This document is an excerpt from the EUR-Lex website
Document 22006D0082
2006/82/EC: Decision No 1/2005 of the EU-Bulgaria Association Council of 9 March 2005 on the participation of Bulgaria in the Community system for the rapid exchange of information on dangers arising from the use of consumer products (RAPEX system) under Directive 2001/95/EC of the European Parliament and of the Council of 3 December 2001 on general product safety
Deċiżjoni Nru 1/2005 tal-Kunsill ta’ l-assoċjazzjoni UE-Bulgarija tad- 9 ta' Marzu 2005 dwar il-parteċipazzjoni tal-Bulgarija fis-sistema Komunitarja għall-iskambju rapidu ta' informazzjoni dwar il-perikli maħluqa mill-użu ta' prodotti għall-konsumatur (is-sistema RAPEX) taħt id-Direttiva 2001/95/KE tal-Parlament Ewropew u tal-Kunsill tat- 3 ta’ Diċembru 2001 dwar is-sigurtà ġenerali tal-prodotti
Deċiżjoni Nru 1/2005 tal-Kunsill ta’ l-assoċjazzjoni UE-Bulgarija tad- 9 ta' Marzu 2005 dwar il-parteċipazzjoni tal-Bulgarija fis-sistema Komunitarja għall-iskambju rapidu ta' informazzjoni dwar il-perikli maħluqa mill-użu ta' prodotti għall-konsumatur (is-sistema RAPEX) taħt id-Direttiva 2001/95/KE tal-Parlament Ewropew u tal-Kunsill tat- 3 ta’ Diċembru 2001 dwar is-sigurtà ġenerali tal-prodotti
ĠU L 40, 11.2.2006, p. 15–16
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 270M, 29.9.2006, p. 136–137
(MT)
In force
|
29.9.2006 |
MT |
Il-Ġurnal Uffiċjali ta’ l-Unjoni Ewropea |
136 |
DEĊIŻJONI Nru 1/2005 TAL-KUNSILL TA’ L-ASSOĊJAZZJONI UE-BULGARIJA
tad-9 ta' Marzu 2005
dwar il-parteċipazzjoni tal-Bulgarija fis-sistema Komunitarja ħall-iskambju rapidu ta' informazzjoni dwar il-perikli maħluqa mill-użu ta' prodotti għall-konsumatur (is-sistema RAPEX) taħt id-Direttiva 2001/95/KE tal-Parlament Ewropew utal-Kunsill tat-3 ta’ Diċembru 2001 dwar is-sigurtà ġenerali tal-prodotti
(2006/82/KE)
IL-KUNSILL TA’ L-ASSOĊJAZZJONI,
Wara li kkunsidra l-Ftehim Ewropew bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Bulgarija, min-naħa l-oħra, iffirmat fi Brussel fit-8 ta’ Marzu 1993, u b’mod partikolari l-Artikolu 93 tiegħu,
Wara li kkunsidra d-Direttiva 2001/95/KE (1) u b’mod partikolari l-Artikolu 12 tagħha,
Wara li kkunsidra l-ittra bid-data tat-28 ta’ Novembru 2003, indirizzata mill-Missjoni tar-Repubblika tal-Bulgarija għall-Komunitajiet Ewropej lid-Direttur-Ġenerali għas-Saħħa u l-Ħarsien tal-Konsumatur li talbet lill-Kummissjoni tibda l-proċeduri sabiex jingħata lill-Bulgarija aċċess għas-sistema RAPEX,
Billi:
|
(1) |
L-Artikolu 93 tal-Ftehim Ewropew jistabbilixxi li l-Partijiet għandhom jikkoperaw bil-għan li jilħqu kompatibbiltà sħiħa tas-sistemi tal-ħarsien tal-konsumatur fil-Bulgarija u fil-Komunità. Għal dan il-għan, il-koperazzjoni għandha tinkludi, fost affarijiet oħra u fil-limiti tal-possibilitajiet attwali, l-iskambju ta’ informazzjoni u l-aċċess għad-databases tal-Komunità. |
|
(2) |
L-Artikolu 12(4) tad-Direttiva 2001/95/KE jistabbilixxi li l-aċċess għar-RAPEX għandu jkun miftuħ għall-pajjiżi applikanti, fil-qafas tal-ftehim bejn il-Komunità u dawk il-pajjiżi, skond l-arranġamenti definiti f’dan il-ftehim. Kull ftehim ta’ din ix-xorta għandu jkun ibbażat fuq ir-reċiproċità u jinkludi dispożizzjonijiet dwar il-kunfidenzjalità li jikkorrispondu ma’ dawk applikabbli fil-Komunità. |
|
(3) |
L-Anness II tad-Direttiva 2001/95/KE jistabbilixxi l-proċeduri għall-applikazzjoni tar-RAPEX u l-Linji Gwidi għan-notifika. |
|
(4) |
Il-Kummissjoni adottat linji gwida għat-tmexxija tar-RAPEX, kif meħtieġ skond il-punt 8 ta’ l-ANNESS II tad-Direttiva fid-29 ta' April 2004 (2); |
|
(5) |
Il-Bulgarija ħadet sehem attiv, sa mill-bidu tagħha f'Mejju 1999, fis-sistema TRAPEX (Sistema transitorja għall-skambju rapidu ta' informazzjoni) li tirrepeti l-attivitajiet tar-RAPEX għall-pajjiżi applikanti, |
IDDEĊIEDA KIF ĠEJ:
Artikolu 1
Il-Bulgarija għandha tieħu sehem fis-sistema RAPEX bl-istess drittijiet u obbligi bħall-membri attwali, skond id-dispożizzjonijiet relevanti tad-Direttiva 2001/95/KE u l-linji gwida tar-RAPEX.
Artikolu 2
Il-Bulgarija għandha tapplika l-istess prinċipji ta’ kunfidenzjalità bħal dawk applikati mill-membri l-oħra tar-RAPEX.
Artikolu 3
B’koperazzjoni mas-servizzi tal-Kummissjoni, il-Bulgarija għandha tagħmel l-arranġamenti prattiċi meħtieġa sabiex tiżgura li tinsab f’pożizzjoni li tikkonforma b'mod sħiħ mar-rekwiżiti stabbiliti fid-Direttiva 2001/95/KE u l-proċeduri nklużi fil-linji gwida tar-RAPEX.
Il-Kummissjoni b’mod partikolari għandha tipprovdi t-taħriġ inizzjali għall-uffiċjali Bulgari fl-użu ta’ l-applikazzjoni tar-RAPEX.
Artikolu 4
Kwalunkwe problemi li jinqalgħu mill-applikazzjoni ta’ din id-Deċiżjoni għandhom jiġu solvuti permezz ta’ kuntatt dirett bejn is-servizzi tal-Kummissjoni u l-awtoritajiet tal-Bulgarija fil-kuntest tar-RAPEX. Kull meta dan ma jwassalx għal soluzzjoni aċċettabbli għaż-żewġ naħat, għandu jsir bdil ta' fehmiet fil-Kunsill ta’ l-Assoċjazzjoni fuq talba ta’ parti waħda fi żmien tliet xhur minn meta tkun saret it-talba.
Wara dan il-bdil ta’ fehmiet, jew wara li jiskadi l-perjodu msemmi fis-subparagrafu ta' hawn fuq, il-Kunsill ta' l-Assoċjazzjoni jista' jagħmel ir-rakkomandazzjonijiet xierqa biex dawn il-problemi jiġu solvuti.
Dawn il-proċeduri fil-Kunsill ta’ l-Assoċjazzjoni huma mingħajr preġudizzju għal kull azzjoni taħt il-liġijiet għall-ħarsien tal-konsumatur rispettivi li hemm fis-seħħ fit-territorju tal-Partijiet.
Artikolu 5
Din id-Deċiżjoni għandha tidħol fis-seħħ fil-jum li fih tkun ġiet adottata.
Magħmul fi Brussell, nhar id-9 ta' Marzu 2005.
Għall-Kunsill ta' l-Assoċjazzjoni
Il-President
J. ASSELBORN
(2) ĠU L 151, 30.4.2004, p. 86, kif ikkoreġut fil-ĠU L 208, 10.6.2004, p. 73.