This document is an excerpt from the EUR-Lex website
Document 32000R1543
Council Regulation (EC) No 1543/2000 of 29 June 2000 establishing a Community framework for the collection and management of the data needed to conduct the common fisheries policy
Ir-Regolament tal-Kunsill (KE) Nru 1543/2000 tad-29 ta'Ġunju 2000 li jistabbilixxi struttura Komunitarja għall-ġbir u l-ġestjoni tad-data meħtieġa għat-twettieq tal-politika komuni tas-sajd
Ir-Regolament tal-Kunsill (KE) Nru 1543/2000 tad-29 ta'Ġunju 2000 li jistabbilixxi struttura Komunitarja għall-ġbir u l-ġestjoni tad-data meħtieġa għat-twettieq tal-politika komuni tas-sajd
ĠU L 176, 15.7.2000, p. 1–16
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 31/12/2008; Imħassar b' 32008R0199
Official Journal L 176 , 15/07/2000 P. 0001 - 0016
Ir-Regolament tal-Kunsill (KE) Nru 1543/2000 tad-29 ta'Ġunju 2000 li jistabbilixxi struttura Komunitarja għall-ġbir u l-ġestjoni tad-data meħtieġa għat-twettieq tal-politika komuni tas-sajd IL-KUNSILL TA'L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 37 tiegħu, Wara li kkunsidra l-proposta tal-Kumissjoni [1], Wara li kkunsidra l-opinjoni tal-Parlament Ewropew [2], billi: (1) Regolament tal-Kunsill (KEE) Nru 3760/92 ta'l-20 ta'Diċembru 1992 li jistabbilixxi sistema Komunitarja għas-sajd u akwakultura [3] jipprovdi għal studji regolari mill-Kumitat Xjentifiku, Tekniku u Ekonomiku għas-Sajd (minn hawn 'l quddiem KXTES) tas-sitwazzjoni tar-riżorsi tas-sajd, u l-implikazzjonijiet ekonomiċi tagħha. (2) Il-Kodiċi ta'Kondotta għas-Sajd Responsabbli w l-Ftehim dwar il-Konservazzjoni w l-Ġestjoni ta'Ħażniet tal-Ħut ta'l-Organizzazzjoni ta'l-Ikel u ta'l-Agrikoltura tal-Ġnus Maqgħuda t-tnejn li huma jenfasizzaw il-bżonn għall-iżvilupp tar-riċerka w il-ġbir ta' tagħrif bl-iskop li jittejjeb l-għerf xjentifiku. (3) Il-Komunità trid tieħu sehem fl-isforzi fl-ibħra internazzjonali għall-konservazzjoni tal-ħażniet tal-ħut, speċjalment b'mod konformi mad-dispożizzjonijiet adottati mill-organizazzjonijiet reġjunali tas-sajd. (4) Sabiex jitwettqu l-istimi xjentifiċi meħtieġa għall-politika komuni tas-sajd (minn hawn 'l quddiem PKS), hemm bżonn li jinġabar it-tagħrif kollu tal-bioloġija tal-ħażniet tal-ħut, tal-flotti w l-attivitajiet tagħhom u tal-kwistjonijiet ekonomiċi w soċjali. (5) Il-ġbir ta' din l-informazzjoni speċifika trid tiġi kkordinata ma'tagħrif ta'l-istatistika. (6) Għandhom jiġu stabbiliti l-prijoritajiet fuq livell Komunitarju, kif ukoll il-proċeduri għall-ġbir u pproċessar tat-tagħrif fil-Komunità, sabiex jiġi żgurat li s-sistema kollha hi konstistenti w biex tieħu l-aktar benefiċċji mill-infieq bit-twaqqif ta'struttura multiannwali stabbli. (7) Analiżi xjentifiċi jeħtieġu qabel kollox data aggregata miġbura miksuba mill-igruppament u mill-ipproċessar tat-tagħrif dettaljat f'livell xieraq, minflok data bażika dettaljata. (8) Ir-Regolamenti li hemm f'dan il-qasam, b'mod partikolari Regolamenti tal-Kunsill (KEE) Nru 3759/92 [4], (KEE) Nru 2847/93 [5], u (KE) Nru 685/95 [6], (KE) Nru 779/97 [7], (KE) Nru 104/2000 [8] u Regolamenti tal-Kummissjoni (KEE) Nru 2090/98 [9], (KE) Nru 2091/98 [10] u (KE) Nru 2092/98 [11] jinkludu dispożizzjonijiet fuq il-ġbir u l-ġestjoni ta' data dwar bastimenti tas-sajd, l-attivitajiet tagħhom u l-qbid u fuq il-munituraġġ tal-prezzijiet, li kollha għandhom jitqiesu għat-twaqqif ta'sistema komprensiva. (9) Ir-Regolamenti li hemm ma jkoprux l-attivitajiet kollha għal liema għandu jinġabar data għall-analiżi xjentifiku sħiħ u serju. Ir-Regolamenti għalissa huma dwar data fuq livell individwali jew globali iżda mhux dwar data aggregata fuq il-livell xieraq għal stima xjentifika. Għalhekk għandhom jiġu ntrodotti dispożizzjonijiet ġodda għall-produzzjoni ta'sett mulitannwali ta' data aggregata li l-utenti awtorizzati xierqa jkollhom aċċess. (10) L-evalwazzjoni tar-riżorsi u tas-sitwazzjoni eknomika tas-settur teħtieġ il-ġbir ta' data bioloġika għal kull qabda, inkluż l-iskart, evalwazzjonijiet tal-ħażniet tal-ħut indipendenti mis-sajd kummerċjali għal sett ta' riżorsi, il-ġbir ta' informazzjoni fuq il-kapaċitajiet ta' qbid u l-isforzi wżati fis-sajd, u data li tispjega l-istabbiliment ta' prezzijiet u li jagħmel mod kif is-sitwazzjoni ekonomika ta' intrapriżi tas-sajd u l-industrija ta' l-ipproċessar jiġu estimati, kif ukoll ix-xejriet tax-xogħol f'dawn is-setturi. (11) Filwaqt li priorita' għandha tingħata lid-data meħtieġa għall-evalwazzjonijiet xjentifiċi, għandu jitħeġġeġ ukoll programm estiż għat-titjieb ta' dawn l-evalwazzjonijiet. (12) Il-Komunità xjentifika, dawk li jaħdmu fl-industrija tas-sajd u l-gruppi l-oħra involuti jridu jiġu inklużi fil-kitba tar-regoli fuq il-ġbir u l-ġestjoni tad-data. Il-korpi xierqa għall-ġbir ta' l-opinjonijiet meħtieġa huma l-KXTES, stabbilit fl-Artikolu 16 ta'Regolament (KEE) Nru 3760/92 u l-Kumitat ta' Konsulenza fuq is-Sajd (minn hawn 'il quddiem l-KKS), imwaqqaf minn Deċiżjoni tal-Kommissjoni (KEE) Nru 128/71 [12]. (13) Il-programmi Komunitarji għall-ġbir u ġestjoni ta' data fuq is-sajd iridu jiġu mplementati taħt ir-responsabbiltà diretta ta'l-Istati Membri. Iridu għalhekk iħejju l-programmi nazzjonali tagħhom skond il-programmi Komunitarji. (14) L-implementazzjoni tal-programmi nazzjonali għall-ġbir u ġestjoni tad-data tas-sajd se jeħtieġ spiża kbira. Il-benefiċċju ta' dawn il-programmi jidher biss kollu kemm hu fuq livell Komunitarju. Għalhekk għandu jkun hemm kontribut Komunitarju għall-ispejjeż ta' l-Istati Membri. Dan il-kontribut hu rregolat mid-Deċiżjoni 2000/439/KE [13]. (15) Id-data aggregata imsemmija f'dan ir-Regolament trid tiddaħħal f'databases kompjuterizzati sabiex din tkun aċċessibbli mill-utenti awtorizzati u jkun jista' jiġi skambjat. It-trażmissjoni ta' data xjentifika speċifika hija provduta minn organizzazzjonijiet internazzjonali, b'mod partikolari l-Kunsill Internazzjonali għall-Esplorazzjoni tal-Baħar u organizzazzjonijiet reġjunali tas-sajd. (16) Għall-faċilitazzjoni ta' dawn id-dispożizzjonijiet, irid ikun hemm proċedura għal kooperazzjoni tajba bejn l-Istati Membri u l-Kummissjoni f'kumitat ta' ġestjoni. (17) Il-miżuri neċessarji għall-implementazzjoni ta' dan ir-Regolament iridu jiġu adottati skond Deċiżjoni tal-Kunsill 1999/468/KE tat-28 ta'Ġunju 1999 li tistipola l-proċeduri kif il-Kummissjoni għandha teżerċita l-poteri ta' implementazzjoni mogħtija lilha [14]. (18) It-twettieq tal-programmi ta' ġbir u ta' ġestjoni jridu jiġu evalwati ta' spiss. Il-possibbilita' ta' l-estensjoni ta' l-attivitajiet koperti trid tiġi eżaminata fiż-żmien medju, ADOTTA DAN IR-REGOLAMENT: Artikolu 1 Dan ir-Regolament stabbilixxa struttura Komunitarja għall-ġbir u għall-ġestjoni tad-data meħtieġa għall-evalwazzjoni tas-sitwazzjoni fir-riżorsi tas-sajd u fl-industrija tas-sajd. l-Istati Membri huma responsabbli għall-ġbir tad-data. Artikolu 2 Għall-iskopijiet ta'dan ir-Regolament: (a) "datasets multiannwali" tfisser data li jkejjel it-tibdil f'parametru fuq numru ta' snin; (b) "id-data aggregata" tfisser il-prodott ta' l-ipproċessar tad-data minn grupp ta' bastimenti għal żmien speċifiku u, fejn xieraq, għal settur ġeografiku speċifiku, bl-iskop li jinkiseb stima li hi rappreżentattiva tat-totalità; (ċ) "time-space grid" tfisser it-tagħqid ta' wesgħa ġeografika mqassma f'setturi deskritti u intervall ta' ħin deskritt. TITOLU I Prinċipji ġenerali tal-ġbir u tal-ġestjoni tad-data Artikolu 3 1. L-Istati Membri jridu jistabbilixxu datasets aggregati u fuq bażi xjentifika li jinkorporaw informazzjoni bioloġika u ekonomika. Il-metodi li jridu jintużaw iridu jkunu stabbli fil-ħin u standardizzati fil-Komunità u jridu jħarsu id-dispożizzjonijiet internazzjonali rilevanti. 2. Mingħajr preġudizzju għall-obligazzjonijiet tagħhom ta' ġbir kurrenti ta' data taħt il-liġi Komunitarja, u b'mod partikolari r-Regolamenti msemmija f'punti 1 u 3 ta' l-Artikolu 4, l-Istati Membri jridu: (a) jistabbilixxu, fuq bażi ta' kampjuni fejn hu neċessarju, programmi ta' ġbir ta' informazzjoni li huma supplementarji lil dawn l-obbligazzjonijiet, jew għal xi setturi ta' attività li mhumiex koperti minn dawn l-obbligazzjonijiet; (b) jispeċifikaw il-proċeduri li ser jipproduċu d-data aggregata; (ċ) jiżguraw li d-data użata fil-produzzjoni tad-data aggregata jibqa disponibbli għal xi kalkulazzjonijiet oħra, kull meta jkun hemm il-bżonn. Artikolu 4 L-Istati Membri jridu jiġbru d-data: 1 meħtieġ għall-evalwazzjoni ta' l-attivitajiet tal-flotot tas-sajd varji u tat-tibdil fis-setgħa tas-sajd. Għal dan il-għan, iridu jitlestu ġabriet bid-data miġbura taħt Regolamenti tal-Kunsill (KEE) Nru 2847/93, (KE) Nru 685/95 u (KE) Nru 779/97 u Regolamenti tal-Kummissjoni (KEE) Nru 2090/98, (KE) Nru 2091/98 u (KE) Nru 2092/98, u trid tinġabar aktar informazzjoni mill-Istati Membri, kif meħtieġ; 2 sabiex l-istima tal-volum kollu ta' qabdiet għal kull ħażna jkun possibbli, inkluż l-iskart fejn xieraq u, fejn hu neċessarju, għall-klassifikazzjoni ta' dawn il-qabdiet skond il-grupp ta' bastimenti, il-wesgħa ġeografika u ż-żmien. Il-qabdiet iridu jkunu soġġetti għat-teħid ta' kampjuni bioloġiċi. Barra minn hekk, l-Istati Membri jridu jwettqu tiċerki xjentifiċi fil-baħar għall-evalwazzjoni ta' l-abbondanza u d-distribuzzjoni tal-ħażniet independentement mit-tagħrif provvdut mis-sajd kummerċjali fil-każ ta' ħażniet li għalihom dawn l-evalwazzjonijiet huma possibbli u ta' użu; 3 li l-prezzijiet assoċjati mal-postijiet tal-ħatt varji, u l-formazzjoni tagħhom, iridu jkunu jistgħu jiġu mmuniturati. It-tagħrif miġbur taħt Regolament (KEE) Nru 3759/92 irid jiġi ggruppat u miġbur fil-qasir. Iktar tagħrif irid jinġabar sabiex juri kull ħatt f'portijiet ġo u barra mill-Komunità, kif ukoll l-imports; 4 meħtieġ għall-evalwazzjoni tal-kondizzjoni ekonomika tas-suq fuq il-bażi ta' studji u kampjuni kbar biżżejjed li jiżguraw li wieħed jista' joqgħod fuq l-istima, u dan data hu: (a) dwar il-flotot tas-sajd: - dħul minn bejgħ u dħul ieħor (per eżempju, sussidji, imgħax li daħal), - spejjeż tal-produzzjoni; - data li bih wieħed ikun jista' jgħodd u jikklassifika x-xogħolijiet fuq il-baħar; (b) dwar l-industrija ta' l-ipproċessar tal-ħut: - produzzjoni espressa f'termini ta' volum u ta' valur għal kategoriji ta' prodotti li jridu jiġu stabbiliti, - in-numru ta' intrapriżi, u n-numru ta' xogħolijiet, - tibdil fl-ispejjeż tal-produzzjoni, u l-komposizzjoni tagħhom. TITOLU II Il-proċedura għat-tistabilixxi tal-kontenut tal-programmi Komunitarji u nazzjonali Artikolu 5 1. B'mod konformi mal-proċedura stipulata fl-Artikolu 9(2), il-Kummissjoni trid tiddeskrivi, skond l-istruttura deskritta f'L-Anness I, programm Komunitarju minimu li jkopri l-informazzjoni li verament hemm bżonn għall-evalwazzjonijiet xjentifiċi, u programm Komunitarju estiż li jrid jinkludi, flimkien ma' l-informazzjoni li jinsab fil-programm minimu, informazzjoni li x'aktarx itejjeb b'mod sostanzjali l-evalwazzjonijiet xjentifiċi. Il-programmi jridu jitwaqqfu għall-żminijiet ta' sitt snin. Iżda l-ewwel programmi Komunitarji jridu jkopru eċċezzjonalment is-snin 2002 sa 2006 inklużi. 2. Sabiex tgħin fil-ġbir u fl-immanniġjar ta' tagħrif fl-2001, il-Kummissjoni tird toħroġ avviżi għall-proposti u tenders b'mod konformi mar-regoli u mal-prattiki stabbiliti. Artikolu 6 1. Kull Stat Membru jrid iwaqqaf għal żminijiet ta' sitt snin kull wieħed programm nazzjonali ta' ġbir u ta' ġestjoni ta' data. L-ewwel żmien ta' programmar irid ikopri s-snin 2002 sa 2006 inklużi. Il-programm irid jiddeskrivi l-ġbir tad-data dettaljata u l-ipproċessar meħtieġ għall-produzzjoni tad-data aggregata b'mod konformi mal-prinċipji stipulati fl-Artikolu 3. Irid jispeċifika r-rabtiet bejnu u l-programmi Komunitarji mwaqqfa taħt l-Artikolu 5. 2. Kull Stat Membru hu responsabbli għall-verifiċità u għall-istabbilità tal-ġbir tad-data u tal-proċeduri ta' l-ipproċessar. Irid jagħti 'l-Kummissjoni l-informazzjoni meħtieġa għall-evalwazzjoni tal-miżuri wżati u ta' l-effettività tal-proċeduri. Fejn jeżistu, sistemi ta' deskrizzjoni u ta' kalssifikazzjoni internazzjonali jew Ewropej xierqa jridu jintużaw għall-ġbir u għall-analiżi tad-data. 3. Kull Stat Membru jrid, sa fejn hu possibbli, jinkludi fil-programm nazzjonali tiegħu l-elementi li japplikaw lilu taħt il-programm minimu Komunitarju deskritt fl-Artikolu 5. 4. L-Istati Membru jistgħu japplikaw lill-Kummissjoni għall-għajnuna finanzjarja għal dawk il-biċċiet tal-programmi nazzjonali tagħhom li jikkorrispondu mal-komponenti tal-programm minimu Komunitarju li għandu x'jaqsam magħhom. L-għajnuna finanzjarja Komunitarja tista' tintalab ukoll għal elementi żejda tal-programm nazzjonali li jikkorrispondu mal-programm estiż Komunitarju, sakemm id-dispożizzjonijiet dwar il-programm minimu ntlaħqu kollha. Iżda l-obbligazzjoni li jintlaħqu dispożizzjonijiet kollha dwar il-programm minimu ma tapplikax sa' l-1 ta' Jannar 2004 għad-data annwali għal segment ta' flotta u sa' l-1 ta' Jannar 2006 għat-tagħrif annwali skond it-tip ta' industrija ta' l-ipproċessar speċifikat f'L-Anness IV. Id-deċiżjoni fuq l-għajnuna finanzjarja Komunitarja tittieħed b'mod konformi mar-regoli dettaljati stipulati f'Deċiżjoni 2000/439/KE. Artikolu 7 1. L-Istati Membri jridu jiżguraw li d-data aggregata dwar il-programmi Komunitarji jiddaħħlu fid-databases kompjuterizzati. 2. Id-data koperta minn dan ir-Regolament jista' jintbagħat mill-Istati Membri 'l-organizzazzjonijiet internazzjonali kompetenti, b'mod konformi mar-regoli u mar-regolamenti speċifiċi tagħhom. Il-Kummissjoni trid tiġi avżata dwar kull trażmissjoni ta' data u trid tirċievi kopja elettronika tad-data, jekk din titlobha. 3. Il-Kummissjoni tird ikollha aċċess għad-data aggregata kollha dwar il-programmi Komunitarji u tista' tagħmel mod kif din id-data tkun disponibbli lill-KXTES. 4. Data trażmessa jew miġbura f'kull forma taħt dan ir-Regolament irid ikun kopert mis-segretezza professjonali u jrid jikkwalifika għall-istess protezzjoni bħal dik mogħtija lil tagħrif simili mill-leġislazzjoni nazzjonali ta' l-Istati Membri li jirċevuh, u mid-dispożizzjonijiet korrisspondenti li japplikaw 'l-istituzzjonijiet Komunitarji. 5. Għandhom jiġu addottati regoli dettaljati għall-applikazzjoni ta' dan l-Artikolu b'mod konformi mal-proċedura msemmija fl-Artikolu 9(2), dawn, b'mod partikolari: - ir-regoli dwar it-trażmissjoni tat-tagħrif, inkluż it-trażmissjoni ta' tagħrif xjentifiku l organizzazzjonijiet internazzjonali, - il-kriterji għall-interrogazzjoni tad-databases u l-istandards minimi meħtieġa sabiex l-aċċess għall-utenti awtorizzati lit-tagħrif jiġi żgurat, - id-data li, fejn xieraq, se jiġi ggruppat taħt ir-responsabbilità diretta tal-Kummissjoni. TITOLU III Dispożizzjonijiet Finali Artikolu 8 1. Il-miżuri meċessarji għall-implementazzjoni ta' dan ir-Regolament dwar, b'mod partikolari, xi affarjiet imsemmija f'L-Artikoli 5 u 7 jridu jiġu addottati b'mod konformi mal-proċedura stipulata fl-Artikolu 9(2). 2. Mingħajr preġudizzju għal paragrafu 1, il-programmi msemmija fl-Artikolu 5 jridu jiġu addottati wara konsultazzjoni mal-KXTES u mal-KKS. Artikolu 9 1. Il-Kummissjoni tird tiġi mejgħuna mill-Kumitat għas-Sajd u għall-Akwakultura stabbilit minn l-Artikolu 17 ta' Regolament (KEE) Nru 3760/92, minn hawn "l quddiem" il-Kumitat. 2. Fejn hemm referenza għal dan il-paragrafu, japplikaw l-Artikoli 4 u 7 ta' Deċiżjoni 1999/468/KE. Il-perjodu stipolat fl-Artikolu 4(3) ta'Deċiżjoni 1999/468/KE huwa stabbilit għal xahar. 3. Il-Kumitat jirregola l-proċeduri tiegħu. Artikolu 10 1. Il-Kummissjoni, flimkien mal-KXTES u mal-KKS, trid teżamna kull sena il-progress tal-programmi nazzjonali fil-Kumitat tal-Ġestjoni tas-Sajd u ta' l-Akwakultura. 2. Skond l-informazzjoni mogħtija mill-Istati Membri, u wara konsultazzjoni mal-KXTES, il-Kummissjoni trid tippreżenta 'l-Parlament Ewropew u 'l-Kunsill, kull tlett snin u għall-ewwel darba sal-31 ta' Diċembru 2003, rapport li jevalwa l-miżuri meħuda minn kull Stat Membru, kemm huma xierqa l-metodi wżati u r-riżultati miksuba dwar il-ġbir u l-ġestjoni tat-tagħrif imsemmi f'dan ir-Regolament. Dan ir-rapport irid ukoll jevalwa l-użu mill-Komunità tad-data miġbura. 3. Sal-31 ta' Diċembru 2003 il-Kummissjoni trid tagħmel reviżjoni dwar jekk l-estensjoni tal-medda ta' data miġbur taħt dan ir-Regolament hu xieraq. Għal dan il-għan, l-Istati Membri u l-Kummissjoni jistgħu jwettqu studji u proġetti esplorattivi f'setturi li huma importatni għall-PKS li għad mhumiex koperti minn l-Artikolu 4, b'mod partikolari l-akwakultura, ir-relazzjoni tas-sajd u ta' l-akwakultura ma' l-ambjent u mal-kapaċità ta' l-industriji tas-sajd u ta' l-akwakultura li joffru x-xogħol. Dawn l-istudji u proġetti jistgħu jirċievu għajnuna finanazjarja Komunitarja b'mod konformi mar-regoli dettaljati stipulati f'Deċiżjoni 2000/439/KE 4. Fuq il-bażi tar-rapport u ta' l-analiżi previsti f'paragrafi 2 u 3, u wara li jiġu kkunsidrati l-ħtiġijiet li jitbiddlu tal-KXTES, il-Kummissjoni trid teżamin, sa' l-1 ta' Diċembru 2003, jekk hemm il-bżonn ta' emenda lil dan ir-Regolament u tippreżenta, kif xieraq, proposta lill-Kunsill. Artikolu 11 Dan ir-Regolament jidħol fis-seħħ is-seba' jum wara li jiġi ppublikat fil-Ġurnal Uffiċjali tal-Komunità Ewropea. Dan ir-Regolament jorbot kollu kemm hu l-Istati Membri kollha u huwa applikabbli direttament f'dawn. Magħmul fil-Lussemburgu, il-21 ta' Ġunju 2000. Għall-Kunsill Il-President M. Arcanjo [1] ĠU C 375E, tat-28.12.1999, p. 54. [2] L-opinjoni ingħata t-2 ta' Marzu 2000 (għadu mhux ippublikat fil-Ġurnal Uffiċjali). [3] ĠU L 389, tal-31.12.1992, p. 1. Regolament l-aħħar emendat minn Regolament (KE) Nru 1181/98 (ĠU L 164, tad-9.6.1998, p. 1). [4] ĠU L 388, tal-31.12.1992, p. 1. Regolament l-aħħar emendat minn Regolament (KE) Nru 3318/94 (ĠU L 350, tal-31.12.1994, p. 15). [5] ĠU L 261, ta' l-20.10.1993, p. 1. Regolament l-aħħar emendat minn Regolament (KE) Nu 2346/98 (ĠU L 358, tal-31.12.1998, p. 5). [6] ĠU L 71, tal-31.3.1995, p. 5. [7] ĠU L 113, tat-30.4.1997, p. 1. [8] ĠU L 17, tal-21.11.2000, p. 22. [9] ĠU L 266, ta' l-1.10.1998, p. 27. [10] ĠU L 266, ta' l-1.10.1998, p. 36. [11] ĠU L 266, ta' l-1.10.1998, p. 47. [12] ĠU L 68, tat-22.3.1971, p. 18. Regolament l-aħħar emendat minn Regolament (KE) Nu 478/99 (ĠU L 187, ta' l-20.7.1999, p. 70). [13] Ara paġna 42 ta'dan il-Ġurnal Uffiċjali. [14] ĠU L 184, tas-17.7.1999, p. 23. -------------------------------------------------- L-ANNESS I Programmi minimi u estiżi Deskrizzjoni tal-programm minimu (a) Il-programm minimu jrid jinkludi: - - il-munituraġġ ta' l-isforzi tas-sajd bil-ġbir ta' data fuq il-parametri li ġejjin: - in-numru ta' bastimenti - tunnellaġġ gross (TG) - saħħa tal-makna (kW) - kemm għandu żmien il-bastiment - il-gear li ntuża - iż-żmien kollu mgħoddi fuq il-baħar matul is-sena - - il-munituraġġ ta' sajd kummerċjali bil-ġbir ta' tagħrif dwar il-ħatt u l-iskart, il-kampjuni bioloġiċi u l-istħarriġ, fi ġej: - il-ħatt u l-iskart għal ħażniet elenkati f'L-Anness II - il-kampjuni bioloġiċi għall-istima tal-komposizzjoni tal-qabda u tal-parametri bioloġiċi bħalma huma l-iżvilupp, is-sess, il-maturità u l-fekondità tal-ħażniet elenkati f'L-Anness II - l-istħarriġ fil-wesgħat ġeografiċi elenkati f'L-Anness III u l-għanijiet ta' dawn li jiġu deskritti b'mod konformi mal-proċedura stipulata fl-Artikolu 9(2), - il-munituraġġ tal-prezzijiet għall-ewwel bejgħ ta' speċji elenkata f'L-Anness II għall-wesgħat ġeografiċi msemmija f'L-Anness III, - il-munituraġġ ekonomiku ta' intrapriżi tas-sajd u l-industrija ta' l-ipproċessar b'mod konformi ma' l-intestaturi rilevanti ta' l-accounting jew ma' gruppi ta' intestaturi elenkati f'L-Anness IV; (b) il-livell ta' aggregazzjoni ta' l-informazzjoni miġbura fil-programm minimu jrid jiġi deskritt b'mod konformi mal-proċedura stipulata fl-Artikolu 9(2). Il-livell ta' aggregazzjoni jrid jiġi deskritt fuq il-bażi ta' - time-space grids, li jiddeskrivu d-daqs tas-settur referenzali u l-intervalli ta' ħin li jridu jintużaw, li, għall-isforz tas-sajd, jridu jkunu kostistenti mar-Regolamenti eżistenti, - identifikazzjoni ta' gruppi rilevanti ta' bastimenti u/jew portijiet, kif ukoll setturi rilevanti ta' l-industrija ta' l-ipproċessar tal-ħut; dwar l-isforz u t-tagħrif ekonomiku, il-gruppi ta' bastimenti jridu jikkorrispondu mas-segmenti jew, fejn hu xieraq, mas-subsegmenti tar-raba' programmi ta' gwida multiannwali (PGMA) (1997 sa' 2001) u jkunu kostistenti ma' l-intestaturi; (ċ) fejn hu xieraq, l-għanijiet kwantifikati fit-termini tal-preċiżjoni ta' l-evalwazzjoni jew ta' l-intensità tal-programmi għat-teħid ta' kampjuni jridu jiġu addottati b'mod konformi mal-proċedura stipulata fl-Artikolu 9(2). Deskrizzjoni tal-programm estiż (d) Il-programm estiż irid jinkludi (flimkien mal-programm minimu): - il-munituraġġ ta' l-isforz tas-sajd bil-ġbir ta' data fuq l-istess parametri deskritti għall-programm minimu, iżda b'aġġustament għas-sajd speċifiċi wara li wieħed jikkunsidra l-ispeċji fil-mira, il-gear li ntuża u apparat ieħor. Il-parametri żejda jridu jiġu deskritti b'mod konformi mal-proċedura stipulata fl-Artikolu 9(2), - il-munituraġġ ta' sajd kummerċjali bil-ġbir ta' data dwar il-ħatt u l-iskart, il-kampjuni bioloġiċi u l-istħarriġ, kif ġej: - il-ħatt u l-iskart għal ħażniet elenkati f'L-Anness II, b'livell iktar baxx ta' aggregazzjoni u b'densità ta' kampjuni ogħla li jridu jiġu deskritti b'mod konformi mal-proċedura stipulata fl-Artikolu 9(2) - it-teħid ta' kampjuni bioloġiċi għall-ħażniet elenkati f'L-Anness II, iżda b'inqas aggregazzjoni u b'densità ta' kampjuni ogħla li jridu jiġu deskritti b'mod konformi mal-proċedura stipulata fl-Artikolu 9(2) - stħarriġ fis-setturi elenkati f'L-Anness III, iżda b'lista estiża ta' stħarriġ u/jew densità ta' kampjuna miżjuda u li l-għanijiet tagħhom iridu jiġu deskritti b'mod konformi mal-proċedura stipulata fl-Artikolu 9(2); - il-munituraġġ tal-prezzijiet fl-ewwel bejgħ tal-prodotti ta' l-ispeċji, minn kategoriji kummerċjali li jikkorrispondi ma' regolamenti eżistenti, elenkati fl-Anness II għall-wesgħat ġeografiċi msemmija f'L-Anness III, - il-munituraġġ ekonomiku ta' intrapriżi tas-sajd u ta' l-industrija ta' l-ipproċessar b'mod konformi ma' l-intestaturi rilevanti ta' l-accounting jew ma' gruppi ta' intestaturi elenkati f'L-Anness IV, b'aktar informazzjoni fuq il-kategoriji varji ta' l-ispejjeż, tip ta' investiment, elementi li jiddeskrivu l-pożizzjoni finanzjarja u l-impieg. Id-dettalji ta' l-informazzjoni żejda jridu jiġu deskritti b'mod konformi mal-proċedura stipulata fl-Artikolu 9(2); (e) il-livelli ta' aggregazzjoni jridu jkunu inqas minn dak tal-programm minimu.. L-aggregati tal-programm estiż jridu jkunu kompatibbli ma' dawk użati fil-programm minimu; (f) fejn hu xieraq, l-għanijiet kwantifikati fit-termini ta' aktar preċiżjoni ta' l-evalwazzjoni jew ta' iktar intensità tal-programmi għat-teħid ta' kampjuni jridu jiġu addottati b'mod konformi mal-proċedura stipulata fl-Artikolu 9(2). -------------------------------------------------- L-ANNESS II Speċji u wesgħat tas-sajd referenzali jridu jkunu koperti fil-programmi minimi u estiżi. Jista' jkun hemm id-deċiżjoni, b'mod konformi mal-proċedura stipulata fl-Artikolu 9(2): - li ħażniet li għalihom il-qabdiet minn bastimenti minn Stat Membru niżlu taħt livell tat-threshold li jrid jiġi deskritt fir-regolament implentattiv m'għandhomx għalfejn jiddaħħlu fil-programm minimu, - għat-tibdil fil-lista ta' speċji u setturi msemmija f'dan l-Anness, - li fil-programm minimu, tagħrif dwar setturi mifrud b'virgoli jista' jiġi aggregat, filwaqt li data dwar setturi mifrud minn linja djagonali ma jistgħax. Speċi | Isem Xjentifiku | Żona | Baħar Baltiku (ICES III. esklużi l-Skagerrak u l-Kattegat) Merluzz | Gadus morhua | III b-d | Barbun | Limanda limanda | III b-d | Barbun ta' l-għajn | Platichtys flesus | III b-d | Aringa | Clupea harengus | III b-c/III d | Barbun tat-tbajja | Pleuronectes platessa | III b-d | Salamun | Salmo salar | III b-d | Trota tal-baħar | Salmo trutta | III b-d | Sardina | Sprattus sprattus | III b-d | Barbun imperjali | Psetta maxima | III b-d | Salura | Anguilla anguilla | III b-d | Dott xabbat | Perca fluviatilis | III d | Lizz | Esox lucius | III d | Lizz dott | Stizostedion lucioperca | III d | Trota bajda | Coregonus spp. | III d | Skagerrak u Kattegat (ICES Żona III.) Merlanga | Micromesistius potassou | III a N | Merluzz | Gadus morhua | III a N/III a S | Melanogrammus aeglefinus | Melanogrammus aeglefinus | III a N/III a S | Marlozz | Merluccius merluccius | III a N/III a S | Aringa | Clupea harengus | III a N/III a S | Kavall | Scomber scombrus | III a N | Awwista tan-Norveġja | Nephrops norvegicus | III a N/III a S | Gambli tan-Norveġja | Trisopterus esmarki | III a N | Pandalus tan-Norveġja | Pandalus borealis | III a N | Barbun tad-tbajja | Pleuronectes platessa | III a N/III a S | Pollachius virens | Pollachius virens | III a N/III a S | Ammodytidae | Ammodytidae | III a N/III a S | Lingwata | Solea solea | III a N/III a S | Sardina | Sprattus sprattus | III a N/III a S | Barbun | Limanda limanda | III a N | Merlanga | Merlangius merlangus | III a N/III a S | ICES Żona II. Aringa | Clupea harengus | II a, V | Merluzz | Gadus morhua | I, II Sub żoni | Merluzz iswed | Pollachius virens | I, II Sub żoni | Pandalus tan-Norveġja (Gamblu) | Pandalus borealis | I, II Sub żoni | Ħalibatt | Reinhartius hippoglossoides | I, II Sub żoni | Melanogrammus aeglefinus | Melanogrammus aeglefinus | I, II Sub żoni | Sebaste | Sebastes fajok | I, II Sub żoni | Baħar tan-Nord u kanal tal-Lvant (ICES Żoni IV, VIId) Trota kaħla | Micromesistius potassou | IV, VII d | Rombu lix | Scophtalmus rhombus | IV, VII d | Merluzz | Gadus morhua | IV, VII d | Melanogrammus aeglefinus | Melanogrammus aeglefinus | IV, VII d | Aringa | Clupea harengus | IV, VII d | Kavall | Scomber scombrus | IV, VII d | Awwista tan-Norveġja | Nephrops norvegicus | IV | Gambli tan-Norveġja | Trisopterus esmarki | IV | Pandalus tan-Nord | Pandalus borealis | IV | Barbun tat-tbajja | Pleuronectes platessa | IV, VII d | Merluzz iswed | Pollachius virens | IV, VII d | Ammodytidae | Ammodytidae | IV | Lingwata | Solea solea | IV, VII d | Sardina | Sprattus sprattus | IV, VII d | Barbun Imperjali | Psetta maxima | IV, VII d | Merlanga | Merlangius merlangus | IV, VII d | Petriċa kbira | Lophiidae | IV, VII d | Argentina | Argentinidae | IV | Molva kaħla | Molva dypterigia | IV | Scirfna tal-qiegħ | Helicolenus dactylopterus | IV | Pásztás farkashal | Anarhichas lupus | IV | Barbun | Limanda limanda | IV, VII d | Kelb il-baħar tal-qiegħ | | IV | Musdeja | Phycis fajok | IV | Ħallibatt ta' Greenland | Reinhartius hippoglossoides | IV | Marlozz | Merluccius merluccius | IV, VII d | Kavall | Trachurus fajok | IV, VII d | Lingwata limanda | Microstomus kitt | IV, VII d | Molva | Molva macrophtalma | IV | Rombu isfar | Lepidorhombus fajok | IV, VII d | Rajja | Rajidae | IV, VII d | Grenatjer | Macrourus berglax | IV | Salamun | Salmo salar | IV | Spnotta | Dicentrarchus fajok | IV, VII d | Sebastjes | Sebastes fajok | IV | Kelb il-baħar żgħir | | IV, VII d | Mazzola tax-xewka | Squalus acanthias | IV, VII d | Brosmju | Brosmius brosme | IV | Glyptocephalus cynoglosus | Glyptocephalus cynoglosus | IV | Atlantiku tal-Grigall u l-Kanal tal-Punent (ICES II, V, VI, VII (Barra minn d), VIII, IX, XII, minbarra XIV) Inċova | Engraulis encrasicolus | VIII/IX a | Pixxi sajjieda | Lophiidae | V b, VI, XII, XIV/VII, VII abde/VII c, IX, X | Merlanga | Micromesistius potassou | I-IX, XII, XIV | Merluzz | Gadus morhua | VI a, VI b, VII a, VII bc, VII efg, VII hjk, VIII, IX, X, XII, XIV | Melanogrammus aeglefinus | Melanogrammus aeglefinus | V b, VI, XII, XIV/VI a, VI b, VII a, VII, VIII, IX, X | Marlozz | Merluccius merluccius | III a, IV, VI, VII, VIII ab/VIIIc, IX a | Aringa | Clupea harengus | VI a, VII abcj | Sugarelli | Trachurus spp. | II a, IV a, V, VI, VII, VIII, IX | Kavall | Scomber scombrus | II, III a, IV, V, VI, VII, VIII, IX | Rombu | Lepidorhombus fajok | V b, VI, XII, XIV, VII, VIII abcde, IX, X | Awwista tan-Norveġja | Nephrops norvegicus | V b, VI, VII a, (pas 33E2-E5), VII bcdejk, VIII abde/VIII c, IX, X | Barbun tat-tbajja | Pleuronectes platessa | VII a/VII e/VII fg/VII bc, VIIhjk, VIII, IX, X | Ħuta mill-gens tal-bakkaljaw | Pollachius pollachius | Żoni kollha | Rajja | Rajidae | Żoni kollha | Sebaste | Sebastes fajok | V a, XII, XIV | Merluzz iswed | Pollachius virens | V b, VI, XII, XIV/VII, VIII, IX, X | Sardina | Sardina pilchardus | VIII, IX | Lingwata | Solea solea | VII a/VII e/VII fg/VII ab/VII bc, VII hjk, IX a | Merlanga | Merlangius merlangus | V b, VI, XII, XIV, VII a, VII b-k, VIII/IX | Glyptocephalus cynoglosus | Glyptocephalus cynoglosus | VI, VII | Alfonsino | Beryx fajok | Żoni kollha | Argentina | Argentina sphyraena | Żoni kollha | Molva | Molva dypterigia | Żoni kollha | Skorfna tal-qiegħ | Helicolenus dactylopterus | Żoni kollha | Kapelin | Mallotus villotus | XIV | Gringu | Conger conger | Żoni kollha | Granċ | Cancer pagurus | Żoni kollha | Rajja Kukku | Leucoraja naevus | Żoni kollha | Siċċa | Sepia officinalis | Żoni kollha | Musdeja | Phycis | Żoni kollha | Halibatt ta' Greenland | Reinhartius hippoglossoides | V a, XII, XIV | Kavall (spp) | Trachurus fajok | VIII, IX | Lingwata Limanda | Microstomus kitt | Żoni kollha | Molva Kaħla | Molva dypterigia | Żoni kollha | Awwista | Homarus gammarus | Żoni kollha | Ombrina | Argyrosoma regium | Żoni kollha | Kavall tal-Mediterran | Trachurus mediterraneus | VIII, IX | Qarnit | Octopus vulgaris | Żoni kollha | Mera ta' l-Atlantiku | Hoplostethus atlanticus | Żoni kollha | Speċi oħra tal-fond | | Żoni kollha | Trisopterus esmarkii | Trisopterus esmarkii | Żoni kollha | Lingwata | Solea fajok | Żoni kollha | Mulett | Mullus barbatus | Żoni kollha | Grenatjer | Coryphaenoides rupestris | Żoni kollha | Salamun | Salmo salar | Żoni kollha | Fjamma | Lepidopus caudatus | Żoni kollha | Arzella | Pecten fajok | Żoni kollha | Spnotta | Dicentrarchus labrax | Żoni kollha | Awrati | Sparidae | Żoni kollha | Pandalus tan-Norveġja, (Gamblu) | Pandalus borealis, Penaeus fajok | Żoni kollha | Kavall Għajnejh Kbar | Scomber japonicus | VIII, IX | Mazzola tax-Xewka | Squalus fajok | Żoni kollha | Klamar | Loligo vulgaris | Żoni kollha | Lingwati | Microchirus variegatus | Żoni kollha | Busycon fajok | Busycon fajok | Żoni kollha | Polyprion americanus | Polyprion americanus | X | Mediterran Inċova | Engraulis encrasicolus | 1.1, 1.2, 1.3, 2.1, 2.2, 3.1 | Petriċa kbira | Lophius piscatorius, L. budegasa | 1.1., 1.3, 2.2, 3.1 | Marlozz | Merluccius merluccius | 1.1, 1.2, 1.3, 2.1, 2.2, 3.1 | Awwista tan-Norveġja | Nephrops norvegicus | 1.3, 2.1, 2.2, 3.1 | Trilja tal-faxxi | Mullus surmuletus, M. barbatus | 1.1, 1.2, 1.3, 2.1, 2.2, 3.1 | Gamblu aħmar | Aristeus antennatus, Aristeomorpha folicea | 1.1, 1.3, 2.2, 3.1 | Sardin | Sardina pilchardus | 1.1, 1.2, 1.3, 2.1, 2.2, 3.1 | Gamblu abjad | Penaeus fajok | 1.1., 1.3, 2.2, 3.1 | Vopa | Boops boops | 3, 1 | Gandoffli | Veneridae (Callista fajok, Ruditapes fajok) | 2.1, 2.2 | Siċċ | Sepia officinalis | 1.3, 2.1, 3.1 | Sawrell | Trachurus trachurus | 1.1, 1.3, 3.1 | Kavall | Scomber scombrus | 1.3, 2.2, 3.1 | Qarnita tal-Misk | E. cirrhosa, E. moschata | 1.3, 2.1, 2.2, 3.1 | Qarnita | Octopus vulgaris | 1.1, 1.3, 2.2, 3.1 | Paġell | Pagellus sp. | 1.1, 1.2, 2.1, 2.2, 3.1 | Raja | Rajidae | 1.3, 2.1, 2.2, 3.1 | Klamar | Loligo vulgaris | 1.3, 2.2, 3.1 | Merlanga | Micromesistius potassou | 1.1, 3.1 | Awrata | Sparus aurata | 1.2, 3.1 | Lingwata | Solea solea | 1.2, 2.1, 3.1 | Spnotta | Dicentrarchus labrax | 1, 2 | Mugilidae | Mugilidae | 1.3, 2, 3.1 | Arżnell | Spicara spp. | 1.3, 2.2, 3.1 | Sparlu spp. | Diplodus spp. | 1.3, 2.2, 3.1 | Gamblu Imperjali | Penaeus kerathurus | 1.3, 2, 3.1 | Żumbrell | Trigla spp. | 1.3, 2.2, 3.1 | Żoni NAFO Merluzz | Gadus morhua | 2J2KL/3M/3NO/3Ps/ | Halibatt tal-Groenlandja | Reinharditius hippoglosus | 3KLMNO/ID | Sebastes spp | Sebastes spp. | 3M/3LNO/Sa 1 | Gambli | Pandalus spp. | 3M/3LN | Hippoglossoides platessoides | Hippoglossoides platessoides | 3LNO/3M | Grenatier | Macrouridae | SA 2 + 3 | Speċje Rajja | Rája fajok | SA 3 | Glyptocephalus cynoglosus | Glyptocephalus cynoglosus | 3NO | Barbun | Limanda ferruginea | 3LNO | Erősen vándorló fajok Pixxispad | Xiphias gladius | Alantiku, Oċean Paċifiku/Mediterran | Tonn (Katsuwonus pelamis; T. obesus; T. alalunga; T. thynnus) | Thunnus albaceres; Katsuwonus pelamis; T. obesus; T. alalunga; T. thynnus | Alantiku, Oċean Paċifiku/Mediterran | Ħut tal-munqar | | Alantiku, Oċean Paċifiku/Mediterran | Plamtu | Euthynnus, Sarda, Auxix | Alantiku, Oċean Paċifiku/Mediterran | Kelb il-baħar | | Alantiku, Oċean Paċifiku/Mediterran | CECAF FAO 34 Merluzz | Merluccius spp | ATL.EC | Qarnit | Octopus vulgaris | Marokk-Senegal | Gamblu tal-qiegħ | Parapenaeus longirostris | Marokk-Senegal | Gamblu Panaeus | Penaeus notialis | Mawritanja | Sardina | Sardina pilchardus | Mawritanja, Atl EC | Aphanopus carbo | Aphanopus carbo | Madeira | Inċova | Engraulis encrasicolus | Marokk | Lepidopus caudatus | Lepidopus caudatus | Mawritanja | Klamar | Loligo vulgaris | ATL.EC | Plamtu | Sarda sarda | Mawritanja | Sardina tonda | Sardinella aurita | Mawritanja, Atl EC | Sardina qasira | Sardinella maderensis | Mawritanja, Atl EC | Kavall b'għanjejn kbar | Scomber japonicus | Madeira, Marokk, Mawritanja | Siċċa | Sepia hierreda | ATL. EC | Awrati | Sparidae, Serranidae, Haemulidae | ATL. EC | Sawrell | Trachurus picturatus | Madeira | Trachurus trachurus | Mawritanja, Marokk | Trachurus trecae | Mawritanja, Marokk | Trichiuridae | Trichiuridae | Marokk | WECAF Lutianus purpureus | Lutianus purpureus | Dipartiment Gijana Franċiża – EEZ | Gamblu | Penaeus subtilis | Dipartiment Gijana Franċiża – EEZ | CCAMLR FAO 58 Champsoccephalus gunnari | Champsoccephalus gunnari | FAO 58.5.2 Antartika | Dissostichus eleginoides | Dissostichus eleginoides | FAO 58.5.2 Antartika | Macrouridae | Macrouridae | FAO 58.5.2 Antartika | Notothenia squamifrons | Notothenia squamifrons | FAO 58.5.2 Antartika | Raja | Raja fajok | FAO 58.5.2 Antartika | Atlantiku ta' Lbiċ Dissostichus e. | Dissostichus e. | Arġentina, Falkland-FAO 41 | Genypterus blacodes | Genypterus blacodes | Arġentina, Falkland-FAO 41 | Klamar ta' l-Arġentina | Illex argentinus | Arġentina, Falkland-FAO 41 | Klamar tal-Patagonja | Loligo gahi | Arġentina, Falkland-FAO 41 | Grenatier | Macrourus sp. | Arġentina, Falkland-FAO 41 | Grenatier tal-Patogojna | Macruronus m. | Arġentina, Falkland-FAO 41 | Merluzz ta' l-Atlantiku t'Isfel | Merluccius australis | Arġentina, Falkland-FAO 41 | Merluzz ta' l-Arġentina | Merluccius hubbsi | Arġentina, Falkland-FAO 41 | Merlanga ta' l-Atlantiku t'Isfel | Micromesistius a. | Arġentina, Falkland-FAO 41 | Merluzz tal-blat | Notothenia | Arġentina, Falkland-FAO 41 | Merluzz tal-blat tal-Patogojna | Salilota a. | Arġentina, Falkland-FAO 41 | Angola Gamblu | Aristeus varidens | Angola FAO 47 | Parapenaeus l. | Angola FAO 47 | Penaeus spp. | Angola FAO 47 | -------------------------------------------------- L-ANNESS III Il-wesgħat ġeografiċi msemmija fl-Anness I - Il-Baħar Baltiku, minbarra il-Kattegat - il-Kattegat u l-Iskagerrak - Il-Baħar tat-Tramuntana, inkluż l-Kanal tal-Lvant u Wesgħa II, mingħajr l-Iskagerrak - Il-wesgħa tal-Atlantiku tal-Grigal u l-Kanal tal- - il-wesgħa regolatorja tan-NAFO - Wesgħat oħra ta' l-Atlantiku - Il-Baħar Mediterran - L-Oċejan Indjan - Il-Paċifiku - L-Oċejan Antartiku -------------------------------------------------- L-ANNESS IV Data għall-monituraġġ ekonomiku ta' intrapriżi tas-sajd u l-industrija ta' l-ipproċessar (programm minimu) Data annwali għal kull segment tal-flotta Intestatura fil-kontijiet (tip ta' informazzjoni) | Speċifikazzjonijiet | Dħul (turn-over) | Totali u għal kull speċje | Kost tal-produzzjoni: ekwipaġġkarburanttiswija u manutezjonikosti oħra operattivi | Kost totali u għal kull kategorija | Kosti fissi | Kost medju, ikkolkolat fuq l-investiment | Pożizzjoni finanzjarja | Sehem mill-kapital proprju jew misluf | Investiment | għall-akkwistgħall-bdilassigurazzjoni | Prezzijiet, speċi | Valur, kull tunellata metrika | Impieg | full-time, part-time (bl-ekwivalenti full-time) | Intestatura fil-kontijiet (tip ta' informazzjoni) | Speċifikazzjonijiet | Materja prima | Totali u għal kull speċje (f'tunellati metriċi) | Dħul (turn over) | Totali u għal kull prodott | Kost tal-produzzjoni: xogħolenerġijamaterja prima (valur)imballaġkostijiet oħra korrenti | Totali u għal kull kategorija | Kost fiss | Kost medju kalkolat fuq l-investiment | Pożizzjoni finanzjarja | Sehem mill-kapital proprju jew misluf | Investiment | għall-akkwistgħall-bdilassigurazzjoni | Prezzijiet, prodott | Valur, kull tunellata metrika | Impieg | Numri (bl-ekwivalenti full-time) | Rata ta' utilizzazzjoni tal-kapaċità | Medju annwali | --------------------------------------------------