31999R0101

Ir-Regolament tal-Kummissijoni (KE) Nru 101/1999

tal-15 ta’ Jannar 1999

li jemenda r-Regolament (KEE) Nru 3143/85 dwar il-bejgħ bi prezzijiet mnaqqsa ta’ butir ta’ intervent maħsub għal konsum dirett taħt sura ta’ butir ikkonċentrat u r-Regolament (KEE) Nru 429/90 dwar l-għoti bi stedina għal offerta ta’ għajnuna għal butir ikkonċentrat maħsub għall-konsum dirett fil-Komunità

IL-KUMMISSJONI TAL-KOMUNITAJIET EWROPEJ,

Wara li kkunsidraw it-Trattat li jistabilixxi l-Komunità Ewropea,

Wara li kkunsidra r-Regolament tal-Kunsill (KEE) Nru 804/68 tas-27 ta’ Ġunju 1968 dwar l-organizzazzjoni komuni tas-suq fil-ħalib u l-prodotti tal-ħalib [1], hekk kif l-aħħar emendat bir-Regolament (KE) Nru 1587/96 [2], u b’mod partikolari l-Artikolu 6(6) u 7a(3) tiegħu,

Billi r-Regolament tal-Kummissjoni (KEE) Nru3143/85 [3], kif l-aħħar emendat bir-Regolament (KE) Nru 1802/95 [4], jipprovdi għall-bejgħ bi prezzijiet mnaqqsa ta’ butir ta’ intervent maħsub għal konsum dirett fil-Komunità taħt sura ta’ butir ikkonċentrat; billi l-iskema ser tkompli tapplika sakemm il-ħażniet ta’ butir f’ħażna ta’ intervent jippermettu; billi r-Regolament tal-Kummissjoni (KEE) Nru 429/90 [5], kif l-aħħar emendat bir-Regolament (KE) Nru 417/98 [6], jipprovdi għall-għoti bi stedina għal offerta ta’ għajnuna għal butir ikkonċentrat miksub minn butir jew krema mis-suq u maħsub għall-konsum dirett fil-Komunità; billi dawn ir-Regolamenti u r-Regolament tal-Kummissjoni (KE) Nru 2571/97 tal-15 ta’ Diċembru 1997 dwar il-bejgħ tal-butir bi prezzijiet mnaqqsa u l-għoti ta’ għajnuna għal krema, butir u butir ikkonċentrat maħsuba għall-użu fil-fabbrikazzjoni ta’ prodotti mill-għaġina, ġelati u prodotti oħra ta’ l-ikel [7], kif l-aħħar emendat bir-Regolament (KE) Nru 1982/98 [8], jipprovdu biex jiżdiedu tracers mal-butir ikkonċentrat sabiex jiġi assigurat użu xieraq mill-prodott finali; billi għandha ssir dispożizzjoni biex l-istess limiti u metodi ta’ referenza japplikaw meta l-kontenut tat-tracers kimiċi msemmija f’dawk ir-Regolamenti ma jiġix osservat;

Billi l-miżuri previsti f’dan ir-Regolament huma skond l-opinjoni tal-Kumitat Amministrattiv għall-Ħalib u l-Prodotti tal-Ħalib,

ADDOTTAT DAN IR-REGOLAMENT:

Artikolu 1

1. It-tieni subparagrafu ta’ l-Artikolu 9(2) tar-Regolament (KEE) Nru 3143/85 huwa sostitwit b’dan li ġej:

"Madankollu, meta, per eżempju minħabba distribuzzjoni mhux ugwali, il-kontenut ta’ kull wieħed mill-prodotti msemmija fl-Artikolu 5(2) jinstab li hu aktar minn 5 % iżda inqas minn 30 % taħt il-kwantitajiet minimi preskritti, 1,5 % tal-garanzija ta’ l-ipproċessar għandha tintilef għal kull punt perċentwali taħt il-kwantitajiet minimi preskritti."

2. Fl-Artiklu 8(4), tar-Regolament (KEE) Nru 429/90, "20 %" huwa sostitwit bi "30 %".

Artikolu 2

Dan ir-Regolament għandu jidħol fis-seħħ fit-tielet jum wara li jiġi pubblikat fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-15 ta’ Jannar 1999.

Għall-Kummissjoni

Franz Fischler

Membru tal-Kummissjoni

[1] ĠU L 148, tat-28.6.1968, p. 13.

[2] ĠU L 206, tas-16.8.1996, p. 21.

[3] ĠU L 298, tat-12.11.1985, p. 9.

[4] ĠU L 174, tas-26.7.1995, p. 27.

[5] ĠU L 45, tal-21.2.1990, p. 8.

[6] ĠU L 52, tal-21.2.1998, p. 18.

[7] ĠU L 350, ta’ l-20.12.1997, p. 3.

[8] ĠU L 256, tat-18.9.1998, p. 9.

--------------------------------------------------