This document is an excerpt from the EUR-Lex website
Document 31999R2761
Commission Regulation (EC) No 2761/1999 of 22 December 1999 amending Regulation (EC) No 296/96 on data to be forwarded by the Member States and the monthly booking of expenditure financed under the Guarantee Section of the European Agricultural Guidance and Guarantee Fund (EAGGF) and repealing Regulation (EEC) No 2776/88
Ir-Regolament tal-Kummissjoni (KEE) Nru 2761/1999 tat-22 ta’ Diċembru 1999 li jemenda r-Regolament (KE) Nru 296/96 dwar l-informazzjoni li trid tintbagħat mill-Istati Membri u l-prenotament ta' kull xahar tan-nefqa ffinanzjata mit-Taqsima Garanziji tal-Fond Agrikolu Ewropew dwar Gwida u Garanziji (FAEGG) u li jħassar ir-Regolament (KEE) Nru 2776/88
Ir-Regolament tal-Kummissjoni (KEE) Nru 2761/1999 tat-22 ta’ Diċembru 1999 li jemenda r-Regolament (KE) Nru 296/96 dwar l-informazzjoni li trid tintbagħat mill-Istati Membri u l-prenotament ta' kull xahar tan-nefqa ffinanzjata mit-Taqsima Garanziji tal-Fond Agrikolu Ewropew dwar Gwida u Garanziji (FAEGG) u li jħassar ir-Regolament (KEE) Nru 2776/88
ĠU L 331, 23.12.1999, p. 57–58
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 15/10/2006; Impliċitament imħassar minn 32006R0883
Official Journal L 331 , 23/12/1999 P. 0057 - 0058
Ir-Regolament tal-Kummissjoni (KEE) Nru 2761/1999 tat-22 ta’ Diċembru 1999 li jemenda r-Regolament (KE) Nru 296/96 dwar l-informazzjoni li trid tintbagħat mill-Istati Membri u l-prenotament ta' kull xahar tan-nefqa ffinanzjata mit-Taqsima Garanziji tal-Fond Agrikolu Ewropew dwar Gwida u Garanziji (FAEGG) u li jħassar ir-Regolament (KEE) Nru 2776/88 IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxil-Komunità Ewropea, Wara li kkunsidrat ir-Regolament tal-Kunsill (KE) Nru 1258/1999 tas-17 ta’ Mejju 1999 dwar il-finanzjament tal-politika komuni agrikola [1], u b'mod partikolari l-Artikoli 4 u S tiegħu, Wara li kkunsidrat ir-Regolament tal-Kunsill (KE) Nru 1259/1999 tas-17 ta’ Mejju 1999 li jistabbilixxi regoli komuni għall-iskemi diretti ta’ appoġġ skond il-politika komuni agrikola [2], u b'mod partikolari l-Artikolu 11 tiegħu, Billi: (1) meta jippreżentaw id-dokumenti għall-prenotament mill-estimi finanzjarji Komunitarji tan-nefqa miġrura f’Mejju u f’Novembru ipprovduta fl-Artikolu 3(5) tar-Regolament tal-Kummissjoni (KEE) Nru 296/96 tas-16 ta’ Frar 1996 dwar l-informazzjoni li trid tintbagħat mill-Istati Membri u l-prenotament ta' kull xahar tan-nefqa ffinanzjata mit-Taqsima Garanziji tal-Fond Agrikolu Ewropew dwar Gwida u Garanziji (FAEGG) u li jħassar ir-Regolament (KEE) Nru 2776/88 [3], kif l-aħħar emendat bir-Regolament (KE) Nru 2236/98 [4], l-Istati Membri għandhom jibagħtu magħhom tabella li tinkludi estratt mir-reġistru tad-debituri u li turi t-total tad-djun kollha identifikati imma għadhom mhux irkuprati skond it-Taqsima Garanziji tal-FAEGG. Ukoll, meta jippreżentaw id-dokumenti, sabiex jipprenotaw mill-estimi finanzjarji Komunitarji n-nefqa minfuqa f’April u f’Ottubru pprovduta fl-Artikolu 3(5) tar-Regolament (KE) Nru 296/96, l-Istati Membri għandhom jibagħtu magħhom tabelli li juru l-ammonti miżmuma skond l-Artikoli 3 u 4 tar-Regolament (KE) Nru 1259/1999 u l-użu magħmul minn dawn l-ammonti skond l-Artikolu 5(2) tar-Regolament ta' l-aħħar; (2) il-Kummissjoni, skond id-disposizzjonijiet ta' l-Artikolu 37(2) tar-Regolament tal-Kummissjoni (KEE) Nru 1750/1999 tat-23 ta’ Lulju 1999 li jistabbilixxi regoli ddettaljati sabiex jiġi applikat ir-Regolament tal-Kunsill (KE) Nru 1257/1999 dwar appoġġ għall-iżvilupp rurali mill-Fond Agrikolu Ewropew dwar Gwida u Garanziji (FAEGG) [5], wara li għarrfet lill-Istati Membri interessati, għandha tissospendi temporanjament l-avvanzi ta’ kull xahar li għandhom x’jaqsmu man-nefqa minfuqa skond ir-Regolament (KE) Nru 1750/1999, jekk id-dokumenti pprovduti fl-Artikolu 37(1) ta’ dan ir-Regolament ma jiġux irċevuti sat-30 ta’ Settembru ta’ kull sena; (3) l-Istati Membri jistgħu jallokaw l-ammonti rrilaxxjati bi tnaqqis fil-ħlasijiet, effettwati fuq il-bażi ta' l-Artikoli 3 u 4 tar-Regolament (KE) Nru 1259/1999, għal ċerti miżuri addizzjonali ta’ żvilupp rurali pprovduti fl-Artikolu 5(2) ta’ dan ir-Regolament. L-ammonti hekk miżmuma jridu jintużaw sat-tmiem tat-tielet sena finanzjarja wara dik li fiha jiġu miżmuma. L-ammonti mhux użati sat-tmiem ta’ dan il-perjodu taż-żmien iridu jiġu rkuprati billi jitnaqqas l-aħħar avvanz tas-sena finanzjarja. Id-disposizzjonijiet meħtieġa għal dan l-iskop għandhom jiġu miżjuda mar-Regolament (KE) Nru 296/96 u t-titolu tiegħu għandu jiġi addattat sabiex iqis dan ir-Regolament il-ġdid; (4) il-Kumitat tal-FAEGG u l-kumitati konġunti maniġerjali pprovduti fl-Artikolu 11 tar-Regolament (KE) Nru 1259/1999 ma tawx opinjoni fil-limitu taż-żmien stabbilit mill-President tiegħu, ADOTTAT DAN IR-REGOLAMENT: L-Artikolu 1 Ir-Regolament (KE) Nru 296/96 huwa hawnhekk emendat kif ġej: 1) It-Titolu jiġi mibdul b'dan li ġej: "Ir-Regolament tal-Kummissjoni (KEE) Nru 296/96 tas-16 ta’ Frar 1996 dwar l-informazzjoni li trid tiġi trasmessa mill-Istati Membri u l-prenotament ta’ kull xahar tan-nefqa ffinanzjata mit-Taqsima Garanziji tal-Fond Agrikolu Ewropew dwar Gwida u Garanziji (FAEGG) u li jistabbilixxi ċerti regoli dettaljati sabiex jiġi applikat ir-Regolament tal-Kunsill (KE) Nru 1259/1999". 2) Jiġi miżjud is-subparagrafu li ġej ma' l-Artikolu 3: "6a. Darbtejn fis-sena, meta jiġu ppreżentati d-dokumenti riferiti fil-paragrafu 5 rigward il-prenotament mill-estimi finanzjarji Komunitarji tan-nefqa minfuqa, f'Mejju u f'Novembru għat-tabella riferita fil-punt (a), u f’April u f'Ottubru għat-tabella riferita fil-punt (b), l-Istati Membri għandhom idaħħlu magħhom: (a) tabella li tinkludi estratt mir-reġistru tad-debituri u li turi d-djun kollha identifikati iżda għadhom mhux irkuprati sa l-aħħar ta’ April u fit-tmiem tas-sena finanzjarja rigward it-Taqsima Garanziji tal-FAEGG; (b) it-tabelli li juru s-sitwazzjoni, fl-aħħar ta’ April u fl-aħħar tas-sena finanzjarja, dwar l-ammonti miżmuma skond l-Artikoli 3 u 4 tar-Regolament (KE) Nru 1259/1999 u l-użu magħmul minn dawn l-ammonti skond l-Artikolu 5(2) ta’ dan ir-Regolament." 3) Il-paragrafu li ġej jiġi miżjud ma' l-Artikolu 4: "6. Fejn id-dokumenti riferiti fl-Artikolu 37(1) tar-Regolament (KE) Nru 1750/1999 ma jiġux irċevuti mill-Kummissjoni sat-30 ta’ Settembru ta’ kull sena, il-Kummissjoni għandha, wara li tinnotifika lill-Istati Membri interessati, tissospendi l-ħlas ta' l-avvanz li għandu x'jaqsam ma' l-ispiża miġbura skond dan ir-Regolament għax-xahar ta’ Awissu. Fejn dawn id-dokumenti jiġu rċevuti mill-1 sal-15 ta’ Ottubru, il-ħlas ta' l-avvanz riferit fis-subparagrafu ta’ qabel għandu jiġi ddiferit bl-istess numru ta’ ġranet li għalihom id-dokumenti jiġu rċevuti tard. Fejn id-dokumenti jiġu rċevuti wara l-15 ta’ Ottubru, il-ħlas ta' l-avvanzi li għandhom x'jaqsmu man-nefqa skond ir-Regolament (KE) Nru 1750/1999 rigward ix-xhur ta’ Awissu, Settembru u Ottubru għandu jitwaqqaf sal-ħlas ta’ l-avvanz li għandu x'jaqsam man-nefqa għax-xahar ta’ Frar tas-sena ta’ wara. Dawn l-ammonti sospiżi għandhom jiġu koperti b’impenn globali għas-sena finanzjarja tas-sospensjoni." 4) L-Artikolu 6 jiġi mibdul b'dan li ġej: "L-Artikolu 6 1. L-ammonti miżmuma skond l-Artikoli 3 u 4 tar-Regolament (KE) Nru 1259/1999 għandhom jintużaw sat-tmiem tat-tielet sena finanzjarja wara dik li matulha jkunu ġew miżmuma għall-ħlas tal-miżuri addizzjonali ta’ appoġġ Komunitarju skond l-Artikolu 5(2) ta’ dan ir-Regolament. 2. L-ammonti miżmuma u mhux imħallsa skond il-paragrafu 1 għandhom jitnaqqsu mill-avvanzi li għandhom x'jaqsmu man-nefqa għalOttubru tas-sena finanzjarja interessata." 5) Il-punt li ġej jiġi miżjud ma' l-ewwel subparagrafu ta' l-Artikolu 7(1): "(ċ) in-nefqa li trid tiġi ddikjarata ma għandhiex tqis it-tnaqqis magħmul skond l-Artikoli 3 u 4 tar-Regolament (KE) Nru 1259/1999." 6) Fl-Artikolu 8, il-kliem "l-Artikolu 3(6)" jiġi mibdul bil-kliem "l-Artikolu 3(6) u (6a)". L-Artikolu 2 Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu japplika għan-nefqa minfuqa mill-1 ta’ Jannar 2000. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-22 ta’ Diċembru 1999. Għall-Kummissjoni Franz Fischler Membru tal-Kummissjoni [1] ĠU L 160, tas-26.6.1999, p. 103. [2] ĠU L 160, tas-26.6.1999, p. 113. [3] ĠU L 39, tas-17.2.1996, p. 5. [4] ĠU L 281, tas-17.10.1998, p. 9. [5] ĠU L 214, tat-13.8.1999, p. 31. --------------------------------------------------