31999D0312

Id-Deċiżjoni tal-Kunsill

tad-29 ta’ April 1999

dwar il-laboratorji ta’ referenza sabiex isir monitoraġġ tal-bio-tossini marini

(1999/312/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 43 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni tal-Kunsill Ekonomiku u Soċjali [3],

(1) Billi l-Artikolu 3 tad-Deċiżjoni 93/383/KEE [4] li tistabbilixxi l-laboratorju nazzjonali ta’ referenza sabiex jiġu mmonitorjati l-bijotossini marini; billi l-laboratorju msemmi bidel ismu; billi huwa għalhekk meħtieġ li l-Artikolu 3 jiġi emendat kif jixraq;

(2) Billi d-Deċiżjoni 93/383/KEE ma tinkludix proċedura għar-reviżjoni mgħaġġla ta’ dan l-Anness; billi għandha għalhekk issir disposizzjoni għall-possibbiltà li l-Kummissjoni tirrevedi dan l-Anness wara notifika magħmula minn Stat Membru;

(3) Billi l-Anness li jinsab mad-Deċiżjoni 93/383/KEE jistabbilixxi l-lista tal-laboratorji nazzjonali ta’ referenza nnominati minn kull Stat Membru sabiex jiġu mmonitorjati l-bijotossini marini;

(4) Billi l-laboratorji oriġinarjament innominati mill-Belġju, il-Finlandja, il-Ġermanja, il-Greċja, Spanja, l-Italja, ir-Renju Unit u l-Isvezja bħala laboratorji nazzjonali ta’ referenza sabiex jiġu mmonitorjati l-bijotossini marini ma għadhomx jikkonformaw mal-funzjonijiet li għalihom kienu nnominati jew bidlu isimhom minn dak iż-żmien; billi l-Anness li jinsab mad-Deċiżjoni 93/383/KEE għandu jiġi emendat kif jixraq sabiex iqis in-notifikazzjonijiet issottomessi mill-Istati Membri rigward il-laboratorji nazzjonali ta’ referenza,

ADDOTTA DIN ID-DEĊIŻJONI:

Artikolu 1

Id-Deċiżjoni 93/383/KEE hija hawnhekk emendata kif ġej:

1. L-Artikolu 3 għandu jiġi mibdul b’dan li ġej:

"Artikolu 3

Il-’Laboratorio de biotoxinas marinas del Area de Sanidad’ f’Vigo huwa hawnhekk innominat bħala l-laboratorju ta’ referenza tal-Komunità sabiex jiġu mmonitorjati l-bijotossini marini."

2. L-inċiż li ġej għandu jiżdied ma’ l-Artikolu 4:

"— jgħinu lil-laboratorji nazzjonali ta’ referenza sabiex jimplimentaw sistema approprjatà ta’ assigurazzjoni ta’ kwalità msejsa fuq il-prinċipji ta’ prattika tajba tal-laboratorju (PTL) u l-kriterji ta’ l-EN45000;"

3. L-Artikolu li ġej għandu jiddaħħal wara l-Artikolu 5:

"Artikolu 5a

Il-Kummissjoni għandha temenda l-Anness ma’ din id-Deċiżjoni meta meħtieġ wara kull notifika ssottomessa lilha minn Stat Membru li tirrigwarda l-laboratorju nazzjonali ta’ referenza biex jiġu mmonitorjati l-bijotossini marini.

Il-Kummissjoni għandha tippubblika l-lista tal-laboratorji nazzjonali ta’ referenza u kull aġġornament tagħha fil-Ġurnal Uffiċjali tal-Komunitajiet Ewropej."

Artikolu 2

L-Anness mad-Deċiżjoni 93/383/KE għandu jiġi mibdul bit-test ta’ l-Anness ma’ din id-Deċiżjoni.

Artikolu 3

Din id-Deċiżjoni għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 4

Din id-Deċiżjoni hija indirizzata lill-Istati Membri.

Magħmula fil-Lussemburgu, fid-29 ta’ April 1999.

Għall-Kunsill

W. Müller

Il-President

[1] ĠU C 331, tas-6.11.1996, p. 12 u ĠU C 189, tal-20.6.1997, p. 9.

[2] ĠU C 200, tat-30.6.1997, p. 257 u l-opinjoni tat-13 ta’ April 1999 (għadha mhix ippubblikata fil-Ġurnal Uffiċjali).

[3] ĠU C 66, tat-3.3.1997, p. 47.

[4] ĠU L 166, tat-8.7.1993, p. 31.

--------------------------------------------------

ANNESS

“ANNESS

Il-Belġju u l-Lussemburgu:

- Ministère des Affaires Sociales, de la Santé Publique et de l’Environment

Institut Scientifique de la Santé Publique – Louis Pasteur

Section "Denrées alimentaires"

Département "Pharmaco-Bromatologie"

Rue Juliette Wytsman 14

B-1050

Bruxelles

Id-Danimarka:

- The Danish Veterinary and Food Administration

Institute of Food Research and Nutrition

Mørkhøj Bygade 19

DK-2860

Søberg

Il-Ġermanja:

- Bundesinstitut für gesundheitlichen

Verbraucherschutz und Veterinärmedizin

Postfach 330013

D-14191

Berlin

Il-Greċja:

- Ινστιτούτο Υγιεινής Τροίμων Θεσσαλονίκης

28ης Οκτωβρίου 80

GR-54627

Θεσσαλονίκη

Il-Spania

- Laboratorio de Biotoxinas Marinas

Area de Sanidad

Estación Marítima s/n

E-36271

Vigo

Franza:

- Laboratoire central d’hygiène alimentaire

43, rue de Dantzig

F-75015

Paris

L-Irlanda:

- Fisheries Research Center

Abbotstown

IRL-Dublin

15

L-Italja:

- Centro Ricerche Marine

Viale Vespucci 2

I-47042

Cesenatico (FO)

L-Olanda:

- Postbus 1

Rijksinstituut voor Volksgezondheid en Milieuhygiëne (RIVM)

NL-3720

BA Bilthoven

Il-Portugall

- Laboratório do Instituto Nacional de Investigação das Pescas (INIP)

Av. Brasília s/n

P-1400

Lisboa

Il-Finlandja:

- Tullilaboratorio/Tullaboratoriet

PL/PB 53

FIN-02151

Espoo/Esbo

L-Isvezja:

- Institutionen för klinisk bakterologi

Göteborg universitet

S-41124

Göteborg

Ir-Renju Unit:

- Marine Laboratory

P.O.Box 101,Victoria Road

UK

Aberdeen

AB11 9DB”

--------------------------------------------------