This document is an excerpt from the EUR-Lex website
Document 31981D0477
81/477/EEC: Council Decision of 24 June 1981 amending Decisions 73/88/EEC, 77/97/EEC, 79/509/EEC, 79/510/EEC, 80/877/EEC, 80/1096/EEC and 80/1097/EEC as regards the procedures of the Standing Veterinary Committee
Id-Deċiżjoni tal-Kunsill ta’ l-24 ta’ Ġunju 1981 li temenda d-Deċiżjoni 73/88/KEE, 77/97/KEE, 79/509/KEE, 79/510/KEE, 80/877/KEE, 80/1096/KEE u 80/1097/KEE fir-rigward tal-proċeduri tal-Kumitat Permanenti Veterinarju
Id-Deċiżjoni tal-Kunsill ta’ l-24 ta’ Ġunju 1981 li temenda d-Deċiżjoni 73/88/KEE, 77/97/KEE, 79/509/KEE, 79/510/KEE, 80/877/KEE, 80/1096/KEE u 80/1097/KEE fir-rigward tal-proċeduri tal-Kumitat Permanenti Veterinarju
ĠU L 186, 8.7.1981, p. 22–22
(DA, DE, EL, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, CS, ET, LV, LT, HU, MT, PL, SK, SL, BG, RO, HR)
In force
Official Journal L 186 , 08/07/1981 P. 0022 - 0022
Spanish special edition: Chapter 03 Volume 22 P. 0126
Portuguese special edition Chapter 03 Volume 22 P. 0126
Id-Deċiżjoni tal-Kunsill ta’ l-24 ta’ Ġunju 1981 li temenda d-Deċiżjoni 73/88/KEE, 77/97/KEE, 79/509/KEE, 79/510/KEE, 80/877/KEE, 80/1096/KEE u 80/1097/KEE fir-rigward tal-proċeduri tal-Kumitat Permanenti Veterinarju (81/477/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari Artikolu 43 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2]; Billi l-Kumitat Permanenti Veterinarju stabbilit bid-Deċiżjoni tal-Kunsill 68/361/KEE [3] jagħti l-opinjoni tiegħu skond il-proċeduri li huma validi sal-21 jew it-22 ta’ Ġunju 1981, liema waħda tapplika; Billi kwistjoni kienet riferita l-ewwel lill-Kumitat fit-22 ta’ Diċembru 1972; billi għadda biżżejjed żmien biex tkun tista’ tintlaħaq deċiżjoni finali fuq dawn il-proċeduri; billi l-validità tal-proċeduri imsemmija m’għandhiex għalhekk ikun ristretta. Billi l-esperjenza miksuba mill-użu tal-proċeduri preżenti wriet li huma jikkostitwixxu ġeneralment metodu effettiv għall-adozzjoni mgħaġġla tad-deċiżjonijiet li għalihom kienu primarjament intiżi; Billi, ukoll, wara l-adeżjoni tal-Greċja huwa meħtieġ ukoll li jkunu aġġustati n-numru ta’ voti li jikkostitwixxu l-maġġoranza meħtieġa fil-Kumitat, għall-Atti adottati wara l-adozzjoni ta’ l-Att ta’ l-1979 ta’ Adeżjoni li għadhom ma kienux adattati, ADOTTA DIN ID-DEĊIŻJONI: Artikolu 1 Id-dispożizzjonijiet li ġejjin huma hawnhekk mħassra: - Artikolu 8 tad-Deċiżjoni 73/88/KEE [4], - Artikolu 7 tad-Deċiżjoni 77/97/KEE [5], - Artikolu 6 tad-Deċiżjonijiet 79/509/KEE [6], 79/510/KEE [7] u 80/877/KEE [8], - Artikolu 7 tad-Deċiżjoni 80/1096/KEE [9] - Artikolu 9 tad-Deċiżjoni 80/1097/KEE [10]. Artikolu 2 Ir-referenza għal "41" għandha tinbidel b’"45" f’Artikolu 5 (3) tad-Deċiżjonijiet 79/509/KEE, 79/510/KEE u 80/877/KEE, f’Artikolu 6 (3) tad-Deċiżjoni 80/1096/KEE u f’Artikolu 8 (3) tad-Deċiżjoni 80/1097/KEE. Artikolu 3 Il-Kunsill għandu, qabel l-1 ta’ Lulju 1987, jeżamina mill-ġdid fuq il-bażi ta’ rapport tal-Kummissjoni dwar l-operat tal-Kumitat Permanenti Veterinarju, li jkunu fih, jekk meħtieġ, proposti xierqa, dwar il-proċedura ta’ l-imsemmi Kumitat. Artikolu 4 Din id-Deċiżjoni hija indirizzata lill-Istati Membri. Magħmul fil-Lussemburgu, fl-24 ta’ Ġunju 1981. Għall-Kunsill Il-President G. M. V. van Aardenne [1] ĠU Ċ 102, tal- 5.5.1981, p. 4. [2] Opinjoni mogħtija fid-19 ta’ Ġunju 1981 (għadha mhix pubblikata fil-Ġurnal Uffiċjali). [3] ĠU L 255, tat-18.10.1968, p. 23. [4] ĠU L 106, ta’ l-20.4.1973, p. 26. [5] ĠU L 26, tal-31.1.1977, p. 78. [6] ĠU L 133, tal-31.5.1979, p. 27. [7] ĠU L 133, tal-31.5.1979, p. 29. [8] ĠU L 250, tat-23.9.1980, p. 12. [9] ĠU L 325, ta’ l-1.12.1980, p. 5. [10] ĠU L 325, ta’ l-1.12.1980, p. 8. --------------------------------------------------