52018AR4007

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52018AR4007 - EN

Document 52018AR4007

Help

Opinjoni tal-Kumitat Ewropew tar-Reġjuni — Fond għall-Migrazzjoni u l-Ażil

COR 2018/04007

ĠU C 461, 21.12.2018, p. 147–155 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

21.12.2018

Il-Ġurnal Uffiċjali tal-Unjoni Ewropea

C 461/147

Opinjoni tal-Kumitat Ewropew tar-Reġjuni — Fond għall-Migrazzjoni u l-Ażil

(2018/C 461/13)

Relatur Ġenerali:

Peter BOSSMAN (SL/PSE), Sindku tal-Muniċipalità ta’ Piran

Dokument ta’ referenza:

Proposta għal Regolament tal-Parlament Ewropew u l-Kunsill li jistabbilixxi l-Fond għall-Ażil u l-Migrazzjoni;

COM(2018) 471 final

I. RAKKOMANDAZZJONIJIET SABIEX JITRESSQU L-EMENDI

Emenda 1

COM(2018) 471 final, Premessa 42

Test propost mill-Kummissjoni

Emenda

Sabiex tissaħħaħ il-kapaċità tal-Unjoni li tindirizza minnufih pressjoni migratorja qawwija mhux prevista jew disproporzjonali fi Stat Membru wieħed jew aktar ikkaratterizzata minn influss kbir jew sproporzjonat ta’ ċittadini ta’ pajjiż terz, li tpoġġi piżijiet sinifikanti u eżigenzi urġenti fuq il-faċilitajiet ta’ akkoljenza u detenzjoni tagħhom, is-sistemi u l-proċeduri tal-ġestjoni tal-ażil u tal-migrazzjoni, pressjonijiet migratorji qawwija f’pajjiżi terzi minħabba żviluppi jew kunflitti politiċi, jenħtieġ li jkun possibbli li tiġi pprovduta assistenza ta’ emerġenza skont il-qafas stabbilit f’dan ir-Regolament.

Sabiex tissaħħaħ il-kapaċità tal-Unjoni li tindirizza minnufih pressjoni migratorja qawwija mhux prevista jew disproporzjonali fi Stat Membru wieħed jew aktar ikkaratterizzata minn influss kbir jew sproporzjonat ta’ ċittadini ta’ pajjiż terz, speċjalment fir-rigward ta’ persuni vulnerabbli, bħall-minorenni mhux akkumpanjati, li tpoġġi piżijiet sinifikanti u eżigenzi urġenti fuq il-faċilitajiet ta’ akkoljenza u detenzjoni tagħhom, is-sistemi u l-proċeduri tal-ġestjoni tal-ażil u tal-migrazzjoni, pressjonijiet migratorji qawwija f’pajjiżi terzi minħabba żviluppi jew kunflitti politiċi, jenħtieġ li jkun possibbli li tiġi pprovduta assistenza ta’ emerġenza u għajnuna għall-ħolqien ta’ infrastruttura skont il-qafas stabbilit f’dan ir-Regolament.

Raġuni

Jenħtieġ li tinfetaħ linja ta’ finanzjament urġenti li tippermetti li jiġu indirizzati sitwazzjonijiet fejn l-Istati Membri ma jkunux jifilħu għall-isfida kkawżata mill-wasla ta’ persuni vulnerabbli minn pajjiżi terzi, speċjalment minorenni mhux akkumpanjati, li jeħtieġu miżuri speċifiċi.

Emenda 2

COM(2018) 471 final, Artikolu 3.2

Test propost mill-Kummissjoni

Emenda tal-KtR

Fl-għan tal-politika stabbilit fil-paragrafu 1, il-Fond għandu jikkontribwixxi għall-għanijiet speċifiċi li jmiss:

(a)	it-tisħiħ u l-iżvilupp tal-aspetti kollha tas-Sistema Ewropea Komuni tal-Ażil, inkluża d-dimensjoni esterna tagħha;

(a)	it-tisħiħ u l-iżvilupp tal-aspetti kollha tas-Sistema Ewropea Komuni tal-Ażil, inkluża d-dimensjoni esterna tagħha;

(b)	l-appoġġ għall-migrazzjoni legali lejn l-Istati Membri inkluż għall-kontrobuzzjoni tal-integrazzjoni ta’ ċittadini ta’ pajjiżi terzi;

(b)	l-appoġġ għall-migrazzjoni legali lejn l-Istati Membri inkluż il-kontribut għall-integrazzjoni ta’ ċittadini ta’ pajjiżi terzi u jiġu stabbiliti l-mezzi li jippermettu li din l-integrazzjoni ssir b’mod ordnat u sigur ;

(c)	il-kontribut lejn il-ġlieda kontra l-migrazzjoni irregolari u l-iżgurar tal-effettività ta’ ritorn u r-riammissjoni fil-pajjiżi terzi.

(c)	il-kontribut kontra l-migrazzjoni irregolari u l-iżgurar tal-effettività tar-ritorn u r-riammissjoni fil-pajjiżi terzi filwaqt li jkun żgurat ir-rispett tad-drittijiet tal-bniedem;

(d)	it-titjib tas-solidarjetà u l-kondiviżjoni tar-responsabbiltà bejn l-Istati Membri, b’mod partikolari lejn dawk l-aktar milquta mill-flussi migratorji u tal-ażil, inkluż permezz tal-kooperazzjoni prattika.

Raġuni

Dan l-għan speċifiku huwa inkluż fir-Regolament AMIF attwali u għandu jiġi ddikjarat espressament bħala għan speċifiku tar-Regolament AMF futur.

Emenda 3

COM(2018) 471 final, Artikolu 8

Abbozz ta’ opinjoni:

Emenda

Test propost mill-Kummissjoni

Baġit

1. Il-pakkett finanzjarju għall-implimentazzjoni tal-Fond għall-perjodu 2021-2027 għandu jkun ta’ EUR 10 415 000 000 fi prezzijiet attwali.

1. Il-pakkett finanzjarju għall-implimentazzjoni tal-Fond għall-perjodu 2021-2027 għandu jkun ta’ EUR 16 188 000 000 fi prezzijiet attwali.

2. Ir-riżorsi finanzjarji għandhom jintużaw kif ġej:

(a)	EUR 6 249 000 000 għandhom jiġu allokati għall-programmi implimentati b’ġestjoni kondiviża;;

(a)	EUR 10 790 000 000 għandhom jiġu allokati għall-programmi implimentati b’ġestjoni kondiviża;;

(b)	EUR 4 166 000 000 għandhom jiġu allokati għall-faċilità tematika.

(b)	EUR 5 398 000 000 għandhom jiġu allokati għall-faċilità tematika.

3. Sa 0,42 % tal-pakkett finanzjarju għandhom jiġu allokati għall-assistenza teknika bl-inizjattiva tal-Kummissjoni kif imsemmi fl-Artikolu 29 tar-Regolament (UE) xx/xx [ir-Regolament dwar Dispożizzjonijiet Komuni].

Raġuni

Iż-żieda proposta għall-migrazzjoni u l-ażil tkun tirrifletti iż-żieda ta’ 2,4 darbiet f’finanzjament allokat għall-kontroll tal-fruntieri esterni u tirrifletti l-fatt li fil-proposti attwali mhi prevista ebda żieda f’approprjazzjonijiet ta’ finanzjament taħt l-FSE+ għall-kompitu ġdid ta’ integrazzjoni fit-tul.

Emenda 4

COM(2018) 471 final, Artikolu 9.1

Test propost mill-Kummissjoni

Emenda tal-KtR

(…) Il-finanzjament mill-faċilità tematika għandu jintuża għall-komponenti tiegħu:

(a)	azzjonijiet speċifiċi;

(a)	azzjonijiet speċifiċi;

(b)	azzjonijiet tal-Unjoni;

(b)	azzjonijiet tal-Unjoni;

(c)	assistenza ta’ emerġenza;

(c)	assistenza ta’ emerġenza;

(d)	risistemazzjoni;

(d)	risistemazzjoni;

(e)	appoġġ lil Stati Membri li jikkontribwixxu għall-isforzi ta’ solidarjetà u responsabbiltà; kif ukoll

(e)	appoġġ lil Stati Membri li jikkontribwixxu għall-isforzi ta’ solidarjetà u responsabbiltà; kif ukoll

(f)	In-Netwerk Ewropew dwar il-Migrazzjoni.

(f)	In-Netwerk Ewropew dwar il-Migrazzjoni;

(g)	In-Netwerks Ewropej dwar l-integrazzjoni tal-awtoritajiet lokali u reġjonali .

(….)

Raġuni

L-awtoritajiet lokali u reġjonali jaqdu rwol kruċjali fl-integrazzjoni tal-migranti, li huwa komponent essenzjali tal-politiki ta’ migrazzjoni.

Emenda 5

COM(2018) 471 final, Artikolu 9.6

Test propost mill-Kummissjoni	Emenda tal-KtR
Il-faċilità tematika għandha b’mod partikolari tappoġġa l-azzjonijiet li jaqgħu taħt il-miżura ta’ implimentazzjoni 2(b) tal-Anness II li huma implimentati mill-awtoritajiet lokali u reġjonali jew mill-organizzazzjonijiet ċivili.	Il-faċilità tematika għandha b’mod partikolari tappoġġa l-azzjonijiet li jaqgħu taħt il-miżura ta’ implimentazzjoni 2(b) tal-Anness II li huma implimentati mill-awtoritajiet lokali u reġjonali jew mill-organizzazzjonijiet ċivili. Tal-anqas 30 % tal-finanzjament minn faċilità tematika għandhom jiġu allokati għal dan il-għan.

Raġuni

L-awtoritajiet lokali u reġjonali jaqdu rwol kruċjali fl-integrazzjoni tal-migranti, li huwa komponent essenzjali tal-politiki dwar il-migrazzjoni.

Emenda 6

COM(2018) 471 final, Artikolu 13.1

Test propost mill-Kummissjoni

Emenda tal-KtR

Kull Stat Membru għandu jiżgura li l-prijoritajiet indirizzati fil-programm tiegħu huma konsistenti ma’ u jwieġbu għall-prijoritajiet u l-isfidi tal-Unjoni fil-qasam tal-ġestjoni tal-migrazzjoni u huma f’konformità sħiħa mal-acquis rilevanti tal-Unjoni u li jaqblu mal-prijoritajiet tal-Unjoni. Fl-istabbiliment tal-prijoritajiet tal-programmi tagħhom l-Istati Membri għandhom jiżguraw li l-miżuri ta’ implimentazzjoni stabbiliti fl-Anness II jiġu indirizzati b’mod adegwat.

Kull Stat Membru għandu jalloka tal-anqas 20 % mir-riżorsi fil-programm tiegħu għall-objettiv speċifiku msemmi fil-punt (a) tal-ewwel subparagrafu tal-Artikolu 3(2) u tal-anqas 20 % għall-objettiv speċifiku msemmi fil-punt (b) tal-ewwel subparagrafu tal-Artikolu 3(2). L-Istati Membri jistgħu jiddevjaw minn dawk il-perċentwali minimi biss fejn tiġi inkluża spjegazzjoni dettaljata fil-programm nazzjonali għalfejn l-allokazzjoni tar-riżorsi taħt dan il-livell ma tipperikolax il-kisba ta ’ dan l-objettiv. Fir-rigward tal-objettiv speċifiku msemmi fil-punt (a) tal-ewwel subparagrafu tal-Artikolu 3(2), dawk l-Istati Membri li jiltaqgħu ma ’ nuqqasijiet strutturali fil-qasam tal-akkomodazzjoni, l-infrastruttura u s-servizzi ma għandhomx jaqgħu taħt il-perċentwal minimu stabbilit f ’ dan ir-Regolament;

Raġuni

L-AMF għandu jappoġġja soluzzjonijiet dejjiema għall-migrazzjoni u jiżgura l-konsistenza mal-prijoritajiet miftiehma mill-Istati Membri fil-livell tal-UE. L-iżgurar ta’ approprjazzjonijiet minimi għall-bini ta’ sistema ta’ ażil li tiffunzjona (Artikolu 3(2)(a)) u għall-iżvilupp ta’ rotot legali ta’ migrazzjoni u appoġġ għall-integrazzjoni (Artikolu 3(2)(b)) se jikkontribwixxi għall-kisba tal-objettiv ta’ politika ta’ dan il-fond (ġestjoni effiċjenti tal-flussi migratorji).

Il-kliem propost jikkorrispondi mal-kliem tar-Regolamenti attwali tal-AMIF.

Emenda 7

COM(2018) 471 final, Artikolu 13.7

Test propost mill-Kummissjoni

Emenda tal-KtR

L-Istati Membri għandhom b’mod partikolari jfittxu l-azzjonijiet eliġibbli għal kofinanzjament ogħla fl-Anness IV. Fil-każ ta’ ċirkostanzi mhux previsti jew ċirkostanzi ġodda, jew biex tiġi żgurata l-implimentazzjoni effettiva tal-finanzjament, il-Kummissjoni għandha tingħata s-setgħa li tadotta atti delegati f’konformità mal-Artikolu 32 biex temenda l-lista ta’ azzjonijiet għal kofinanzjament ogħla kif elenkat fl-Anness IV.

L-Istati Membri għandhom b’mod partikolari jfittxu l-azzjonijiet eliġibbli għal kofinanzjament ogħla fl-Anness IV. L-Istati Membri li ma jsegwux dawn l-azzjonijiet għandhom jinkludu spjegazzjoni dettaljata fil-programmi nazzjonali dwar kif se jiżguraw li din l-għażla ma’ tipperikolax l-ilħuq tal-għanijiet speċifiċi tal-AMF . Fil-każ ta’ ċirkostanzi mhux previsti jew ċirkostanzi ġodda, jew biex tiġi żgurata l-implimentazzjoni effettiva tal-finanzjament, il-Kummissjoni għandha tingħata s-setgħa li tadotta atti delegati f’konformità mal-Artikolu 32 biex temenda l-lista ta’ azzjonijiet għal kofinanzjament ogħla kif elenkat fl-Anness IV.

Raġuni

L-istess bħal Emenda 6.

Emenda 8

COM(2018) 471 final, Artikolu 21

Test propost mill-Kummissjoni	Emenda tal-KtR
1. Il-Fond għandu jappoġġa n-Netwerk Ewropew dwar il-Migrazzjoni u jipprovdi l-assistenza finanzjarja meħtieġa għall-attivitajiet u l-iżvilupp futur tiegħu.	1. Il-Fond għandu jappoġġa n-Netwerk Ewropew dwar il-Migrazzjoni u jipprovdi l-assistenza finanzjarja meħtieġa għall-attivitajiet u l-iżvilupp futur tiegħu.
2. L-ammont disponibbli għan-Netwerk Ewropew dwar il-Migrazzjoni taħt l-approprjazzjonijiet annwali tal-Fond u l-programm ta’ ħidma li jistabbilixxi l-prijoritajiet għall-attivitajiet tiegħu għandhom ikunu adottati mill-Kummissjoni, wara l-approvazzjoni mill-Bord ta’ Tmexxija b’ konformità mal-Artikolu 4(5)(a) tad-Deċiżjoni 2008/381/KE (kif emendata). Id-deċiżjoni tal-Kummissjoni għandha tikkostitwixxi deċiżjoni dwar finanzjament skont l-Artikolu [110] tar-Regolament Finanzjarju. Biex tiżgura d-disponibbiltà fil-ħin ta’ riżorsi, il-Kummissjoni tista’ tadotta l-programm ta’ ħidma għan-Netwerk Ewropew dwar il-Migrazzjoni f’deċiżjoni ta’ finanzjament separata.	2. L-ammont disponibbli għan-Netwerk Ewropew dwar il-Migrazzjoni taħt l-approprjazzjonijiet annwali tal-Fond u l-programm ta’ ħidma li jistabbilixxi l-prijoritajiet għall-attivitajiet tiegħu għandhom ikunu adottati mill-Kummissjoni, wara l-approvazzjoni mill-Bord ta’ Tmexxija b’ konformità mal-Artikolu 4(5)(a) tad-Deċiżjoni 2008/381/KE (kif emendata). Id-deċiżjoni tal-Kummissjoni għandha tikkostitwixxi deċiżjoni dwar finanzjament skont l-Artikolu [110] tar-Regolament Finanzjarju. Biex tiżgura d-disponibbiltà fil-ħin ta’ riżorsi, il-Kummissjoni tista’ tadotta l-programm ta’ ħidma għan-Netwerk Ewropew dwar il-Migrazzjoni f’deċiżjoni ta’ finanzjament separata.
3. Assistenza finanzjarja pprovduta għall-attivitajiet tan-Netwerk Ewropew dwar il-Migrazzjoni għandha tieħu l-forma ta’ għotjiet lill-punti ta’ kuntatt nazzjonali msemmijin fl-Artikolu 3 tad-Deċiżjoni 2008/381/KE u kuntratti pubbliċi kif ikun xieraq, f’konformità mar-Regolament Finanzjarju.	3. Assistenza finanzjarja pprovduta għall-attivitajiet tan-Netwerk Ewropew dwar il-Migrazzjoni għandha tieħu l-forma ta’ għotjiet lill-punti ta’ kuntatt nazzjonali msemmijin fl-Artikolu 3 tad-Deċiżjoni 2008/381/KE u kuntratti pubbliċi kif ikun xieraq, f’konformità mar-Regolament Finanzjarju.
	4. Il-Fond għandu jappoġġja n-netwerks Ewropej dwar l-integrazzjoni tal-awtoritajiet lokali u reġjonali.

Raġuni

L-istess bħall-emenda 4.

Emenda 9

COM(2018) 471 final, Artikolu 26.1

Test propost mill-Kummissjoni

Emenda tal-KtR

Il-Fond għandu jipprovdi assistenza finanzjarja biex jindirizza ħtiġijiet urġenti u speċifiċi fil-każ ta’ sitwazzjoni ta’ emerġenza li tirriżulta minn wieħed jew aktar minn dawn li jmiss:

Il-Fond għandu jipprovdi assistenza finanzjarja biex jindirizza ħtiġijiet urġenti u speċifiċi bħal pereżempju l-ħolqien ta’ infrastrutturi fil-każ ta’ sitwazzjoni ta’ emerġenza li tirriżulta minn wieħed jew aktar minn dawn li jmiss:

(a)

Pressjoni migratorja qawwija fi Stat Membru jew ieħor ikkaratterizzata minn influss kbir jew sproporzjonat ta’ ċittadini ta’ pajjiżi terzi, li jpoġġi pressjoni sinifikanti u talbiet urġenti fuq il-faċilitajiet ta’ lqugħ u detenzjoni, u s-sistemi u proċeduri ta’ ġestjoni ta’ ażil u migrazzjoni tagħhom.

(a)

Pressjoni migratorja qawwija fi Stat Membru jew ieħor ikkaratterizzata minn influss kbir jew sproporzjonat ta’ ċittadini ta’ pajjiżi terzi, speċjalment fir-rigward ta’ persuni vulnerabbli, bħall-minorenni mhux akkumpanjati, li jpoġġi pressjoni sinifikanti u talbiet urġenti fuq il-faċilitajiet ta’ lqugħ u detenzjoni, u s-sistemi u proċeduri ta’ ġestjoni ta’ ażil u migrazzjoni tagħhom.

(b)	l-implimentazzjoni ta’ mekkaniżmi ta’ protezzjoni temporanji fis-sens tad-Direttiva 2001/55/KE;

(b)	l-implimentazzjoni ta’ mekkaniżmi ta’ protezzjoni temporanji fis-sens tad-Direttiva 2001/55/KE;

(c)	Pressjoni migratorja qawwija f’pajjiżi terzi, inkluż fejn persuni fil-bżonn ta’ protezzjoni jistgħu jkunu maqbudin minħabba żviluppi jew kunflitti politiċi, l-aktar fejn jista’ jagħti l-każ li jkollhom impatt fuq flussi migratorji lejn l-UE.

(c)

Pressjoni migratorja qawwija f’pajjiżi terzi, inkluż fejn persuni fil-bżonn ta’ protezzjoni jistgħu jkunu maqbudin minħabba żviluppi jew kunflitti politiċi, l-aktar fejn jista’ jagħti l-każ li jkollhom impatt fuq flussi migratorji lejn l-UE. Il-miżuri implimentati fil-pajjiżi terzi f’konformità ma’ dan l-Artikolu jridu jkunu konsistenti ma’ u, fejn rilevanti, komplementari mal-politika umanitarja tal-Unjoni u jirrispettaw id-drittijiet fundamentali tal-individwu u l-obbligi legali internazzjonali.

Raġuni

L-iżgurar ta’ koerenza ma’ politiki oħrajn tal-UE u r-rispett għad-drittijiet fundamentali.

Emenda 10

COM(2018) 471 final, Artikolu 26.2

Test propost mill-Kummissjoni	Emenda tal-KtR
Assistenza ta’ emerġenza tista’ tkun fil-forma ta’ għotjiet mogħtija direttament lill-aġenziji deċentralizzati.	Assistenza ta’ emerġenza tista’ tkun fil-forma ta’ għotjiet mogħtija direttament lill-aġenziji deċentralizzati u lill-awtoritajiet lokali u reġjonali bi pressjoni migratorja qawwija, b’mod partikolari dawk li għandhom ir-responsabbiltà li jilqgħu u jintegraw lill-minorenni immigranti mhux akkumpanjati .

Raġuni

L-awtoritajiet reġjonali u lokali ħafna drabi għandhom il-kompetenza li jilqgħu u jintegraw il-minorenni immigranti mhux akkumpanjati, iżda ħafna drabi m’għandhomx il-kapaċità li jagħmlu dan.

Emenda 11

COM(2018) 471 final, Anness I (Kriterji għall-allokazzjoni tal-fondi tal-programmi b’ġestjoni kondiviża)

Test propost mill-Kummissjoni

Emenda tal-KtR

1.	Ir-riżorsi disponibbli msemmija fl-Artikolu 11 għandhom jiġu maqsuma bejn l-Istati Membri kif ġej:

1.	Ir-riżorsi disponibbli msemmija fl-Artikolu 11 għandhom jiġu maqsuma bejn l-Istati Membri kif ġej:

(a)	Kull Stat Membru għandu jirċievi l-ammont fiss ta’ EUR 5 000 000 mill-Fond fil-bidu tal-perjodu ta’ programmar biss;

(a)	Kull Stat Membru għandu jirċievi l-ammont fiss ta’ EUR 5 000 000 mill-Fond fil-bidu tal-perjodu ta’ programmar biss;

(b)

Ir-riżorsi li jifdal imsemmija fl-Artikolu 11 għandhom jitqassmu abbażi tal-kriterji li ġejjin:

—	30 % għall-ażil;

—	30 % għall-migrazzjoni legali u għall-integrazzjoni;

—	40 % għall-ġlieda kontra l-migrazzjoni irregolari, inkluż ir-ritorn.

(b)

Ir-riżorsi li jifdal imsemmija fl-Artikolu 11 għandhom jitqassmu abbażi tal-kriterji li ġejjin:

—	33,3 % għall-ażil;

—	33,3 % għall-migrazzjoni legali u għall-integrazzjoni;

—	33,3 % għall-ġlieda kontra l-migrazzjoni irregolari, inkluż ir-ritorn.

Raġuni

L-ażil, il-migrazzjoni legali u l-integrazzjoni huma importanti daqs il-migrazzjoni irregolari/ir-ritorn (jekk mhux iktar minnhom) għal ġestjoni effettiva tal-flussi migratorji.

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

jaqbel li fil-kuntest tal-isfidi migratorji li qed jevolvu, l-investiment fil-ġestjoni tal-migrazzjoni effiċjenti u koordinata fl-UE b’appoġġ għall-Istati Membri (SM) u l-awtoritajiet lokali u reġjonali tagħhom huwa essenzjali biex jiġi realizzat l-objettiv tal-Unjoni li tistabbilixxi żona ta’ libertà, sigurtà u ġustizzja; Jilqa’ bi pjaċir, f’dan il-kuntest, l-attenzjoni akbar u ż-żieda fil-finanzjament għall-migrazzjoni fil-baġit tal-UE, iżda huwa mħasseb dwar il-preġudizzji f’dawn iż-żidiet li huma ferm aktar sinifikanti għal miżuri dwar il-protezzjoni tal-fruntieri, milli għall-AMF. Konsegwentement jissuġġerixxi żieda fl-AMF ekwivalenti għaż-żieda fil-finanzjament għall-ġestjoni tal-fruntieri esterni, jiġifieri żieda ta’ 2,4 darbiet;

itenni l-ħtieġa għal approċċ koordinat mill-UE u l-Istati Membri sabiex tinbena politika komuni dwar l-ażil u l-migrazzjoni bbażata fuq il-prinċipji tas-solidarjetà u l-kondiviżjoni ġusta tar-responsabbiltà;

jilqa’ l-istabbiliment tal-AMF u strumenti oħrajn ġodda jew riveduti (IBMF, FSE+, FEŻR, NDCI, IPAIII) li jindirizzaw finanzjarjament id-dimensjoni interna, u dik esterna, tal-migrazzjoni;

jaqbel li l-ġestjoni effettiva tal-fruntieri esterni tal-UE hija meħtieġa, iżda huwa tal-fehma li enfasi b’mod predominanti fuq il-kontroll tal-fruntieri u inqas fuq l-aspetti essenzjali oħra ta’ politika komprensiva tal-UE dwar il-migrazzjoni, inkluża sistema riformata tal-ażil tal-UE, politiki konsistenti u ambizzjużi biex tiġi ffaċilitata l-migrazzjoni legali u tkun appoġġjata l-integrazzjoni, miżuri deċiżivi b’rabta mal-ġlieda kontra t-traffikar tal-bnedmin u azzjoni b’saħħitha għall-indirizzar tal-kawżi fundamentali tal-migrazzjoni ma tkunx effettiva, u lanqas ma tirrifletti l-valuri fundamentali tal-UE;

jinsisti li hu essenzjali li jiġu żgurati s-sinerġiji, il-konsistenza u l-effiċjenza bejn l-AMF u fondi u politiki oħrajn tal-UE, b’mod partikolari dawk dwar il-protezzjoni tad-drittijiet fundamentali, il-promozzjoni tal-koeżjoni soċjali u l-politiki esterni u tal-iżvilupp;

jenfasizza l-ħtieġa għal riforma tas-Sistema Ewropea Komuni tal-Ażil biex ikun żgurat li proċeduri effiċjenti tal-ażil jiggarantixxu d-drittijiet ta’ dawk li qed ifittxu l-protezzjoni, jipprevjenu l-movimenti sekondarji u jipprovdu kundizzjonijiet ta’ akkoljenza xierqa u uniformi, kif ukoll standards għall-għoti ta’ protezzjoni internazzjonali;

jemmen li s-sħubiji u l-kooperazzjoni ma’ pajjiżi terzi huma komponent essenzjali tal-politika tal-UE dwar il-migrazzjoni u l-indirizzar tal-kawżi fundamentali tagħha u li għalhekk il-Fond għandu jipprovdi inċentivi finanzjarji għal din il-kooperazzjoni, inkluż l-implimentazzjoni tal-Qafas tal-UE għar-Risistemazzjoni. Il-finanzjament għall-iżvilupp estern m’għandux, madankollu, jintuża biss għall-prevenzjoni tal-migrazzjoni;

jinnota l-approċċ il-ġdid biex issir distinzjoni bejn miżuri ta’ integrazzjoni fuq żmien qasir u fuq żmien twil, b’dan tal-aħħar issa ffinanzjat mill-FSE+. Jenfasizza li d-dispożizzjonijiet finanzjarji għall-FSE+ għandhom jirriflettu b’mod sħiħ dan il-kompitu ġdid. Jiddispjaċih, madankollu, li l-“integrazzjoni” sparixxiet mit-titolu tal-AMF, speċjalment minħabba li l-parti l-kbira tal-miżuri ta’ integrazzjoni fuq żmien qasir huma responsabbiltà tal-awtoritajiet lokali u reġjonali;

jilqa’ l-fatt li l-Fond il-ġdid jippermetti rata ogħla ta’ kofinanzjament (sa 90 %), li b’mod partikolari tista’ tgħin lill-awtoritajiet lokali u reġjonali taħt pressjoni, u b’mod speċjali lil dawk li għandhom fruntiera esterna, iżda jiddispjaċih li l-appelli ripetuti tiegħu sabiex l-awtoritajiet lokali u reġjonali jsiru parzjalment responsabbli mill-ġestjoni tal-AMF ma ġewx imwieġba;

10.

jirrikonoxxi li l-AMF ser ikun regolat għall-ewwel darba mir-regolament dwar id-dispożizzjonijiet komuni. Dan għandu jżid l-involviment tal-awtoritajiet lokali u reġjonali fl-ippjanar u l-implimentazzjoni tal-politiki nazzjonali, iżda dawn l-effetti pożittivi jirrikjedu l-applikazzjoni sħiħa tal-prinċipji tas-sħubija u tal-governanza f’diversi livelli;

11.

jenfasizza li l-Fond għandu jappoġġja lill-Istati Membri fit-tfassil ta’ strateġiji koordinati għall-aspetti kollha tal-migrazzjoni, l-iskambju ta’ informazzjoni u tal-aħjar prattiki, kif ukoll il-kooperazzjoni bejn l-amministrazzjonijiet differenti u l-livelli ta’ governanza, u bejn l-Istati Membri;

12.

jinnota li f’dak li jirrigwarda l-allokazzjoni tal-fondi lill-Istati Membri, il-proposta tipprevedi gwida għat-tqassim li tirrifletti l-ħtiġijiet u l-pressjonijiet tagħhom fi tliet oqsma fundamentali; l-ażil (30 %); il-migrazzjoni legali u l-integrazzjoni (30 %); u l-ġlieda kontra l-migrazzjoni irregolari inkluż ir-ritorn (40 %); madankollu jistma li mhux ċar għaliex dawn it-tliet elementi ngħataw il-piż kif suġġerit u għalhekk jissuġġerixxi li jingħataw piż ugwali;

13.

jirrikonoxxi li politika effiċjenti ta’ ritorn hija element ewlieni ta’ approċċ komprensiv għall-migrazzjoni u li l-Fond għandu għalhekk jappoġġja l-iżvilupp ta’ standards komuni għal, u ġestjoni koordinata ta’ ritorn f’konformità sħiħa mal-liġi tal-UE u d-drittijiet internazzjonali tal-bniedem u d-dinjità tal-persuni kkonċernati, inklużi miżuri f’pajjiżi terzi għall-integrazzjoni mill-ġdid ta’ dawk rimpatrijati;

14.

iħeġġeġ lill-Istati Membri, f’dan il-kuntest, biex jagħtu preferenza għar-ritorn volontarju fl-interess kemm ta’ dawk rimpatrijati kif ukoll tal-awtoritajiet tal-pajjiżi mittenti u riċeventi;

15.

jaqbel li l-Fond għandu jappoġġja lill-Istati Membri fl-implimentazzjoni tagħhom tad-Direttiva 2009/52/KE li tipprojbixxi l-impjieg ta’ ċittadini ta’ pajjiżi terzi residenti illegalment u s-sanzjonar tal-impjegaturi li jiksru dik il-projbizzjoni, u d-Direttiva 2011/36/UE dwar l-assistenza, l-appoġġ u l-protezzjoni tal-vittmi tat-traffikar tal-bnedmin;

16.

jiddispjaċih li l-Istati Membri m’għadhomx meħtieġa jallokaw tal-anqas 20 % tal-finanzjament disponibbli għall-azzjoni tal-ażil u 20 % għall-integrazzjoni, li joħloq ir-riskju li l-ġlieda kontra l-migrazzjoni irregolari ser tingħata prijorità fuq azzjoni oħra; b’konsegwenza, jappella għall-introduzzjoni mill-ġdid ta’ dawn il-kundizzjonijiet minimi ta’ allokazzjoni u nfiq;

17.

jemmen li l-kooperazzjoni deċentralizzata jista’ jkollha rwol importanti fit-tisħiħ tal-governanza tajba fil-pajjiżi tal-oriġini u ta’ tranżitu u b’hekk jitnaqqsu l-flussi migratorji. Azzjonijiet bħalma huma l-inizjattiva ta’ Nikosija għall-bini ta’ kapaċità fil-muniċipalitajiet Libjani turi sa liema punt il-kooperazzjoni mill-awtoritajiet lokali u reġjonali tista’ tippromovi l-istabbiltà u l-prosperità fil-viċinat tagħna;

18.

itenni r-rwol proprju tiegħu fl-iffaċilitar tad-djalogu u l-kooperazzjoni mal-awtoritajiet lokali u reġjonali fil-pajjiżi ta’ oriġini u ta’ transitu tal-migranti, pereżempju permezz tal-pjattaformi u l-korpi eżistenti (ARLEM, CORLEAP, il-Kumitati Konsultattivi Konġunti u l-Gruppi ta’ Ħidma) sabiex jintlaħqu l-objettivi tal-AMF;

19.

jinsab konvint li l-Istati Membri għandhom ikunu mħeġġa jużaw parti mill-programm ta’ allokazzjoni tagħhom biex b’mod partikolari jiffinanzjaw:

—	miżuri ta’ integrazzjoni implimentati mill-awtoritajiet lokali u reġjonali u s-soċjetà ċivili;

—	azzjonijiet biex jiġu żviluppati alternattivi effettivi għad-detenzjoni;

—	programmi ta’ ritorn volontarju assistit u ta’ integrazzjoni mill-ġdid u l-attivitajiet relatati;

—	miżuri mmirati lejn applikanti vulnerabbli għall-protezzjoni internazzjonali bi bżonnijiet ta’ akkoljenza u/jew bżonnijiet proċedurali speċjali, speċjalment it-tfal, b’mod partikolari dawk mhux akkumpanjati;

20.

jilqa’ bi pjaċir il-qafas propost għal assistenza ta’ emerġenza li jippermetti lill-Istati Membri jiffaċċjaw sfidi relatati ma’ influssi kbar jew sproporzjonati ta’ ċittadini minn pajjiżi terzi, speċjalment meta jkunu involuti persuni vulnerabbli bħall-minorenni mhux akkumpanjati; jinsisti li, b’mod partikolari, l-awtoritajiet lokali u reġjonali f’tali sitwazzjonijiet għandu jkollhom aċċess għal assistenza bħal din;

21.

jemmen li l-leġislazzjoni proposta għandha valur miżjud Ewropew ċar u għalhekk li l-proposta tikkonforma mal-prinċipji tas-sussidjarjetà u l-proporzjonalità.

Brussell, id-9 ta’ Ottubru 2018.

Il-President tal-Kumitat Ewropew tar-Reġjuni

Karl-Heinz LAMBERTZ

Top