This document is an excerpt from the EUR-Lex website
Document 22022D1669
Decision No 1/2022 of the EU-CTC Joint Committee of 25 August 2022 as regards amending the data element requirements for transit declarations and rules on administrative assistance in Appendices I, IIIa and IV to the Convention on a common transit procedure [2022/1669]
Deċiżjoni Nru 1/2022 tal-Kumitat Konġunt UE-CTC tal-25 ta’ Awwissu 2022 fir-rigward tal-emenda tar-rekwiżiti tal-element tad-data għad-dikjarazzjonijiet ta' tranżitu u r-regoli dwar l-assistenza amministrattiva fl-Appendiċi I, IIIa u IV għall-Konvenzjoni dwar proċedura komuni ta' tranżitu[2022/1669]
Deċiżjoni Nru 1/2022 tal-Kumitat Konġunt UE-CTC tal-25 ta’ Awwissu 2022 fir-rigward tal-emenda tar-rekwiżiti tal-element tad-data għad-dikjarazzjonijiet ta' tranżitu u r-regoli dwar l-assistenza amministrattiva fl-Appendiċi I, IIIa u IV għall-Konvenzjoni dwar proċedura komuni ta' tranżitu[2022/1669]
ĠU L 253, 30.9.2022, p. 1–78
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
30.9.2022 |
MT |
Il-Ġurnal Uffiċjali tal-Unjoni Ewropea |
L 253/1 |
DEĊIŻJONI Nru 1/2022 TAL-KUMITAT KONĠUNT UE-CTC
tal-25 ta’ Awwissu 2022
fir-rigward tal-emenda tar-rekwiżiti tal-element tad-data għad-dikjarazzjonijiet ta' tranżitu u r-regoli dwar l-assistenza amministrattiva fl-Appendiċi I, IIIa u IV għall-Konvenzjoni dwar proċedura komuni ta' tranżitu[2022/1669]
IL-KUMITAT KONĠUNT UE-CTC,
Wara li kkunsidra l-Konvenzjoni tal-20 ta' Mejju 1987 dwar proċedura komuni ta' tranżitu, u b'mod partikolari l-Artikolu 15(3), il-punt (a), tagħha,
Billi:
(1) |
Skont l-Artikolu 15(3), il-punt (a), tal-Konvenzjoni tal-20 ta' Mejju 1987 dwar proċedura komuni ta' tranżitu ("il-Konvenzjoni") (1), il-Kumitat Konġunt stabbilit permezz ta' dik il-Konvenzjoni jrid jadotta, permezz ta' deċiżjoni, emendi għall-Appendiċijiet tal-Konvenzjoni. |
(2) |
L-Anness B għar-Regolament Delegat tal-Kummissjoni (UE) 2015/2446 (2) ġie emendat bir-Regolament Delegat tal-Kummissjoni (UE) 2021/234 (3). Dak l-Anness jistabbilixxi r-rekwiżiti tal-elementi tad-data għad-dikjarazzjoni ta' tranżitu biex jiġu armonizzati aħjar l-elementi komuni tad-data għall-iskambju u għall-ħżin ta' informazzjoni bejn l-awtoritajiet doganali kif ukoll bejn l-awtoritajiet doganali u l-operaturi ekonomiċi. Tali armonizzazzjoni orizzontali kienet meħtieġa biex tiġi żgurata l-interoperabbiltà bejn is-sistemi elettroniċi doganali użati għat-tipi differenti ta' dikjarazzjonijiet u notifiki. L-Anness B6a għall-Appendiċi IIIa għall-Konvenzjoni jirrifletti l-Anness B għar-Regolament Delegat (UE) 2015/2446 u għalhekk jenħtieġ li jiġi emendat kif xieraq. |
(3) |
L-Anness B għar-Regolament ta' Implimentazzjoni tal-Kummissjoni (UE) 2015/2447 (4) ġie emendat bir-Regolament ta' Implimentazzjoni tal-Kummissjoni (UE) 2021/235 (5). Dak l-Anness jistabbilixxi l-formati u l-kodiċijiet tal-elementi komuni tad-data għad-dikjarazzjoni ta' tranżitu, sabiex jiġu armonizzati aħjar il-formati u l-kodiċijiet tal-elementi komuni tad-data għall-ħżin tal-informazzjoni u għall-iskambju tagħha bejn l-awtoritajiet doganali, kif ukoll bejn l-awtoritajiet doganali u l-operaturi ekonomiċi. Il-formati u l-kodiċijiet tal-elementi komuni tad-data kellhom bżonn jiġu armonizzati biex jiġi żgurat li s-sistemi doganali elettroniċi użati għad-diversi tipi ta' dikjarazzjonijiet u notifiki jkunu interoperabbli ladarba r-rekwiżiti komuni tad-data jkunu ġew armonizzati. L-Anness A1a għal-Appendiċi IIIa għall-Konvenzjoni jirrifletti l-Anness B għar-Regolament ta' Implimentazzjoni tal-Kummissjoni (UE) 2015/2447 u għalhekk jenħtieġ li jiġi emendat kif xieraq. |
(4) |
Sabiex tittejjeb il-leġġibbiltà tar-rekwiżiti tal-elementi tad-data għad-dikjarazzjonijiet ta' tranżitu, il-formati u l-kodiċijiet rispettivi, jenħtieġ li l-Anness A1a u l-Anness B6a għall-Appendiċi IIIa għall-Konvenzjoni jingħaqdu f'Anness uniku A1a. |
(5) |
Fl-Appendiċi I għall-Konvenzjoni, ir-referenzi għall-Appendiċi III jenħtieġ li jiġu kkoreġuti u sostitwiti bl-Appendiċi IIIa fil-każ tad-dispożizzjonijiet applikabbli mit-twettiq tal-aġġornament tas- Sistema Ġdida ta' Tranżitu Kompjuterizzata msemmija fl-Anness tad-Deċiżjoni ta' Implimentazzjoni tal-Kummissjoni (UE) 2016/578 (6). |
(6) |
Ir-regoli dwar l-assistenza reċiproka għall-irkupru ta' talbiet kif stabbiliti fl-Appendiċi IV għall-Konvenzjoni ilhom fis-seħħ għal żmien relattivament twil u ma nbidlux. Dawk ir-regoli huma importanti peress li jissalvagwardjaw l-interessi finanzjarji tal-pajjiżi komuni ta' tranżitu, tal-Unjoni u tal-Istati Membri . Dawk ir-regoli jenħtieġ li jiġu riveduti sabiex jiġu allinjati mar-regoli rispettivi tal-Unjoni. |
(7) |
Għaldaqstant jenħtieġ li l-Konvenzjoni tiġi emendata skont dan, |
ADOTTA DIN ID-DEĊIŻJONI
Artikolu 1
(1) L-Appendiċi I tal-Konvenzjoni huwa emendat kif indikat fl-Anness A ta' din id-Deċiżjoni.
(2) L-Appendiċi IIIa tal-Konvenzjoni huwa emendat kif indikat fl-Anness B ta' din id-Deċiżjoni.
(3) L-Appendiċi IV tal-Konvenzjoni huwa emendat kif indikat fl-Anness C ta' din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell fil-25 ta’ Awwissu 2022,
Għall-Kumitat Konġunt
Il-President
Matthias PETSCHKE
(1) ĠU L 226, 13.8.1987, p. 2.
(2) Regolament Delegat tal-Kummissjoni (UE) 2015/2446 tat-28 ta' Lulju 2015 li jissupplimenta r-Regolament (UE) Nru 952/2013 tal-Parlament Ewropew u tal-Kunsill fir-rigward ta' regoli dettaljati li jikkonċernaw uħud mid-dispożizzjonijiet tal-Kodiċi Doganali tal-Unjoni (ĠU L 343, 29.12.2015, p. 1)
(3) Regolament Delegat tal-Kummissjoni (UE) 2021/234 tas-7 ta' Diċembru 2020 li jemenda r-Regolament Delegat (UE) 2015/2446 fir-rigward tar-rekwiżiti komuni tad-data, u r-Regolament Delegat (UE) 2016/341 fir-rigward tal-kodiċijiet li jridu jintużaw f'ċerti formoli (ĠU L 63, 23.02.2021, p. 1).
(4) Regolament ta' Implimentazzjoni tal-Kummissjoni (UE) 2015/2447 tal-24 ta' Novembru 2015 li jistabbilixxi regoli dettaljati għall-implimentazzjoni ta' ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343, 29.12.2015, p. 558).
(5) Regolament ta' Implimentazzjoni tal-Kummissjoni (UE) 2021/235 tat-8 ta' Frar 2021 li jemenda r-Regolament ta' Implimentazzjoni (UE) 2015/2447 fir-rigward ta' formati u kodiċijiet ta' rekwiżiti komuni tad-data, ċerti regoli dwar is-sorveljanza u l-uffiċċju doganali kompetenti għat-tqegħid tal-merkanzija taħt proċedura doganali (ĠU L 63, 23.02.2021, p. 386).
(6) Id-Deċiżjoni ta' Implimentazzjoni tal-Kummissjoni (UE) 2016/578 tal-11 ta' April 2016 li tistabbilixxi Programm ta' Ħidma relatat mal-iżvilupp u t-tnedija tas-sistemi elettroniċi previsti fil-Kodiċi Doganali tal-Unjoni (ĠU L 99, 15.4.2016, p. 6).
ANNESS A
L-Appendiċi I tal-Konvenzjoni huwa emendat kif ġej:
(1) |
Fl-Artikolu 25, it-tieni paragrafu, it-test "Annessi A1a u B6a tal-Appendiċi III" huwa sostitwit b'dan li ġej: "Anness A1a tal-Appendiċi IIIa"; |
(2) |
Fl-Artikolu 27, it-tieni paragrafu, it-test "Anness B6a tal-Appendiċi III" huwa sostitwit b'dan li ġej: "Anness A1a tal-Appendiċi IIIa"; |
(3) |
Fl-Artikolu 41, il-punt 3, it-test "l-Appendiċi III" huwa sostitwit b'dan li ġej: "Appendiċi IIIa"; |
ANNESS B
L-Appendiċi IIIa tal-Konvenzjoni huwa emendat kif ġej:
(1) |
L-Artikolu 2 huwa emendat kif ġej:
|
(2) |
L-Artikolu 7(1) huwa emendat kif ġej:
|
(3) |
Fl-Artikolu 8 it-test "għal dan l-Appendiċi" huwa sostitwit b'dan li ġej: "tal-Appendiċi III"; |
(4) |
Fl-Artikolu 9, wara t-test "Anness B10" jiddaħħal it-test li ġej: "tal-Appendiċi III"; |
(5) |
Fl-Artikolu 10(1), wara t-test "Anness C3" jiddaħħal it-test li ġej: "tal-Appendiċi III"; |
(6) |
L-Artikolu 11(1) huwa emendat kif ġej:
|
(7) |
L-Anness A1a huwa sostitwit b'dan li ġej: "ANNESS A1a REKWIŻITI KOMUNI TAD-DATA GĦAL DIKJARAZZJONI TA' TRANŻITU Dan l-Anness għandu japplika mid-dati tat-tnedija tal-aġġornament tal-NCTS imsemmi fl-Anness tad-Deċiżjoni ta' Implimentazzjoni (UE) 2016/578, bl-eċċezzjoni tad-dispożizzjonijiet dwar l-elementi tad-data relatati ma' dokument tat-trasport elettroniku bħala dikjarazzjoni ta' tranżitu kif imsemmi fl-Artikolu 55(1)(h) tal-Appendiċi I, li għandhom japplikaw mhux aktar tard mill-1 ta' Mejju 2018. TITOLU I REKWIŻITI TAD-DATA KAPITOLU I Noti introduttorji għat-tabella dwar ir-rekwiżiti tad-data
KAPITOLU II Didaskalija tat-tabella Taqsima 1 Intestaturi tal-kolonni
Taqsima 2 Intestaturi tal-kolonni
Taqsima 3 Simboli fil-kolonni Dikjarazzjoni
Taqsima 4 Simboli fil-kolonna Format It-terminu "it-tip/it-tul" fl-ispjegazzjoni ta' attribut jindika r-rekwiżiti għat-tip ta' data u għat-tul ta' data. Il-kodiċijiet għat-tipi ta' data huma kif ġej:
In-numru ta' wara l-kodiċi jindika t-tul ammissibbli tad-data. Japplika dan li ġej. Iż-żewġ tikek fakultattivi qabel l-indikatur tat-tul ifissru li d-data ma għandhiex tul fiss, iżda jista' jkollha għadd ta' ċifri, kif speċifikat mill-indikatur tat-tul. Virgola fit-tul tad-data tfisser li l-attribut jista' jkollu deċimali, iċ-ċifra qabel il-virgola tindika t-tul totali tal-attribut, iċ-ċifra wara l-virgola tindika n-numru massimu ta' ċifri wara l-punt deċimali. Eżempji ta' tulijiet u ta' formati tal-oqsma:
TITOLU II TABELLA TAR-REKWIŻITI KOMUNI TAD-DATA GĦAD-DIKJARAZZJONIJIET TA' TRANŻITU KAPITOLU Tabella
KAPITOLU II Noti
TITOLU III OTI U KODIĊIJIET B'RABTA MAR-REKWIŻITI KOMUNI TAD-DATA GĦAL DIKJARAZZJONI TA' TRANŻITU It-terminu "it-tip/it-tul" fl-ispjegazzjoni ta' attribut jindika r-rekwiżiti għat-tip ta' data u għat-tul ta' data. Il-kodiċijiet għat-tipi ta' data huma kif ġej. Grupp 11 – Informazzjoni fil-messaġġ (inkluż kodiċijiet ta' proċedura)
Daħħal il-kodiċi rilevanti. Il-kodiċijiet li għandhom jintużaw huma:
Daħħal il-kodiċi rilevanti. Il-kodiċijiet li għandhom jintużaw huma:
In-numru tal-oġġett li jinsab fid-dikjarazzjoni fejn hemm aktar minn oġġett wieħed ta' merkanzija.
Bl-użu tal-kodiċijiet rilevanti, indika jekk id-dikjarazzjoni hijiex ikkombinata mad-Dikjarazzjoni fil-qosor tal-ħruġ (EXS) jew mad-Dikjarazzjoni fil-qosor tad-dħul (ENS) f'konformità mal-leġiżlazzjoni dwar il-miżuri ta' sikurezza u sigurtà tal-Partijiet Kontraenti rispettivi. Il-kodiċijiet li għandhom jintużaw huma:
Bl-użu tal-kodiċijiet rilevanti, indika jekk id-dikjarazzjoni fihiex sett tad-data mnaqqas. Il-kodiċijiet li għandhom jintużaw huma:
Grupp 12 – Referenzi ta' messaġġi, dokumenti, ċertifikati, awtorizzazzjonijiet
Indika d-dettalji relatati mad-dokument preċedenti. Għall-Istati Membri tal-Unjoni Ewropea – Daħħal id-dettalji relatati mat-tħassir tal-merkanzija ddikjarata fid-dikjarazzjoni kkonċernata, b'rabta mat-tmiem tal-ħażna temporanja. Tali dettalji għandhom jinkludu l-kwantità tat-tħassir, u l-unità ta' kejl rispettiva.
Agħti r-referenza tal-ħażna temporanja jew tal-proċedura doganali preċedenti jew tad-dokumenti doganali korrispondenti. Għall-Istati Membri tal-Unjoni Ewropea – jekk l-esportazzjoni tkun segwita minn tranżitu, daħħal l-MRN tad-dikjarazzjoni tal-esportazzjoni. Il-kodiċijiet li għandhom jintużaw huma: In-numru tal-identifikazzjoni jew referenza rikonoxxibbli oħra tad-dokument tinkiteb hawnhekk. F'każ li l-MRN ikun jissejjaħ bħala d-dokument preċedenti, in-numru ta' referenza għandu jkollu l-istruttura li ġejja:
It-Taqsimiet 1u 2 kif spjegat hawn fuq. It-Taqsima 3 għandha timtela b'identifikatur għall-messaġġ ikkonċernat. Il-mod kif tintuża dik it-taqsima hija r-responsabbiltà tal-amministrazzjonijiet nazzjonali, iżda kull messaġġ li jiġi ttrattat matul sena fil-pajjiż partikolari, irid ikollu numru uniku b'rabta mal-proċedura kkonċernata. L-amministrazzjonijiet nazzjonali li jkunu jridu li n-numru ta' referenza tal-uffiċċju doganali kompetenti jiġi inkluż fl-MRN, jistgħu jużaw mhux iktar mill-ewwel 6 karattri biex jirrappreżentawh. It-Taqsima 4 għandha timtela b'identifikatur tal-proċedura kif definit fit-tabella ta' hawn taħt. It-Taqsima 5 għandha timtela b'numru li huwa ċ-ċifra tal-kontroll għall-MRN kollu. Din it-taqsima tagħti lok li jinkixfu xi żbalji meta jiġi ttrattat l-MRN kollu. Il-kodiċijiet li jridu jintużaw fit-taqsima 4 Identifikatur tal-proċedura:
Bl-użu tal-kodiċi rilevanti, indika t-tip tad-dokument. Il-kodiċijiet li għandhom jintużaw huma: Il-kodiċijiet jistgħu jinstabu fil-bażi tad-data TARIC.
Daħħal il-kodiċi li jispeċifika t-tip ta' pakketti rilevanti għat-tħassir tan-numru tal-pakketti. Il-kodiċijiet li għandhom jintużaw huma: Il-kodiċi tat-tip tal-pakkett kif imsemmi fin-nota introduttorja 8 numru 1.
Daħħal in-numru rilevanti tat-tħassir tal-pakketti.
Daħħal l-unità tal-kejl rilevanti tat-tħassir u l-kwalifikatur. Il-kodiċijiet u l-formati tagħhom li jridu jintużaw huma: Għandhom jintużaw l-unitajiet ta' kejl u l-kwalifikaturi ddefiniti fit-TARIC. F'każ bħal dan, il-format tal-unitajiet ta' kejl u tal-kwalifikaturi għandu jkun an..4, iżda qatt ma għandhom ikunu formati n..4, li huma rriżervati għall-unitajiet ta' kejl u għall-kwalifikaturi nazzjonali. Jekk l-ebda minn dawn l-unitajiet ta' kejl u l-kwalifikaturi ma jkun disponibbli fit-TARIC, jistgħu jintużaw l-unitajiet ta' kejl u l-kwalifikaturi nazzjonali. Il-format tagħhom għandu jkun n..4.
Daħħal il-kwantità tat-tħassir rilevanti.
Daħħal in-numru tal-oġġett tal-merkanzija kif iddikjarat fid-dokument preċedenti.
Daħħal informazzjoni komplementari dwar id-dokument preċedenti. Dan l-element tad-data jippermetti lill-operatur ekonomiku jipprovdi kwalunkwe informazzjoni komplementari relatata mad-Dokument preċedenti.
Uża dan l-element tad-data b'rabta mal-informazzjoni li għaliha l-leġiżlazzjoni tal-Partijiet Kontraenti ma tispeċifikax it-taqsima li għandha tiddaħħal fiha.
Daħħal il-kodiċi rilevanti, u, jekk applikabbli, il-kodiċi previst mill-pajjiż ikkonċernat. Il-kodiċijiet u l-formati tagħhom li jridu jintużaw huma: Jintuża kodiċi ta' ħames ċifri għall-kodifikazzjoni tal-informazzjoni addizzjonali ta' natura doganali:
Il-kodiċijiet "00200", "20100", "20200" u "20300" jintużaw fil-każ ta' dikjarazzjonijiet ta' tranżitu elettroniċi u bbażati fuq dokumenti fiżiċi, jekk applikabbli.
Il-pajjiżi jistgħu jiddefinixxu kodiċijiet nazzjonali. Il-kodiċijiet nazzjonali jrid ikollhom il-format a1an4.
Jekk ikun meħtieġ, jista' jingħata kwalunkwe test ta' spjegazzjoni għall-kodiċi ddikjarat.
In-numru ta' identifikazzjoni jew ta' referenza ta' dokumenti jew ċertifikati tal-Partijiet Kontraenti jew internazzjonali li jiġu prodotti b'appoġġ tad-dikjarazzjoni. Bl-użu tal-kodiċijiet rilevanti, daħħal id-dettalji meħtieġa minn kwalunkwe regola speċifika applikabbli flimkien ma' data ta' referenza tad-dokumenti prodotti b'appoġġ tad-dikjarazzjoni. In-numru ta' identifikazzjoni jew ta' referenza ta' dokumenti jew ċertifikati nazzjonali prodotti b'appoġġ tad-dikjarazzjoni.
Bl-użu tal-kodiċijiet rilevanti, indika t-tip tad-dokument. Daħħal id-dettalji relatati mat-tħassir tal-merkanzija ddikjarata fid-dikjarazzjoni kkonċernata, b'rabta mal-liċenzji u ċ-ċertifikati tal-esportazzjoni u tal-importazzjoni. Il-kodiċijiet u l-formati tagħhom li jridu jintużaw huma: Id-dokumenti, iċ-ċertifikati u l-awtorizzazzjonijiet tal-Partijiet Kontraenti jew internazzjonali prodotti b'appoġġ għad-dikjarazzjoni ta' tranżitu, iridu jiddaħħlu fil-format a1an3. Il-lista tad-dokumenti, ċertifikati u awtorizzazzjonijiet u l-kodiċijiet rispettivi tagħhom hija disponibbli fil-bażi tad-data TARIC. Id-dokumenti, iċ-ċertifikati u l-awtorizzazzjonijiet nazzjonali prodotti b'appoġġ għad-dikjarazzjoni ta' tranżitu, iridu jiddaħħlu fil-format n1an3 (Eż: 2123, 34d5). L-erba' karattri jirrapreżentaw il-kodiċijiet ibbażati fuq in-nomenklatura tal-pajjiż stess.
Daħħal in-numru sekwenzjali tal-oġġett fid-dokument ta' appoġġ (eż. ċertifikat, liċenzja, permess, dokument tad-dħul eċċ.), li jikkorrispondi għall-oġġett inkwistjoni.
Daħħal informazzjoni komplementari dwar id-Dokument ta' sostenn. Dan l-element tad-data jippermetti lill-operatur ekonomiku jipprovdi kwalunkwe informazzjoni komplementari relatata mad-Dokument ta' sostenn.
In-numru ta' referenza għal kwalunkwe dikjarazzjoni addizzjonali li ssir li mhix koperta mid-Dokument ta' Appoġġ, mid-dokument tat-trasport jew minn informazzjoni addizzjonali.
Bl-użu tal-kodiċijiet rilevanti, daħħal id-dettalji meħtieġa minn kwalunkwe regola speċifika applikabbli. Il-kodiċijiet u l-formati tagħhom li jridu jintużaw huma: Il-kodiċijiet tal-Partijiet Kontraenti għal Referenzi addizzjonali jridu jiddaħħlu fil-format a1an3. Il-lista ta' referenzi addizzjonali u l-kodiċijiet rispettivi tagħhom hija disponibbli fil-bażi tad-data TARIC. Il-pajjiżi jistgħu jiddefinixxu kodiċijiet nazzjonali. Il-kodiċijiet ta' referenza addizzjonali nazzjonali jridu jiddaħħlu fil-format n1an3, possibbilment segwiti minn numru ta' identifikazzjoni jew minn referenza rikonoxxibbli oħra. L-erba' karattri jirrapreżentaw il-kodiċijiet ibbażati fuq in-nomenklatura tal-pajjiż stess.
Dan l-element tad-data jinkludi t-tip u r-referenza tad-dokument tat-trasport.
Għall-kolonna D3: Dan l-element tad-data jinkludi r-referenza tad-dokument tat-trasport li jintuża bħala dikjarazzjoni tat-tranżitu.
Bl-użu tal-kodiċijiet rilevanti, indika t-tip tad-dokument. Il-kodiċijiet li għandhom jintużaw huma: Il-kodiċijiet jistgħu jinstabu fil-bażi tad-data TARIC.
Din l-entrata tittratta n-numru ta' referenza tal-konsenja uniku assenjat mill-persuna kkonċernata lill-konsenja inkwistjoni. Huwa jista' jieħu l-forma ta' kodiċijiet tad-WCO (ISO 15459) jew l-ekwivalenti. Tipprovdi aċċess għad-data kummerċjali sottostanti ta' interess għad-dwana.
In-numru ta' referenza lokali (LRN) għandu jintuża. Jiġi definit fuq livell nazzjonali u jiġi allokat mid-dikjarant bi ftehim mal-awtoritajiet kompetenti biex tiġi identifikata kull dikjarazzjoni individwali.
Daħħal in-numru ta' referenza tal-awtorizzazzjonijiet kollha meħtieġa għad-dikjarazzjoni u n-notifika.
Bl-użu tal-kodiċijiet rilevanti, indika t-tip tad-dokument. Il-kodiċijiet li għandhom jintużaw huma: Il-kodiċijiet jistgħu jinstabu fil-bażi tad-data TARIC. Grupp 13 – Partijiet
Il-parti li tkun qed tikkonsenja l-merkanzija kif stipulat fil-kuntratt ta' trasport mill-parti li tkun qed tordna t-trasport. Dan l-element għandu jingħata meta jkun differenti mid-dikjarant.
Daħħal l-isem sħiħ u fejn applikabbli l-forma legali tal-parti.
Daħħal in-numru EORI tal-konsenjatur jew in-numru ta' identifikazzjoni tal-kummerċjant f'pajjiż ta' tranżitu komuni. Meta jingħataw faċilitazzjonijiet fil-qafas ta' xi programm ta' sħubija kummerċjali ta' pajjiżi terzi li jkun rikonoxxut mill-Parti Kontraenti kkonċernata, din l-informazzjoni tista' tieħu l-forma ta' numru uniku ta' identifikazzjoni ta' pajjiż terz li jkun tpoġġa għad-dispożizzjoni tal-Parti Kontraenti kkonċernata mill-pajjiż terz ikkonċernat. Dak in-numru jista' jintuża kull meta jkun disponibbli għad-dikjarant. Il-kodiċijiet li għandhom jintużaw huma: L-istruttura ta' numru uniku ta' identifikazzjoni ta' pajjiż terz li jkun tpoġġa għad-dispożizzjoni tal-Parti Kontraenti kkonċernata hija din:
Kodiċi tal-pajjiż: Kodiċi tal-Pajjiż kif imsemmi fin-nota introduttorja 8 numru 3.
Daħħal l-isem tat-triq tal-indirizz tal-parti u n-numru tal-binja jew tal-faċilità.
Daħħal il-kodiċi tal-pajjiż. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Daħħal il-kodiċi postali rilevanti għad-dettalji tal-indirizz relatati.
Daħħal l-isem tal-belt tal-indirizz tal-parti.
Daħħal l-isem tal-persuna ta' kuntatt.
Daħħal in-numru tat-telefown tal-persuna ta' kuntatt.
Daħħal l-indirizz tal-posta elettronika tal-persuna ta' kuntatt.
Il-parti li tirċievi effettivament il-konsenja. Dan l-element tad-data u s-sottoelementi tiegħu jistgħu jiġu ddikjarati fil-livell ta' HI sat-titjib tal-NCTS imsemmi fl-Anness tad-Deċiżjoni ta' Implimentazzjoni (UE) 2016/578 mill-Partijiet Kontraenti kollha.
Daħħal l-isem sħiħ u fejn applikabbli l-forma legali tal-parti.
Daħħal in-numru EORI jew in-numru ta' identifikazzjoni tal-kummerċjant f'pajjiż ta' tranżitu komuni. Meta jingħataw faċilitazzjonijiet fil-qafas ta' xi programm ta' sħubija kummerċjali ta' pajjiżi terzi li jkun rikonoxxut mill-Parti Kontraenti kkonċernata, din l-informazzjoni tista' tieħu l-forma ta' numru uniku ta' identifikazzjoni ta' pajjiż terz li jkun tpoġġa għad-dispożizzjoni tal-Parti Kontraenti kkonċernata mill-pajjiż terz ikkonċernat. Dak in-numru jista' jintuża kull meta jkun disponibbli għad-dikjarant. Il-kodiċijiet li għandhom jintużaw huma: Għandu jintuża n-numru ta' identifikazzjoni kif iddefinit għall-E.D. 1302017000 Konsenjatur/Numru ta' identifikazzjoni.
Daħħal l-isem tat-triq tal-indirizz tal-parti u n-numru tal-binja jew tal-faċilità.
Daħħal il-kodiċi tal-pajjiż. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3. Għall-pajjiżi ta' tranżitu komuni - il-kodiċi XI huwa fakultattiv.
Daħħal il-kodiċi postali rilevanti għad-dettalji tal-indirizz relatati.
Daħħal l-isem tal-belt tal-indirizz tal-parti.
Din l-informazzjoni għandha tkun meħtieġa, jekk tkun differenti mill-E.D. 1305000000 Dikjarant jew fejn xieraq, l-E.D. 1307000000 Detentur tal-proċedura ta' tranżitu.
Daħħal in-numru EORI tal-persuna kkonċernata jew in-numru ta' identifikazzjoni tal-kummerċjant f'pajjiż ta' tranżitu komuni. Il-kodiċijiet li għandhom jintużaw huma: Għandu jintuża n-numru ta' identifikazzjoni kif iddefinit għall-E.D. 1302017000 Konsenjatur/Numru ta' identifikazzjoni.
Daħħal il-kodiċi rilevanti li jirrappreżenta l-istatus tar-rappreżentant. Il-kodiċijiet li għandhom jintużaw huma: Daħħal wieħed mill-kodiċijiet li ġejjin qabel l-isem sħiħ sabiex jintgħażel l-istatus tar-rappreżentant:
Il-kodiċi 3 huwa irrilevanti għall-proċeduri doganali ta' tranżitu.
Daħħal l-isem tal-persuna ta' kuntatt.
Daħħal in-numru tat-telefown tal-persuna ta' kuntatt.
Daħħal l-indirizz tal-posta elettronika tal-persuna ta' kuntatt.
Daħħal l-isem (tal-persuna jew tal-kumpanija) u l-indirizz sħiħ tad-detentur tal-proċedura ta' tranżitu. Fejn ikun xieraq, daħħal l-isem sħiħ (tal-persuna jew tal-kumpanija) tar-rappreżentant awtorizzat li jkun qed jippreżenta d-dikjarazzjoni tat-tranżitu għan-nom tad-detentur tal-proċedura.
Daħħal in-numru EORI tad-detentur tal-proċedura ta' tranżitu jew in-numru ta' identifikazzjoni tal-kummerċjant f'pajjiż ta' tranżitu komuni. Il-kodiċijiet li għandhom jintużaw huma: Għandu jintuża n-numru ta' identifikazzjoni kif iddefinit għall-E.D. 1302017000 Konsenjatur/Numru ta' identifikazzjoni.
Daħħal l-isem tat-triq tal-indirizz tal-parti u n-numru tal-binja jew tal-faċilità.
Daħħal il-kodiċi tal-pajjiż. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Daħħal il-kodiċi postali rilevanti għad-dettalji tal-indirizz relatati.
Daħħal l-isem tal-belt tal-indirizz tal-parti.
Daħħal l-isem tal-persuna ta' kuntatt.
Daħħal in-numru tat-telefown tal-persuna ta' kuntatt.
Daħħal l-indirizz tal-posta elettronika tal-persuna ta' kuntatt.
Il-parteċipanti addizzjonali fil-katina tal-provvista jistgħu jiġu indikati hawnhekk sabiex jintwera li l-katina tal-provvista kollha kienet koperta mill-operaturi ekonomiċi detenturi tal-istatus AEO. Jekk tintuża din il-klassi tad-data, għandu jiġi pprovdut ir-Rwol u n-numru ta' Identifikazzjoni, inkella dan l-element tad-data jkun fakultattiv.
In-numru EORI jew in-numru uniku ta' identifikazzjoni tal-pajjiż terz għandu jiġi ddikjarat meta dan in-numru jkun ġie assenjat lill-parti. Il-kodiċijiet li għandhom jintużaw huma: Għandu jintuża n-numru ta' identifikazzjoni kif iddefinit għall-E.D. 1302017000 Konsenjatur/Numru ta' identifikazzjoni.
Daħħal il-kodiċi tar-rwol rilevanti li jispeċifika r-rwol tal-parteċipanti addizzjonali fil-katina tal-provvista. Il-kodiċijiet li għandhom jintużaw huma: Il-partijiet li ġejjin jistgħu jiġu ddikjarati:
Grupp 16 – Postijiet/Pajjiżi/Reġjuni
Bl-użu tal-kodiċi rilevanti, daħħal l-aħħar pajjiż tad-destinazzjoni tal-merkanzija. Il-pajjiż tal-aħħar destinazzjoni magħrufa huwa definit bħala l-aħħar pajjiż li, fil-mument tar-rilaxx fil-proċedura doganali, ikun magħruf li l-merkanzija għandha tiġi konsenjata lilu. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3. Għall-pajjiżi ta' tranżitu komuni - il-kodiċi XI huwa fakultattiv.
Bl-użu tal-kodiċi rilevanti, daħħal il-pajjiż minn fejn tintbagħat/tiġi esportata l-merkanzija. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Dan l-element tad-data huwa meħtieġ meta itinerarju preskritt jiġi definit mill-Uffiċċju Doganali tat-Tluq (ara l-Itinerarju preskritt 1617000000). Identifikazzjoni f'ordni kronoloġika tal-pajjiżi li minnhom tgħaddi l-merkanzija bejn il-pajjiż tat-tluq u tad-destinazzjoni. Din tinkludi wkoll il-pajjiżi tat-tluq u tad-destinazzjoni tal-merkanzija.
Daħħal il-kodiċi(jiet) rilevanti tal-pajjiż f'sekwenza korretta tar-rotta tal-konsenja. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Identifikazzjoni tal-port, tal-ajruport, tat-terminal tal-merkanzija, tal-istazzjon tal-ferrovija jew ta' post ieħor fejn il-merkanzija titgħabba fuq il-mezz tat-trasport li jkun qed jintuża biex tinġarr, inkluż il-pajjiż fejn tkun tinsab. Fejn tkun disponibbli, għandha tingħata informazzjoni kodifikata għall-identifikazzjoni tal-post. Fil-każ li ma jkunx hemm UN/LOCODE disponibbli għall-post ikkonċernat, il-kodiċi tal-pajjiż għandu jiġi segwit bl-isem tal-post, bl-akbar preċiżjoni possibbli.
Meta l-UN/LOCODE ma jkunx disponibbli, daħħal il-kodiċi tal-pajjiż għall-post fejn il-merkanzija titgħabba fuq il-mezz tat-trasport li jkun qed jintuża biex tinġarr san-naħa l-oħra tal-fruntiera tal-Parti Kontraenti. Il-kodiċijiet li għandhom jintużaw huma: Jekk il-post tat-tagħbija ma huwiex kodifikat skont l-UN/LOCODE, il-pajjiż fejn jinsab il-post tat-tagħbija huwa identifikat mill-Kodiċi tal-Pajjiż kif imsemmi fin-nota introduttorja 8 numru 3.
Daħħal il-UN/LOCODE għall-post fejn il-merkanzija titgħabba fuq il-mezz tat-trasport li jkun qed jintuża biex tinġarr san-naħa l-oħra tal-fruntiera tal-Parti Kontraenti. Il-kodiċijiet li għandhom jintużaw huma: UN/LOCODE kif imsemmi fin-nota introduttorja 8 numru 4.
Meta l-UN/LOCODE ma jkunx disponibbli, daħħal l-isem tal-post fejn il-merkanzija titgħabba fuq il-mezz tat-trasport li jkun qed jintuża biex tinġarr san-naħa l-oħra tal-fruntiera tal-Parti Kontraenti.
Bl-użu tal-kodiċijiet rilevanti, daħħal il-post fejn il-merkanzija tista' tiġi eżaminata. Dan il-post għandu jkun preċiż biżżejjed biex jippermetti lid-dwana twettaq il-kontroll fiżiku tal-merkanzija. Għandu jintuża Tip wieħed biss ta' post fl-istess ħin.
Uża l-kodiċijiet definiti fil-Lista tal-Kodiċijiet UN/LOCODE skont il-Pajjiżi. Il-kodiċijiet li għandhom jintużaw huma: UN/LOCODE kif imsemmi fin-nota introduttorja 8 numru 4.
Daħħal il-kodiċi rilevanti speċifikat għat-tip ta' post. Il-kodiċijiet li għandhom jintużaw huma: Għat-tip ta' post, uża l-kodiċijiet speċifikati hawn taħt:
Daħħal il-kodiċi rilevanti għall-identifikazzjoni tal-post. Fuq il-bażi tal-kwalifikatur użat għandu jingħata biss l-identifikatur rilevanti. Il-kodiċijiet li għandhom jintużaw huma: Għall-identifikazzjoni tal-post uża wieħed mill-identifikaturi ta' hawn taħt:
F'każ li l-kodiċi "X" (in-numru tal-EORI) jew "Y" (in-numru tal-awtorizzazzjoni) jintuża għall-identifikazzjoni tal-post, u jkun hemm diversi postijiet assoċjati man-numru tal-EORI jew man-numru tal-awtorizzazzjoni kkonċernati, jista' jintuża identifikatur addizzjonali sabiex jippermetti l-identifikazzjoni tal-post mingħajr ambigwità.
Daħħal il-kodiċi rilevanti tal-uffiċċju doganali fejn il-merkanzija hija disponibbli għal aktar kontroll doganali.
Bl-użu tal-kodiċi rilevanti, daħħal in-numru ta' referenza tal-uffiċċju doganali fejn il-merkanzija hija disponibbli għal aktar kontroll doganali. Il-kodiċijiet li għandhom jintużaw huma: L-identifikatur tal-uffiċċju doganali għandu jsegwi l-istruttura ddefinita għall-E.D. 1705001000 Uffiċċju doganali tad-destinazzjoni/Numru ta' referenza.
Daħħal il-koordinati rilevanti mis-Sistema Globali ta' Navigazzjoni bis-Satellita (GNSS) fejn il-merkanzija hija disponibbli.
Daħħal il-latitudni tal-post fejn il-merkanzija hija disponibbli.
Daħħal il-lonġitudni tal-post fejn il-merkanzija hija disponibbli.
Uża n-numru ta' identifikazzjoni tal-operatur ekonomiku li fil-bini tiegħu l-merkanzija tista' tiġi kkontrollata.
Daħħal in-numru EORI jew in-numru ta' identifikazzjoni tal-kummerċjant f'numru komuni ta' pajjiż ta' tranżitu tad-detentur tal-awtorizzazzjoni. Il-kodiċijiet li għandhom jintużaw huma: Għandu jintuża n-numru ta' identifikazzjoni kif iddefinit għall-E.D. 1302017000 Konsenjatur/Numru ta' identifikazzjoni.
Daħħal in-numru tal-awtorizzazzjoni tal-post kkonċernat.
Fil-każ ta' diversi postijiet, sabiex il-post ikun speċifikat b'mod aktar preċiż b'rabta ma' EORI, identifikazzjoni ta' kummerċjant f'pajjiż komuni ta' tranżitu jew awtorizzazzjoni, daħħal il-kodiċi rilevanti fejn disponibbli.
Daħħal it-triq u n-numru rilevanti.
Daħħal il-kodiċi tal-pajjiż. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Daħħal il-kodiċi postali rilevanti għad-dettalji tal-indirizz relatati.
Daħħal l-isem tal-belt tal-indirizz tal-parti.
Din is-subklassi tista' tintuża meta jkun possibbli li jiġi ddeterminat il-post tal-merkanzija bil-kodiċi postali kkomplementat min-numru tad-dar jekk ikun meħtieġ.
Daħħal il-kodiċi tal-pajjiż. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Daħħal il-kodiċi postali rilevanti għall-post tal-merkanzija relatat.
Daħħal in-numru tad-dar għall-post tal-merkanzija relatat.
Daħħal l-isem tal-persuna ta' kuntatt.
Daħħal in-numru tat-telefown tal-persuna ta' kuntatt.
Daħħal l-indirizz tal-posta elettronika tal-persuna ta' kuntatt.
Bl-użu tal-kodiċijiet rilevanti, indika jekk ġiex applikat l-itinerarju Preskritt. L-itinerarju preskritt jiddefinixxi r-rotta li matulha l-merkanzija għandha tiġi mċaqalqa mill-uffiċċju doganali tat-tluq għall-uffiċċju doganali tad-destinazzjoni tul itinerarju ekonomikament ġustifikat. Il-kodiċijiet li għandhom jintużaw huma: Il-kodiċijiet rilevanti huma mogħtija hawn taħt:
Grupp 17 – Uffiċċji doganali
Bl-użu tal-kodiċi rilevanti, daħħal in-numru ta' referenza tal-uffiċċju fejn ser tibda l-operazzjoni ta' tranżitu. Il-kodiċijiet li għandhom jintużaw huma: L-identifikatur tal-uffiċċju doganali għandu jsegwi l-istruttura ddefinita għall-E.D. 1705001000 Uffiċċju doganali tad-destinazzjoni/Numru ta' referenza.
Daħħal il-kodiċi għall-uffiċċju doganali kompetenti previst għall-punt tad-dħul fit-territorju ta' Parti Kontraenti meta l-merkanzija timxi skont il-proċedura ta' tranżitu, jew l-uffiċċju doganali kompetenti għall-punt tal-ħruġ mit-territorju ta' Parti Kontraenti meta l-merkanzija titlaq minn dak it-territorju matul operazzjoni ta' tranżitu u tgħaddi minn fruntiera bejn dik il-Parti Kontraenti u pajjiż terz. Bl-użu tal-kodiċi rilevanti, daħħal in-numru ta' referenza tal-uffiċċju doganali kkonċernat. Bl-użu tal-kodiċi rilevanti, daħħal in-numru ta' referenza tal-uffiċċju doganali kkonċernat. Il-kodiċijiet li għandhom jintużaw huma: L-identifikatur tal-uffiċċju doganali għandu jsegwi l-istruttura ddefinita għall-E.D. 1705001000 Uffiċċju doganali tad-destinazzjoni/Numru ta' referenza.
Bl-użu tal-kodiċi rilevanti, daħħal in-numru ta' referenza tal-uffiċċju fejn ser tintemm l-operazzjoni ta' tranżitu. Il-kodiċijiet u l-formati tagħhom li jridu jintużaw huma: Uża l-kodiċijiet (an8) strutturati kif ġej:
Eżempju: BEBRU000: BE = ISO 3166 għall-Belġju, BRU = l-isem il-post UN/LOCODE għall-belt ta' Brussell, 000 għas-subdiviżjoni li ma ntużatx.
Bl-użu tal-kodiċi rilevanti, daħħal in-numru ta' referenza tal-uffiċċju kkonċernat. Dan l-element tad-data huwa meħtieġ meta d-dikjarazzjoni tat-tranżitu tiġi kkombinata mad-dikjarazzjoni fil-qosor tal-ħruġ. Daħħal il-kodiċi għall-uffiċċju doganali previst fejn il-moviment ta' tranżitu jħalli ż-żona tas-sikurezza u s-sigurtà. Għall-Istati Membri tal-Unjoni Ewropea – dan l-element tad-data ma huwiex meħtieġ meta l-moviment ta' tranżitu jsegwi l-proċedura ta' esportazzjoni. Il-kodiċijiet li għandhom jintużaw huma: L-identifikatur tal-uffiċċju doganali għandu jsegwi l-istruttura ddefinita għall-E.D. 1705001000 Uffiċċju doganali tad-destinazzjoni/Numru ta' referenza. Grupp 18 – Identifikazzjoni tal-merkanzija
Daħħal il-massa netta, espressa f'kilogrammi, tal-merkanzija kkonċernata mid-dikjarazzjoni rilevanti tal-oġġett individwali tal-merkanzija. Il-massa netta hija l-piż tal-merkanzija mingħajr ebda ppakkjar. Meta massa netta akbar minn 1 kg tinkludi frazzjoni ta' unità (kg), tista' titqarreb b'dan il-mod:
Massa netta ta' anqas minn 1 kg jenħtieġ li tiddaħħal bħala "0." segwita minn għadd ta' deċimali sa 6, u jitneħħew iż-"0" kollha fit-tarf tal-kwantità (eż. 0.123 għal pakkett ta' 123 gramma, 0.00304 għal pakkett ta' 3 grammi u 40 milligramma jew 0.000654 għal pakkett ta' 654 milligramma).
Il-massa grossa hija l-piż tal-merkanzija inkluż l-ippakkjar, iżda mingħajr it-tagħmir tat-trasportatur għad-dikjarazzjoni. Meta massa grossa akbar minn 1 kg tinkludi frazzjoni ta' unità (kg), din tista' tkun imqarrba b'dan il-mod:
Massa grossa ta' anqas minn 1 kg jenħtieġ li tiddaħħal bħala "0." segwita minn għadd ta' deċimali sa 6, u jitneħħew iż-"0" kollha fit-tarf tal-kwantità (eż. 0.123 għal pakkett ta' 123 gramma, 0.00304 għal pakkett ta' 3 grammi u 40 milligramma jew 0.000654 għal pakkett ta' 654 milligramma). Daħħal il-massa grossa, espressa f'kilogrammi, tal-merkanzija kkonċernata mill-oġġett individwali rilevanti tal-merkanzija. Fejn id-dikjarazzjoni tinkludi diversi oġġetti individwali tal-merkanzija, li titratta oġġetti li jkunu ppakkjati flimkien b'tali mod li jkun impossibbli li tiġi determinata l-massa grossa tal-merkanzija li tappartjeni għal xi oġġett individwali ta' merkanzija, il-massa grossa totali biss trid tiddaħħal fil-livell ta' intestatura.
Meta d-dikjarant jipprovdi l-kodiċi CUS għal sustanzi u preparazzjonijiet kimiċi, il-pajjiżi jistgħu jirrinunzjaw għall-ħtieġa li tingħata deskrizzjoni preċiża tal-merkanzija. Tfisser id-deskrizzjoni kummerċjali normali. Meta l-kodiċi tal-komodità jkun irid jiġi pprovdut, id-deskrizzjoni għandha tkun preċiża biżżejjed li tippermetti li l-merkanzija tiġi klassifikata.
Dan l-element tad-data għandu x'jaqsam mad-dettalji tal-ippakkjar tal-merkanzija soġġetta għad-dikjarazzjoni jew għan-notifika.
Kodiċi li jispeċifika t-tip ta' pakkett. Il-kodiċijiet li għandhom jintużaw huma: Il-kodiċi tat-tip tal-pakkett kif imsemmi fin-nota introduttorja 8 numru 1.
L-għadd totali ta' pakketti abbażi tal-iżgħar unità esterna tal-ippakkjar. Dan huwa l-għadd ta' oġġetti individwali ppakkjati b'tali mod li ma jistgħux jiġu diviżi mingħajr ma l-ewwel jiżżarma l-ippakkjar, jew l-għadd ta' biċċiet, jekk ma jkunux ippakkjati. Din l-informazzjoni ma għandhiex tingħata meta l-oġġetti jkunu fi kwantità.
Forma libera ta' deskrizzjoni tal-marki u n-numri fuq l-unitajiet jew fuq il-pakketti tat-trasport.
In-numru tal-Unjoni Doganali u tal-Istatistika (CUS) huwa l-identifikatur assenjat fl-Inventarju Doganali Ewropew tas-Sustanzi Kimiċi (ECICS) prinċipalment għal sustanzi u għal preparazzjonijiet kimiċi. Id-dikjarant jista' jipprovdi dan il-kodiċi fuq bażi volontarja fejn ma tkunx teżisti miżura stabbilita fil-leġiżlazzjoni tal-Partijiet Kontraenti għall-merkanzija kkonċernata, jiġifieri fejn l-għoti ta' dan il-kodiċi jkun jirrappreżenta piż inqas minn deskrizzjoni testwali sħiħa tal-prodott. Il-kodiċijiet li għandhom jintużaw huma: Kodiċi CUS kif imsemmi fin-nota introduttorja 8 numru 9.
Għandu jintuża mill-inqas il-kodiċi tas-subintestatura tas-Sistema Armonizzata.
Daħħal il-kodiċi tas-subintestatura tas-Sistema Armonizzata (kodiċi HS b'sitt ċifri). Il-kodiċijiet li għandhom jintużaw huma: Il-kodiċijiet jistgħu jinstabu fil-bażi tad-data TARIC.
Daħħal iż-żewġ ċifri addizzjonali tal-kodiċi tan-nomenklatura Magħquda fejn meħtieġ mil-leġiżlazzjoni tal-Partijiet Kontraenti. Il-kodiċijiet li għandhom jintużaw huma: Il-kodiċijiet jistgħu jinstabu fil-bażi tad-data TARIC. Grupp 19 – Informazzjoni dwar it-trasport (modi, mezzi u tagħmir)
Daħħal is-sitwazzjoni prevista waqt il-qsim tal-fruntiera esterna tal-Parti Kontraenti, fuq il-bażi tal-informazzjoni disponibbli fil-mument tat-tlestija tal-formalitajiet ta' tranżitu, bl-użu tal-kodiċi rilevanti. Il-kodiċijiet li għandhom jintużaw huma: Il-kodiċijiet applikabbli jingħataw hawn taħt:
Bl-użu tal-kodiċi rilevanti, daħħal il-mezz tat-trasport li jikkorrispondi għall-mezz attiv tat-trasport li huwa mistenni li ser jintuża fil-ħruġ mit-territorju doganali tal-Parti Kontraenti. Il-kodiċijiet li għandhom jintużaw huma: Il-kodiċijiet applikabbli jingħataw hawn taħt:
Bl-użu tal-kodiċi rilevanti, daħħal il-mod ta' trasport mat-tluq. Il-kodiċijiet li għandhom jintużaw huma: Il-kodiċijiet previsti f'dan it-Titolu fir-rigward tal-E.D. 1903000000 Għandu jintuża l-mezz ta' trasport fuq il-fruntiera.
Din l-informazzjoni għandha tieħu l-forma tan-numru ta' identifikazzjoni tal-vapur mogħti mill-OMI jew in-Numru ta' Identifikazzjoni uniku Ewropew għall-Bastimenti (il-kodiċi tal-ENI) għal trasport bil-baħar jew permezz tal-passaġġi fuq l-ilma interni. Għal modi oħra ta' trasport, il-metodu ta' identifikazzjoni għandu jkun:
Fejn il-merkanzija tiġi trasportata permezz ta' trejler u trattur, daħħal in-numru ta' reġistrazzjoni kemm tat-trejler kif ukoll tat-trattur. Fejn in-numru ta' reġistrazzjoni tat-trattur ma jkunx magħruf, daħħal in-numru ta' reġistrazzjoni tat-trejler.
Bl-użu tal-kodiċi rilevanti, daħħal it-tip tan-numru ta' identifikazzjoni. Il-kodiċijiet li għandhom jintużaw huma: Il-kodiċijiet applikabbli jingħataw hawn taħt:
Daħħal in-nazzjonalità tal-mezz tat-trasport (jew dik tal-vettura li timbotta lill-oħrajn jekk ikun hemm diversi mezzi tat-trasport) li fuqu l-merkanzija tiġi direttament mgħobbija waqt il-formalitajiet tat-tranżitu, fil-forma tal-kodiċi rilevanti. Jekk il-merkanzija tiġi trasportata permezz ta' trejler u trattur, daħħal in-nazzjonalità kemm tat-trejler kif ukoll tat-trattur. Fejn in-nazzjonalità tat-trattur ma tkunx magħrufa, daħħal in-nazzjonalità tat-trejler. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Għal kull kontejner, daħħal in-numru/i tal-oġġett tal-merkanzija għall-merkanzija trasportata f'dan il-kontejner.
Marki (ittri u/jew numri) li jidentifikaw il-kontejner. Għal modi ta' trasport minbarra bl-ajru, kontejner huwa kaxxa speċjali li fiha tinġarr il-merkanzija, li hija msaħħa u tippermetti li oġġetti jitqiegħdu fuq xulxin u li tippermetti trasferimenti orizzontali jew vertikali. Fil-mod ta' trasport bl-ajru, il-kontejners huma kaxxi speċjali għal-ġarr tal-merkanzija, li huma msaħħa u jippermettu trasferimenti orizzontali jew vertikali. Fil-kuntest ta' dan l-element ta' data, il-kaxxi skambjabbli u s-semitrejlers li jintużaw għal trasport stradali u ferrovjarju għandhom jitqiesu bħala kontejners. Jekk ikun applikabbli, għal kontejners li jkunu koperti mill-istandard ISO 6346, minbarra n-numru ta' identifikazzjoni tal-kontejner għandu jingħata wkoll l-identifikatur (prefiss) allokat mill-Bureau Internazzjonali għall-Kontejners u t-Trasport Intermodali (BIC). Għal kaxxi skambjabbli u semitrejlers għandu jintuża l-kodiċi tal-ILU (Unitajiet ta' Tagħbija Intermodali) kif introdott mill-istandard Ewropew EN 13044.
Bl-użu tal-kodiċi rilevanti, daħħal in-numru ta' referenza tal-uffiċċju fejn il-mezz attiv ta' trasport jaqsam il-fruntiera tal-Parti Kontraenti. Il-kodiċijiet li għandhom jintużaw huma: L-identifikatur tal-uffiċċju doganali għandu jsegwi l-istruttura ddefinita għall-E.D. 1705001000 Uffiċċju doganali tad-destinazzjoni/Numru ta' referenza.
Daħħal l-identità tal-mezz attiv ta' trasport li jkun qed jaqsam il-fruntiera tal-Parti Kontraenti. Fil-każ ta' trasport bejn numru ta' moduli jew jekk ikun hemm diversi mezzi tat-trasport, il-mezz attiv ta' trasport għandu jkun dak li jipprovdi l-irmonk għall-grupp kollu. Pereżempju, fil-każ ta' trakk fuq bastiment tal-baħar, il-mezz attiv tat-trasport huwa l-vapur. Fil-każ ta' trattur u karru, il-mezz attiv tat-trasport huwa t-trattur. Skont il-mezz tat-trasport kkonċernat, għandhom jiddaħħlu d-dettalji li ġejjin dwar l-identità:
Bl-użu tal-kodiċi rilevanti, daħħal it-tip ta' numru ta' identifikazzjoni. Il-kodiċijiet li għandhom jintużaw huma: Il-kodiċijiet definiti f'dan it-Titolu għall-E.D. 1905061000 Mezzi tat-trasport tat-tluq/Tip ta' identifikazzjoni għandhom jintużaw għat-tip ta' identifikazzjoni.
Bl-użu tal-kodiċi rilevanti, daħħal in-nazzjonalità tal-mezz attiv ta' trasport li jkun qed jaqsam il-fruntiera tal-Parti Kontraenti. Fil-każ ta' trasport bejn numru ta' moduli jew jekk ikun hemm diversi mezzi tat-trasport, il-mezz attiv ta' trasport għandu jkun dak li jipprovdi l-irmonk għall-grupp kollu. Pereżempju, fil-każ ta' trakk fuq bastiment tal-baħar, il-mezz attiv tat-trasport huwa l-vapur. Fil-każ ta' trattur u karru, il-mezz attiv tat-trasport huwa t-trattur. Il-kodiċijiet li għandhom jintużaw huma: Kodiċi tal-Pajjiż kif imsemmi fin-nota introduttorja 8 numru 3.
Identifikazzjoni tal-vjaġġ tal-mezz ta' trasport, pereżempju n-numru tal-vjaġġ, in-numru tat-titjira tal-IATA, in-numru tal-vjaġġ, jekk ikun applikabbli. Għal trasport bl-ajru, f'sitwazzjonijiet fejn l-operatur tal-inġenju tal-ajru jittrasporta l-merkanzija taħt ftehim għall-kondiviżjoni tal-kodiċi mas-sħab jew ftehim ta' kuntrattar simili, għandhom jintużaw in-numri tat-titjiriet tas-sħab.
Daħħal in-nuru ta' siġilli mwaħħlin mat-tagħmir tat-trasport, fejn applikabbli.
Din l-informazzjoni trid tingħata, jekk konsenjatur awtorizzat jippreżenta dikjarazzjoni li għaliha l-awtorizzazzjoni tagħha tkun teħtieġ l-użu ta' siġilli jew detentur tal-proċedura ta' tranżitu jkun permess juża siġilli ta' tip speċjali. Grupp 99 – Elementi oħra ta' data (data statistika, garanziji, data relatata mat-tariffi)
Bl-użu tal-kodiċijiet rilevanti, daħħal it-tip ta' garanzija użata għall-operazzjoni ta' tranżitu. Il-kodiċijiet li għandhom jintużaw huma: Il-kodiċijiet applikabbli jingħataw hawn taħt:
Daħħal in-numru ta' referenza tal-garanzija.
Daħħal il-kodiċi ta' aċċess.
Bl-użu tal-kodiċi rilevanti, daħħal il-munita li fiha jkun stabbilit l-ammont li ser jiġi kopert. Il-kodiċijiet li għandhom jintużaw huma: Kodiċi tal-munita kif imsemmi fin-nota introduttorja 8 numru 2.
Daħħal l-ammont ta' dejn doganali li jista' jiġġarrab jew li ġġarrab fir-rigward tad-dikjarazzjoni partikolari, li għalhekk għandu jkun kopert mill-garanzija.
Daħħal in-numru ta' referenza tal-garanzija l-oħra użata għall-operazzjoni. TITOLU IV IR-REFERENZI LINGWISTIĊI U L-KODIĊIJIET TAGĦHOM
|
(8) |
L-Anness B6a huwa mħassar. |
(*1) Il-kardinalità għan-Numru ta' siġilli għandha tinftiehem b'rabta mat-tagħmir tat-trasport, jiġifieri 1x għal kull kontejner.
(*2) Għal Stati Membri tal-Unjoni Ewropea.
ANNESS C
L-Appendiċi IV tal-Konvenzjoni huwa sostitwit b'dan li ġej:
"APPENDIĊI IV
ASSISTENZA REĊIPROKA GĦALL-IRKUPRU TAT-TALBIET
Suġġett
Artikolu 1
Dan l-Appendiċi jistabbilixxi r-regoli għall-iżgurar tal-irkupru f'kull pajjiż tat-talbiet imsemmijin fl-Artikolu 3 li jirriżultaw f'pajjiż ieħor. Id-dispożizzjonijiet tal-implimentazzjoni huma stabbiliti fl-Anness I ta' dan l-Appendiċi.
Definizzjonijiet
Artikolu 2
F'dan l-Appendiċi:
— |
"awtorità applikanti" tfisser awtorità kompetenti ta' pajjiż li jagħmel talba għall-assistenza dwar talba msemmija fl-Artikolu 3; |
— |
"awtorità li ssirilha t-talba" tfisser awtorità kompetenti ta' pajjiż li ssirlu talba għall-assistenza. |
Kamp ta' applikazzjoni
Artikolu 3
Dan l-Appendiċi għandu japplika għal:
(a) |
it-talbiet kollha relatati ma' djun koperti mill-Artikolu 3, il-punt 1 tal-Appendiċi I dovuti b'rabta ma' operazzjoni komuni ta' tranżitu li bdiet wara d-dħul fis-seħħ ta' dan l-Appendiċi; |
(b) |
imgħax u nfiq inċidentali għall-irkupru tat-talbiet imsemmija hawn fuq. |
Talba għall-informazzjoni
Artikolu 4
1. Fuq it-talba tal-awtorità applikanti, l-awtorità li ssirilha talba għandha tipprovdi kull informazzjoni li tkun ta' bżonn għall-awtorità applikanti fl-irkupru tat-talba tagħha.
Sabiex tikseb din l-informazzjoni, l-awtorità li ssirilha talba għandha tagħmel użu tal-poteri pprovduti taħt il-liġijiet, regolamenti jew dispożizzjonijiet amministrattivi li japplikaw għall-irkupru ta' talbiet simili li jitressqu fil-pajjiż fejn tinsab dik l-awtorità.
2. It-talba għal informazzjoni għandu jkollha mill-anqas l-informazzjoni li ġejja:
(a) |
l-isem, l-indirizz u data oħra rilevanti għall-identifikazzjoni tal-persuna li magħha hija relatata l-informazzjoni li għandha tiġi pprovduta; |
(b) |
informazzjoni relatata mat-talba/talbiet bħan-natura u l-ammont tat-talba; |
(c) |
kwalunkwe informazzjoni oħra, jekk meħtieġa. |
3. L-awtorità li ssirilha talba ma għandiex tkun obbligata li tagħti informazzjoni:
(a) |
li hi ma tkunx tista' tiskeb għall-għan li tirkupra talbiet simili li jitressqu fil-pajjiż li tinsab fih; |
(b) |
li tkun tiżvela sigrieti kummerċjali, industrijali jew professjonali; or |
(c) |
li l-iżvelar tagħha jista' jipperikola s-sigurtà ta' jew ikun kuntrarju għall-politika pubblika tal-pajjiż li fiha tkun tinstab. |
4. L-awtorità li ssirilha talba għandha tgħarraf lill-awtorità applikanti bir-raġunijiet għaċ-ċaħda ta' talba għall-informazzjoni.
5. L-informazzjoni miksuba f'konformità ma' dan l-Artikolu għandha tintuża biss għall-għanijiet ta' din il-Konvenzjoni u għandha tingħata l-istess protezzjoni minn pajjiż li qed jirċievi hekk kif tingħata għall-informazzjoni ta' natura bħal din taħt il-liġi nazzjonali ta' dak il-pajjiż. Informazzjoni bħal din tista' tintuża għal għanijiet oħra biss b'kunsens bil-miktub tal-awtorità kompetenti li tkun tatha u soġġett għal kwalunkwe restrizzjoni stabbilita minn dik l-awtorità.
6. It-talba għal informazzjoni għandha tiġi provduta permezz tal-formola stabbilita fl-Anness II ta' dan l-Appendiċi.
Talba għal notifika
Artikolu 5
1. L-awtorità li ssirilha talba għandha, fuq it-talba tal-awtorità tal-applikant, u f'konformità mar-regoli tal-liġi fis-seħħ għan-notifika ta' strumenti jew deċiżjonijiet simili fil-pajjiż li fih tinsab l-awtorità mitluba, tinnotifika lid-destinatarju bl-istrumenti u bid-deċiżjonijiet kollha, inkluż dawk ta' natura ġudizzjarja, li jirriżultaw mill-pajjiż li fih tinsab l-awtorità applikanti u li huma relatati ma' talba u/jew mal-irkupru tagħha.
2. It-talba għal notifika għandu jkollha mill-anqas l-informazzjoni li ġejja:
(a) |
l-isem u l-indirizz tad-destinatarju u kull data oħra li hija rilevanti għall-identifikazzjoni tad-destinatarju; |
(b) |
in-natura u s-suġġett tal-istrument jew deċiżjoni li ser jiġu notifikati; |
(c) |
informazzjoni relatata mat-talba(talbiet); bħan-natura u l-ammont tat-talba |
(d) |
kwalunkwe informazzjoni oħra, jekk meħtieġa. |
2a. L-awtorità applikanti għandha tagħmel talba għal notifika biss meta ma tkunx tista' tinnotifika fil-pajjiż fejn tinsab l-awtorità tal-applikant, f'konformità mar-regoli li jirregolaw in-notifika tad-dokument ikkonċernat jew meta tali notifika twassal għal diffikultajiet sproporzjonati.
3. L-awtorità li ssirilha talba għandha mill-ewwel tgħarraf lill-awtorità applikanti bl-azzjoni meħuda fuq it-talba tagħha għan-notifika u, b'mod partikolari, bid-data li fiha l-istrument jew id-deċiżjoni ingħatat lid-destinatarju.
4. It-talba għal notifika għandha tiġi provduta permezz tal-formola stabbilita fl-Anness III ta' dan l-Appendiċi.
Talba għall-irkupru
Artikolu 6
1. Fit-talba tal-awtorità tal-applikant, l-awtorità li ssirilha talba għandha tirkupra talbiet li huma s-suġġett ta' strument li jippermetti l-infurzar tagħhom f'konformità mal-liġijiet, mar-regolamenti jew mad-dispożizzjonijiet amministrattivi li japplikaw għall-irkupru ta' talbiet simili li jirriżultaw fil-pajjiż li fih tinsab l-awtorità mitluba.
2. Għal dan il-għan kull talba li għaliha tkun tressqet talba għall-irkupru għandha tkun trattata bħala talba tal-pajjiż li fih tinsab l-awtorità mitluba, minbarra fejn japplika l-Artikolu 12.
Artikolu 7
1. It-talba għall-irkupru li l-awtorità applikanti tindirizza lill-awtorità li ssirilha talba jrid ikollha magħha kopja uffiċjali jew ċertifikata tal-istrument li jippermetti l-infurzar tagħha, maħruġa fil-pajjiż li fih tinsab l-awtorità applikanti u, jekk xieraq, mill-kopja oriġinali jew ċertifikata ta' dokumenti oħra neċessarji għall-irkupru.
2. L-awtorità applikanti ma' tistax tagħmel talba għall-irkupru sakemm:
(a) |
it-talba u/jew l-istrument li jippermetti l-infurzar tagħha mhumiex ikkontestati fil-pajjiż li tinsab fih; |
(b) |
hi, fil-pajjiż li tinsab fih, tkun applikat il-proċedura ta' rkuprar disponibbli għaliha fuq il-bażi tal-istrument imsemmi fil-paragrafu 1, u l-miżuri meħuda ma rriżultawx fil-pagament sħiħ tat-talba; |
(c) |
it-talba tkun taqbeż EUR 1 500. L-ekwivalenti f'muniti nazzjonali tal-ammont espress f'EUR għandu jiġi kkalkolat f'konformità mad-dispożizzjonijiet tal-Artikolu 22 tal-Appendiċi II. |
3. It-talba għal irkupru għandu jkollha mill-anqas l-informazzjoni li ġejja:
(a) |
l-isem u l-indirizz tad-destinatarju u data oħra li hija rilevanti għall-identifikazzjoni tal-persuna konċernata; |
(b) |
in-natura eżatta tat-talba/talbiet; |
(c) |
l-ammont tat-talba/talbiet; |
(d) |
informazzjoni oħra, jekk meħtieġa |
(e) |
dikjarazzjoni mill-awtorità applikanti li tindika d-data li minnha l-infurzar hu possibbli taħt il-liġijiet fis-seħħ fil-pajjiż li tinsab fih l-awtorità applikanti u li tikkonferma li l-kondizzjonijiet maħruġa fil-paragrafu 2 huma ssodisfati. |
4. Malli kwalunkwe informazzjoni rilevanti relatata mal-każ, li tat lok għat-talba għall-irkupru ssir magħrufa mill-awtorità tal-applikant, hi għandha tgħaddiha lill-awtorità mitluba.
Artikolu 8
L-istrument li jippermetti infurzar tat-talba għandu, fejn xieraq, u f'konformità mad-dispożizzjonijiet fis-seħħ fil-pajjiż li tinsab fih l-awtorità mitluba, ikun aċċettat, rikonoxxut, supplimentat jew mibdul minn strument li jawtorizza l-infurzar fit-territorju ta' dak il-pajjiż.
It-tali aċċettazzjoni, rikonoxximent, forniment jew tibdil għandu jsir mill-aktar fis possibbli wara d-data meta tiġi rċevuta t-talba għall-irkupru. Huma ma jistgħux ikunu miċħuda jekk l-istrument li jippermetti l-infurzar fil-pajjiż li fih tinsab l-awtorità applikanti jkun imfassal kif suppost.
Jekk xi waħda minn dawn il-formalitajiet tagħti lok għal eżaminazzjoni jew għal kontestazzjoni f'konnessjoni mat-talba u/jew l-istrument li jippermetti l-infurzar maħruġ mill-awtorità tal-applikant, għandu japplika l-Artikolu 12.
Artikolu 9
1. It-talbiet għandhom jiġu rkuprati fil-munita tal-pajjiż li fih tinsab l-awtorità li ssirilha t-talba.
2. L-awtorità li ssirilha t-talba tista', fejn il-liġijiet, ir-regolamenti jew id-dispożizzjonijiet amministrattivi fis-seħħ fil-pajjiż li fih tinsab jippermettu hekk, tikkonċedi lid-debitur żmien biex iħallas jew tawtorizza pagament rateali. Kull imgħax debitat mill-awtorità li ssirilha t-talba b'rabta ma' dan iż-żmien addizzjonali għal ħlas għandu jitħallas lill-awtorità applikanti.
Kull imgħax ieħor iddebitat għal pagament tard taħt il-liġijiet, ir-regolamenti u d-dispożizzjonijiet amministrattivi fis-seħħ fil-pajjiż li fih tinsab l-awtorità li ssirilha t-talba għandu wkoll jitħallas lill-awtorità applikanti.
Artikolu 10
It-talbiet li għandhom jiġu rkuprati ma għandhomx jingħataw trattament preferenzali fil-pajjiż li fih tinsab l-awtorità li ssirilha t-talba.
Artikolu 11
L-awtorità li ssirilha t-talba għandha tgħarraf lill-awtorità applikanti immedjatament bl-azzjoni li hi tkun ħadet dwar it-talba għall-irkupru.
Tilwim
Artikolu 12
1. Jekk, matul il-proċedura ta' rkupru, it-talba u/jew l-istrument li jippermetti l-infurzar tagħha maħruġ fil-pajjiż li fih tinsab l-awtorità applikanti huma kontestati minn parti interessata, l-azzjoni għandha tittieħed minn din tal-aħħar quddiem il-korp kompetenti tal-pajjiż li fih tinsab l-awtorità applikanti, f'konformità mal-liġijiet fis-seħħ hemmhekk. Din l-azzjoni trid tkun notifikata mill-awtorità applikanti lill-awtorità mitluba. Il-parti kkonċernata tista' tinnotifika wkoll lill-awtorità li ssirilha talba bl-azzjoni.
2. Malli l-awtorità li ssirilha talba tkun irċeviet in-notifika msemmija fil-paragrafu 1, jew mill-awtorità applikanti jew mill-parti interessata, hi għandha tissospendi l-proċedura ta' infurzar sakemm toħroġ id-deċiżjoni tal-korp kompetenti fil-każ.
2a. Jekk l-awtorità li ssirilha talba tħoss li hu meħtieġ, u bla preġudizzju lejn l-Artikolu 13, dik l-awtorità tista' tieħu miżuri prekawzjonarji biex tiggarantixxi l-irkupru kemm-il darba l-liġijiet jew ir-regolamenti fis-seħħ fil-pajjiż li fih tkun tinsab jippermettu azzjoni bħal din għal talbiet simili.
3. Fejn il-miżuri ta' infurzar meħuda fil-pajjiż li fih tinsab l-awtorità li ssirilha talba jiġu kkontestati, l-azzjoni għandha tinġieb quddiem il-korp kompetenti ta' dak il-pajjiż f'konformità mal-liġijiet u mar-regolamenti tiegħu.
4. Fejn il-korp kompetenti li quddiemu tkun inġiebet l-azzjoni f'konformità ma' paragrafu 1 huwa tribunal ġudizzjarju jew amministrattiv, id-deċiżjoni ta' dak it-tribunal, sakemm tkun favorevoli għall-awtorità applikanti u sakemm tippermetti l-irkupru tat-talba fil-pajjiż fejn tinsab l-awtorità tal-applikant, għandha tikkostitwixxi l-"istrument li jippermetti l-infurzar" fit-tifsira tal-Artikoli 6, 7 u 8 u l-irkupru tat-talba għandu jipproċedi fuq il-bażi ta' dik id-deċiżjoni.
Talba għall-miżuri ta' prekawzjoni
Artikolu 13
1. Fuq it-talba tal-awtorità tal-applikant, l-awtorità li ssirilha talba għandha tieħu miżuri ta' prekawzjoni, jekk tkun permessa mid-dritt nazzjonali tagħha u f'konformità mal-prattiki amministrattivi tagħha, li tiżgura l-irkupru meta t-talba jew l-istrument li jippermetti l-infurzar fil-pajjiż tal-awtorità applikanti jkunu qed jiġu kkontestati fiż-żmien meta ssir it-talba, jew meta t-talba tkun għadha mhux is-suġġett ta' strument li jippermetti l-infurzar fil-pajjiż fejn tkun tinsab l-awtorità tal-applikant, sa fejn il-miżuri prekawzjonarji huma possibbli wkoll, f'sitwazzjoni simili, skont il-liġijiet nazzjonali u l-prattiki amministrattivi f'dan il-pajjiż.
1a. It-talba għal miżuri ta' prekawzjoni tista' tkun akkumpanjata minn dokumenti oħra relatati mat-talbiet, maħruġa fil-pajjiż fejn tinsab l-awtorità tal-applikant.
2. Sabiex jingħata effett lid-dispożizzjonijiet tal-ewwel paragrafu, l-Artikoli 6, 7 (3), 4, 8, 11, 12 u 14 għandhom japplikaw mutatis mutandis.
3. It-talba għal miżuri ta' prekawzjoni għandha tiġi provduta permezz tal-formola stabbilita fl-Anness IV ta' dan l-Appendiċi.
Eċċezzjonijiet
Artikolu 14
L-awtorità li ssirilha talba ma għandhiex tkun obbligata:
(a) |
li tagħti l-assistenza prevista fl-Artikoli 6 sa 13 jekk l-irkupru tat-talba, minħabba s-sitwazzjoni tad-debitur, joħloq diffikultajiet ekonomiċi jew soċjali serji fil-pajjiż li fih tinsab dik l-awtorità, sa fejn il-liġijiet, ir-regolamenti u l-prattiki amministrattivi fis-seħħ f'dan il-pajjiż jippermettu tali eċċezzjoni għal talbiet nazzjonali; |
(b) |
li taċċetta l-irkupru ta' talba jekk hi tkun tal-fehma li tista' tikser il-politika pubblika jew interessi essenzali oħra tal-pajjiż li fih tinsab dik-l-awtorità. |
(c) |
li tibda irkupru ta' talba jekk l-awtorità applikanti ma tkun eżawriet il-mezzi ta' rkupru fit-territorju tal-pajjiż li tinsab fih, |
(d) |
li tagħti assistenza jekk l-ammont totali tat-talbiet li għalihom tintalab l-assistenza jkun anqas minn EUR 1 500. |
L-awtorità li ssirilha talba għandha tgħarraf lill-awtorità applikanti bir-raġunijiet għaċ-ċaħda ta' talba għall-assistenza.
Artikolu 15
1. Mistoqsijiet dwar perijodi ta' limitazzjoni għandhom ikunu regolati biss mill-liġijiet fis-seħħ fil-pajjiż fejn tinsab l-awtorità tal-applikant.
2. Passi meħuda fl-irkupru tat-talbiet mill-awtorità li ssirilha talba u wara talba għall-asistenza li, kieku saru mill-awtorità applikanti, kien ser ikollhom l-effett li jissospendu, jinterrompu jew itawlu l-perijodu ta' limitazzjoni skont il-liġijiet fis-seħħ fil-pajjiż li tinsab fih l-awtorità applikanti, għandhom jitqiesu li ttieħdu fil-pajjiż tal-aħħar, sa fejn dak l-effett hu kkonċernat.
3. L-awtorità applikanti u l-awtorità li ssirilha talba għandhom javżaw lil xulxin b'kull azzjoni li tinterrompi, tissospendi jew ittawwal il-perijodu tal-limitazzjoni tat-talba li għaliha jkunu ntalbu l-miżuri ta' rkupru u ta' prekawzjoni, jew li jista' jkollha dan l-effett.
Kunfidenzjalità
Artikolu 16
Id-dokumenti u l-informazzjoni mibgħuta lill-awtorità li ssirilha talba skont dan l-Appendiċi jistgħu biss jiġu kkomunikati minn din tal-aħħar lil:
(a) |
il-persuna msemmija fit-talba għall-assistenza; |
(b) |
dawk il-persuni u l-awtoritajiet responsabbli għall-irkupru tat-talbiet, u biss għal dak il-għan; |
(c) |
l-awtoritajiet ġudizzjarji li jittrattaw fatti li jikkonċernaw l-irkupru tat-talbiet. |
Lingwi
Artikolu 17
1. It-talbiet għall-assistenza u d-dokumenti rilevanti għandu jkollhom magħhom traduzzjoni bil-lingwa uffiċjali, jew b'waħda mil-lingwi uffiċjali tal-pajjiż li fih tinsab l-awtorità li ssirilha talba jew b'lingwa aċċettabbli għat-tali awtorità.
2. L-informazzjoni u d-dettalji l-oħra kkommunikati mill-awtorità li ssirilha talba lill-awtorità applikanti għandhom jintbagħtu bil-lingwa uffiċjali jew b'waħda mil-lingwi uffiċjali tal-pajjiż tal-awtorità li ssirilha talba jew f'lingwa oħra miftiehma bejn l-applikant u l-awtorità li ssirilha t-talba.
Kostijiet
Artikolu 18
1. Il-pajjiżi kkonċernati għandhom jirrinunzjaw għat-talbiet kollha fuq xulxin għar-rimborż tal-ispejjeż li jirriżultaw minn assistenza reċiproka li huma jagħtu lil xulxin skont dan l-Appendiċi.
Madankollu, meta l-irkupru joħloq problema speċifika jew ikun jinvolvi spejjeż kbar ħafna jew ikollu x'jaqsam mal-kriminalità organizzata, l-awtorità tal-applikant u l-awtorità mitluba jistgħu jiftiehmu bejniethom dwar arranġamenti speċifiċi tar-rimborż għall-każijiet ikkonċernati.
2. Minkejja l-paragrafu 1, il-pajjiż li fih tinsab l-awtorità applikanti għandu jibqa' responsabbli quddiem il-pajjiż li fih tinsab l-awtorità li ssirilha talba għall-ispejjeż li jkunu saru b'riżultat tal-azzjonijiet ikkunsidrati bħala mhux fondati, fejn huma kkonċentrati jew is-sostanza tat-talba jew il-validità tal-istrument maħruġ mill-awtorità tal-applikant.
Awtoritajiet awtorizzati
Artikolu 19
Il-pajjiżi għandhom jinfurmaw lill-Kummissjoni bl-awtoritajiet kompetenti tagħhom awtorizzati biex jagħmlu jew jirċievu talbiet għall-assistenza, kif ukoll kull tibdiliet rilevanti sussegwenti.
Il-Kummissjoni għandha tpoġġi l-informazzjoni li tirċievi għad-dispożizzjoni tal-pajjiżi oħra.
Artikoli 20 sa 22
(Dan l-Appendiċi ma fih l-ebda Artikolu 20 sa 22)
Dispożizzjonijiet finali
Artikolu 23
Id-dispożizzjonijiet ta' dan l-Appendiċi ma għandhomx jimpedixxu miżura akbar ta' assistenza reċiproka mogħtija jew issa jew fil-futur minn pajjiżi partikolari taħt kwalunkwe ftehim jew arranġament, inkluż dawk għan-notifika ta' atti legali jew ekstra-legali.
Artikoli 24 sa 26
(Dan l-Appendiċi ma fih l-ebda Artikolu 24 sa 26)
ANNESSI GĦALL-APPENDIĊI IV
ANNESS I
DISPOŻIZZJONIJIET IMPLIMENTATTIVI
TITOLU I
Ambitu
Artikolu 1
1. Dan l-Anness jistabbilixxi regoli dettaljati għall-implimentazzjoni tal-Appendiċi IV.
2. Dan l-Anness jistabbilixxi wkoll regoli dettaljati dwar konverżjoni u trasferiment tas-somom irkuprati.
TITOLU II
Dispożizzjonijiet ġenerali
Artikolu 1a
1. L-awtorità applikanti tista' tagħmel talba għal għajnuna fir-rigward jew ta' talba waħda jew għal diversi talbiet fejn dawn jistgħu jiġu rkuprati mingħand l-istess persuna.
2. It-talba għall-informazzjoni, notifika, irkupru jew miżuri ta' prekawzjoni tista' tkun relatata ma' kwalunkwe persuna minn dawn li ġejjin:
(a) |
id-debitur jew id-debituri; |
(b) |
kull persuna responsabbli għar-riżoluzzjoni tat-talba taħt il-liġi fis-seħħ fil-pajjiż fejn tinsab l-awtorità tal-applikant. |
Fejn l-awtorità applikanti taf li parti terza għandha assi li jappartjenu għal waħda mill-persuni msemmija fis-subparagrafu ta' qabel, it-talba jista' jkollha x'taqsam ukoll ma' dik il-parti terza.
3. Jekk l-awtorità li ssirilha talba tirrifjuta li tittratta t-talba għall-għajnuna, għandha tinnotifika lill-awtorità applikanti bir-raġunijiet tar-rifjut, filwaqt li tispeċifika d-dispożizzjonijiet tal-Artikolu 4(3) tal-Appendiċi IV li tkun qed tibbaża fuqhom. Din in-notifika għandha tingħata mill-awtorità li ssirilha talba hekk kif tieħu d-deċiżjoni tagħha u f'kull każ fi żmien xahar mid-data tar-rikonoxximent tal-irċevuta tat-talba.
4. Kull talba għall-informazzjoni, għan-notifika, għall-irkupru jew għal miżuri ta' prekawzjoni għandha tindika jekk tkunx ġiet indirizzata talba simili lil xi awtorità oħra.
TITOLU III
Talba għall-informazzjoni
Artikolu 2
It-talba għall-informazzjoni msemmija fl-Artikolu 4 tal-Appendiċi IV għandha ssir bil-miktub f'konformità mal-mudell fl-Anness II. It-talba msemmija għandu jkollha t-timbru uffiċjali tal-awtorità applikanti u għandha tiġi ffirmata minn uffiċjal tagħha debitament awtorizzat biex jagħmel talba bħal din.
(Dan l-Anness ma fih l-ebda Artikolu 3)
Artikolu 4
L-awtorità li ssirilha talba għandha tgħarraf li rċeviet it-talba għall-informazzjoni bil-miktub (eż. permezz ta' e-mail jew fax) mill-aktar fis possibbli u fi kwalunkwe każ fi żmien sebat ijiem minn meta tirċeviha.
Malli tirċievi t-talba, l-awtorità li ssirilha talba għandha, fejn ikun xieraq, titlob lill-awtorità applikanti sabiex tipprovdi kwalunkwe informazzjoni addizzjonali meħtieġa. L-awtorità applikanti għandha tipprovdi l-informazzjoni addizzjonali kollha meħtieġa li normalment ikollha aċċess għaliha.
Artikolu 5
1. L-awtorità li ssirilha talba għandha tittrażmetti kull biċċa informazzjoni mitluba lill-awtorità applikanti kif u meta tkun miksuba.
2. Fejn l-informazzjoni mitluba kollha jew parti minnha ma tkunx tista' tinkiseb f'perijodu raġonevoli ta' żmien, wara li jitqies il-każ partikolari, l-awtorità li ssirilha talba għandha tinforma b'dan lill-awtorità applikanti, fejn tindika r-raġunijiet għal dan.
3. F'kull każ, fi tmiem sitt xhur mid-data tar-rikonoxximent tal-irċevuta tat-talba, l-awtorità li ssirilha talba għandha tinforma lill-awtorità applikanti bl-eżitu tal-investigazzjonijiet li tkun għamlet biex tinkiseb l-informazzzjoni mitluba.
4. Fid-dawl tal-informazzjoni rċevuta mill-awtorità mitluba, l-awtorità applikanti tista' titlob dan kollu biex tkompli l-investigazzjonijiet tagħha. Din it-talba għandha ssir bil-miktub (eż. permezz ta' e-mail jew permezz ta' fax) fi żmien xahrejn mill-irċevuta tan-notifika tar-riżultati tal-investigazzjonijiet imwettqa mill-awtorità mitluba, u għandha tkun trattata mill-awtorità li ssirilha talba f'konformità mad-dispożizzjonijiet li japplikaw għat-talba inizjali.
(Dan l-Anness ma fih l-ebda Artikolu 6)
Artikolu 7
L-awtorità applikanti tista' f'kull ħin tirtira t-talba għall-informazzjoni li hi bagħtet lill-awtorità li ssirilha talba. Id-deċiżjoni għall-irtirar għandha tiġi trażmessa lill-awtorità li ssirilha talba bil-miktub (eż. permezz ta' e-mail jew fax).
TITOLU IV
Talba għal notifika
Artikolu 8
It-talba għal notifika msemmija fl-Artikolu 5 tal-Appendiċi IV għandha ssir bil-miktub f'żewġ kopji bl-użu tal-formola stabbilita fl-Anness III. It-talba msemmija għandu jkollha t-timbru uffiċjali tal-awtorità applikanti u għandha tiġi ffirmata minn uffiċjal tagħha debitament awtorizzat biex jagħmel talba bħal din.
Żewġ kopji tal-istrument jew deċiżjoni, notifika li hi mitluba, għandhom ikunu mehmuża mat-talba msemmija fil-paragrafu li għadda.
Artikolu 9
It-talba għal notifika tista' tkun relatata ma' kull persuna fiżika jew ġuridika li, f'konformità mal-liġi fis-seħħ fil-pajjiż fejn tinsab l-awtorità tal-applikant, għandha tkun infurmata b'kull strument jew deċiżjoni li tikkonċerna lil dik il-persuna.
Artikolu 10
1. Immedjatament malli tirċievi t-talba għan-notifika, l-awtorità li ssirilha talba għandha tieħu l-miżuri meħtieġa biex taffetwa dik in-notifika f'konformità mal-liġi fis-seħħ fil-pajjiż fejn tinsab.
Jekk ikun meħtieġ, iżda mingħajr ma tkun kompromessa d-data finali għan-notifika indikata fit-talba għan-notifika, l-awtorità li ssirilha talba għandha titlob lill-awtorità applikanti biex tipprovdi informazzjoni addizzjonali.
L-awtorità applikanti għandha tipprovdi l-informazzjoni kollha addizzjonali li normalment ikollha aċċess għaliha.
2. L-awtorità li ssirilha talba għandha tgħarraf lill-awtorità applikanti bid-data tan-notifika malli din issir, billi tirritornalha waħda mill-kopji tat-talba tagħha biċ-ċertifikat fuq wara mimli kif dovut.
TITOLU V
Talba għall-irkupru u/jew biex jittieħdu miżuri ta' prekawzjoni
Artikolu 11
1. It-talba għall-irkupru u/jew għat-teħid ta' miżuri ta' prekawzjoni msemmija fl-Artikoli 6 u 13 tal-Appendiċi IV, għandha ssir bil-miktub bl-użu tal-formola stabbilita fl-Anness IV. It-talba, li għandha tinkludi dikjarazzjoni li l-kondizzjonijiet stabbiliti fl-Appendiċi IV għall-bidu tal-proċedura ta' assistenza reċiproka fil-każ partikolari jkunu ġew issodisfati, għandu jkollha t-timbru uffiċjali tal-awtorità applikanti u għandha tiġi ffirmata minn uffiċjal tagħha debitament awtorizzat biex jagħmel talba bħal din.
2. L-istrument li jippermetti l-infurzar fil-pajjiż fejn tinsab l-awtorità mitluba, li jakkumpanja t-talba għandu jimtela minn jew taħt ir-responsabbiltà tal-awtorità tal-applikant, abbażi tal-istrument inizjali li jippermetti l-infurzar fil-pajjiż fejn tinsab l-awtorità tal-applikant.
2a. L-istrument li jippermetti l-infurzar jista' jinħareġ fir-rigward ta' diversi talbiet fejn dan jikkonċerna l-istess persuna.
Għall-għanijiet tal-Artikoli 12 sa 19, it-talbiet kollha li huma koperti mill-istess strument li jippermetti infurzar għandhom jitqiesu li huma talba unika.
(Dan l-Anness ma fih l-ebda Artikolu 12)
Artikolu 13
1. L-awtorità applikanti għandha turi l-ammonti tat-talba li għandhom ikunu rkuprati kemm fil-munita tal-pajjiż li tinsab fih kif ukoll fil-munita tal-pajjiż li fih tinsab l-awtorità li ssirilha t-talba.
2. Ir-rata tal-kambju li għandha tintuża għall-għanijiet tal-paragrafu 1 għandha tkun l-aħħar rata tal-bejgħ reġistrata fis-suq jew fis-swieq tal-kambju l-aktar rappreżentattivi li fih tinsab l-awtorità applikanti, fid-data meta t-talba għall-irkupru tiġi ffirmata.
Artikolu 14
1 L-awtorità li ssirilha talba għandha tirrikonoxxi li rċeviet it-talba għall-irkupru u/jew biex jittieħdu miżuri ta' prekawzjoni bil-miktub (eż. permezz ta' e-mail jew fax) mill-aktar fis possibbli u f'kull każ fi żmien sebat ijiem mir-riċeviment tagħha.
2. L-awtorità li ssirilha talba tista' titlob lill-awtorità applikanti biex tipprovdi informazzjoni addizzjonali jew biex tiffinalizza l-istrument li jippermetti l-infurzar fil-pajjiż li ssirlu t-talba, jekk ikun meħtieġ. L-awtorità applikanti għandha tipprovdi l-informazzjoni addizzjonali kollha meħtieġa li normalment ikollha aċċess għaliha.
Artikolu 15
1 Fejn, fi żmien raġonevoli meta jitqies il-każ partikolari, it-talba kollha jew parti minnha ma tistax tiġi rkuprata jew ma jistgħux jittieħdu miżuri ta' prekawzjoni, l-awtorità li ssirilha talba għandha tinforma b'dan lill-awtorità applikanti, filwaqt li tindika r-raġunijiet għal dan.
Fid-dawl tal-informazzjoni rċevuta mill-awtorità mitluba, l-awtorità applikanti tista' titlob lil din tal-aħħar biex tkompli bil-proċedura, li hi tkun ħadet għall-irkupru u/jew għat-teħid ta' miżuri ta' prekawzjoni. Din it-talba għandha tkun magħmula bil-miktub (eż. permezz ta' e-mail jew fax) fi żmien xahrejn minn meta tirċievi n-notifika tar-riżultati tal-proċedura meħuda mill-awtorità li ssirilha talba għall-irkupru u/jew biex jittieħdu miżuri ta' prekawzjoni, u għandha tkun trattata mill-awtorità li ssirilha talba f'konformità mad-dispożizzjonijiet li japplikaw għat-talba inizjali.
2 Mhux aktar tard mit-tmiem ta' kull perijodu ta' sitt xhur wara d-data ta' rikonoxximent tal-irċevuta tat-talba, l-awtorità li ssirilha talba għandha tinforma lill-awtorità applikanti bl-istat tal-progress jew bl-eżitu tal-proċedura tal-irkupru jew tal-miżuri ta' prekawzjoni.
3. Jekk il-liġijiet, ir-regolamenti u l-prattiki amministrattivi fis-seħħ fil-pajjiż fejn tinsab l-awtorità li ssirilha talba ma jippermettux miżuri ta' prekawzjoni jew il-miżuri ta' rkupru skont l-Artikolu 12(2a) tal-Appendiċi IV, l-awtorità li ssirilha talba għandha tinnotifika lill-awtorità applikanti b'dan mill-aktar fis possibbli u fil-każ, fi żmien xahar mill-wasla tan-notifika msemmija fl-Artikolu 14(1).
Artikolu 16
Kull azzjoni li tikkontesta t-talba jew l-istrument li jippermetti l-infurzar tagħha li hi meħuda fil-pajjiż fejn tinsab l-awtorità applikanti għandha tiġi nnotifikata lill-awtorità li ssirilha talba bil-miktub (eż. permezz ta' e-mail jew fax) mill-awtorità applikanti immedjatament wara li tiġi informata b'azzjoni bħal din.
Artikolu 17
1. Jekk it-talba għall-irkupru u/jew biex jittieħdu miżuri ta' prekawzjoni ssir fiergħa b'riżultat tal-pagament tat-talba jew tat-tħassir tagħha jew għal kull raġuni oħra, l-awtorità applikanti għandha tgħarraf immedjatament lill-awtorità li ssirilha t-talba bil-miktub (eż. permezz ta' e-mail jew fax) sabiex din tal-aħħar tkun tista' twaqqaf kull azzjoni li hi tkun ħadet.
2. Meta l-ammont tat-talba li hu s-suġġett tat-talba għall-irkupru u/jew biex jittieħdu miżuri ta' prekawzjoni jiġi emendat għal kwalunkwe raġuni, l-awtorità applikanti għandha tgħarraf immedjatament lill-awtorità li ssirilha t-talba bil-miktub (eż. permezz ta' e-mail jew fax).
Jekk l-emenda tkun tikkonsisti fi tnaqqis fl-ammont tat-talba, l-awtorità li ssirilha t-talba għandha tkompli bl-azzjoni li tkun ħadet għall-għanijiet ta' rkupru u/jew biex jittieħdu miżuri ta' prekawzjoni, iżda dik l-azzjoni għandha tkun limitata għall-ammont li jkun għadu pendenti. Jekk, fiż-żmien li fih l-awtorità li ssirilha t-talba tiġi mgħarrfa bit-tnaqqis tal-ammont tat-talba, l-ammont oriġinali jkun diġà ġie rkuprat minnha iżda l-proċedura ta' trasferiment imsemmija fl-Artikolu 18 ma tkunx għadha nbdiet, l-awtorità li ssirilha t-talba għandha tħallas lura l-ammont imħallas żejjed lill-persuna intitolata għalih.
Jekk l-emenda tkun tikkonsisti f'żieda fl-ammont tat-talba, l-awtorità applikanti għandha mill-aktar fis possibbli tindirizza lill-awtorità mitluba, talba addizzjonali għall-irkupru u/jew biex jittieħdu miżuri ta' prekawzjoni. Din it-talba addizzjonali għandha, sakemm huwa possibbli, titwettaq mill-awtorità li ssirilha talba fl-istess żmien mat-talba oriġinali tal-awtorità tal-applikant. Fejn, fid-dawl tal-istat tal-progress tal-proċedura eżistenti, it-tagħqid tat-talba addizzjonali u t-talba oriġinali ma jkunx possibbli, l-awtorità li ssirilha talba għandha tkun rikjesta biss biex tikkonforma mat-talba addizzjonali jekk din tkun tikkonċerna ammont ta' mhux inqas minn dak imsemmi fl-Artikolu 7 tal-Appendiċi IV.
3. Biex taqleb l-ammont emendat tat-talba fil-munita tal-pajjiż li fih tinsab l-awtorità li ssirilha t-talba, l-awtorità applikanti għandha tuża r-rata ta' kambju użata fit-talba oriġinali.
Artikolu 18
Kull somma rkuprata mill-awtorità mitluba, inkluż, fejn huwa applikabbli, l-imgħax imsemmi fl-Artikolu 9(2) tal-Appendiċi IV, għandha tkun is-suġġett ta' trasferiment għall-awtorità applikanti fil-munita tal-pajjiż li fih tinsab l-awtoritá li ssirilha t-talba. Dan it-trasferiment għandu jitwettaq fi żmien xahar mid-data li fiha l-irkupru kien effettwat.
Madanakollu, jekk il-miżuri ta' rkupru applikati mill-awtorità li ssirilha talba jiġu kkontestati għal raġuni li ma taqax taħt ir-responsabbiltà tal-pajjiż applikanti, l-awtorità li ssirilha talba tista' tistenna biex tittrasferixxi kwalunkwe somom irkuprati fir-rigward tat-talbiet, sakemm tissolva t-tilwima, jekk dawn il-kondizzjonijiet segwenti jiġu ssodisfati simultanjament:
(a) |
L-awtorità li ssirilha talba ssib li x'aktarx ir-riżultat tal-kontestazzjoni jkun favur il-parti konċernata, u |
(b) |
L-awtorità applikanti ma tkunx iddikjarat li ser tirrimborża s-somom diġà trasferiti jekk ir-riżultat tal-kontestazzjoni jkun favur il-parti kkonċernata. |
Artikolu 19
Irrispettivament minn kwalunkwe ammont miġbur mill-awtorità li ssirilha talba permezz tal-imgħax imsemmi fl-Artikolu 9(2) tal-Appendiċi IV, it-talba għandha titqies li tkun ġiet irkuprata fi proporzjon għall-irkupru tal-ammont espress fil-munita nazzjonali tal-pajjiż li fih tinsab l-awtorità li ssirilha t-talba, fuq il-bażi tar-rata tal-kambju msemmija fl-Artikolu 13(2).
TITOLU VI
Dispożizzjonijet ġenerali u finali
Artikolu 20
1. Talba għall-assistenza tista' ssir mill-awtorità applikanti fir-rigward ta' jew talba singola jew fir-rigward ta' ħafna talbiet fejn dawn huma rekuperabbli mill-istess persuna.
2. L-informazzjoni pprovduta fl-Annessi II, III u IV tista' titniżżel fuq karta sempliċi permezz ta' sistemi ta' proċessar tad-data sakemm il-karti stampati riżultanti jkunu konformi mal-format tal-formoli li jinsabu fl-Annessi.
Artikolu 21
L-informazzjoni u d-dettalji l-oħra kkomunikati mill-awtorità li ssirilha talba għall-awtorità applikanti għandhom isiru bil-lingwa uffiċjali jew b'waħda mil-lingwi uffiċjali tal-pajjiż li fih tinsab l-awtorità li ssirilha t-talba.
ANNESS II
IL-KONVENZJONI TAL-20 TA' MEJJU 1987 DWAR PROĊEDURA KOMUNI TA' TRANŻITU
(Artikolu 4 tal-Appendiċi IV)
(Deskrizzjoni tal-awtorità applikanti, l-indirizz, in-numri tat-telefon, tal-posta elettronika u tal-kont bankarju, eċċ.) |
|
… (Post u data ta' meta ntbagħtet it-talba) |
|
|
… (Referenza tal-fajl tal-awtorità applikanti) |
Lil … (Isem l-awtorità li tintbagħtilha t-talba, il-kaxxa postali, il-post, eċċ.) … … |
|
(Spazju riżervat għall-awtorità li tintbagħilha t-talba) |
TALBA GĦALL-INFORMAZZJONI
Jien, hawn taħt iffirmat,
…
(isem u kariga uffiċjali)
filwaqt li naġixxi bħala l-aġent debitament awtorizzat mill-awtorità applikanti indikata hawn fuq, b'dan nitlob li tinkiseb l-informazzjoni li ġejja f'konformità mal-Artikolu 4 tal-Appendiċi IV tal-Konvenzjoni
Informazzjoni relatata mal-persuna kkonċernata (1 2) |
Informazzjoni relatata mat-talba/talbiet |
Informazzjoni mitluba |
||||||||||
|
{ |
Magħruf (*1 *2) Preżunt (*1 *2) |
|
|
||||||||
|
||||||||||||
L-awtoritajiet l-oħra li ssirilhom it-talba |
||||||||||||
|
… (Firma) (It-timbru uffiċjali) |
ANNESS III
IL-KONVENZJONI TAL-20 TA' MEJJU 1987 DWAR PROĊEDURA KOMUNI TA' TRANŻITU
(Artikolu 5 tal-Appendiċi IV)
(Deskrizzjoni tal-awtorità applikanti, l-indirizz, in-numri tat-telefon, tal-posta elettronika u tal-kont bankarju, eċċ.) |
|
… (Post u data ta' meta ntbagħtet it-talba) |
|
|
… (Referenza tal-fajl tal-awtorità applikanti) |
Lil … (Isem l-awtorità li tintbagħtilha t-talba, il-kaxxa postali, il-post, eċċ.) … … |
|
(Spazju riżervat għall-awtorità li tintbagħilha t-talba) |
TALBA GĦAL NOTIFIKA
Jien, hawn taħt iffirmat,
…
(isem u kariga uffiċjali)
filwaqt li naġixxi bħala l-aġent debitament awtorizzat mill-awtorità applikanti indikata hawn fuq, b'dan nitlob notifika, skont l-artikolu 5 tal-Appendiċi IV tal-Konvenzjoni tad-deċiżjoni dwar l-istrument li ġejja (*1 *2).
Informazzjoni relatata mal-persuna kkonċernata (1 2) |
Informazzjoni dwar is-suġġett tal-istrument (jew deċiżjoni) li ser jiġi nnotifikat |
Informazzjoni relatata mat-talba/talbiet |
Informazzjoni oħra |
||||||||||
|
{ |
Magħruf (*1 *2) Preżunt (*1 *2) |
|
|
|
||||||||
|
|||||||||||||
… (Firma) (It-timbru uffiċjali) |
ĊERTIFIKAT
Is-sottoskritt b'dan jiċċertifika:
— |
li l-istrument/deċiżjoni (*3) mehmuża mat-talba fil-paġna ta' wara jkunu ġew innotifikati lid-destinatarju msemmi fit-talba msemmija datata………… In-notifika saret b'dan il-mod (3) (*3):
|
— |
li l-istrument/deċiżjoni (*3) mehmuża mat-talba fil-paġna ta' wara ma kellhomx jiġu nnotifikati lid-destinatarju msemmi fit-talba msemmija għar-raġunijiet li ġejjin (*3):
|
(*1) ħassar kif meħtieġ
(1) Persuna fiżika jew ġuridika
(*2) ħassar kif meħtieġ
(2) Persuna fiżika jew ġuridika
(*3) Ħassar kif meħtieġ.
(3) Indika eżattament jekk in-notifika saritx lid-destinatarju personalment jew bi proċedura oħra.
ANNESS IV
IL-KONVENZJONI TAL-20 TA' MEJJU 1987 DWAR PROĊEDURA KOMUNI TA' TRANŻITU
(Artikolu 13 tal-Appendiċi IV)
(Deskrizzjoni tal-awtorità applikanti, l-indirizz, in-numri tat-telefon, tal-posta elettronika u tal-kont bankarju, eċċ.) |
|
… (Post u data ta' meta ntbagħtet it-talba) |
|
|
… (Referenza tal-fajl tal-awtorità applikanti) |
Lil … (Isem l-awtorità li tintbagħtilha t-talba, il-kaxxa postali, il-post, eċċ.) … … |
|
(Spazju riżervat għall-awtorità li tintbagħilha t-talba) |
TALBA GĦAL MIŻURI TA' RKUPRU/PREKAWZJONI LI GĦANDHOM JITTIEĦDU (*1)
Jien, hawn taħt iffirmat,
…
(isem u kariga uffiċjali)
filwaqt li naġixxi bħala l-aġent debitament awtorizzat mill-awtorità applikanti indikata hawn fuq, b'dan nitlob:
— |
l-irkupru tat-talba/talbiet li ġejjin koperti mill-unità ta' eżekuzzjoni mehmuża skont l-Artikolu 7 tal-Appendiċi IV tal-Konvenzjoni; il-kondizzjonijiet tal-Artikolu 7(2)(a) u (b) huma ssodisfati (*1), |
— |
miżuri ta' prekawzjoni li għandhom jittieħdu, skont l-Artikolu 13 tal-Appendiċi IV tal-Konvenzjoni fir-rigward tal-persuna msemmija hawn taħt rigward it-talba/talbiet koperta/i mill-unità ta' eżekuzzjoni mehmuża; Jiena nehmeż dikjarazzjoni tar-raġunijiet għal din it-talba (*1) |
Informazzjoni relatata mal-persuna kkonċernata (1) |
Informazzjoni relatata mat-talba/talbiet |
|||||||||||
Natura eżatta tat-talba/talbiet |
L-ammont espress fil-munita tal-pajjiż li fih tinsab l-awtorità tal-applikant |
L-ammont espress fil-munita tal-pajjiż li fih tinsab l-awtorità mitluba |
Rata tal-kambju użata |
Informazzjoni oħra |
||||||||
|
{ |
Magħruf (*1) Preżunt (*1) |
|
Ammont ta' kapital (2) |
|
Id-data meta l-infurzar isir possibbli Perijodi ta' limitazzjoni L-assi tad-debitur miżmuma minn parti terza |
||||||
… |
… |
|||||||||||
|
Ammont ta' mgħax sad-data tal-iffirmar ta' dan id-dokument (2) |
|||||||||||
… |
… |
|||||||||||
Ammont ta' spejjeż sad-data tal-iffirmar ta' dan id-dokument (2) |
||||||||||||
… (Firma) (It-timbru uffiċjali) |
||||||||||||
… |
… |
|||||||||||
Total |
||||||||||||
… |
… |
|||||||||||
Dettalji tad-dokumenti mehmuża |
(*1) Ħassar kif meħtieġ
(1) Persuna fiżika jew ġuridika
(2) Fejn l-unità tal-eżekuzzjoni hija ġenerali, indika l-ammonti tat-talbiet differenti