' anqas minn 80 km fis-siegħa;

(b) tyres li d-dijametru nominali tar-rimm tagħhom ma jkunx aktar minn 254 mm (jew kodiċi 10) jew ikun 635 mm jew aktar (kodiċi 25);

(ċ) tyres spare tat-tip T għal użu temporanju definiti f'2.3.6 ta' l-Anness II;

(d) tyres ddisinjati biss biex jitwaħħlu fuq vetturi reġistrati għall-ewwel darba qabel l-1 ta' Ottubru 1980.";

4. L-Artikolu 2 jitbiddel b'dan li ġej:

"Artikolu 2

1. L-Istati Membri għandhom jagħtu approvazzjoni tat-tip tal-KE, bil-kondizzjoniet stabbiliti fl-Anness I, għat-tipi kollha ta' tyres li jissodisfaw il-ħtiġiet ta' l-Anness II, u għandhom jallokaw għal dawn numru ta' approvazzjoni kif speċifikat fl-Anness I.

2. L-Istati Membri għandhom jagħtu approvazzjoni tat-tip tal-KE, bil-kondizzjoniet stabbiliti fl-Anness I, għat-tipi kollha ta' tyres li jissodisfaw il-ħtiġiet ta' l-Anness V, u għandhom jallokaw għal dawn numru ta' approvazzjoni kif speċifikat fl-Anness I.

3. L-Istati Membri għandhom jagħtu approvazzjoni tat-tip tal-KE għall-vetturi kollha fir-rigward tat-tyres tagħhom bil-kondizzjonijiet stabbiliti fl-Anness III, meta dawn it-tyres (inklużi tyres spare, fejn japplika) jissodisfaw il-ħtiġiet ta' l-Anness II u l-ħtiġiet li jikkonċernaw vetturi stabbiliti fl-Anness IV, u għandhom jallokaw għal kull vettura bħal din numru ta' approvazzjoni kif speċifikat fl-Anness III"

5. il-Lista ta' l-Annessi u l-Annessi għandhom jiġu emendati b'konformità ma' l-Anness ta' din id-Direttiva;

6. L-Artikolu li ġej għandu jiddaħħal:

"Artikolu 10a

1. Mill-4 ta' Frar 2003, l-Istati Membri ma jistgħux:

(a) jirrifjutaw li jagħtu approvazzjoni tat-tip tal-KE jew approvazzjoni nazzjonali għal tip ta' vettura jew tip ta' tyre, jew

(b) jipprojbixxu r-reġistrazzjoni, il-bejgħ jew id-dħul fis-servizz ta' vetturi, u l-bejgħ jew id-dħul fis-servizz jew użu ta' tyres,

għal raġunijiet li għandhom x'jaqsmu mat-tyres u t-twaħħil tagħhom fuq vetturi ġodda, jekk dawn il-vetturi jew tyres jikkonformaw mal-ħtiġiet stabbiliti f'din id-Direttiva, kif emendata bid-Direttiva 2001/43/KE [8]

2. Mill-4 ta' Awissu 2003, l-Istati Membri ma jistgħux aktar jagħtu approvazzjoni tat-tip tal-KE, u għandhom jirrifjutaw li jagħtu approvazzjoni tat-tip nazzjonali għal dawk it-tipi ta' tyres fil-kamp ta' applikazzjoni ta' din id-Direttiva li ma jissodisfawx il-ħtiġiet ta' din id-Direttiva, kif emendata bid-Direttiva 2001/43/KE.

3. Mill-4 ta' Frar 2004, l-Istati Membri ma jistgħux aktar jagħtu approvazzjoni tat-tip tal-KE jew approvazzjoni nazzjonali għal tip ta' vettura, għal raġunijiet li jikkonċernaw it-tyres tagħha jew inkella t-twaħħil tagħhom, jekk ma jkunux sodisfatti l-ħtiġiet ta' din id-Direttiva, kif emendata bid-Direttiva 2001/43/KE.

4. Mill-4 ta' Frar 2005, l-Istati Membri għandhom:

(a) jikkunsidraw iċ-ċertifikati ta' konformità li jakkumpanjaw vetturi ġodda skond id-disposizzjonijiet tad-Direttiva 70/156/KEE, bħala mhux aktar validi għall-iskopijiet ta' l-Artikolu 7(1) tad-Direttiva msemmija, jekk ma jkunux sodisfatti l-ħtiġiet ta' din id-Direttiva, kif emendata bid-Direttiva 2001/43/KE, u

(b) jirrifjutaw ir-reġistrazzjoni jew jipprojbixxu l-bejgħ jew id-dħul fis-servizz ta' vetturi ġodda li ma jissodisfawx il-ħtiġiet ta' din id-Direttiva, kif emendata bid-Direttiva 2001/43/KE.

5. Mill-1 ta' Ottubru 2009, id-disposizzjonijiet ta' din id-Direttiva, kif emendata bid-Direttiva 2001/43/KE, għandhom japplikaw, għall-iskopijiet ta' l-Artikolu 7(2) tad-Direttiva 70/156/KE, għat-tyres kollha li jaqgħu fil-kamp ta' applikazzjoni ta' din id-Direttiva, bl-eċċezzjoni ta' tyres tal-klassijiet C1d u C1e, li għalihom għandhom japplikaw mill-1 ta' Ottubru 2010 u mill-1 ta' Ottubru 2011 rispettivament."

Artikolu 2

1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijiet amministrattivi neċessarji biex jikkonformaw ma' din id-Direttiva qabel l-4 ta' Awwisu 2002. Huma għandhom jinfurmaw lill-Kummissjoni b'dan minnufih.

Huma għandhom japplikaw dawn id-disposizzjonijiet sa mhux aktar tard mill-4 ta' Frar 2003.

2. Meta l-Istati Membri jadottaw il-miżuri msemmija fil-paragrafu 1, dawn għandhom ikollhom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. Il-metodi ta' kif issir din ir-referenza għandhom jiġu stabbiliti mill-Istati Membri.

3. L-Istati Membri għandhom jikkomunikaw lill-Kummissjoni t-test tad-disposizzjoniet ewlenin tal-liġi nazzjonali li huma jadottaw fil-qasam kopert b'din id-Direttiva.

Artikolu 3

1. Sa mhux aktar tard mill-4 ta' Awwisu 2003, għandha tiġi adottata emenda għad-Direttiva 92/23/KEE skond il-proċedura msemmija fl-Artikolu 4(2) sabiex jiġu introdotti testijiet tal-qabda ma' l-art tat-tyres.

2. Fid-dawl ta' l-esperjenza miksuba mill-introduzzjoni ta' valuri ta' limitu għall-ħsejjes tat-tyres, il-Kummissjoni għandha, fi żmien 36 xahar wara d-dħul fis-seħħ ta' din id-Direttiva, tissottometti rapport lill-Parlament Ewropew u lill-Kunsill dwar jekk u safejn il-progress tekniku jippermetti, mingħajr ma jikkomprometti s-sigurta, l-introduzzjoni tal-valuri ta' limitu indikati fl-Anness V, sezzjoni 4.2.1. kolonni B u C, tad-Direttiva 92/23/KEE, kif emendata b'din id-Direttiva. Fuq il-bażi ta' dan ir-rapport, il-Kummissjoni għandha fi żmien 12-il xahar tipproponi emenda għad-Direttiva 92/23/KEE, bl-għan li tintroduċi disposizzjonijiet dwar aspetti ta' sigurtà, ambjent u resistenza għat-tidwir.

Artikolu 4

1. Il-Kummissjoni għandha tiġi mgħejjuna mill-Kumitat għall-Adattament għall-Progress Tekniku stabbilit b'L-Artikolu 13 tad-Direttiva 70/156/KEE, min hawn "l quddiem imsejjaħ" il-Kumitat.

2. Fejn issir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE, waqt li jiġu osservati d-disposizzjonijiet ta' l-Artikolu 8 tagħha.

Il-perijodu stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.

3. Il-Kumitat għandu jadotta r-regoli tal-proċedura tiegħu.

Artikolu 5

Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 6

Din id-Direttiva hija indirizzata lill-Istati Membri.

Magħmula fil-Lussemburgu, fis-27 ta' Ġunju 2001.

Għall-Parlament Ewropew

Il-President

N. Fontaine

Għall-Kunsill

Il-President

B. Rosengren

[1] ĠU C tat-30, tat-28.1.1998, p. 8.

[2] ĠU C 235, tas-27.7.1998, p. 24.

[3] L-Opinjoni tal-Parlament Ewropew tat-18 ta' Frar 1998 (ĠU C 80, tas-16.3.1998, p. 90), il-Posizzjoni Komuni tal-Kunsill tat-13 ta' April 2000 (ĠU C 195, tal-11.7.2000, p. 16) u d-Deċiżjoni tal-Parlament Ewropew tas-7 ta' Settembru 2000 (ĠU C 135, tas-7.5.2001, p. 254). Id-Deċiżjoni tal-Parlament Ewropew tal-31 ta' Mejju 2001 u d-Deċiżjoni tal-Kunsill tal-5 ta' Ġunju 2001.

[4] ĠU L 129, ta' l-24.5.1992, p. 95. Id-Direttiva emendata bl-Att ta' Adeżjoni ta' l-1994.

[5] ĠU L 42, tat-23.2.1970, p. 1. Id-Direttiva emendata l-aħħar bid-Direttiva 2000/40/KE tal-Parlament Ewropew u tal-Kunsill (ĠU L 203, ta' l-10.8.2000, p. 9).

[6] ĠU L 371, tad-19.12.1992, p. 1.

[7] ĠU L 184, tas-17.7.1999, p. 23.

[8] Id-Direttiva 2001/43/KE tal-Parlament Ewropew u tal-Kunsill tas-17 ta' Ġunju 2001 li temenda d-Direttiva tal-Kunsill 92/23/KEE li tirrigwarda t-tyres ta' vetturi bil-mutur u l-karrijiet tagħhom kif ukoll għat-twaħħil tagħhom (ĠU L 211, ta' l-4.8.2001, p. 25).

--------------------------------------------------

ANNESS

1. Il-lista ta' l-Annessi taqra kif ġej:

"ANNESS I | Disposizzjonijiet amministrattivi għall-approvazzjoni tat-tip tal-KE għal tyres |

Appendiċi 1 | Dokument ta' informazzjoni rigward l-approvazzjoni tat-tip tal-KE għal tip partikolari ta' tyre |

Appendiċi 2 | Ċertifikat ta' approvazzjoni tat-tip tal-KE (tyres) |

Appendiċi 3 | Dokument ta' informazzjoni rigward l-approvazzjoni tat-tip tal-KE għal tip ta' tyre rigward l-emissjoni ta' ħsejjes ikkawżati mill-kuntatt tat-tyre mal-wiċċ tat-triq |

Appendiċi 4 | Ċertifikat ta' approvazzjoni tat-tip tal-KE (emissjoni ta' ħsejjes tyre/triq) |

ANNESS II [1] | Il-ħtiġiet għat-tyres |

Appendiċi 1 | Figura ta' spjega |

Appendiċi 2 | Lista ta' simboli ta' l-indiċi tal-kapaċità ta' tagħbija u l-massa massima korrispondenti li għandha tinġarr |

Appendiċi 3 | Arranġament għall-immarkar tat-tyres |

Appendiċi 4 | Relazzjoni bejn l-indiċi tal-pressjoni u l-unitajiet ta' pressjoni |

Appendiċi 5 | Il-kejl tar-rimm, id-dijametru ta' barra u l-wisa' tas-sezzjoni ta' tyres ta' ċerti qisien |

Appendiċi 6 | Metodu ta' kif jitkejjlu l-qisien tat-tyres |

Appendiċi 7 | Proċedura tat-test tagħbija/veloċità |

Appendiċi 8 | Il-varjazzjoni ta' l-indiċi tal-kapaċità tat-tagħbija mal-veloċità; tyres radjali u djagonali ta' vetturi kummerċjali |

ANNESS III | Disposizzjonijiet amministrattivi għall-approvazzjoni tat-tip ta' vetturi fir-rigward tat-twaħħil tat-tyres tagħhom |

Appendiċi 1 | Dokument ta' informazzjoni għal vettura |

Appendiċi 2 | Ċertifikat ta' approvazzjoni tat-tip tal-KE għal vettura |

ANNESS IV | Ħtiġiet għal vetturi fir-rigward tat-twaħħil tat-tyres tagħhom |

ANNESS V | Emissjoni ta' ħsejjes tyre/triq |

Appendiċi 1 | Metodu ta' ittestjar għall-livelli ta' ħoss tyre/triq, il-metodu ta' sewqan bil-magna mitfija |

Appendiċi 2 | Ir-rapport tat-test |

ANNESS VI | Speċifikazzjonijiet dwar is-sit tat-test |

2. L-Anness I jinbidel b'dan li ġej:

ANNESS I

DISPOSIZZJONIET AMMINISTRATTIVI GĦALL-APPROVAZZJONI TAT-TIP TAL-KE GĦAL TYRES

1. APPLIKAZZJONI GĦALL-APPROVAZZJONI TAT-TIP TAL-KE GĦAL TIP TA' TYRE

1.1. L-applikazzjoni għall-approvazzjoni tat-tip tal-KE għal tip ta' tyre skond l-Artikolu 3(4) tad-Direttiva 70/156/KEE għandha tkun sottomessa mill-manifattur tat-tyres.

1.1.1. L-applikazzjoni għall-approvazzjoni tat-tip tal-KE skond l-Anness II għandha tkun akkumpanjata fi tliet kopji, b'deskrizzjoni tat-tip ta' tyre, kif deskritt fid-dokument ta' informazzjoni fl-Appendiċi 1.

1.1.1.1. L-applikazzjoni għandha tkun akkumpanjata (kollha fi tliet kopji) bi skeċċ, jew ritratt rappreżentattiv, li jidentifika id-disinn tal-parti tat-tyre li tirfes l-art (tread) u skeċċ tal-qoxra ta' barra tat-tyre minfuħ immuntat fuq ir-rota tat-tikjil bid-dimensjonijiet rilevanti (ara s-sezzjonijiet 6.1.1. u 6.1.2. ta' l-Anness II) tat-tip sottomess għall-approvazzjoni.

1.1.1.2. L-applikazzjoni għandha tkun akkumpanjata bir-rapport tat-test maħruġ mis-servizz tekniku appuntat, jew b' numru ta' kampjuni stabbilit mill-awtorità li tapprova.

1.1.2. L-applikazzjoni għall-approvazzjoni tat-tip tal-KE skond l-Anness V għandha tkun akkumpanjata, fi tliet kopji, b'deskrizzjoni tat-tip ta' tyre kif deskritt fid-dokument ta' informazzjoni fl-Appendiċi 3.

1.1.2.1. L-applikazzjoni għandha tkun akkumpanjata (kollha fi tliet kopji) bi skeċċijiet, tpinġijiet jew ritratti tad-disinn/disinnji tat-tread rappreżentattiv/i tat-tip ta' tyres.

1.1.2.2. L-applikazzjoni għandha tkun akkumpanjata wkoll jew bir-rapport tat-test maħruġ mis-servizz tekniku appuntat, jew b' numru ta' kampjuni stabbilit mill-awtorità li tapprova.

1.2. Il-manifattur jista' japplika għal estensjoni ta' l-approvazzjoni tat-tip tal-KE

1.2.1. Biex tinkludi tipi modifikati ta' tyres għall-approvazzjoni tat-tip tal-KE skond l-Anness II u/jew

1.2.2. Biex tinkludi denominazzjonijiet ta' qisien ta' tyres addizzjonali u/jew ismijiet tal-prodott jew deskrizzjoniet kummerċjali tal-manifattur emendati u/jew disinnji tat-tread għall-approvazzjoni tat-tip tal-KE skond l-Anness V.

1.3. Sa' l-31 ta' Diċembru 2005 l-awtorità li tapprova tista' taċċetta l-laboratorji tal-manifattur tat-tyres bħala laboratorji ta' ittestjar approvati skond l-Artikolu 14(1) tad-Direttiva 70/156/KEE.

2. ISKRIZZJONIJIET

2.1. Kampjuni ta' tip ta' tyre sottomess għall-approvazzjoni tat-tip tal-KE għandhom ikollhom it-trade mark jew l-isem kummerċjali ta' l-applikant, li jkunu jidhru ċar u ma jitħassrux, u għandhom iħallu spazju biżżejjed għall-iskrizzjoni tal-marka ta' approvazzjoni tat-tip tal-KE kif meħtieġ fis-sezzjoni 4 ta' dan l-Anness.

3. APPROVAZZJONI TAT-TIP TAL-KE

3.1. Approvazzjoni tat-tip tal-KE skond l-Artikolu 4 tad-Direttiva 70/156/KEE għandhatingħata u numru ta' l-approvazzjoni tat-tip tal-KE għandu jinħareġ għal kull tip ta' tyre sottomess skond 1.1.1. hawn fuq li jissodisfa l-ħtiġiet ta' l-Anness II.

3.1.1. Avviż ta' approvazzjoni jew estensjoni jew ċaħda jew irtirar ta' approvazzjoni jew produzzjoni li waqfet definittivament dwar tip ta' tyre skond l-Anness II għandu jiġi kkomunikat lill-Istati Membri f'konformità ma' l-Artikolu 4(6) tad-Direttiva 70/156/KEE.

3.1.2. Approvazzjoni tat-tip tal-KE skond id-Direttiva 70/156/KEE għandha tingħata, u numru ta' approvazzjoni tat-tip tal-KE għandu jinħareġ għal kull tip ta' tyre sottomess skond 1.1.2. hawn fuq, li jissodisfa l-ħtiġiet ta' l-Anness V.

3.2.1. Avviż ta' approvazzjoni jew estensjoni jew ċaħda jew irtirar ta' approvazzjoni jew ta' produzzjoni li waqfet definittivament għal tip ta' tyre skond l-Anness V għandu jiġi kkomunikat lill-Istati Membri f'konformità ma' l-Artikolu 4(6) tad-Direttiva 70/156/KEE.

3.3. Numru ta' l-approvazzjoni tat-tip tal-KE għandu jiġi assenjat lil kull tip ta' tyre li jkun ġie approvat. L-istess Stat Membru ma jistgħax jassenja l-istess numru lil tip ta' tyre ieħor. B'mod partikolari, in-numri ta' approvazzjoni assenjati skond l-Anness II u n-numri ta' l-approvazzjoni tat-tip tal-KE assenjati skond l-Anness V għandhom ikunu differenti.

4. IL-MARKI TA' L-APPROVAZZJONI TAT-TIP TAL-KE

4.1. Kull tyre li jikkonforma ma' tip li għalih tkun ingħatat approvazzjoni tat-tip tal-KE skond din id-Direttiva, għandu jkollu l-marka relevanti ta' l-approvazzjoni tat-tip tal-KE.

4.2. Il-marka ta' l-approvazzjoni tat-tip tal-KE tkun tikkonsisti minn rettangolu li jdawwar l-ittra "e" minuskula segwita min-numru distintiv ta' l-Istat Membru li jkun ta l-approvazzjoni tat-tip skond l-Anness VII għad-Direttiva 70/156/KEE. In-numru ta' l-approvazzjoni tat-tip tal-KE jkun jikkonsisti min-numru ta' l-approvazzjoni tat-tip tal-KE muri fuq iċ-ċertifikat ikkompletat għat-tip, preċedut minn żewġ ċifri: "00" għat-tyres ta' vetturi kummerċjali, "02" għat-tyres ta' karrozzi tal-passiġġieri.

4.2.1. Ir-rettangolu li jifforma l-marka ta' l-approvazzjoni tat-tip tal-KE għandu jkollu tul minimu ta' 12 mm u għoli minimu ta' 8 mm. L-ittra (ittri) jew numru (numri) għandhom ikunu għoljin minn ta' l-anqas 4 mm.

4.3. Il-marki u n-numri ta' l-approvazzjoni tat-tip tal-KE, u kull marka addizzjonali meħtieġa fl-Anness II, sezzjoni 3., ta' l-aħħar għall-approvazzjoni tat-tip skond il-ħtiġiet ta' l-Anness II, għandhom jitwaħħlu kif stabbilit f'dik is-sezzjoni.

4.4. In-numri ta' l-approvazzjoni assenjati skond l-Anness V għandhom ikunu segwiti bis-suffiss "s", fejn "s" hija taqsira tal-kelma Ingliża "sound".

4.5. Eżempju tal-marka ta' l-approvazzjoni tat-tip tal-KE huwa mogħti hawn taħt:

+++++ TIFF +++++

It-tyre li għandu l-marka ta' l-approvazzjoni tat-tip tal-KE murija hawn fuq huwa tyre ta' vettura kummerċjali (00) li jissodisfa l-ħtiġiet tal-KE (e), li għalih il-marka ta' l-approvazzjoni tat-tip tal-KE ngħatat fl-Irlanda (24) bin-numru 479 skond l-Anness II, u fl-Italja (3), bin-numru 687-s skond l-Anness V.

Nota:

In-numri "479" u "687" (in-numri tal-marki ta' l-approvazzjoni tat-tip tal-KE) u n-numru "24" u n-numru "3" (l-ittri u n-numru ta' l-Istati Membri li ħarġu l-approvazzjoni tal-KE) iservu biss bħala gwida.

In-numri ta' approvazzjoni għandhom jitpoġġew qrib ir-rettangolu u jistgħu jkunu fuq, taħt, fuq ix-xellug jew fuq il-lemin. Il-karattri tan-numru ta' l-approvazzjoni għandhom ikunu kollha fuq l-istess naħa ta' l-ittra "e" u jkunu jħarsu fl-istess direzzjoni.

5. MODIFIKAZZJONI TA' TIP TA' TYRE

5.1. Jekk tyre li ngħata l-approvazzjoni tat-tip skond l-Anness II jew skond l-Anness V jkun ġie modifikat, id-disposizzjonijiet ta' l-Artikolu 5 tad-Direttiva 70/156/KEE għandhom japplikaw.

5.2. Jekk id-disinn tat-tread ta' tyre ikun ġie modifikat fil-każ ta' approvazzjonijiet tat-tip skond l-Anness II, ebda ripetizzjoni tat-testijiet stabbiliti fl-Anness II ma tkun meqjusa neċessarja.

5.3. Fil-każ fejn jiżdiedu denominazzjonijiet ta' qisien ta' tyres jew trade marks mal-gamma ta' tyres approvati skond l-Anness V, kull ħtieġa ta' ttestjar mill-ġdid għandha tiġi determinata mill-awtorità li tapprova t-tip.

5.4. Fil-każ fejn jiġi modifikat id-disinn tat-tread ta' gamma ta' tyres approvati skond l-Anness V, sett rappreżentattiv ta' kampjuni għandu jerġa' jiġi ttestjat għajr jekk l-awtorità li tapprova t-tip tkun sodisfatta li l-modifikazzjoni ma taffettwax l-emissjonijiet ta' ħsejjes tyre/triq.

6. KONFORMITÀ TAL-PRODUZZJONI

6.1. Ir-regoli ġenerali li jiżguraw il-konformità tal-produzzjoni għandhom jiġu adottati skond id-disposizzjonijiet stabbiliti fl-Artikolu 10 tad-Direttiva 70/156/KEE.

6.2. B'mod partikolari, meta jsir l-iċċekkjar skond l-Appendiċi I ta' l-Anness V biex tiġi ċċekkjata l-konformità tal-produzzjoni, jekk il-livell tal-ħoss tat-tyre ittestjat ma jeċċedix il-valuri ta' limitu stabbiliti fis-sezzjoni 4.2. ta' l-Anness V b'aktar minn 1 dB(A), il-produzzjoni għandha titiqies li tikkonforma mal-ħtiġiet tas-sezzjoni 4 ta' l-Anness V msemmi hawn fuq.

3. It-titlu ta’ l-Appendiċi 1 għall-Anness 1 jaqra kif ġej:

"Appendiċi 1

DOKUMENT TA' INFORMAZZJONI Nru… RIGWARD L-APPROVAZZJONI TAT-TIP TAL-KE GĦAL TIP TA' TYRE

(Anness II għad-Direttiva 92/23/KEE)"

4. It-titlu ta' l-Appendiċi 2 għandu jaqra kif ġej:

"Appendiċi 2

ĊERTIFIKAT TA' L-APPROVAZZJONI TAT-TIP TAL-KE

(tyres)

MUDELL

(format massimu: A4 (210 mm × 297 mm))"

5. Fl-Appendiċi 2 ta' l-Anness I fil-punt

"Komunikazzjoni li"

tikkonċerna il-' jiżdiedu l-inċiżi li ġejjien:

"— irtirar ta' l-approvazzjoni tat-tip (1);

— waqfien tal-produzzjoni (1)"

6. L-Appendiċi li ġejjin jiżdiedu ma' l-Anness I: "

Appendiċi 3

DOKUMENT TA' INFORMAZZJONI NRU .… RIGWARD L-APPROVAZZJONI TAT-TIP TAL-KE GĦAL TIP TA' TYRE RIGWARD L-EMISSJONI TA' ĦSEJJES TYRE/TRIQ

(Anness V għad-Direttiva 92/23/KEE)

L-informazzjoni li ġejja, jekk tkun tapplika, għandha tkun sottomessa fl-oriġinal u żewġ kopji u għandha tinkludi lista tal-kontenut. Tpinġijiet, jekk ikun hemm, iridu jkunu ta' skala adattata, dettaljati u fuq karta ta' qies A4 jew mitwija sa dak il-qies. Fil-każ ta' funzjonijiet li jsiru b'mikroproċessur, għandha tingħata l-informazzjoni rileventi għall-funzjoni tagħhom.

1. ĠENERALI

1.1. Isem il-manifattur:

1.2. Isem u indirizz ta' l-applikant:

1.3. Indirizz(i) ta' l-impjant(i) tal-produzzjoni:

1.4. Isem(ismijiet) tal-prodott, Deskrizzjoni(jiet) kummerċjali jew Trade Marks li se jintużaw fit-talba għall-approvazzjoni tat-tip għat-tyre partikolari

2. TYRES

2.1 Klassifikazzjoni tat-tyre: (Klassi C1, Klassi C2 jew Klassi C3)

2.2 Kategorija ta' użu: (normali, tas-silġ jew speċjali)

2.3 Dettalji tal-karatteristiċi prinċipali fir-rigward ta' l-effetti fuq l-emissjoni ta' ħsejjes tyre/triq tad-disinn(i) tat-treads li se jintużaw għall-iskala ta' qisien ta' tyres magħżula. Dawn jistgħu jingħataw permezz ta' tpinġija, ritratt jew deskrizzjoni, iżda għandhom ikunu suffiċjenti biex l-awtorità li tapprova t-tip jew is-servizz tekniku jistgħu jistabbilixxu jekk tibdil sussegwenti fil-karatteristiċi prinċipali jaffettwax ħażin l-emissjoni tal-ħsejjes tyre/triq.

Nota:

L-effett ta' tibdil żgħir fid-disinn tat-tread u l-binja tat-tyre fuq l-emissjoni ta' ħsejjes tyre/triq, jiġi stabbilit matul il-verifiki tal-konformità tal-produzzjoni.

2.4 L-istruttura tat-tyre

2.5 Lista ta' għażliet ta' disinni tat-treads:

(għal kull trade mark jew isem tal-prodott u għal kull deskrizzjoni kummerċjali speċifika l-lista ta' denominazzjonijiet tat-tyres, skond sezzjoni 2.17. ta' l-Anness II tad-Direttiva 92/23/KEE u żid, fil-każ ta' tyres ta' Klassi C1, il-marka "Rinforzat" jew "Extra Load", jekk ikun applikabbli).

Appendiċi 4

+++++ TIFF +++++

"

7. Fl-Anness IV, sezzjoni 3.1.1. tinqara kif ġej:

"3.1.1. Bla ħsara għad-disposizzjoniet f'sezzjoni 3.7.4., kull tyre imwaħħal fuq vettura inkluż, fejn applikabbli, kull spare, għandu jkollu l-marka (jew marki) ta' l-approvazzjoni tat-tip tal-KE kif speċifikat fis-sezzjoni 4 ta' l-Anness I, jew il-marka ta' l-approvazzjoni tat-tip li turi l-konformità mar-regoli Nri 30 jew 54 tal-UN/ECE. Il-marki ta' l-approvazzjoni tat-tip tal-UN/ECE huma kkunsidrati bħala ekwivalenti biss għall-marki ta'l-approvazzjoni tat-tip tal-KE mogħtija skond l-Anness II."

8. L-Anness u l-Appendiċi li ġejjin jiġu inseriti: "

L-ANNESS V

EMISSJONI TA' ĦSEJJES TYRE/TRIQ

1. KAMP TA' APPLIKAZZJONI

Dan l-Anness japplika għall-approvazzjoni tat-tip tal-KE ta' tyres, bħala komponenti, fir-rigward ta' emissjonijiet ta' ħsejjes tyre/triq.

2. DEFINIZZJONIJIET

Għall-iskopijiet ta' dan l-Anness, id-definizzjonijiet ta' l-Anness II għandhom japplikaw, barra d-definizzjoni li tidher fis-sezzjoni 2.1, li għandha tinqara kif ġej:

2.1. "Tip ta' tyre"

tfisser, fir-rigward ta' l-approvazzjoni tat-tip skond dan l-Anness (emissjoni ta' ħsejjes tyre/triq), gamma ta' tyres li jikkonsisti f'lista ta' denominazzjonijiet ta' qisien ta' tyres (ara sezzjoni 2.17 ta' l-Anness II), ismijiet tal-prodott, trade marks u deskrizzjonijiet kummerċjali li ma jvarjawx f'karatteristiċi essenzali bħal:

- isem il-manifattur

- il-klassifikazzjoni tat-tyre (ara sezzjoni 2.4 ta' dan l-Anness)

- l-istruttura tat-tyre (ara sezzjoni 2.1.4 ta' dan l-Anness)

- il-kategorija ta' l-użu (ara sezzjoni 2.1.3 ta' l-Anness II)

- għal tyres tal-klassi C1. Rinforzat jew Extra Load

- id-disinn tat-tread (ara 2.3 tad-Dokument ta' Informazzjoni, l-Anness I, Appendiċi 3).

Nota:

L-effett ta' bidliet ta' dettalji żgħar fit-tread u l-kostruzzjoni tat-tyre fuq l-emissjoni ta' ħsejjes tyre/triq jiġu stabbiliti waqt l-iċċekkjar għall-konformità tal-produzzjoni.

Barra minn hekk, id-definizzjonijiet li ġejjin għandhom ukoll japplikaw:

2.2. "

L-isem tal-prodott jew deskrizzjoni kummerċjali

"

tfisser l-identifikazzjoni tat-tyre ipprovduta mill-manifattur tat-tyre. L-isem tal-prodott jista' jkun l-istess bħal tal-manifattur u d-deskrizzjoni kummerċjali tista' tikkoinċidi mat-trade mark.

2.3. "

Emissjoni ta' ħsejjes

tyre

/triq

"

tfisser il-ħoss li jiġi mill-kuntatt bejn it-tyres waqt li jkunu qed iduru u l-wiċċ tat-triq.

2.4. Għall-iskop ta' dan l-Anness, il-klassifika li ġejja għandha tapplika:

tyres tal-Klassi C1 | tyres għal karozzi tal-passiġġieri (ara sezzjoni 2.32. ta' l-Anness II); |

tyres tal-Klassi C2 | tyres għal vetturi kummerċjali (ara sezzjoni 2.33 ta' l-Anness II) li f'formazzjoni singola jkollhom indiċi ta' kapaċità ta' tagħbija ≤ 121 u simbolu tal-kategorija tal-veloċità ≥ "N" (ara sezzjoni 2.29.3. ta' l-Anness II); |

tyres tal-Klassi C3 | tyres għal vetturi kummerċjali (ara sezzjoni 2.33 ta' l-Anness II) li f'formazzjoni singola jkollhom indiċi ta' kapaċita ta' tagħbija ≤ 121 u simbolu tal-kategorija tal-veloċità ≥ "M" (ara sezzjoni 2.29.3. ta' l-Anness II) jew tyres ta' vetturi kummerċjali (ara sezzjoni 2.33 ta' l-Anness II) li f'formazzjoni waħda jkollhom indiċi ta' kapaċità ta' tagħbija ≥ 122. |

3. ĦTIĠIET TA' IMMARKAR

3.1. Barra l-ħtiġiet l-oħra ta' immarkar deskritti fis-sezzjoni 4 ta' l-Anness I u fis-sezzjoni 3 ta' l-Anness II, it-tyre għandu jkollu dawn il-marki li ġejjin:

3.1.1. l-isem tal-manifattur jew it-trade mark; l-isem tal-prodott, id-deskrizzjoni kummerċjali jew it-trade mark.

4. ĦTIĠIET GĦALL-EMISSJONI TA' ĦSEJJES TYRE/TRIQ

4.1. Ħtiġiet ġenerali

Sett ta' erba' tyres bl-istess denominazzjoni ta' qisien u bl-istess disinn tat-tread li jkun rappreżentattiv tal-gamma ta' tyres, għandu jiġi sottomess għal test tal-livell ta' emissjoni ta' ħsejjes tyre/triq li għandu jitwettaq kif speċifikat fl-Appendiċi 1.

4.2. Il-livelli tal-ħoss stabbiliti skond is-sezzjoni 4.5 ta' l-Appendiċi 1 ma għandhomx jeċċedu l-limiti li ġejjin:

4.2.1. Tyres

tal-Klassi C1, b'referenza għall-wisa' tas-sezzjoni nominali (ara l-Anness II, sezzjoni 2.17.1.1.) tat-

tyre

li jkun ġie ttestjat:

Klassi ta' TyreWisa' tas-sezzjoni nominali (mm) | Valuri ta' limitu f'termini dB(A) |

A | B [4] | C [4] [5] |

C1a | ≤ 145 | 72 [1] | 71 [1] | 70 |

C1b | > 145 ≤ 165 | 73 [1] | 72 [1] | 71 |

C1c | > 165 ≤ 185 | 74 [1] | 73 [1] | 72 |

C1d | > 185 ≤ 215 | 75 [2] | 74 [2] | 74 |

C1e | > 215 | 76 [3] | 75 [3] | 75 |

4.2.1.1. Għal tyres rinforzati (jew Extra Load) (ara l-Anness II, sezzjoni 3.1.8.), il-valuri ta' limitu f'sezzjoni 4.2.1. għandhom jiżdiedu b'1 dB(A)

4.2.1.2. Għal tyres ikklassifikati fil-kategorija ta' użu "Speċjali", (ara l-Anness II, sezzjoni 2.1.3.), il-valuri ta' limitu f'sezzjoni 4.2.1. għandhom jiżdiedu b'2 dB(A)

4.2.2. Tyres

tal-Klassi C2, b'referenza għall-kategorija tal-użu (ara l-Anness II, sezzjoni 2.1.3.) tal-gamma ta'

tyres

:

Kategorija ta' użu | Valur ta' limitu espress f'dB(A) |

Normali | 75 |

Tas-Silġ | 77 |

Speċjali | 78 |

4.2.3. Tyres

tal-Klassi C3, b'referenza għall-kategorija ta' l-użu (ara l-Anness II, sezzjoni 2.1.3.) tal-gamma ta'

tyres

:

Kategorija ta' użu | Valur ta' limitu espress f'dB(A) |

Normali | 76 |

Tas-Silġ | 78 |

Speċjali | 79 |

Appendiċi 1

METODU TA' ITTESTJAR GĦALL-LIVELLI TA' ĦOSS TYRE/TRIQ, IL-METODU TA' SEWQAN BIL-MAGNA MITFIJA

0. Introduzzjoni

Il-metodu ppreżentat jinkludi speċifikazzjoniet dwar l-istrumenti tal-kejl, il-kondizzjoniet tal-kejl u l-metodu tal-kejl biex jiġi stabbilit il-livell tal-ħoss ta' sett ta' tyres immuntati fuq vettura ta' l-ittestjar għaddejja b'veloċità għolja fuq wiċċ tat-triq speċifikat. Il-livell massimu tal-pressjoni tal-ħoss għandu jiġi reġistrat, meta l-vettura tat-test tkun għaddejja bil-magna mitfija, permezz ta' mikrofoni mqegħdin fil-bogħod; ir-riżultat finali tal-veloċità ta' referenza jinkiseb minn analiżi ta' rigressjoni lineari. Dawn ir-riżultati tat-test ma jistgħux jiġu relatati mal-ħoss ta' tyre imkejjel waqt aċċelerazzjoni bil-magna mqabbda jew waqt id-deċelerazzjoni waqt l-ibbrejkjar.

1. Strumenti tal-kejl

1.1. Kejl akustiku

Il-meter li jkejjel il-livell tal-ħoss, jew is-sistema ta' kejl ekwivalenti, inkluż l-iqugħ kontra r-riħ rakkomandat mill-manifattur, għandhom jissodisfaw għal ta' l-anqas il-ħtiġiet għall-istrumenti tat-Tip 1, f'konformità ma' l-IEC 60651, it-tieni edizzjoni.

It-tikjil għandu jsir bl-użu ta' l-ippeżar għall-frekwenza A u għall-ħin F.

Meta tintuża sistema li tinkludi l-monitorjar perjodiku tal-livell tal-ħoss ippeżat għall-A, għandu jittieħed qari f'intervall ta' ħin li ma jeċċedix it-30 ms.

1.1.1. Kalibrazzjoni

Fil-bidu u fit-tmiem ta' kull sessjoni ta' tikjil, is-sistema kollha tal-kejl għandha tiġi ċċekkjata permezz ta' kalibratur akustiku li jissodisfa l-ħtiġiet għal kalibraturi akustiċi li huma minn ta' lanqas tal-Klassi C1 ta' preċiżjoni skond IEC 942:1988..Mingħajr ebda aġġustament ieħor, id-differenza bejn ir-riżultati ta' żewġ verifiki konsekuttivi għandha ikunu inqas jew ugwali għall-IEC 942:1988. Mingħajr ebda aġġustament ieħor, id-differenza bejn ir-riżultati ta' żewġ verifiki konsekuttivi għandha tkun inqas jew ugwali għal 0,5 dB. Jekk dan il-valur jinqabeż ir-riżultati tat-tikjil li jkunu nkisbu wara l-aħħar verifika sodisfaċenti għandhom jiġu skartati.

1.1.2. Konformità mal-ħtiġiet

Il-konformità ta' l-apparat li jikkalibra l-ħoss mal-ħtiġiet ta' IEC 60942:1988 għandha tkun ivverifikata darba fis-sena, waqt li l-konformità tas-sistema ta' strumenti mal-ħtiġiet ta' IEC 60651:1979/A1:1993, it-tieni edizzjoni, għandha tkun ivverifikata minn ta' lanqas darba kull sentejn minn laboratorju li jkun awtorizzat li jagħmel kalibrazzjonijiet skond l-istandards adatti.

1.1.3. Il-posizzjoni tal-mikrofonu

Il-mikrofonu (jew mikrofoni) għandhoma jitqiegħdu 7,5 m ± 0,05 m mill-linja ta' referenza tal-korsa CCI (figura 1) u 1,2 m ± 0,02 m 'il-fuq mill-art. L-assi ta' sensittività massima għandha tkun orizzontali u perpendikulari għall-mogħdija tal-vettura (linja CCI).

1.2. Tikjil tal-veloċità

Il-veloċità tal-vettura għandha titkejjel bi strumenti li jkollhom akkuratezza ta' +- 1 km fis-siegħa jew aħjar, meta l-parti ta' quddiem tal-vettura tkun laħqet il-linja PP' (figura 1).

1.3. Tikjil tat-temperatura

Il-tikjil tat-temperatura ta' l-arja u tal-wiċċ tal-post fejn isir it-test huma obbligatorji. L-istrumenti li jkejjlu t-temperatura għandhom ikollhom akkuratezza sa ± 1 °C.

1.3.1. It-temperatura ta' l-arja

Is-sensor tat-temperatura għandu jitqieghed f'post fejn ma jkunx hemm ingombru, qrib il-mikrofonu, b'mod li jkun espost għaċ-ċirkolazzjoni ta' l-arja u protett mir-radjazzjoni diretta tax-xemx. Din il-protezzjoni tista' tingħata b'kull paraventu li jitfa d-dell jew apparat simili. Is-sensor għandu jitqieghed f'għoli ta' 1,2 m ± 0,1 m 'il-fuq mill-livell tal-wiċċ tal-post tat-test biex jimminimizza l-influwenza ta' radjazzjoni ta' sħana mill-wiċċ tat-test meta ma tantx ikun hemm ċirkolazzjoni ta' arja.

1.3.2. It-temperatura tal-wiċċ tal-post fejn isir it-test

Is-sensor tat-temperatura għandu jitqiegħed f'post fejn it-temperatura mkejjla tirrappreżenta t-temperatura fil-mogħdija tar-roti, mingħajr ma tfixkel it-tikjil tal-ħoss.

Jekk jintuża strument li jkollu sensor tat-temperatura li jaħdem bil-kuntatt, għandu jiġi applikat pejst li jittrasmetti s-sħana bil-konduttività bejn il-wiċċ u s-sensor biex jiżgura kuntatt termali adegwat.

Jekk jintuża termometru tar-radjazzjoni (pirometru), l-għoli għandu jintgħażel biex jiġi żgurat li tkun koperta roqgħa ta' tikjil b'dijametru ta' >= 0,1 m.

1.4. Tikjil tar-riħ

L-apparat għandu jkun kapaċi jkejjel il-veloċità tar-riħ b'tolleranza ta' ±1 m/s. Ir-riħ għandu jitkejjel fl-għoli tal-mikrofonu. Id-direzzjoni tar-riħ b'referenza għad-direzzjoni tas-sewqan għandha tiġi reġistrata.

2. Kondizzjonijiet tat-tikjil

2.1. Is-sit tat-test

Is-sit tat-test għandu jikkonsisti minn sezzjoni ċentrali mdawwra b'erja tat-testjar sostanzjalment ċatta. Is-sezzjoni tat-tikjil għandha tkun invell; il-wiċċ tal-post tat-test għandu jkun xott u nadif għat-tikjil kollu. Il-wiċċ tat-test ma għandux ikun imkessaħ b'mod artifiċjali waqt jew qabel ma jsir it-test.

Il-korsa tat-test għandha tkun hekk li l-kondizzjonijiet ta' kamp akustiku liberu bejn is-sors tal-ħoss u l-mikrofonu jistgħu jiġu sodisfatti sa 1 dB(A). Dawn il-kondizzjonijiet jitqiesu li jkunu sodisfatti kemm-il darba ma jkunx hemm oġġetti kbar li jirriflettu l-ħoss, bħal ilqugħ, blat, pontijiet jew bini sa 50 m l-bogħod miċ-ċentru tas-sezzjoni tat-tikjil. Il-wiċċ tal-korsa tat-test u l-qisien tas-sit tat-test għandhom ikunu konformi ma' l-Appendiċi 2 ta' dan l-Anness.

Parti ċentrali li jkollha raġġ ta' minn ta' lanqas 10 m għandha tkun ħielsa minn silġ qisu tajjar, ħaxix għoli, trab tal-ħamrija, rmied jew oġġetti simili. M'għandu jkun hemm ebda ostaklu li jista' jaffettwa l-ħoss fil-viċinanzi tal-mikrofonu u ebda persuna ma għandha toqgħod bejn il-mikrofonu u s-sors tal-ħoss. L-operatur li ikun qed ikejjel u dawk li jkunu qegħdin josservaw dan it-tikjil għandhom jieħdu posizzjoni li ma taffettwax il-qari ta' l-istrumenti tal-kejl.

2.2. Il-kondizzjonijiet meteoroloġiċi

It-tikjil ma għandux isir taħt kondizzjonijiet atmosferiċi ħżiena. Għandu jkun żgurat li r-riżultati ma jiġux affettwati minn buffuri ta' riħ. It-testijiet ma għandhomx isiru jekk fl-għoli tal-mikrofonu l-veloċità tar-riħ tkun aktar minn 5 m/s.

It-tikjil ma għandux isir jekk it-temperatura ta' l-arja tkun inqas minn 5 °C jekk aktar minn 40 °C, jew jekk it-temperatura tal-wiċċ tat-test tkun inqas minn 5 °C jew aktar minn 50 °C.

2.3. Il-ħoss fid-dwarijiet

Il-livell tal-ħoss fl-isfond (inkluż dak tar-riħ) għandu jkun minn ta' lanqas 10 dB(A) inqas mill-emissjoni ta' ħsejjes iġġenerati mill-kuntatt tat-tyre ma' l-wiċċ ta' l-art li tkun ġiet mkejjla. Mal-mikrofonu jista' jitwaħħal lqugħ adatt kontra r-riħ, basta jitqies l-effett tiegħu fuq is-sensittività u l-karatteristiċi direzzjonali tal-mikrofonu.

Kull kejl affettwat minn intensità qawwija ta' ħoss li tkun tidher li ma għandhiex x'taqsam mal-karatteristiċi tal-livell ġenerali tal-ħoss tat-tyres għandu jiġi injorat.

2.4. Ħtiġiet għall-vettura tat-test

2.4.1. Ġenerali

Il-vettura tat-test għandha tkun vettura bil-magna u tkun mgħammra b'erba' tyres singoli li jkunu mwaħħla fuq żewġ fusijiet biss.

2.4.2. It-tagħbija tal-vettura

Il-vettura għandha tkun mgħobbija b'mod li jkun konformi mat-tagħbija tyres tat-test, kif speċifikat fis-sezzjoni 2.5.2. hawn taħt.

2.4.3. Id-distanza bejn il-fus ta' quddiem u dak ta' wara

Id-distanza bejn iż-żewġ fusijiet bit-tyres tat-test imwaħħla għandha tkun inqas minn 3,50 m għal-tyres tal-Klassi C1, u inqas minn 5 m għal-tyres tal-klassijiet C2 u C3.

2.4.4. Miżuri li jimminimizzaw l-influwenza tal-vettura fuq it-tikjil tal-livell tal-ħoss

Biex jiġi żgurat li l-ħoss tat-tyres ma' jkunx affettwat b'mod sinifikanti mid-disinn tal-vettura tat-test, qed jingħataw il-ħtiġiet u r-rakkomandazzjonijiet li ġejjin:

Ħtiġiet:

(a) Faldi kontra r-raxx jew mezz extra ieħor kontra r-raxx m'għandhomx jitwaħħlu.

(b) Iż-żjieda jew it-tneħħija ta' elementi qrib ħafna tar-rimmijiet tar-roti u t-tyres, li jistgħu jtellfu mill-ħoss li jagħmlu t-tyres, ma humiex permessi.

(ċ) L-allinjament tar-roti (toe in, camber u castor) għandu jkun konformi kompletament mar-rakkomandazzjonijiet tal-manifattur tal-vettura.

(d) Materjal addizzjonali li jassorbi l-ħoss ma jistax jitwaħħal fil-partijiet fejn jitwaħħlu r-roti jew taħt il-karozzerija tal-vettura.

(e) Is-sospensjoni għandha tkun tajba hekk li ma tirriżultax fi tnaqqis mhux normali fid-distanza minima bejn il-vettura u l-art meta l-vettura tkun mgħobbija skond il-ħtiġiet tat-test. Jekk disponibbli is-sistemi li jirregolaw il-livell tal-karozzerija għandhom jiġu aġġustati biex jagħtu distanza minima bejn il-vettura u l-art waqt l-ittestjar li tkun normali meta l-vettura ma tkunx mgħobbija.

Rakkomandazzjonijiet biex jiġu evitati ħsejjes parasitiċi:

(a) It-tneħħija jew modifika ta' komponenti fuq il-vettura li jistgħu jikkontribwixxu għall-ħsejjes ta' l-isfond tal-vettura huma rakkomandati. Kull tneħħija jew modifika għandhom ikunu rreġistrati fir-rapport tat-test.

(b) Waqt it-test għandu jiġi żgurat li l-brejkijiet ma jintelqux ħażin b'mod li jikkawżaw ħsejjes.

(ċ) Għandu jiġi żgurat li fannijiet li jaħdmu bl-elettriku ma jkunux qed jaħdmu.

(d) Waqt it-test it-twieqi u s-soqfa li jinfetħu għandhom jingħalqu.

2.5. It-tyres

2.5.1. Ġenerali

Erba' tyres identiċi ta' l-istess tip u gamma għandhom jitwaħħlu fuq il-vettura tat-test. Fil-każ ta' tyres li jkollhom indiċi ta' kapaċità ta' tagħbija aktar minn 121 u li ma jkollhomx indikazzjoni li għandhom jitwaħħlu bħala par, tnejn minn dawn it-tyres ta' l-istess tip u gamma għandhom jitwaħħlu fuq il-fus ta' wara tal-vettura tat-test; fuq il-fus ta' quddiem għandhom jitwaħħlu tyres ta' qies adatt għat-toqol tal-fus u mniżżlin għall-inqas għoli possibbli biex tiġi minimizzata l-influwenza tal-kuntatt tyre/triq filwaqt li jinżamm livell suffiċjenti ta' sigurta. Tyres tax-xitwa li f'ċerti Stati Membri jistgħu jkunu mgħammra b'tappini apposta li jżidu l-frizzjoni, għandhom jiġu ttestjati mingħajr dan l-apparat. Tyres li jkollhom ħtiġiet ta' twaħħil speċjali għandhom ikunu ttestjati skond dawn il-ħtiġiet (per eżempju, id-direzzjoni tar-rotazzjoni). It-tyres għandu jkollhom il-fond tat-tread sħiħ qabel isirilhom ir-running-in.

It-tyres għandhom jiġu ttestjati fuq rimmijiet awtorizzati mill-manifattur tat-tyres.

2.5.2. It-tagħbija tat-tyres

It-tagħbija tat-test Qt għal kull tyre imwaħħal fuq il-vettura tat-test għandha tkun bejn il-50 % u d-90 % tat-tagħbija ta-referenza Qr, iżda t-tagħbija tat-test medja Qt, avr għat-tyres kollha għandha tkun bejn 75 % ± 5 % tat-tagħbija ta' referenza Qr.

Għat-tyres kollha, it-tagħbija ta' referenza Qr għandha tikkorrispondi għall-massa massima assoċjata ma' l-indiċi ta' kapaċità ta' tagħbija tat-tyre. Fil-każ fejn l-indiċi ta' kapaċità ta' tagħbija jkun magħmul minn żewġ numri maqsumin permezz tas-sinjal '/', għandha ssir referenza għall-ewwel numru.

2.5.3. Il-pressjoni tat-tyres

Kull tyre imwaħħal fuq il-vettura tat-test għandu jkollu pressjoni tat-test Pt li ma tkunx ogħla mill-pressjoni ta' referenza Pr u fil-limiti ta' l-intervall:

+++++ TIFF +++++

fejn Pr hija l-pressjoni li tikkorrispondi għall-indiċi tal-pressjoni mmarkata fuq il-ġenb tat-tyre.

Għall-Klassi C1 il-pressjoni ta' referenza hija Pr = 250 kPa għal tyres"standard" u 290 kPa għal tyres"rinforzati". Il-pressjoni minima tat-test għandha tkun Pt = 150 kPa.

2.5.4. Preparazzjonijiet qabel it-test

It-tyres għandhom jingħataw "run-in" qabel ma jsir it-test biex jitneħħew għoqiedi żgħar u karatteristiċi oħra tad-disinn tat-tyre li jirriżultaw mill-proċess tal-fabbrikar. Dan normalment jinvolvi l-ekwivalenti ta' madwar 100 km ta' użu normali fis-sewqan.

It-tyres li jitwaħħlu fuq il-vettura tat-test għandhom iduru fl-istess direzzjoni li kellhom meta ngħataw ir-running-in.

Qabel it-test, it-tyres għandhom jissaħħnu billi jitħallew jiġru taħt il-kondizzjonijiet tat-test.

3. Il-Metodu tat-test

3.1. Kondizzjonijiet ġenerali

Għat-tikjil kollu, il-vettura għandha tinsaq f'linja dritta matul is-sezzjoni tat-tikjil (AA' għal BB'), b'mod li l-pjan lonġitudinali medjan tal-vettura jkun l-aktar qrib possibbli lejn il-linja CC'.

Meta l-parti ta' quddiem tal-vettura tat-test tkun laħqet il-linja AA', is-sewwieq tal-vettura għandu ikun għamel il-gear f'posizzjoni newtrali u tefa l-magna. Jekk ħsejjes mhux normali (per eżempju, ta' xi ventilatur, tqabbid tal-magna awtomatiku) jiġu ġġenerati mill-vettura tat-test waqt it-tikjil, it-test għandu jerġa' jsir.

3.2. In-natura u l-kwantità tat-tikjil

Il-livell massimu tal-ħoss espress f'decibels ippeżati għal A, (dB(A)) għandu jitkejjel sa l-ewwel figura deċimali waqt li l-vettura tkun għaddejja bil-magna mitfija bejn il-linji AA' u BB' (figura 1 - il-parti ta' quddiem tal-vettura fuq il-linja AA', u l-parti ta' wara tal-vettura fuq il-linja BB'). Dan il-valur jikkostitwixxi r-riżultat tat-tikjil.

Għandu jsir tikjil minn ta' l-anqas erba' darbiet fuq kull naħa tal-vettura tat-test b'veloċitajiet inqas mill-veloċità ta' referenza speċifikata fil-paragrafu 4.1. u minn ta' lanqas erba' qisien b'veloċitajiet ogħla mill-veloċità ta' referenza. Il-veloċitajiet għandhom ikunu bejn wieħed u ieħor spazjati b'mod ugwali matul l-iskala ta' veloċità speċifikata fil-paragrafu 3.3.

3.3. Il-veloċitajiet tat-test

Il-veloċitajiet tal-vettura tat-test għandhom ikunu bejn dawn il-limiti:

(i) minn 70 km fis-siegħa sa 90 km siegħa għal tyres ta' Klassi C1 u Klassi C2;

(ii) minn 60 km siegħa sa 80 km siegħa għal tyres ta' Klassi C3.

4. Interpretazzjoni tar-riżultati

Il-kejl ikun invalidu jekk tkun irreġistrata diskrepanza mhux normali bejn il-valur massimu u l-valuri l-oħra.

4.1. Kif jiġi stabbilit ir-riżultat tat-test

Il-veloċità ta' referenza Vref użata biex jiġi kkalkolat ir-riżultat finali għandha tkun:

(i) 80 km siegħa għal tyres ta' Klassi C1 u Klassi C2;

(ii) 70 km siegħagħal tyres ta' Klassi C3.

4.2. Analiżi ta' rigressjoni tal-kejl tal-ħoss

Il-livell tal-ħoss tyre/triq LR (mingħajr korrezzjoni għat-temperatura) f'dB(A), jiġi kkalkolat b'analiżi ta' rigressjoni skond:

+++++ TIFF +++++

fejn:

L

huwa l-valur medju tal-livelli tal-ħoss Li, imkejjla f'dB(A):

+++++ TIFF +++++

n huwa n-numru tal-kejl (n ≥ 16).

v

huwa l-valur medju tal-logaritmi tal-veloċitajiet vi:

+++++ TIFF +++++

Ma'

+++++ TIFF +++++

a hija l-inklinazzjoni tal-linja ta' rigressjoni f'dB(A):

+++++ TIFF +++++

4.3. Il-Korrezzjoni tat-temperatura

Għal tyres ta' Klassi C2, ir-riżultat finali għandu jkun normalizzat għal temperatura ta' referenza tal-wiċċ tat-test href billi tiġi applikata korrezzjoni fit-temperatura skond kif ġej:

+++++ TIFF +++++

fejn θ hija t-temperatura mkejjla tal-wiċċ tat-test,

θ

= 20 °C,

Għal tyres ta' Klassi C1, il-ko-effiċjent K huwa -0,03 dB(A)/°C, meta θ > θref u K huwa -0,06 dB(A)//°C meta θ < θref

Għal tyres ta' Klassi C2, il-fattur K huwa -0,02 dB(A)/°C

Jekk it-temperatura tal-wiċċ tat-test li tkun tkejjlet ma tinbidilx b'aktar minn 5 °C fil-kejl kollu neċessarju biex jiġi kkalkolat il-livell tal-ħoss ta' sett wieħed ta' tyres, il-korrezzjoni fit-temperatura tista' ssir biss fuq l-aħħar livell ta' ħoss tyre/triq li jkun ġie rreġistrat, kif indikat hawn fuq, billi jintuża l-valur medju aritmetiku tat-temperaturi mkejjla. Inkella kull livell ta' ħoss imkejjel Li għandu jiġi kkoreġut billi tintuża t-temperatura fil-ħin tar-reġistrazzjoni tal-ħoss.

Ma għandu jkun hemm ebda korrezzjoni tat-temperatura għal tyres ta' Klassi C3.

4.4. Sabiex jitqies kull nuqqas ta' preċiżjoni fl-istrumenti tal-kejl, ir-riżultati skond sezzjoni 4.3. għandhom jiġu mnaqqsa b'1 dB(A).

4.5 Ir-riżultat finali, bil-livell ta' ħoss tat-tyre/triq korreġut għal temperatura LR(θref) dB(A), għandu jiġi rotondat 'l isfel sal-valur sħiħ aktar baxx.

+++++ TIFF +++++

Figura 1:Il-posizzjonijiet tal-mikrofonu fit-tikjil

Appendiċi 2

IR-RAPPORT TAT-TEST

Ir-rapport tat-test għandu jinkludi l-informazzjoni li ġejja:

(a) il-kondizzjonijiet meteoroloġiċi, inkluża t-temperatura ta' l-arja u tal-wiċċ tat-test għal kull ġirja tat-test,

(b) id-data u l-metodu ta' verifika tal-konformità tal-wiċċ tat-test ma' ISO 10844:1994,

(ċ) il-wisa' tar-rimm tat-test,

(d) informazzjoni fuq it-tyre: il-manifattur, l-isem tal-prodott, l-isem kummerċjali, il-qies, l-indiċi tat-tagħbija, il-pressjoni ta' referenza,

(e) deskrizzjoni tal-vettura tat-test u d-distanza bejn il-fusijiet,

(f) it-tagħbija tat-test tat-tip Qt f'N u f'perċentwal tat-tagħbija ta'referenza Qr għal kull tyre tat-test, it-tagħbija tat-test medja Qtavr f'N u f'perċentwal tat-tagħbija ta' referenza Qr,

(g) il-pressjoni tat-tyres minfuħin waqt li jkunu kesħin f'kPa għal kull tyre tat-test,

(h) il-veloċitajiet tat-test meta l-vettura tkun qabżet il-linja PP',

(i) il-livelli tal-ħoss massimi ippeżati għal A għal kull ġirja tat-test u għal kull mikrofonu,

(j) ir-riżultat LR tat-test: il-livell tal-ħoss ippeżat għal A f'decibels meta jilħaq il-veloċità ta' referenza, b'korrezzjoni tat-temperatura (jekk applikabbli), u mnaqqas għall-valur sħiħ l-aktar qribu.

(i) l-inklinazjoni tal-linja ta' rigressjoni.″

"

9. L-Anness li ġej għandu jiżdied:

ANNESS VI

SPEĊIFIKAZZJONIJIET GĦAS SIT TAT-TEST

1. Introduzzjoni

Dan l-anness jiddeskrivi l-ispeċifikazzjonijet relatati mal-karatteristiċi fiżiċi u l-konfigurazzjoni tal-korsa tat-test. Dawn l-ispeċifikazzjonijiet huma bbażati fuq standard speċjali [1] li jiddeskrivi l-karatteristiċi fiżiċi meħtieġa u l-metodi tat-test għal dawn il-karatteristiċi.

2. Karatteristiċi meħtieġa għall-wiċċ tal-korsa

Wiċċ jitqies li jikkonforma ma' dan l-istandard jekk l-istruttura u l-ispazji jew il-ko-efficient ta' l-assorbiment tal-ħoss ikunu tkejjlu u nstabu li jissodisfaw il-ħtiġiet kollha ta' sezzjonijiet 2.1. sa 2.4. hawn taħt, u jekk ikunu ntlaħqu wkoll il-ħtiġiet tad-disinn (ara sezzjoni 3.2.).

2.1. Il-kontenut ta' spazji residwi

Il-kontenut ta' spazji residwi (VC) fit-taħlita tal-kisi tal-korsa tat-test m'għandux ikun aktar minn 8 %. Għall-proċedura tat-tikjil, ara sezzjoni 4.1.

2.2. Il-ko-effiċjent ta' l-assorbiment tal-ħoss

Jekk il-wiċċ ma jikkonformax mal-ħtieġa tal-kontenut ta' spazji residwi jkun aċċettabbli biss jekk il-ko-effiċjent ta' l-assorbiment tal-ħoss tiegħu jkun α≤0,10. Għall-proċedura tat-tikjil, ara sezzjoni 4.2. Il-ħtiġiet ta' sezzjonijiet 2.1. u 2.2. jintlaħqu wkoll jekk l-assorbiment tal-ħoss biss ikun ġie mkejjel u nstab li jkun α≤0,10

Nota:

L-aktar karatteristika relevanti hija l-assorbiment tal-ħoss, għalkemm il-kontenut ta' l-ispazji residwi huwa aktar familjari mal-kostrutturi tat-toroq. Iżda l-assorbiment tal-ħoss jeħtieġ li jitkejjel biss jekk il-wiċċ ma jikkonformax mal-ħtieġa ta' l-ispazji. Dan huwa ġustifikat għaliex il-kontenut ta' l-ispazji residwi għandu inċertezzi relattivament kbar f'termini kemm ta' kejl kemm ta' rilevanza, u għalhekk ċerti wċuħ jistgħu bi żball ma jiġux aċċettati fuq il-bażi ta' tikjil ta' l-ispazji biss.

2.3. Il-fond ta' l-istruttura

Il-fond ta' l-istruttura (TD) imkejjel skond il-metodu volumetriku (ara sezzjoni 4.3. hawn taħt) għandu jkun:

TD ≥ 0,4 mm

2.4. L-omoġeneita tal-wiċċ

Għandu jsir kull sforz prattiku li jiżgura li fl-erja tat-test il-wiċċ ikun omeġenju kemm jista' jkun. Dan jinkludi l-istruttura u l-kontenut ta' spazji, imma għandu jkun osservat ukoll li jekk il-proċess ta' tidwir jirriżulta f'tidwir aktar effettiv f'ċertu postijiet milli f'oħra, l-istruttura tista' tkun differenti u jista' jkun hemm ukoll ħotob ikkawżati minn nuqqas ta' livellar tajjeb.

2.5. Il-perijodu ta' l-ittestjar

Biex jiġi verifikat jekk il-wiċċ jibqax konformi mal-ħtiġiet għall-istruttura u l-kontenut ta' spazji jew għall-assorbiment tal-ħoss stipulati f'dan l-Anness, għandhom isiru testijiet perjodiċi fuq il-wiċċ f'dawn l-intervalli li ġejjin:

(a) Għall-kontenut ta' spazji residwi (VC) jew l-assorbiment tal-ħoss:

meta l-wiċċ ikun ġdid;

jekk il-wiċċ jissodisfa dawn il-ħtiġiet meta jkun għadu ġdid, ma jkunux meħtieġa aktar testijiet perjodiċi. Jekk ma jissodisfax dawn il-ħtiġiet meta jkun għadu ġdid, jista' jissodisfahom aktar tard peress li l-uċuħ għandhom it-tendenza li biż-żmien isiru mqabbda sew u kompatti.

(b) Għall-fond ta' l-istruttura (TD):

meta l-wiċċ ikun ġdid;

meta jibda t-test tal-ħoss (NB: mhux qabel erba' ġimgħat wara t-tqegħid);

imbagħad kull tnax-il xahar.

3. Id-disinn tal-wiċċ tat-test

3.1. Il-wiċċ

Fid-disinn tal-wiċċ tat-test huwa importanti li jiġi żgurat li, bħala kriterju minimu, iż-żona li minnha jgħaddu l-vetturi tat-test tkun miksija bil-materjal tat-test speċifikat u li jkollha marġni adegwati għal sewqan sigur u prattiku. Dan jeħtieġ li l-korsa tkun minn ta' lanqas 3 m wiesgħa, waqt li t-tul ikun jestendi lilhinn mill-linji AA u BB b'minn ta' lanqas 10 m kull naħa. Figura 1 turi l-pjan ta' sit tat-test adattat u tindika l-erja minima li għandha tkun magħmula u ppakkjata tajjeb mekkanikament bil-materjal speċifikat għall-wiċċ tat-test. Skond l-Anness 5, Appendiċi 1, sezzjoni 3.2., għandhom jittieħdu qisien fuq kull naħa tal-vettura. Dan jista' jsir b'tikjil b'żewġ mikrofoni (wieħed fuq kull naħa tal-korsa) filwaqt li l-vettura tiġi misjuqa f'direzzjoni waħda, jew b'tikjil b'mikrofonu wieħed fuq naħa waħda biss tal-korsa, iżda bil-vettura misjuqa fiż-żewġ direzzjonijiet. Jekk jintuża l-aħħar metodu, ma jkun hemm ebda kriterju għall-wiċċ f'dik in-naħa tal-korsa fejn ma jkunx hemm mikrofonu.

+++++ TIFF +++++

Figura 1.Ħtiġiet minimi għall-wiċċ tat-testIl-parti oskura tissejjaħ "L-Erja tat-Test"

3.2. Id-disinn u l-preparazzjoni tal-wiċċ

3.2.1. Ħtiġiet bażiċi għad-disinn

Il-wiċċ tat-test għandu jissodisfa erba' ħtiġiet għad-disinn:

3.2.1.1. Għandu jkun magħmul minn konkrit dens li jkun fih l-asfalt.

3.2.1.2. Il-qies massimu taż-żrar għandu jkun ta' 8 mm (b'tolleranza ta' bejn 6,3 mm u 10 mm).

3.2.1.3. Il-ħxuna tal-kisi għandha tkun = 30 mm.

3.2.1.4. Il-materjal li jgħaqqad għandu jkun bitum mhux modifikat ta' penetrazzjoni diretta.

3.2.2. Linji-gwida għad-disinn

Bħala gwida għall-kostruttur tal-wiċċ, fil-Figura 2 tidher kurva għall-gradazzjoni tal-materjali tal-konkrit li tagħti l-karatteristiċi mixtieqa. Barra minn hekk, Tabella 1 tagħti linji-gwida għall-istruttura u d-durabilità mixtieqa. Il-kurva tal-gradazzjoni tikkorrispondi għal-din il-formula:

P

= 100.

1/2

fejn

d = qies tax- xibka ta' l-għarbiel b'toqob kwadri, f' mm

dmax =

8 mm għall-kurva medja

= 10 mm għall-kurva ta' tolleranza ta' isfel

= 6,3 mm għall-kurva ta' tolleranza ta' fuq

+++++ TIFF +++++

Figura 2.Kurva iggradata tal-medja fit-taħlita ta' l-asfalt bit-tolleranzi

Barra minn hekk, qed jingħataw ir-rakkomandazzjonijiet li ġejjin:

(a) il-frazzjoni tar-ramel (0,063 mm < qies tax- xibka ta' l-għarbiel b'toqob kwadri < 2 mm) għandha tinkludi mhux aktar minn 55 % ramel naturali u minn ta' l-inqas 45 % ramel fin.

(b) il-bażi u s-sotto-bażi għandhom jiżguraw stabbilità u uniformità tajbin, skond l-aħjar prattika tal-bini tat-toroq.

(ċ) Iż-żrar għandu jiġi mfarrak (100 % ta' l-uċuh imfarrka) u jkun jikkonsisti minn materjal li jkollu resistenza għolja għat-tifrik.

(d) Iż-żrar użat fit-taħlita għandu jkun maħsul.

(e) Ma għandux jiżdied żrar fil-wiċċ.

(f) L-ebusija tal-materjal li jgħaqqad epressa bħala valur PEN għandha tkun 40-60, 60-80 jew anke 80-100, skond il-kondizzjonijiet tal-klima tal-pajjiż partikolari. Ir-regola hija li għandu jintuża materjal li jgħaqqad li jkun iebes kemm jista' jkun, basta dan ikun konsistenti mal-prattika komuni.

(g) It-temperatura tat-taħlita qabel jgħaddi r-romblu għandha tintgħażel biex jinkiseb il-kontenut ta' spazji meħtieġ b'passati tar-romblu sussegwenti. Biex tiżdied il-probabbiltà li jiġu sodisfatti l-ispeċifikazzjonijiet ta' sezzjonijiet 2.1. u 2.4. hawn fuq, il-kumpattezza għandha tiġi studjata mhux biss permezz ta' għażla adatta tat-temperatura tat-taħlita, iżda wkoll pemezz ta' numru adegwat ta' passati u l-għażla tal-vettura li trassas it-taħlita.

Tabella 1

Linji-gwida għad-disinn

| Valuri li għandhom jintlaħqu | Tolleranzi |

| Bil-massa totali tat-taħlita | Bil-massa tat-taħlita tal-konkrit |

Il-massa tal-ġebel, b'qies tax-xibka ta' l-għarbiel b'toqob kwadri (SM) > 2 mm | 47,6 % | 50,5 % | ± 5 |

Il-massa tar-ramel 0,063 < SM < 2 mm | 38,0 % | 40,2 % | ± 5 |

Il-massa tal-filler SM < 0,063 mm | 8,8 % | 9,3 % | ± 2 |

Il-massa tal-materjal li jgħaqqad (bitum) | 5,8 % | M.A. | ± 0,5 |

Il-qies massimu taż-żrar | 8 mm | | 6,3 - 10 |

L-ebusija tal-materjal li jgħaqqad | (ara paragrafu 3.2.2. (f)) | |

Il-valur tal-ġebel ippolixxjat (PSV) | > 50 | | |

Kumpattezza, relattiva għall-kumpattezza Marshall | 98 % | | |

4. Il-metodu tat-test

4.1. It-tikjil tal-kontenut ta' spazji residwi

Għall-iskopijiet ta' dan il-kejl, għandhom jittieħdu kampjuni mill-korsa f'minn ta' l-inqas erba' postijiet differenti li jkunu mqassma b'mod ugwali fl-erja tat-test bejn il-linji AA u BB (ara figura 1). Biex jiġi evitat in-nuqqas ta' omoġeneità u ta' regolarità fil-mogħdiji tar-roti, ma għandhomx jittieħdu kampjuni fil-mogħdiji tar-roti stess, imma qribhom. Żewġ kampjuni (bħala minimu) għandhom jittieħdu qrib il-mogħdija tar-roti, u ieħor (bħala minimu) għandu jittieħed kemm jista' jkun fin-nofs bejn il-mogħdija tar-roti u l-posizzjoni ta' kull mikrofonu.

Jekk ikun hemm xi suspett li l-ħtieġa ta' l-omoġeneità ma tkunx se tintlaħaq (ara sezzjoni 2.4.), għandhom jittieħdu kampjuni minn partijiet oħra addizzjonali ta' l-erja tat-test.

Il-kontenut ta' spazji residwi għandu jiġi stabbilit għal kull kampjun, imbagħad il-valur medju mill-kampjuni kollha għandu jkun ikkalkulat u kkumparat mal-ħtieġa fis-sezzjoni 2.1. Barra minn hekk, ebda kampjun ma għandu jkollu valur ta' spazji ogħla minn 10 %.

Il-kostruttur tal-wiċċ għandu jżomm quddiem għajnejh il-problema li tista' tinqala' meta l-erja tat-test tkun imsaħħna b' pajpijiet jew wajers ta' l-elettriku, u għandhom jittieħdu kampjuni minn din l-erja. Stallazzjonijiet bħal dawn għandhom jiġu ppjanati sew fir-rigward ta' estrazzjoni ta' kampjuni aktar il-quddiem. Huwa rakkomandat li jitħallew xi ftit siti li jkunu ta' bejn 200 mm x 300 mm fejn ma jkunx hemm wajers/pajpijiet jew fejn dawn ikunu fil-fond biżżejjed biex ma tiġrilhomx ħsara minn kampjuni meħuda mis-saff tal-wiċċ.

4.2. Il-ko-effiċjent ta' l-assorbiment tal-ħoss

Il-ko-effiċjent ta' l-assorbiment tal-ħoss (inċidenza normali) għandu jitkejjel bil-metodu tat-tubu ta' l-impedenza skond il-proċedura speċifikata f'ISO 10534-1: "Akustika - Determinazzjoni tal-ko-effiċjent ta' l-assorbiment tal-ħoss u l-impedenza bil-metodu tat-tubu" [2].

Rigward kampjuni tat-test, għandhom jiġu segwiti l-istess ħtiġiet applikati għall-kontenut ta' spazji (ara sezzjoni 4.1). L-assorbiment tal-ħoss għandu jitkejjel fl-iskala ta' bejn 400 Hz u 800 Hz u fl-iskala ta' bejn 800 Hz u 1600 Hz (għal ta' l-inqas fil-frekwenzi tan-nofs ta' frekwenzi ta' terz ta' ottava), u l-valuri massimi għandhom jiġu identifikati għal dawn iż-żewġ skali ta' frekwenzi. Imbagħad għal dawn il-valuri, għall-kampjuni tat-test kollha, għandu jittieħed il-valur medju biex jiġi stabbilit ir-riżultat finali.

4.3. It-tikjil volumetriku tal-makrostruttura

Għall-iskopijiet ta' dan l-istandard, il-kejl tal-fond ta' l-istruttura għandu jsir fuq minn ta' lanqas 10 posizzjonijiet imqassmin b'mod ugwali tul il-mogħdija tar-roti tal-korsa tat-test, u għandu jittieħed il-valur medju biex jiġi kkomparat mal-fond minimu speċifikat ta' l-istruttura. Ara Standard ISO 10844:1994 għal deskrizzjoni ta' din il-proċedura.

5. Stabbilità biż-żmien u manutenzjoni

5.1. L-influwenza taż-żmien

Bħal f'kull wiċċ ieħor, huwa mistenni li l-livell tal-ħoss tyre/triq imkejjel fuq il-wiċċ tat-test jista' jiżdied ftit matul l-ewwel 6 sa 12-il xahar mill-bini tal-wiċċ.

Il-wiċċ jikseb il-karatteristiċi meħtieġa mhux aktar qabel minn erba' ġimgħat wara l-bini tiegħu. L-influwenza taż-żmien fuq il-ħsejjes ikkaġunati minn trakkijiet ġeneralment huwa inqas minn dawk ikkaġunati mill-karozzi.

L-istabbilità matul iż-żmien hija determinata prinċipalment bl-ippolixxjar u l-kumpattezza ikkawżati mill-vetturi għaddejjin fuq il-wiċċ. Din għandha tiġi ċċekkjata minn żmien għal żmien kif stabbilit fis-sezzjoni 2.5.

5.2. Il-manutenzjoni tal-wiċċ

Fdalijiet u trabijiet li jistgħu jnaqqsu b'mod sinifikanti il-fond effettiv ta' l-istruttura għandhom ajitneħħew minn fuq il-wiċċ. F'pajjiżi bi klimi xitwin xi drabi jintuża l-melħ biex iħoll is-silġ. Il-melħ jista' jimmodifika l-wiċċ b'mod temporanju jew inkella anki b'mod permanenti u b'hekk jiżdied il-ħoss; għalhekk, il-melħ m'huwiex rakkomandat.

5.3. Il-kisi mill-ġdid ta' l-erja tat-test

Jekk ikun hemm il-bżonn li l-korsa tat-test tinkesa mill-ġdid, normalment ma jkunx neċessarju li tinkesa aktar mill-istrixxa (ta' 3 m wisa' fil-figura 1) fejn jgħaddu l-vetturi, basta l-erja tat-test barra l-istrixxa tkun issodisfat il-ħtieġa tal-kontenut ta' spazji residwi jew ta' l-assorbiment tal-ħoss waqt it-tikjil.

6. Id-dokumentazzjoni fuq il-wiċċ tat-test u fuq it-testijiet li jsiru fuqu

6.1. Id-dokumentazzjoni tal-wiċċ tat-test

L-informazzjoni li ġejja għandha tingħata f'dokument li jiddeskrivi l-wiċċ tat-test:

6.1.1. Is-sit tal-korsa tat-test

6.1.2. It-tip ta' materjal li jgħaqqad, l-ebusija ta' dan il-materjal, it-tip ta' materjali għall-konkrit, id-densità teoretika massima tal-konkrit (GRD), il-ħxuna tal-kisi tal-wiċċ u l-kurva ta' gradazzjoni stabbilita minn kampjuni meħuda mill-korsa tat-test.

6.1.3. Il-metodu ta' kumpattjar (per eżempju, it-tip ta' romblu użat, il-massa tar-romblu, u n-numru ta' passati),

6.1.4. It-temperatura tat-taħlita, it-temperatura ta' l-arja tad-dwarijiet u l-veloċità tar-riħ matul it-tqegħid tal-wiċċ.

6.1.5. Id-data meta l-wiċċ ikun ġie mqiegħed u l-kuntrattur.

6.1.6. Ir-riżultati kollha tat-testijiet, jew għall-inqas ta' l-aktar reċenti fosthom, inklużi:

6.1.6.1. il-kontenut ta' spazji residwi ta' kull kampjun;

6.1.6.2. is-siti fl-erja tat-test minn fejn ittieħdu l-kampjuni għal kejl ta' l-ispazji;

6.1.6.3. il-ko-effiċjent ta' l-assorbiment tal-ħoss ta' kull kampjun (jekk ikun tkejjel). Speċifika r-riżultati kemm għal kull kampjun kemm għal kull skala ta' frekwenza u l-medja globali;

6.1.6.4. Il-postijiet fl-erja tat-test minn fejn il-kampjuni għat-tikjil ta' l-assorbiment tal-ħoss ikunu ttieħdu;

6.1.6.5. il-fond ta' l-istruttura, inkluż in-numru ta' testijiet u d-devjazzjoni standard;

6.1.6.6. l-istituzzjoni responsabbli mit-testijiet skond sezzjonijiet 6.1.6.1. u 6.1.6.2. u t-tip ta' tagħmir użat;

6.1.6.7. Id-data tat-test(ijiet) u d-data ta' meta l-kampjuni ttieħdu mill-korsa tat-test.

6.2. Id-dokumentazzjoni tat-testijiet tal-ħoss tal-vetturi li jkunu saru fuq il-wiċċ

Fid-dokument li jiddeskrivi t-test(ijiet) tal-ħoss tal-vetturi, għandu jkun dikjarat jekk il-ħtiġiet kollha ta' dan l-istandard ikunux ġew sodisfatti jew le. Skond sezzjoni 6.1. għandha ssir referenza għal dokument li jiddeskrivi r-riżultati li jivverifikaw dan.

[1] "Il-ħtiġiet tekniċi għat-"tyres" huma simili għal dawk tar-Regolamenti Nri 30 u 54 tal-Kummissjoni Ekonomika għall-Ewropa tan-Nazzjonijiet Uniti (UN/ECE)"

[1] Il-valuri ta' limitu fil-kolonna A japplikaw sat-30 ta' Ġunju 2007;Il-valuri ta' limitu fil-kolonna B jibdew japplikaw mill-1 ta' Lulju 2007.

[2] Il-valuri ta' limitu fil-kolonna A japplikaw sat-30 ta' Ġunju 2008;Il-valuri ta' limitu fil-kolonna B jibdew japplikaw mill-1 ta' Lulju 2008.

[3] Il-valuri ta' limitu fil-kolonna A japplikaw sat-30 ta' Ġunju 2009;Il-valuri ta' limitu fil-kolonna B jibdew japplikaw mill-1 ta' Lulju 2009.

[4] Ċifri indikattivi biss. Ċifri definittivi jiddependu fuq l-emenda tad-Direttiva wara r-rapport meħtieġ fl-Artikolu 3(2) tad-Direttiva 2001/43/KE.

[5] Il-valuri ta' limitu fil-kolonna C jirriżultaw mill-emenda tad-Direttiva wara r-rapport meħtieġ fl- l-Artikolu 3(2) tad-Direttiva 2001/43/KE.

[1] ISO 10844:1994 Jekk fil-futur ISO tagħti definizzjoni differenti tal-wiċċ tat-test, l-istandard ta' referenza jiġi għalhekk emendat.

[2] Trid tiġi ppubblikata

--------------------------------------------------