This document is an excerpt from the EUR-Lex website
Document 31984L0386
Tenth Council Directive 84/386/EEC of 31 July 1984 on the harmonization of the laws of the Member States relating to turnover taxes, amending Directive 77/388/EEC - Application of value added tax to the hiring out of movable tangible property
L-Għaxar Direttiva tal-Kunsill tal-31 ta' Lulju 1984 fuq l-armonizzazzjoni tal-liġijiet ta' l-Istati Membri li għandhom x'jaqsmu mat-taxxi fuq id-dħul mill-bejgħ, li jemenda d-Direttiva 77/388/KEE - Applikazzjoni tat-taxxa fuq il-valur miżjud għall-kiri ta' proprjetà mobbli tanġibbli
L-Għaxar Direttiva tal-Kunsill tal-31 ta' Lulju 1984 fuq l-armonizzazzjoni tal-liġijiet ta' l-Istati Membri li għandhom x'jaqsmu mat-taxxi fuq id-dħul mill-bejgħ, li jemenda d-Direttiva 77/388/KEE - Applikazzjoni tat-taxxa fuq il-valur miżjud għall-kiri ta' proprjetà mobbli tanġibbli
ĠU L 208, 3.8.1984, p. 58–58
(DA, DE, EL, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL)
No longer in force, Date of end of validity: 31/12/2006; Imħassar b' 32006L0112
Official Journal L 208 , 03/08/1984 P. 0058 - 0058
Finnish special edition: Chapter 9 Volume 1 P. 0122
Spanish special edition: Chapter 09 Volume 1 P. 0170
Swedish special edition: Chapter 9 Volume 1 P. 0122
Portuguese special edition Chapter 09 Volume 1 P. 0170
L-Għaxar Direttiva tal-Kunsill tal-31 ta' Lulju 1984 fuq l-armonizzazzjoni tal-liġijiet ta' l-Istati Membri li għandhom x'jaqsmu mat-taxxi fuq id-dħul mill-bejgħ, li jemenda d-Direttiva 77/388/KEE - Applikazzjoni tat-taxxa fuq il-valur miżjud għall-kiri ta' proprjetà mobbli tanġibbli (84/386/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikoli 99 u 100 tiegħu, Wara li kkunsidra s-Sitt Direttiva tal-Kunsill 77/388/KEE tas-17 ta' Mejju 1977 li tirrigwarda l-armonizzazzjoni tal-liġijiet ta' l-Istati Membri li għandhom x'jaqsmu mat-taxxi għaċ-ċaqliq ta' flus - Dwar is-sistema Komuni tat-taxxa fuq il-valur mizjud: bażi uniformi ta' stima [1], Wara li kkunsidra l-proposta tal-Kummissjoni [2], Wara li kkunsidra l-opinjoni tal-Parlament Ewropew [3], Wara li kkunsidra l-opinjoni tal-Kumitat Ekonomiku u Soċjali [4], Billi, skond l-Artikolu 4(2) ta' l-imsemmija Direttiva, il-kiri ta' proprjetà mobbli tanġibbli tista’ tikkostitwixxi attività ekonomika soġġetta għal taxxa fuq il-valur miżjud; Billi l-applikazzjoni ta' l-Artikolu 9(1) ta' l-imsemmija Direttiva għall-kera ta' proprjetà mobbli tanġibbli tista’ jwassal għal tgħawwiġ sostanzjali fil-kompetizzjoni fejn min jagħti b'kera u min jikri huma stabbiliti fi Stati Membri differenti u r-rati ta' taxxa f'dawk l-Istati jvarjaw minn xulxin; Billi huwa għaldaqstant neċessarju li jiġi stabbilit illi l-post fejn servizz jingħata hu l-post fejn il-konsumatur ikun waqqaf il-kummerċ tiegħu jew ikollu stabbiliment fiss illi għalih is-servizz ikun ingħata, jew, għaldaqstant fin-nuqqas, il-post fejn għandu indirizz permanenti jew fejn normalment joqgħod; Billi, madankollu, f'dak li għandu x'jaqsam mal-kiri ta' mezzi tal-ġarr, l-Artikolu 9(1) għandu, għal raġunijiet ta' kontroll, jiġi applikat strettament, billi l-post fejn il-provveditur waqqaf il-kummerċ tiegħu jiġi trattat bħala l-post fejn is-servizzi jingħataw; ADOTTA DIN ID-DIRETTIVA: Artikolu 1 Direttiva 77/388/KEE hija hawnhekk emendata kif ġej: 1. L-Artikolu 9(2)(d) huwa mħassar; 2. L-Artikolu 9(2)(e) huwa miżjud b'dan l-inċiż li ġej: "- il-kiri ta' proprjetà mobbli tanġibbli, bl-eċċezzjoni tat-tipi kollha tal-ġarr."; 3. L-Artikolu 9(3), "u l-kiri ta' proprjetà mobbli tanġibbli" jinbidel b'dan li ġej;"u l-kiri ta' tipi ta' trasport" Artikolu 2 1. L-Istati Membri għandhom idaħħlu fis-seħħ il-miżuri neċessarji li jikkonformaw ma’ din id-Direttiva sa l-1 ta' Lulju 1985. 2. L-Istati Membri għandhom jgħarrfu lill-Kummissjoni bid-disposizzjonijiet li huma sejrin jadottaw bl-iskop li tiġi applikata din id-Direttiva. Il-Kummissjoni sejra tinforma lill-Istati Membri l-oħra dwar dan. Artikolu 3 Din id-Direttiva hija indirizzata lill-Istati Membri. Magħmula fi Brussell, il-31ta’ Lulju 1984. Għall-Kunsill Il-President J. O'Keeffe [1] ĠU L 145, tat-13.6.1977, pġ. 1. [2] ĠU C 116, tad-9.5.1979, pġ. 4. [3] ĠU C 4, tas-7.1.1980, pġ. 63. [4] ĠU C 297, tat-28.11.1979, pġ. 16. --------------------------------------------------