31982R1559

Ir-Regolament tal-Kummissjoni (KEE) Nru 1559/82

tas-17ta' Ġunju 1982

li jemenda għas-sitt darba r-Regolament (KEE) Nru No 2730/81 li jistabbilixxi lista ta' aġenziji fi stati mhux membri importaturi awtorizzati li joħorġu appalti dwar il-ħalib u dwar prodotti tal-ħalib

Il-Kummissjoni tal-Komunitajiet Ewropej,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill(KEE) Nru 804/68 tas-27 ta' Ġunju 1968 dwar l-organiżazzjoni komuni tas-suq tal-ħalib u tal-prodotti tal-ħalib [1], kif l-aħħar emendat permezz ta' Regolament (KEE) Nru 1183/82 [2], u partikolarment permezz ta' Artikolu 13(3) u 17 (4) fl-istess Regolament,

Billi r-Regolament tal-Kummissjoni (KEE) Nru 2730/81 [3], kif l-aħħar emendat permezz ta' Regolament (KEE) Nru 928/82 [4], li jistabilixxi lista ta' aġenziji fi stati mhux membri importaturi awtorizzati li joħorġu appalti fis-setturi tal-ħalib u tal-prodotti tal-ħalib;

Billi minħabba l-iktar informazzjoni reċenti disponibbli lill-Kummissjoni dwar prattiċi fil-kummerċ illi jiggwidaw lill-pajjiżi importaturi konċernati u n-natura uffiċjali ta' l-aġenziji in kwistjoni dan ir-Regolament għandu jiġi emendat;

Billi l-miżuri li hemm provduti f'dan ir-Regolament jikkonformaw ma l-opinjoni tal-Kumitat għall-Ġestjoni tal-Ħalib u Prodotti tal-Ħalib,

ADOTTAT DAN IR-REGOLAMENT:

Artikolu 1

L-Anness għar-Regolament (KEE) Nru 2730/81 qed jiġi emendat kif ġej:

Il-lista ta' l-organiżazzjonijiet li joħorġu appalti għandha tkun kompletata biż-żieda ta' dawn l-organiżazzjonijiet, u ż-żieda għandha tiġi mdaħħla b'ordni alfabetika skond l-istat illi qed jimporta:

Stat importatur | Organizzazzjoni li toħroġ l-appalt |

Qatar | Government of Quatar Central Tenders Comitee Ministry of Petroleum and Finance Doha State of Quatar |

Sirja | Societe Arabe pour les Medicaments Boite Postal 976 Damascus |

Artikolu 2

Dan ir-Regolament ser jidħol fis-seħħ fit-tielet jum mill-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussels, fis-17 ta' Ġunju 1982.

Għall-Kummissjoni

Poul Dalsager

Membru tal-Kummissjoni

[1] ĠU L 148, tat-28.6.1968, p. 13.

[2] ĠU L 140, ta' l-20.5.1982, p. 1.

[3] ĠU L 272, tas-26.9.1981, p. 25.

[4] ĠU L 110, tat-23.4.1982, p. 15.

--------------------------------------------------