This document is an excerpt from the EUR-Lex website
Document 31996R0465
Commission Regulation (EC) No 465/96 of 14 March 1996 amending Regulation (EC) No 2898/95 concerning verification of compliance with quality standards for bananas
Ir-Regolament tal-Kummissijoni (KEE) Nru 465/96 ta’ l-14 ta’ Marzu 1996 li jemenda r-Regolament (KE) Nru 2898/95 dwar il-verifika tal-konformità mal-istandards ta’ kwalità għal banana
Ir-Regolament tal-Kummissijoni (KEE) Nru 465/96 ta’ l-14 ta’ Marzu 1996 li jemenda r-Regolament (KE) Nru 2898/95 dwar il-verifika tal-konformità mal-istandards ta’ kwalità għal banana
ĠU L 65, 15.3.1996, p. 5–5
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 08/01/2012; Imħassar b' 32011R1333
Official Journal L 065 , 15/03/1996 P. 0005 - 0005
Ir-Regolament tal-Kummissijoni (KEE) Nru 465/96 ta’ l-14 ta’ Marzu 1996 li jemenda r-Regolament (KE) Nru 2898/95 dwar il-verifika tal-konformità mal-istandards ta’ kwalità għal banana Il-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 404/93 tat-13 ta’ Frar 1993 dwar l-organizzazzjoni komuni tas-suq tal-banana [1], kif l-aħħar emendat bir-Regolament (KE) Nru 3290/94 [2], u b’mod partikulari l-Artikolu 4 tiegħu, Billi r-Regolament tal-Kummissjoni (KE) Nru 2898/95 [3] jipprovdi li r-regoli li għandhom x’jaqsmu mal-verifika tal-konformità tal-istandards ta’ kwalità għal banana stabbiliti bir-Regolament tal-Kummissjoni (KE) Nru 2257/94 [4] għandhom jidħlu fis-seħħ nhar l-1 ta’ April 1996; billi dik id-data tad-dħul fis-seħħ għandha tkun posposta sabiex tiffaċilita l-implimentazzjoni tal-proċeduri tal-verifika u sabiex jitwettaq it-tixrid tal-informazzjoni lin-negozjanti; Billi l-miżuri li hemm provvediment dwarhom f’dan ir-Regolament huma bi qbil mal-opinjoni tal-Kumitat ta’ Ġestjoni għall-Banana, ADOTTAT DAN IR-REGOLAMENT: L-Artikolu 1 Fl-Artikolu 9 tar-Regolament (KE) Nru 2898/95, ‘1 ta’ April 1996’ hi b’dan mibdula bi ‘1 ta’ Lulju 1996’. L-Artikolu 2 Dan ir-Regolament għandu jidħol fis-seħħ fit-tielet jum ta’ wara l-publikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u applikabbli direttament fl-Istati Membri kollha. Magħmul Brussel, fl-14 ta’ Marzu 1996. Għall-Kummissjoni Franz Fischler Membru tal-Kummissjoni [1] ĠU L 47, tal-25.2.1993, p. 1. [2] ĠU L 349, tal-31.12.1994, p. 105. [3] ĠU L 304, tas-16.12.1995, p. 17. [4] ĠU L 245, ta’ l-20.9.1994, p. 6. --------------------------------------------------