EUR-Lex Access to European Union law
This document is an excerpt from the EUR-Lex website
Document 31979D0006
79/6/EEC: Council Decision of 18 December 1978 accepting the Customs Cooperation Council recommendation of 13 June 1978 concerning the amendment of Articles XIV (a) and XVI (d) of the Convention on nomenclature for the classification of goods in customs tariffs
Id-Deċiżjoni tal-Kunsill tat-18 ta' Diċembru 1978 li taċċetta r-rakkomandazzjoni tal-Kunsill għall-Kooperazzjoni Doganali tat-13 ta' Ġunju 1978 dwar l-emenda ta' Artikoli XIV (a) u XVI (d) tal-Konvenzjoni dwar in-nomenklatura għall-klassifika ta' oġġetti fit-tariffi doganali
Id-Deċiżjoni tal-Kunsill tat-18 ta' Diċembru 1978 li taċċetta r-rakkomandazzjoni tal-Kunsill għall-Kooperazzjoni Doganali tat-13 ta' Ġunju 1978 dwar l-emenda ta' Artikoli XIV (a) u XVI (d) tal-Konvenzjoni dwar in-nomenklatura għall-klassifika ta' oġġetti fit-tariffi doganali
ĠU L 6, 10.1.1979, p. 23–23
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(EL, ES, PT, FI, SV, CS, ET, LV, LT, HU, MT, PL, SK, SL, BG, RO, HR)
In force
Official Journal L 006 , 10/01/1979 P. 0023 - 0023
Finnish special edition: Chapter 2 Volume 2 P. 0135
Greek special edition: Chapter 02 Volume 7 P. 0030
Swedish special edition: Chapter 2 Volume 2 P. 0135
Spanish special edition: Chapter 02 Volume 5 P. 0138
Portuguese special edition Chapter 02 Volume 5 P. 0138
Id-Deċiżjoni tal-Kunsill tat-18 ta' Diċembru 1978 li taċċetta r-rakkomandazzjoni tal-Kunsill għall-Kooperazzjoni Doganali tat-13 ta' Ġunju 1978 dwar l-emenda ta' Artikoli XIV (a) u XVI (d) tal-Konvenzjoni dwar in-nomenklatura għall-klassifika ta' oġġetti fit-tariffi doganali (79/6/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jwaqqaf il-Komunità Ekonomika Ewropea, u b'mod partikulari Artikoli 28 u 113 ta' l-istess, Wara li kkunsidra r-rakkomandazzjoni mill-Kummissjoni, Billi d-disa’ Stati Membri huma Partijiet Kontraenti għall-Konvenzjoni ta' Brussel tal-15 ta' Diċembru 1950 dwar in-nomenklatura għall-klassifika ta' oġġetti fit-tariffi doganali; billi t-Tariffa Doganali Komuni hija bażata fuq dik in-nomenklatura; Billi l-Kunsill għall-Kooperazzjoni Doganali jista’ jirrakkomanda emendi għall-Konvenzjoni lill-Partijiet Kontraenti tagħha; billi fit-13 ta' Ġunju 1978 huwa rrakkomanda emendi għal Artikoli XIV (a) u XVI (d) tal-Konvenzjoni; Billi, taħt il-Konvenzjoni, il-Ministeru ta' l-Affarijiet Barranin Belġjan jikkomunika l-abbozz tat-test ta' kull emenda rakkomandata lill-Partijiet Kontraenti kollha u lill-Gvernijiet ta' l-iStati l-oħra kollha firmatarji jew li sa jissieħbu u t-test ikun meqjus bħala aċċettat jekk l-ebda oġġezzjoni ma tiġi notifikata minn xi Parti Kontraenti fi żmien sitt xhur mid-data tal-komunikazzjoni; billi, jekk l-ebda oġġezzjoni ma’ tiġi notifikata, l-emenda tidħol fis-seħħ sitt xhur wara l-iskadenza ta' dak il-perjodu; Billi l-Ministeru ta' l-Affarijiet Barranin Belġjan ikkomunika t-test tar-rakkomandazzjoni tat-13 ta' Ġunju 1978 lill-Partijiet Kontraenti fit-30 ta' Ġunju 1978, sabiex tidħol fis-seħħ sa mill-ta' Lulju 1978; billi, jekk l-ebda oġġezzjoni ma tiġi notifikata għat test kollu jew għal parti minnu, ir-rakkomandazzjoni titqies bħala li tkun ġiet aċċettata fil-31 ta' Diċembru 1978 u tidħol fis-seħħ fl-1 ta' Lulju 1979; Billi m'hemm l-ebda oġġezzjoni x'issir għal xi parti mir-rakkomandazzjoni, IDDEĊIEDA KIF ĠEJ: Artikolu Waħdieni Ir-rakkomandazzjoni tal-Kunsill għall-Kooperazzjoni Doganali tat-13 ta' Ġunju 1978 li tikkonċerna l-emenda ta' Artikoli XIV (a) u XVI (d) tal-Konvenzjoni dwar in-nomenklatura għall-klassifika ta' fit-tariffi doganali hija b'dan aċċettata sabiex tkun tapplika sa mill-1 ta' Lulju 1979. Magħmula fi Brussel, fit-18 ta' Diċembru 1978. Għall-Kunsill Il-President H.-D. Genscher --------------------------------------------------