This document is an excerpt from the EUR-Lex website
Document 01984L0500-20050520
Council Directive of 15 October 1984 on the approximation of the laws of the Member States relating to ceramic articles intended to come into contact with foodstuffs (84/500/EEC)
Consolidated text: Id-Direttiva tal-Kunsill tal-15 ta’ Ottubru 1984 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-oġġetti taċ-ċeramika maħsuba sabiex jiġu f’kuntatt ma’ l-oġġetti ta’ l-ikel (84/500/KEE)
Id-Direttiva tal-Kunsill tal-15 ta’ Ottubru 1984 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-oġġetti taċ-ċeramika maħsuba sabiex jiġu f’kuntatt ma’ l-oġġetti ta’ l-ikel (84/500/KEE)
1984L0500 — MT — 20.05.2005 — 001.002
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
ID-DIRETTIVA TAL-KUNSILL tal-15 ta’ Ottubru 1984 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-oġġetti taċ-ċeramika maħsuba sabiex jiġu f’kuntatt ma’ l-oġġetti ta’ l-ikel (ĠU L 277, 20.10.1984, p.12) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
DIRETTIVA TAL-KUMMISSJONI 2005/31/KE Test b’rilevanza ghaz-ZEE tad-29 ta’ April 2005 |
L 110 |
36 |
30.4.2005 |
|
Ikkoreġut b'
ID-DIRETTIVA TAL-KUNSILL
tal-15 ta’ Ottubru 1984
dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-oġġetti taċ-ċeramika maħsuba sabiex jiġu f’kuntatt ma’ l-oġġetti ta’ l-ikel
(84/500/KEE)
IL-KUNSILL TAL-KOMUNITAJIET EWROPEJ,
Wara li kkunsidra t-Trattat li jistabbilixxi l-Komunità Ekonomika Ewropea,
Wara li kkunsidra d-Direttiva tal-Kunsill 76/893/KEE tat-23 ta’ Novembru 1976 dwar l-approssimazzjoni tal-liġijiet ta’ l-Istati Membri li għandhom x’jaqsmu mal-materjali u l-oġġetti maħsuba sabiex jiġu f’kuntatt ma’ l-oġġetti ta’ l-ikel ( 1 ), u b’mod partikolari l-Artikolu 3 tagħha,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew ( 2 ),
Wara li kkunsidra l-opinjoni tal-Kumitat Ekonomiku u Soċjali ( 3 ),
Billi l-Artikolu 2 tad-Direttiva 76/893/KEE jipprovdi illi l-materjali u l-oġġetti ma għandhomx jittrasferixxu l-kostitwenti tagħhom għall-oġġetti ta’ l-ikel fi kwantitajiet li jistgħu jipperikolaw is-saħħa tal-bniedem;
Billi l-Artikolu 3 ta’ l-istess Direttiva jipprovdi illi l-Kunsill, skond il-proċedura pprovduta fl-Artikolu 100 tat-Trattat, għandu jadotta permezz ta’ Direttivi dispożizzjonijet speċjali li japplikaw għal ċerti gruppi ta’ materjali u oġġetti (Direttivi speċifiċi);
Billi fil-biċċa l-kbira ta’ l-Istati Membri l-oġġetti taċ-ċeramika maħsuba sabiex jiġu f’kuntatt ma’ l-oġġetti ta’ l-ikel huma bla ħsara għal dispożizzjonijiet mandatorji sabiex jipproteġu s-saħħa tal-bniedem li jistabilixxu l-limiti għall-kwantitajiet li jistgħu jiġu estratti taċ-ċomb u tal-kadmju;
Billi dawn id-dispożizzjonijiet ivarjaw minn Stat Membru għall-ieħor, biex b’hekk joħolqu ostakoli għall-istabbiliment u l-funzjonament tas-suq komuni;
Billi dawn l-ostakoli jistgħu jiġu eleminati jekk it-tqegħid ta’ l-oġġetti taċ-ċeramika fis-suq tal-Komunità jkun suġġett għal regoli uniformi; billi huwa għalhekk meħtieġ illi jiġu armonizzati l-valuri tal-limiti u l-metodi ta’ test u ta’ analiżi għal dawn l-oġġetti;
Billi l-istrument adatt għall-kisba ta’ dan il-għan huwa Direttiva speċifika fit-tifsira ta’ l-Artikolu 3 tad-Direttiva 76/893/KEE li d-dispożizzjonijiet ġenerali tagħha jsiru applikabbli wkoll f’dan il-każ partikolari;
Billi l-addattament għall-progress tekniku ta’ ċerti miżuri ta’ kontroll u analiżi pprovduti fid-Direttiva huwa miżura ta’ implimentazzjoni li l-adozzjoni tagħha għandha tkun fdata f’idejn il-Kummissjoni sabiex tiġi ssimplifikata u mħaffa l-proċedura;
Billi, fil-każijiet kollha fejn il-Kunsill jagħti poteri lill-Kummissjoni sabiex timplimenta d-dispożizzjonijiet li jirrigwardaw il-materjali u l-oġġetti maħsuba sabiex jidħlu f’kuntatt ma’ l-oġġetti ta’ l-ikel, għandha tiġi stabbilita proċedura biex tassigura l-kooperazzjoni mill-qrib bejn l-Istati Membri u l-Kummissjoni fil-Kumitat Permanenti ta’ l-Oġġetti ta’ l-Ikel stabbilit bid-Deċiżjoni tal-Kunsill tat-13 ta’ Novembru 1969,
ADOTTA DIN ID-DIRETTIVA:
L-Artikolu 1
1. Din id-Direttiva hija Direttiva speċifika fit-tifsira ta’ l-Artikolu 3 tad-Direttiva 76/893/KEE.
2. Din id-Direttiva tirrigwarda l-migrazzjoni possibbli taċ-ċomb u l-kadmju mill-oġġetti taċ-ċeramika li, fl-istat lest tagħhom, huma maħsuba biex jiġu f’kuntatt ma’ l-oġġetti ta’ l-ikel, jew li huma f’kuntatt ma’ l-oġġetti ta’ l-ikel, u huma maħsuba għal dan l-iskop.
3. “Oġġetti taċ-ċeramika” jfissru l-oġġetti ffabbrikati minn taħlita ta’ materjal inorganiku b’kontenut ġeneralment għoli ta’ l-arġilla jew tas-silika li magħhom ikunu setgħu ġew miżjuda kwantitajiet żgħar ta’ materjali organiċi. Dawn l-oġġetti huma l-ewwel mogħtija l-għamla u l-għamla hekk miksuba tiġi ffissata permanentament permezz tan-nar. Jistgħu jiġu mogħtija l-iżmalt, l-enamel u/jew dekorazzjoni.
L-Artikolu 2
1. Il-kwantitajiet taċ-ċomb u tal-kadmju ttrasferiti mill-oġġetti taċ-ċeramika ma għandhomx jaqbżu l-limiti stabbiliti hawn taħt.
2. Il-kwantitajiet taċ-ċomb u tal-kadmju ttrasferiti mill-oġġetti taċ-ċeramika għandhom jiġu stabbiliti permezz ta’ test, li l-kondizzjonijet tiegħu huma speċifikati fl-Anness I, bl-użu tal-metodu ta’ l-analiżi deskritt fl-Anness II.
3. Fejn L-artikolu taċ-ċeramika jikkonsisti minn reċipjent b’għatu taċ-ċeramika, il-limitu taċ-ċomb u/jew il-kadmju li ma jistax jaqbeż (il-mg/dm2 jew il-mg/litre) għandu jkun dak li japplika għar-reċipjent biss.
Ir-reċipjent waħdu u l-wiċċ tal-għatu fuq in-naħa ta’ ġewwa għandhom jiġu ttestjati separatament u taħt l-istess kondizzjonijiet.
Is-somma taż-żewġ livelli ta’ l-estrazzjoni taċ-ċomb u/jew tal-kadmju hekk miksuba għandha tkun relatata kif jixraq ma’ l-area tal-wiċċ jew mal-volum tar-reċipjent waħdu.
4. Oġġett taċ-ċeramika għandu jiġi rrikonoxxut bħala li jissodisfa l-ħtiġiet ta’ din id-Direttiva jekk il-kwantitajiet taċ-ċomb u/jew tal-kadmju estratti matul it-test imwettaq bil-kundizzjonijet stabbiliti fl-Annessi I u II ma jaqbżux il-limiti li ġejjin:
|
Il-Pb |
Il-Cd |
|
|
— Il-Kategorija 1: |
||
|
L-oġġetti li ma jistgħux jiġu mimlija u l-oġġetti li jistgħu jiġu mimlija, li l-fond intern tagħhom, imkejjel mill-iktar punt baxx sal-pjan orizzontali li jgħaddi mix-xifer ta’ fuq, ma jaqbiżx il-25mm |
0,8 mg/dm2 |
0,07 mg/dm2 |
|
— Il-Kategorija 2: |
||
|
L-oġġetti l-oħra kollha li jistgħu jiġu mimlija |
4,0 mg/l |
0,3 mg/l |
|
— Il-Kategorija 3: |
||
|
L-oġġetti tat-tisjir; ir-reċipjenti ta’ l-imballaġġ u tal-ħażna li għandhom kapaċità ta’ iżjed minn tliet litri |
1,5 mg/l |
0,1 mg/l |
5. Madanakollu, fejn oġġett taċ-ċeramika ma jaqbiżx il-kwantitajiet ta’ hawn fuq b’iżjed minn 50 %, dak l-oġġett għandu xorta waħda jiġi rrikonoxxut bħala li jissodisfa l-ħtiġiet ta’ din id-Direttiva jekk mill-inqas tliet oġġetti oħra ta’ l-istess għamla, dimensjoni, dekorazzjoni u żmalt ikunu soġġetti għal test imwettaq taħt il-kondizzjonijet stabbiliti fl-Annessi I u II u jekk il-kwantitajiet medji taċ-ċomb u/jew tal-kadmju estratti minn dawk l-oġġetti ma jaqbżux il-limiti stabbiliti, bl-ebda waħda minn dawn l-oġġetti ma taqbeż dawn il-limiti b’iktar minn 50 %.
L-Artikolu 2a
1. Fl-istadju ta’ tqegħid fuq is-suq sa meta u inkluż l-istadju tal-bejgħ, oġġetti taċ-ċeramika li mhumiex diġa’ f’kuntatt ma’ l-oġġetti ta’ l-ikel, għandhom ikunu akkumpanjati minn dikjarazzjoni bil-miktub skond l-Artikolu 16 tar-Regolament (KE) Nru 1935/2004 ( 4 ).
Dik id-dikjarazzjoni għandha tkun maħruġa mill-produttur jew minn bejjiegħ stabbilit fil-Komunità u tinkludi l-informazzjoni stipolata fl-Anness III ta’ din id-Direttiva.
2. Dokumentazzjoni xierqa li turi li l-oġġetti taċ-ċeramika huma konformi mal-limiti ta’ migrazzjoni għaċ-ċomb u għall-kadmju stipolati fl-Artikolu 2 trid tkun disponibbli minn għand il-produttur jew l-importatur lejn il-Komunità għall-awtoritajiet nazzjonali kompetenti meta jkun hemm rikjesta. Din id-dokumentazzjoni għandha jkun fiha r-riżultati ta’ l-analiżi, il-kondizzjonijiet tat-testjar u l-isem u indirizz tal-laboratorju fejn sar it-testjar.
L-Artikolu 3
L-emendi li għandhom isiru lill-Annessi fid-dawl ta’ l-iżviluppi fil-tagħrif xjentifiku u tekniku, bl-eċċezzjoni tat-taqsimiet 1 u 2 ta’ l-Anness I, għandhom jiġu adottati bi qbil mal-proċedura stabbilita fl-Artikolu 10 tad-Direttiva 76/893/KEE.
L-Artikolu 4
1. Fi żmien tliet snin min-notifika ( 5 ) ta’ din id-Direttiva, il-Kunsill għandu jistabbilixxi skond il-proċedura stabbilita fl-Artikolu 100 tat-Trattat:
(a) il-limitazzjonijet li għandhom jiġu imposti fuq dawk iż-żoni ta’ l-oġġetti taċ-ċeramika li magħhom ikun maħsub li jagħmel kuntatt il-ħalq;
(b) il-metodi sabiex jiġi kkontrollat illi hemm konformità mal-limitazzjonijiet ipprovduti fis-subparagrafu (a).
2. Fl-istess perjodu taż-żmien, il-Kummissjoni għandha, fuq il-bażi ta’ data tossikoloġika u teknoloġika, terġa’ teżamina l-limiti stabbiliti fl-Artikolu 2, bil-ħsieb li tnaqqashom, u l-kondizzjonijiet tad-dawl għat-test speċifikat fl-Anness I, u għandha, jekk xieraq, tissottometti proposti lill-Kunsill sabiex id-Direttiva tiġi emendata.
L-Artikolu 5
1. L-Istati Membri għandhom, jekk meħtieġ, jemendaw il-liġijiet nazzjonali tagħhom sabiex jikkonformaw ma’ din id-Direttiva hekk illi:
— tliet snin wara n-notifika ta’ din id-Direttiva, jiġi permess il-kummerċ fl-oġġetti taċ-ċeramika li jikkonformaw mad-dispożizzjonijiet tagħha,
— ħames snin wara n-notifika ta’ din id-Direttiva, jiġi pprojbit it-tqegħid fis-suq ta’ l-oġġetti taċ-ċeramika li m’huniex konformi mad-dispożizzjonijiet tagħha.
Huma għandhom jgħarrfu lill-Kummissjoni b’kull emenda bħal din minnufih.
2. Mingħajr preġudizzju għall-paragrafu 1, l-Istati Membri jistgħu jipprojbixxu jew jissoktaw jipprojbixxu l-fabbrikazzjoni ta’ l-oġġetti taċ-ċeramika li ma jikkonformawx ma’ din id-Direttiva.
L-Artikolu 6
Din id-Direttiva hija indirizzata lill-Istati Membri.
L-ANNESS I
REGOLI BAŻIĊI SABIEX TIĠI DETERMINATA L-MIGRAZZJONI TAĊ-ĊOMB U L-KADMJU
1. It-test likwidu (“simulant”)
4 % (v/v) ta’ aċidu aċetiku, f’soluzzjoni mħejjija friska milwiema.
2. Il-kondizzjonijiet tat-test
|
2.1. |
Wettaq it-test f’temperatura ta’ 22 ± 2 °Ċ għal tul taż-żmien ta’ 24 ± 0,5 sigħat. |
|
2.2. |
Meta għandha tiġi ddeterminata l-migrazzjoni taċ-ċomb, għatti l-kampjun permezz ta’ mezzi adatti u esponih fil-kondizzjonijiet tas-soltu tad-dawl f’laboratorju. Meta għandha tiġi ddeterminata il-migrazzjoni tal-kadmju jew taċ-ċomb u l-kadmju, għatti l-kampjun hekk li jiġi żgurat illi l-wiċċ li jrid jiġi ttestjat jinżamm fi dlam ċappa. |
3. Il-mili
3.1. Il-kampjuni li jistgħu jiġu mimlija
Imla l-oġġett b’soluzzjoni ta’ 4 % (v/v) ta’ aċidu aċetiku sal-livell ta’ mhux aktar minn 1 mm mill-punt fejn ifur; id-distanza tiġi mkejla mix-xifer ta’ fuq tal-kampjun.
Il-kampjuni b’xifer ċatt jew ftit immejjel għandhom jiġu mimlija hekk illi d-distanza bejn il-wiċċ tal-likwidu u l-punt fejn ifur ma tkunx iżjed minn 6 mm imkejla matul ix-xifer immejjel.
3.2. Il-kampjuni li ma jistgħux jiġu mimlija
Il-wiċċ tal-kampjun li ma jkunx maħsub li jiġi f’kuntatt ma’ l-oġġetti ta’ l-ikel jiġi l-ewwel imgħotti b’saff protettiv adatt li kapaċi jirreżisti l-azzjoni tas-soluzzjoni ta’ 4 % (v/v) ta’ aċidu aċetiku. Il-kampjum jiġi mbagħad imgħaddas f’reċipjent li jkun fih volum magħruf tas-soluzzjoni ta’ l-aċidu aċetiku hekk illi l-wiċċ maħsub biex jiġi f’kuntatt ma’ l-oġġetti ta’ l-ikel ikun imgħotti għal kollox bil-likwidu tat-test.
4. Id-determinazzjoni ta’ l-area tal-wiċċ
L-area tal-wiċċ ta’ l-oġġetti fil-kategorija I hija ugwali għall-area tal-wiċċ tal-menusku ffurmat bil-wiċċ tal-likwidu ħieles miksub b’konformità mal-ħtiġiet tal-mili stabbiliti fit-taqsima 3 ta’ hawn fuq.
ANNESS II
METODI TA’ ANALIŻI GĦAL KIF GĦANDHA TKUN DETERMINATA L-MIGRAZZJONI TAĊ-ĊOMB U TAL-KADMJU
1. Għan u ambitu ta’ l-applikazzjoni
Il-metodu jwassal għad-determinazzjoni tal-migrazzjoni speċifika taċ-ċomb u tal-kadmju.
2. Prinċipju:
Id-determinazzjoni tal-migrazzjoni speċifika taċ-ċomb u/jew tal-kadmju issir permezz ta’ tagħmir apposta għall-metodu analitiku li jilħaq il-kriterji ta’ rendiment stipolati f’ paragrafu 4.
3. Sustanzi Reaġenti
— Kull sustanza reaġenti għandha tkun ta’ kwalità analitika, sakemm huwa speċifikat mod ieħor.
— Fejn issir referenza għall-ilma, din tfisser dejjem ilma distillat jew ilma ta’ kwalità ekwivalenti.
3.1. 4 % (v/v) ta’ aċdu etanojku, f' soluzzjoni akweja
Żid 40 ml ta’ aċdu etanojku solidu ma’ l-ilma sa livell ta' 1 000 ml.
3.2. Soluzzjonijiet ta' stokk
Ipprepara soluzzjonijiet ta' stokk li fihom 1 000 mg/litru ta’ ċomb u mill-inqas 500 mg/litru ta’ kadmju rispettivament f’soluzzjoni ta’ 4 % ta’ aċdu etanojku (3.1).
4. Kriterji ta’ rendiment tal-metodu ta’ analiżi bit-tagħmir
4.1. Il-limitu taċ-ċomb u tal-kadmju misjub għandu jkun l-istess jew inqas minn:
— 0,1 mg/litru għaċ-ċomb,
— 0,01 mg/litru għall-kadmju.
Il-limitu huwa definit bħala l-konċentrazzjoni ta’ l-elementi fl-aċdu etanojku ta’ 4 % (3.1) li jagħti sinjal ekwivalenti għad-doppju ta’ dak li jiġbor l-istrument mill-kondizzjonijiet ta' madwar il-kampjun tat-testjar.
4.2. Il-limitu tal-kwantifikazzjoni taċ-ċomb u tal-kadmju għandu jkun l-istess jew inqas minn:
— 0,2 mg/litru għaċ-ċomb,
— 0,02 mg/litru għall-kadmju.
4.3. Rkupru. Il-materjal irkuprat taċ-ċomb u tal-kadmju li ġew miżjuda ma’ l-aċdu etanojku ta’ konċentrazzjoni ta’ 4 % għandu jinstab bejn 80-120 % ta’ l-ammont użat
4.4. Speċifiċità. Il-metodu strumentali ta’ l-analiżi użat għandu jkun ħieles minn interferenzi li huma ta’ natura matriċi u spettrali.
5. Metodu
5.1. Preparazzjoni tal-kampjun
Il-kampjun għandu jkun nadif u ħieles minn xaħmijiet jew materjali oħra li jistgħu jaffetwaw it-test.
Aħsel il-kampjun f'soluzzjoni ta’ deterġent likwidu tad-dar f’temperatura ta' bejn wieħed u ieħor 40 °C. Laħlaħ il-kampjun l-ewwel fl-ilma tal-vit u wara fl-ilma distillat jew f’ilma ta’ kwalità ekwivalenti. Neħħi l-ilma u nixxef sabiex jiġu evitat t-tbajja'. Il-wiċċ li għandu jiġi ttestjat m’għandhux jintmess bl-idejn wara li jkun tnaddaf.
5.2. Determinazzjoni taċ-ċomb u/jew il-kadmju
— Il-kampjun ippreparat kif spjegat għandu jiġi ttestjat skond il-kondizzjonijiet stipolati fl-Anness I.
— Qabel ma tieħu s-soluzzjoni għall-analiżi għall-preżenza taċ-ċomb u/jew tal-kadmju, omoġenizza l-kontenut tal-kampjun permezz ta’ metodu xieraq, li jevita kull xorta ta’ telf tas-soluzzjoni jew ta’ abrażjoni tal-wiċċ li huwa ttestjat.
— Agħmel test mingħajr kampjun fuq is-sustanza reaġenti użata għal kull serje ta’ l-analiżi.
— Żvolġi l-analiżi għall-preżenza taċ-ċomb u tal-kadmju skond kondizzjonijiet xierqa.
ANNESS III
DIKJARAZZJONI TA’ KONFORMITÀ
Id-dikjarazzjoni bil-miktub msemmija fl-Artikolu 2a(1) għandha jkollha l-informazzjoni li ġejja:
1. L-identità u l-indirizz tal-kumpanija li tipproduċi l-oġġett taċ-ċeramika fi stat lest u ta’ l-importatur li jimportah fl-Unjoni Ewropea
2. L-Identità ta’ l-oġġett
3. Id-data tad-dikjarazzjoni
4. Konferma li l-oġġett taċ-ċeramika jilħaq il-kondizzjonijiet rilevanti ta’ din id-Direttiva u tar-Regolament (KE) Nru 1935/2004.
Id-dikjarazzjoni bil-miktub għandha tippermetti identifikazzjoni mingħajr diffikoltà ta’ l-oġġetti li tirreferi għalihom u għandha tiġġedded meta bidliet sostanzjali fil-produzzjoni jwasslu għall-bidla fil-migrazzjoni taċ-ċomb u tal-kadmju.
( 1 ) ĠU L 340, tad-9.12.1976, p. 19.
( 2 ) ĠU C 95, tat-28.4.1975, p. 41.
( 3 ) ĠU C 263, tas-17.11.1975, p. 66.
( 4 ) ĠU L 338, 13.11.2004, p. 4.
( 5 ) Din id-Direttiva kienet innotifikata lill-Istati Membri fis-17 ta’ Ottubru 1984.