This document is an excerpt from the EUR-Lex website
Document 52013DC0229
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS Strategic Guidelines for the sustainable development of EU aquaculture
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Linji Gwida strateġiċi għall-iżvilupp sostenibbli tal-akkwakultura fl-UE
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Linji Gwida strateġiċi għall-iżvilupp sostenibbli tal-akkwakultura fl-UE
/* COM/2013/0229 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI Linji Gwida strateġiċi għall-iżvilupp sostenibbli tal-akkwakultura fl-UE /* COM/2013/0229 final */
KOMUNIKAZZJONI TAL-KUMMISSJONI
LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW
U LILL-KUMITAT TAR-REĠJUNI Linji Gwida strateġiċi għall-iżvilupp
sostenibbli tal-akkwakultura fl-UE 1. Introduzzjoni L-akkwakultura Ewropea toffri prodotti ta’ kwalità
tajba, li jirrispettaw is-sostenibbiltà ambjentali stretti, is-saħħa
tal-annimali u l-istandards tal-protezzjoni tal-konsumatur. Il-kwalità
eċċellenti tal-frott tal-baħar tal-UE[1]
għandha tikkostitwixxi vantaġġ kompetittiv kbir għall-akkwakultura tal-UE;
madankollu, il-produzzjoni tal-akkwakultura fl-UE qiegħda tistaġna, b’kuntrast
ma’ tkabbir qawwi f’reġjuni oħra tad-dinja. Fl-2010, il-valur tal-produzzjoni tal-akkwakultura
fl-UE kien ta’ EUR 3.1 biljun għal 1.26 miljun tunnellata ta’
produzzjoni. Is-suq tal-frott tal-baħar tal-UE huwa attwalment fornut minn
25 % mis-sajd tal-UE, 65 % mill-importazzjonijiet u 10 %
mill-akkwakultura tal-UE.[2]
Il-konsum apparenti totali tal-UE tal-prodotti tas-sajd u tal-akkwakultura
laħaq madwar 13.2 miljun tunnellata.[3]
Id-dejta disponibbli turi diskrepanza dejjem
tikber — stmat għal 8 miljun tunnellata — bejn il-livell ta’ konsum
tal-frott tal-baħar fl-UE u l-volum tal-qbid mis-sajd. Il-Kummissjoni u
l-Istati Membri jistgħu jgħinu biex jiżguraw li din id-diskrepanza hija
parzjalment mimlija minn akkwakultura tal-UE li hija ambjentalment, soċjalment
u ekonomikament sostenibbli. Abbażi tal-produttività tax-xogħol attwali, kull
punt ta’ persentaġġ tal-konsum attwali tal-UE prodotta internament permezz tal-akkwakultura
se tgħin biex jinħolqu bejn 3 000 u 4 000 impjieg full-time.[4] Din iċ-ċifra
tikkonferma li, għalkemm l-akkwakultura tirrappreżenta parti relattivament
żgħira tal-ekonomija tal-UE, għandha l-potenzjal li tagħti spinta lit-tkabbir u
lill-impjiegi f’żoni kostali u interni tal-UE. Kooperazzjoni mill-qrib
mal-industrija tal-ipproċessar tista’ tkompli ttejjeb il-ħolqien tal-impjiegi u
l-kompetittività fiż-żewġ setturi. L-akkwakultura hija wieħed mill-pilastri
tal-istrateġija tat-Tkabbir Blu tal-UE[5]
u l-iżvilupp tagħha jista' jikkontribwixxi għall-istrateġija Ewropa 2020. 2. L-akkwakultura
fir-Riforma tal-Politika Komuni tas-Sajd Il-proposta għar-riforma tal-politika komuni
tas-sajd (PKS)[6]
għandha l-għan li tippromwovi l-akkwakultura permezz ta’ metodu miftuħ ta’
koordinazzjoni: proċess volontarju ta’ kooperazzjoni bbażat fuq il-Linji Gwida
Strateġiċi u l-Pjanijiet strateġiċi nazzjonali multiannwali li jidentifikaw
għanijiet komuni u, fejn possibbli, indikaturi biex jitkejjel il-progress lejn
dawn l-għanijiet. Sabiex jintlaħqu dawn l-għanijiet, l-atturi
rilevanti kollha għandhom ikunu involuti: l-awtoritajiet, l-industrija,
il-bejjiegħa bl-imnut, l-assoċjazzjonijiet tal-konsumaturi kif ukoll
rappreżentanti mis-soċjetà ċivili. Il-Kunsill Konsultattiv tal-Akkwakultura
propost huwa mfassal biex jaqdi rwol importanti f’dan is-sens. Dawn il-Linji Gwida Strateġiċi għandhom l-għan li
jgħinu lill-Istati Membri biex jiddefinixxu l-miri nazzjonali tagħhom filwaqt
li jqisu l-pożizzjonijiet inizjali, iċ-ċirkostanzi nazzjonali u l-arranġamenti
istituzzjonali relattivi tagħhom. Kwistjonijiet koperti mil-leġiżlazzjoni
tal-UE mhumiex indirizzati taħt il-metodu miftuħ ta’ koordinazzjoni, iżda dawn
jipprovdu l-qafas għall-attivitajiet tiegħu. L-akkwakultura hija dipendenti fuq ilmijiet
tal-baħar u ħelwin nodfa u b'saħħithom. Il-leġiżlazzjoni ambjentali tal-UE -
b'mod partikolari d-Direttiva Qafas dwar l-Ilma (WFD)[7], id-Direttiva Kwadru
dwar l-Istrateġija Marina (MSFD)[8]
u r-Regolament dwar l-użu ta' speċi aljeni u li ma jistabux lokalment
fl-akkwakultura[9]
- jiżguraw li dawn il-prekundizzjonijiet jiġu ssodisfati. Il-leġiżlazzjoni
tal-UE tistabbilixxi wkoll l-istandards għoljin ta' saħħa, protezzjoni
tal-konsumatur u sostenibbiltà ambjentali li trid timxi magħhom l-akkwakultura
tal-UE. Dawn għandhom implikazzjonijiet finanzjarji għall-produtturi, iżda
jistgħu jiddawru f’vantaġġ kompetittiv jekk l-attenzjoni tal-konsumaturi
tintefa' fuq il-kwalità, u jistgħu wkoll jikkontribwixxu għall-aċċettabbiltà
lokali tal-akkwakultura. Ir-riforma tal-PKS tibni fuq dawn l-istandards
għoljin. Il-Kummissjoni biħsiebha tgħin
lill-amministrazzjonijiet nazzjonali u reġjonali biex jimplimentaw
il-leġiżlazzjoni ambjentali tal-UE mingħajr ma jimponu piżijiet mhux meħtieġa
fuq il-produtturi. Għal dan l-għan, ġew ippubblikati l-linji gwida dwar
l-integrazzjoni tal-akkwakultura f’siti Natura2000,[10] u l-Kummissjoni
għandha l-ħsieb li tibda taħdem fuq Linji Gwida simili dwar l-akkwakultura u
d-WFD u l-MFSD. 3. Linji
Gwida strateġiċi għall-iżvilupp sostenibbli tal-akkwakultura fl-UE Din il-Komunikazzjoni hija bbażata fuq ir-riżultat
tal-konsultazzjonijiet mal-partijiet interessati, u tieħu inkunsiderazzjoni
l-analiżi mwettqa miċ-Ċentru tar-Riċerka Konġunta.[11] Se jiġu indirizzat
erba' oqsma ta’ prijorità sabiex jiġi sfruttat il-potenzjal tal-akkwakultura
tal-UE: il-proċeduri amministrattivi, l-ippjanar spazjali ikkoordinat,
il-kompetittività u l-kundizzjonijiet ekwi. L-akkwakultura tista’ tikkontribwixxi għall-għan
ġenerali li tneħħi d-diskrepanza fl-ammont bejn il-konsum tal-UE u
l-produzzjoni tal-frott tal-baħar b’mod li jkun ambjentalment, soċjalment u
ekonomikament sostenibbli. Għal dan l-għan, kull Stat Membru huwa mħeġġeġ li
fil-pjan nazzjonali multiannwali jindika l-għan tat-tkabbir tal-akkwakultura tiegħu
stess (volum u valur) fil-perjodu kopert mill-pjan. 3.1. Proċeduri
amministrattivi ssimplifikati L-ispejjeż amministrattivi u ż-żmien meħud
għat-twettiq jaqdu rwol importanti fid-determinazzjoni tal-kompetittività
globali u l-iżvilupp ta’ settur ekonomiku. Bħalissa, hija disponibbli biss
informazzjoni limitata dwar id-dewmien u l-ispejjeż tal-liċenzji għal razzett
ġdid tal-akkwakultura, u l-Kummissjoni mhijiex infurmata li hemm xi eżerċizzju
ta' direzzjonar biex jiġu ttrattati l-punti ta' tfixkil. L-informazzjoni
disponibbli turi li f’bosta Stati Membri l-proċeduri tal-awtorizzazzjoni ta’
spiss jieħdu bejn sentejn u tlieta biex jitlestew;[12] ġew irrappurtanti
wkoll eżempji ta’ ħinijiet sostanzjalment itwal. Bħala paragun, id-dejta
rrappurtata fi studju tal-Parlament Ewropew juri li l-medja ta' żmien għal
liċenzja għall-irziezet tal-akkwakultura fin-Norveġja kien 12-il xahar u ġie
mnaqqas għal 6 xhur bl-introduzzjoni ta’ “punt ta’ kuntatt uniku”.[13] Żmien għall-għoti ta' liċenzja għall-irziezet
tal-akkwakultura f’xi Stati Membri u n-Norveġja (xhur) = żmien għal
liċenzji għall-irziezet ġodda tal-akkwakultura = medja ta' żmien
għall-għoti ta' liċenzja għal parks eoliċi lil hinn mix-xtut mal-UE kollha.[14] = żmien irrappurtat
għall-għoti ta' liċenzja għall-irziezet agrikoli f'żewġ Stati Membri = żmien fil-mira
għall-għoti ta' liċenzja għall-SMEs ġodda (il-pjan ta’ Azzjoni
tal-Intraprenditorija 2020) Sorsi: elaborazzjoni proprja, ibbażata fuq
dejta mingħand SHoCMed, Windbarriers, studju IP/b/pech/nt/2008 176 tal-Parlament
Ewropew u l-informazzjoni provduta mill-assoċjazzjonijiet tal-produtturi u
l-awtoritajiet pubbliċi. Il-maġġoranza tal-produtturi tal-akkwakultura huma
SMEs, u huma affettwati b’mod sproporzjonat mill-burokrazija: il-piż relattiv
ta’ spejjeż regolatorji u amministrattivi meta mqabbel mal-fatturat u l-għadd
ta’ impjegati jista’ jkun għaxar darbiet akbar għall-SMEs milli
għall-intrapriżi l-kbar tal-ekonomija ġenerali[15].
It-tnaqqis ta' piż regolatorju bla bżonn għadu fil-qofol tal-aġenda politika
tal-Kummissjoni. Bħala segwitu għar-reviżjoni tal-Att dwar in-Negozji ż-Żgħar
ta’ April 2011, il-Kummissjoni pproponiet pjan ta’ azzjoni biex tappoġġa
l-intraprenditorija fl-Ewropa. Il-pjan ta' Azzjoni jistieden lill-Istati Membri
biex inaqqsu ż-żmien għall-għoti ta' liċenzja u awtorizzazzjonijiet oħrajn
meħtieġa biex jingħata bidu għal attività ta' negozju għal xahar sal-aħħar
tal-2015,[16]
sakemm ir-rekwiżiti tal-leġiżlazzjoni ambjentali tal-UE jkunu sodisfati. Bħala
l-ewwel pass, irid jitwettaq eżerċizzju komprensiv ta' mmappjar u skrinjar. ·
Mira għall-Istati Membri: Bil-għan li jiġu identifikati possibbiltajiet biex jittejbu
l-proċeduri u sabiex jitnaqqsu l-piżijiet amministrattivi, l-Istati Membri huma
mħeġġa biex jiġbru l-informazzjoni sal-aħħar tal-2013, dwar: (1)
L-għadd ta’ liċenzji ġodda mogħtija matul
il-perjodu 2007-2013 (n.) (2)
Ir-rata ta’ suċċess tal-applikazzjonijiet
għal-liċenzji (%) (3)
L-għadd ta’ applikazzjonijiet li bħalissa qed jiġu
pproċessati (n.) (4)
Il-medja ta’ żmien sabiex ilestu l-proċeduri
tal-għoti ta' liċenzja (xhur) (5)
L-għadd ta’ korpi pubbliċi involuti fi proċedura
ta’ awtorizzazzjoni (n.) (6)
L-ispejjeż medji tal-proċeduri tal-għoti ta'
liċenzja għal negozju ġdid (EUR) (7)
It-tul medju ta’ liċenzja (snin) ·
Miri għall-Kummissjoni:
Abbażi tad-dejta miġbura mill-Istati Membri, biex ikun hemm ħidma
mal-awtoritajiet rilevanti sabiex sas-sajf tal-2014 jiġu identifikati l-aqwa
prattiki u marġini għat-titjib, inkluż permezz tal-appoġġ tal-Grupp ta’ Livell
Għoli għall-Piżijiet Amministrattivi tal-Kummissjoni, li l-mandat tiegħu huwa
li jgħin lill-amministrazzjonijiet pubbliċi tal-Istati Membri biex jimplimentaw
il-leġiżlazzjoni tal-UE b’mod li jkun iktar effiċjenti u reattiv
għall-ħtiġijiet tal-partijiet interessati.[17]
Biex, sat-tieni kwart tal-2014, tħejji dokumenti ta’ gwida li jindirizzaw
il-ħtiġijiet tad-WFD u l-MSFD fir-rigward tal-akkwakultura, sabiex jassistu
lill-Istati Membri u lill-industrija fl-implimentazzjoni tal-liġi tal-UE u juru
kif il-protezzjoni tal-ambjent tista' tkun kompatibbli mal-akkwakultura sostenibbli.
·
Mira għall-Kunsill Konsultattiv
għall-Akkwakultura: biex, sa April tal-2014, iwettaq
skrinjar tal-proċeduri amministrattivi u eżerċizzju tal-immappjar tal-piżijiet
amministrattivi ewlenin f’termini ta’ tul ta' żmien u spejjeż f’tipi differenti
ta' akkwakultura fl-Istati Membri. 3.2. L-iżgurar
ta’ żvilupp u t-tkabbir sostenibbli tal-akkwakultura permezz ta’ ppjanar
spazjali kkoordinat Studji differenti wrew li jekk ikun hemm pjanijiet
spazjali fis-seħħ dawn ikunu jistgħu jgħinu biex titnaqqas l-inċertezza, jkun
iffaċilitat l-investiment u jitħaffef l-iżvilupp ta’ setturi bħalma huma
l-akkwakultura jew l-enerġija li tiġġedded lil hinn mix-xtut[18]. In-nuqqas ta’ spazju
li spiss huwa kkwotat bħala fattur li jxekkel l-espansjoni tal-akkwakultura
tal-baħar tal-UE jista’ jingħeleb billi jiġu identifikati l-aktar siti xierqa
li huma tajbin għall-akkwakultura, peress li l-okkuppazzjoni attwali
tas-superfiċje u x-xtut mill-attivitajiet tal-akkwakultura jidhru li huma
limitati[19]. L-ippjanar intern huwa normalment aktar avvanzat
meta mqabbel mal-ippjanar marittimu, minħabba pereżempju l-eżistenza ta’ katast
jew sistemi ta’ klassifikazzjoni li jwasslu biex l-informazzjoni tkun faċilment
aċċessibbli għall-istituzzjonijiet rilevanti kollha. L-identifikazzjoni taż-żoni
l-aktar adattati għall-akkwakultura tal-ilma ħelu se tgħin biex titkabbar
il-produzzjoni filwaqt li ssaħħaħ il-pajsaġġi, l-ambjenti naturali u
l-protezzjoni tal-bijodiversità. Il-pjanijiet spazjali għandhom iqisu
s-servizzi ambjentali pprovduti mill-akkwakultura estensiva bbażata
fl-għadajjar. F’ħafna każijiet, il-ħtiġijiet tal-akkwakultura
waħidhom mhux se jiġġustifikaw it-twettiq ta' eżerċizzju bħal dan għall-ambjent
tal-baħar. Madankollu, dan l-approċċ ġie segwit fil-każ ta’ pereż. l-esperjenza
Irlandiża bi CLAMS,[20]
l-istrateġija reġjonali Galizjana għall-akkwakultura[21] u l-proġett nazzjonali
għall-ippjanar spazjali għall-akkwakultura fil-Finlandja.[22] L-eżerċizzji
tal-ippjanar eżistenti, bħal pereżempju il-pjanijiet għas-siti tal-pjattaformi
tar-riħ lil hinn mix-xtut[23],
jistgħu jintużaw bħala punt tat-tluq. Il-linji gwida dwar l-ippjanar spazjali
fil-Mediterran[24]
u fil-Baltiku[25]
ġew prodotti u jistgħu jipprovdu input lill-Istati Membri. Barra minn hekk,
id-dejta miġbura fl-implimentazzjoni tal-leġiżlazzjoni eżistenti (eż.
id-Direttiva dwar l-Enerġija Rinnovabbli, is-CFP, l-MSFD, id-WFD, id-Direttivi
dwar il-Ħabitats u l-Għasafar) tista' tintuża wkoll għall-ippjanar
tal-akkwakultura. F'Marzu 2013 il-Kummissjoni adottat proposta għal
Direttiva li tistabbilixxi qafas għall-Ippjanar Spazjali Marittimu u l-Ġestjoni
Integrata tal-Kosta.[26]
L-Istati Membri se jibqgħu responsabbli għat-tfassil u l-istabbilitment
tal-għanijiet ġenerali u tal-kontenut ta’ pjanijiet bħal dawn. L-akkwakultura tista' taffettwa b’mod sinifikanti
l-ambjent jekk ma tkunx imfassla u mmonitorjata b'mod xieraq. Għalhekk, xi
impatti ambjentali tal-akkwakultura (eż. l-arrikkiment ta' nutrijenti u ta'
materji organiċi, il-kontaminazzjoni minn sustanzi perikolużi) huma
speċifikament indirizzati fil-leġiżlazzjoni tal-UE. L-impatti globali
tal-azjendi agrikoli individwali se jinkludu wkoll tipi oħra ta’ pressjoni
(pereżempju s-sedimentazzjoni, id-disturbi fiżiċi) u se jkunu influwenzati minn
fatturi oħra, inkluż pereżempju t-tip ta’ organiżmi kkultivati, il-lokazzjoni
tar-razzett u l-vulnerabilità tal-ambjent lokali. Skont studju tal-Parlament
Ewropew[27],
il-valutazzjoni ta' dawn l-aspetti ambjentali fil-qafas tal-proċess
tal-ippjanar spazjali tista' tnaqqas il-piż amministrattiv għall-iżviluppaturi
privati u tillimita l-inċertezza fil-proċeduri tal-għoti tal-liċenzji u b’hekk
l-investimenti jsiru aktar attraenti. Diversi studji u l-esperjenza f’setturi
industrijali oħrajn[28]
jikkonfermaw li l-indirizzar ta’ dawn it-tip ta’ kwistjonijiet fl-istadji
bikrin tal-proċess tal-ippjanar jimminimizza l-impatti ambjentali, jnaqqas
l-oppożizzjoni lokali, u jipprevjeni dewmien bla bżonn filwaqt li jżid
il-possibbiltà ta’ suċċess ta’ proġetti ġodda. Din it-tip ta’ esperjenza tista'
tipprovdi gwida ta’ valur lill-produtturi tal-akkwakultura u tgħin biex tiżdied
is-sostenibilità, l-aċċettazzjoni soċjali u l-kompetittività tal-akkwakultura
tal-UE. Billi l-kapaċità tal-ispazju u dik ambjentali kemm
fil-baħar kif ukoll fl-ilmijiet interni hija limitata, għandu jiġi applikat
approċċ ekosistemiku. Għandha tingħata attenzjoni speċjali fil-każ ta' żoni
vulnerabbli u protetti, permezz ta’ proċeduri sodi tal-ippjanar u ta'
valutazzjoni; l-esperjenzi pożittivi fl-integrazzjoni tal-akkwakultura f’siti
ta' Natura 2000 juru l-kompatibbiltà possibbli ta' attività kummerċjali li
kapaċi tħalli l-qligħ mal-konservazzjoni tal-bijodiversità. Is-servizzi
ambjentali pprovduti mill-akkwakultura estensiva tal-għadajjar huma eżempju
konkret fejn attività ekonomika tissodisfa l-ħtiġijiet ta’ konservazzjoni ta’
ħabitat jew ta’ speċi partikulari. ·
Mira għall-Istati Membri: li jiġi stabbilit ippjanar spazjali koordinat, inkluż l-ippjanar
spazjali marittimu fil-livell tal-baċir tal-baħar, biex ikun żgurat li jitqiesu
l-potenzjal u l-ħtiġijiet tal-akkwakultura u biex tkun żgurata allokazzjoni
adegwata ta’ spazju fl-ilmijiet u l-art għall-iżvilupp ta’ akkwakultura
sostenibbli. ·
Mira għall-Kummissjoni:
li timmonitorja l-implimentazzjoni ta’ ppjanar marittimu koordinat, biex
ixxerred l-istudji u l-esperjenzi sabiex tgħin lill-Istati Membri fl-ippjanar
tagħhom. Biex torganizza seminar dwar l-iskambju tal-aħjar prattika
fis-sajf 2014. 3.3. Tisħiħ
tal-kompetittività tal-akkwakultura tal-UE L-intrapriżi tal-akkwakultura tal-UE qed iħabbtu
wiċċhom ma’ sfidi u opportunitajiet differenti li jeħtieġu soluzzjonijiet
maħsubin apposta[29],
iżda kollha se jibbenefikaw minn titjib fl-organizzazzjoni tas-suq u
l-istrutturar tal-organizzazzjonijiet ta’ produtturi tal-akkwakultura. Dawn
huma prijorità għar-riforma tal-Organizzazzjoni Komuni tas-Suq (OKS) u l-Fond
Ewropew Marittimu u tas-Sajd (FEMS). Il-pjanijiet tal-produzzjoni u
tal-kummerċjalizzazzjoni, flimkien mal-Osservatorju tas-Suq tal-UE għandha
tgħin lill-produtturi tal-akkwakultura biex jidentifikaw l-opportunitajiet ta’
negozju u biex jadattaw l-istrateġiji ta’ kummerċjalizzazzjoni tagħhom. L-aspettattivi dejjem jikbru mill-konsumaturi
għall-kwalità u d-diversità tal-prodotti tal-ikel, speċjalment jekk ikunu
prodotti lokalment, joffru possibbiltajiet ġodda biex jingħata valur lill-assi
taż-żoni kostali u interni. L-azzjoni koordinata fil-livell lokali bejn
l-intraprendituri, l-awtoritajiet pubbliċi, l-assoċjazzjonijiet,
l-organizzazzjonijiet tar-riċerka, l-edukazzjoni u t-taħriġ tista' tgħin biex
jiġu stimulati l-ekonomiji lokali u tiġi ssodisfata d-domanda dejjem tikber
għal frott tal-baħar lokali, prodotti b’mod sostenibbli. Id-diversifikazzjoni tan-negozju tista' tipprovdi
sors addizzjonali ta’ dħul għall-bdiewa. Pereżempju, l-integrazzjoni mas-sajd
bil-qasba u t-turiżmu, jew l-internalizzazzjoni ta’ xi attivitajiet upstream
jew downstream, jistgħu jipprovdu opportunitajiet ta’ negozju għall-produtturi
tal-akkwakultura. L-iżvilupp tan-negozju u d-diversifikazzjoni
jistgħu jiġu promossi wkoll permezz tar-riċerka mmexxija mis-suq,
l-innovazzjoni u t-trasferiment tal-għarfien. Għal dan l-għan, l-Istati Membri
għandhom irawmu s-sinerġiji bejn il-programmi nazzjonali ta’ riċerka, u
jippromwovu l-parteċipazzjoni tal-industrija f’attivitajiet tar-riċerka u
innovazzjoni — inkluż b’mod partikolari l-implimentazzjoni tal-Aġenda
Strateġika ta' Riċerka tal-Pjattaforma tat-Teknoloġija u l-Innovazzjoni
fl-Akkwakultura Ewropea u l-istrateġija tat-Tkabbir Blu.[30] L-akkwakultura estensiva tal-ħut tal-għadajjar
issostni l-bijodiversità u hija mifruxa partikolarment fl-Ewropa Ċentrali u
tal-Lvant u toffri servizzi u opportunitajiet ta’ negozju importanti minbarra
l-produzzjoni tal-ikel u dan jista' jirriżulta f’kompetittività akbar jekk tiġi
valorizzata b'mod adegwat. L-impatti tar-regoli li japplikaw għal żoni mogħnija
b'ħafna bijodiversità bħas-siti ta' Natura 2000 u d-dħul mitluf minħabba
predaturi bħal tal-marguni kif ukoll impenji volontarji sabiex tkun protetta
l-bijodiversità jew l-ilma għandhom ikunu rikonoxxuti mill-awtoritajiet
pubbliċi. Fattur importanti li jaffettwa il-produzzjoni tal-akkwakultura
bbażata fl-għadajjar f'ċerti reġjuni huwa relatat mal-predaturi — b’mod
partikolari l-marguni. Id-Direttiva dwar l-Għasafar[31] tistabbilixxi sistema
ta' deroga għall-protezzjoni tal-interessi tas-sajd u tal-akkwakultura.
L-Istati Membri jistgħu jagħmlu użu sħiħ tad-dispożizzjonijiet ta' deroga biex
tiġi evitata l-ħsara serja kkawżata mill-marguni fl-inħawi tas-sajd jew
tal-akkwakultura. Sabiex l-Istati Membri jiġu assistiti, il-Kummissjoni dan
l-aħħar ippubblikat dokument ta’ gwida[32]
bil-għan li jiġu kkjarifikati l-kunċetti ewlenin b’rabta mal-implimentazzjoni
tas-sistema tad-deroga. ·
Mira għall-Istati Membri: Li jagħmlu użu sħiħ tal-OKS u l-FEMS proposti biex jappoġġaw
it-tkabbir tan-negozju permezz ta’ allokazzjoni adegwata ta’ fondi
għall-akkwakultura inklużi pjanijiet ta’ produzzjoni u kummerċjalizzazzjoni u
biex jitjiebu r-rabtiet bejn ir-R&Ż u l-industrija (speċjalment SMEs). Li
jappoġġaw il-programmi edukattivi u vokazzjonali li jkopru l-ħtiġijiet
tas-settur tal-akkwakultura. ·
Mira għall-Kummissjoni:
Li tikkoordina u tappoġġja r-riċerka u l-innovazzjoni għall-akkwakultura
permezz tal-programmi u l-fondi kollha rilevanti tal-UE. Li tippromwovi
t-trasferiment tal-għarfien, l-aħjar prattiki u l-innovazzjoni, inklużi s-sejbiet
tal-proġett ta’ riċerka tal-UE. Li twassal għal Osservaturju tas-Suq tal-UE li
jkun faċli għall-utent biex ikun provdut tagħrif dwar is-swieq. 3.4. Il-promozzjoni
ta’ kundizzjonijiet ekwi għall-operaturi fl-UE billi jisfruttaw il-vantaġġi
kompetittivi tagħhom L-istandards għoljin ambjentali, fis-saħħa
tal-annimali u fil-protezzjoni tal-konsumatur huma fost il-fatturi kompetittivi
ewlenin tal-akkwakultura tal-UE u għandhom ikunu sfruttati b’mod iktar
effiċjenti biex tikkompeti fis-swieq. Il-kontrolli sanitarji eżistenti tal-prodotti
tal-UE u dawk importati diġà jiżguraw livell għoli ta’ sikurezza fl-ikel.
It-tħassib tas-soċjetà wasslu wkoll għal domanda mill-konsumaturi, l-NGOs u
l-bejjiegħa bl-imnut għal assigurazzjonijiet li l-ikel li jixtru qed jiġi
prodott b’rispett ta' standards ambjentali u ta' sostenibbiltà soċjali għoljin
ħafna. Jekk il-livell ta’ sostenibbiltà tal-prodotti tal-akkwakultura tal-UE
huwa indirizzat b'mod korrett u kkomunikat lill-pubbliku, dan jista’ jtejjeb
il-kompetittività u l-aċċetazzjoni mis-soċjetà tal-akkwakultura tal-UE u
l-prodotti tagħha. Dispożizzjonijiet ġodda dwar it-tikkettjar kif proposti
fir-Regolament dwar l-OKS jistgħu jgħinu aħjar biex jiġu differenzjati
l-prodotti tal-akkwakultura tal-UE; skemi ta’ ċertifikazzjoni volontarji
jistgħu wkoll ikollhom rwol f’dan il-kuntest. L-iżvilupp ta’ ċirkwiti qosra
tal-ikel jistgħu wkoll jagħtu valur addizzjonali sabiex ikun hemm tqarrib lejn
il-kwalità għolja u prodotti lokali li jkunu iktar friski. L-esperjenza fis-settur agrikolu tikkonferma li
hemm domanda dejjem ikbar għal ikel sostenibbli u ta’ kwalità għolja.
Pereżempju, fl-aħħar għaxar snin ir-rata ta’ tkabbir tal-bejgħ bl-imnut
tal-ikel organiku fl-akbar erba’ swieq tal-UE ssuperat it-tkabbir fid-domanda
globali għall-prodotti tal-ikel fl-UE, b’medja tar-rati ta’ tkabbir annwali
minn 7 sa 15 % għall-ikel organiku kontra t-2 sa 5 % għal dawk li
mhumiex organiċi.[33]
Skont il-FAO, il-produzzjoni tal-akkwakultura organika fl-Ewropa żdiedet bi
kważi 30 % kull sena bejn l-1998 u l-2007. Xi bejjiegħa bl-imnut għandhom
rwol importanti fit-twassil ta' prodotti tal-ħut iċċertifikati fis-suq, u
jagħmlu dan bħala parti mill-impenji taghħom ta' responsabbiltà soċjali
korporattiva globali; id-dħul ta’ bejjiegħa bl-imnut ewlenin kien wieħed
mill-fatturi deċiżivi li wasslu għat-tkabbir ta’ malajr tas-settur tal-ikel
organiku f’dawn l-aħħar għaxar snin. L-UE tippromwovi standards ambjentali, soċjali,
sanitarji u fitosanitarji għoljin kullimkien fil-qafas tal-ftehimiet
kummerċjali li tinnegozja ma’ pajjiżi terzi, inkluż fir-rigward
tal-akkwakultura. ·
Mira għall-Istati Membri: Li jappoġġjaw l-iżvilupp ta’ organizzazzjonijiet tal-produtturi u
interprofessjonali inkluż fil-livell transnazzjonali. Dan jiffaċilita
l-ġestjoni kollettiva u/jew l-inizjattivi awtoregolatorji bejn il-produtturi,
il-proċessuri, il-bejjiegħa bl-imnut, b’kooperazzjoni mal-assoċjazzjonijiet
tal-konsumaturi u l-NGOs fejn xieraq. Li jappoġġjaw, jimplimentaw u
jikkontrollaw ir-rekwiżiti tal-ittikkettjar u d-dispożizzjonijiet. ·
Mira għall-Kummissjoni:
Li tiżgura li r-r-regoli tal-ittikkettjar, b’mod partikolari fir-rigward
tal-freskezza, il-provenjenza u l-isem kummerċjali jiġu implimentati bis-sħiħ.
Li ttejjeb it-trasparenza tas-swieq u xxerred l-informazzjoni dwar it-tendenzi
fi swieq fil-livell lokali, tal-UE u internazzjonali. Li, qabel tmiem l-2013,
tvara kampanja ta’ Komunikazzjoni dwar il-punti ta' saħħa tal-akkwakultura
tal-UE. ·
Mira għall-Kunsill Konsultattiv
għall-Akkwakultura: Li jappoġġjaw l-istrutturar
tal-produzzjoni tal-akkwakultura u l-kummerċjalizzazzjoni inklużi
iċ-ċertifikazzjoni u t-tikkettjar. Li jikkontribwixxu għat-titjib
tal-intelliġenza tas-suq tas-settur. Li jiffaċilitaw inizjattivi
awtoregolatorji u jgħinu fil-komunikazzjoni ta' dawn il-karatteristiċi lill-konsumatur. 4. Governanza
ġdida biex tappoġġja l-akkwakultura fl-UE Il-metodu miftuħ ta’ koordinazzjoni jipprovdi
qafas ta’ strateġija nazzjonali għall-iżvilupp u għall-koordinazzjoni
tal-politiki bejn l-Istati Membri tal-UE. Dan il-proċess volontarju għandu
l-għan li jagħti tweġibiet prattiċi għall-isfidi identifikati mill-Istati
Membri u l-partijiet interessati. Dan jinvolvi azzjoni miftiehma bejn l-UE u
l-politiki nazzjonali b’rispett sħiħ tal-prinċipju tas-sussidjarjetà. Sabiex jiffaċilitaw l-iskambju ta’ għarfien u
l-aħjar prattiki, kull Stat Membru huwa mistieden biex jidentifika punt ta’
kuntatt nazzjonali; il-Kummissjoni se tirreferi għalihom fost oħrajn meta
torganizza evalwazzjonijiet bejn il-pari u meta jiġu identifikati u jixterdu
l-aħjar prattiki. 4.1. Pjan
strateġiku nazzjonali multiannwali għall-promozzjoni ta’ akkwakultura
sostenibbli Sabiex jikkoodinaw aħjar azzjonijiet li
jippromwovu l-akkwakultura, l-Istati Membri huma mitluba, skont il-proposti
tal-Kummissjoni li bħalissa qed ikunu diskussi mal-Parlament u l-Kunsill, biex
jippreparaw pjan strateġiku nazzjonali multiannwali bbażat fuq il-Linji Gwida
Strateġiċi tal-UE ppreżentati f’din il-Komunikazzjoni. Il-Kummissjoni ħejjiet
abbozz tal-istruttura tal-pjan (l-Anness 1) sabiex tittaffa l-ħidma
tal-Istati Membri. Il-pjanijiet nazzjonali multiannwali għandhom
ikopru l-perjodu mill-2014 sal-2020. L-Istati Membri huma mħeġġa jagħmlu
valutazzjoni ta’ nofs it-terminu dwar l-implimentazzjoni tal-pjan tagħhom sa
tmiem l-2017. 4.2. Komplementarjetà
mal-Fond Ewropew Marittimu u tas-Sajd Il-FEMS propost huwa maħsub biex jappoġġja
l-implimentazzjoni dwar il-PKS. Kull Stat Membru ikun mistieden biex ifassal
Programm Operattiv (OP) li jidentifika l-azzjonijiet li biħsiebu jiffinanzja
permezz tal-FEMS. Fejn hija kkonċernata l-akkwakultura, ikun importanti li l-OP
ikun konsistenti mal-pjan nazzjonali multiannwali msemmi hawn fuq sabiex
titrawwem il-koerenza tal-politika kollha. 4.3. Skambju
tal-aħjar prattiki Il-metodu miftuħ ta’ koordinazzjoni għandu l-għan ukoll
li jiżviluppa proċess ta’ tagħlim reċiproku mal-Istati Membri kollha. Għodda
ewlenija f’dan ir-rigward huma s-seminars ta' evalwazzjoni bejn il-pari fejn
l-Istati Membri jistgħu jaqsmu u jevalwaw l-effettività ta’ prattiki tajbin
identifikati fil-politiki, il-programmi jew l-arranġamenti istituzzjonali,
inkluż fir-rigward tal-valutazzjoni tal-valutazzjoni u l-mitigazzjoni
tal-impatti ambjentali. Dawn jipprovdu opportunitajiet ta’ tagħlim fl-UE dwar
il-proċess ta’ implimentazzjoni jew l-approċċi ta’ politika. L-Istati Membri huma mħeġġa jissottomettu tliet
proposti ta’ prattika tajba fil-pjan nazzjonali multiannwali tagħhom.
Il-Kummissjoni għandha l-intenzjoni li torganizza tal-inqas fuq bażi annwali
bejn seminars ta' evalwazzjoni bejn il-pari biex jippreżentaw il-prattika
tajbin magħżula u jsir skambju ta’ informazzjoni bejn l-Istati Membri. 4.4. Kunsill
Konsultattiv tal-akkwakultura Id-djalogu mal-partijiet interessati kien
essenzjali sabiex jintlaħqu l-għanijiet tal-PKS. Il-ħolqien ta’ Kunsill Konsultattiv
tal-akkwakultura (AAC - 'Aquaculture Advisory Council') għandu jgħin
lill-Kummissjoni u lill-Istati Membri biex jibbenefikaw mill-għarfien u
l-esperjenza tal-partijiet kollha interessati. Ir-rwol tal-AAC se jkun li jipprovdi
rakkomandazzjonijiet lil dawk li jfasslu l-politika, sabiex ikunu megħjuna
jadottaw deċiżjonijiet ibbażati fuq l-evidenza. Il-Kummissjoni tħeġġeġ
il-parteċipazzjoni attiva tal-partijiet interessati rilevanti kollha:
il-produtturi, l-industrija upstream (fornituri tal-għalf, organizzazzjonijiet
tar-riċerka, veterinarji, fornituri ta’ tagħmir), l-industrija downstream (i.a.
il-ħsad, it-trasport ta' annimali ħajjin, l-ipproċessar, l-esportazzjoni,
id-distribuzzjoni), l-assoċjazzjonijiet tal-konsumaturi, l-NGOs ambjentali,
it-trejdjunjins, eċċ. 4.5. Il-passi
li jmiss L-Istati Membri huma mistiedna li jibagħtu il-pjan
nazzjonali multiannwali tagħhom lill-Kummissjoni sa mhux aktar tard minn meta
jibagħtu l-Programm Operattiv. Sa April tal-2014, il-Kummissjoni biħsiebha
tħejji rapport sommarju tal-pjanijiet nazzjonali kollha bl-għan li jkun hemm
qsim tal-informazzjoni fost l-Istati Membri u għat-tixrid ta’ prattiki tajbin. L-Istati Membri huma mħeġġa jagħmlu evalwazzjoni
ta' nofs it-terminu tal-implimentazzjoni tal-pjan nazzjonali multiannwali
tagħhom sa tmiem l-2017 li fuq il-bażi tagħha l-Kummissjoni beħsiebha
tikkunsidra l-opportunità li tirrevedi l-linji gwida strateġiċi. ANNESS Abbozz ta’ pjan nazzjonali multiannwali
għall-iżvilupp tal-akkwakultura sostenibbli 1. Il-kuntest nazzjonali u
r-rabta mal-għanijiet nazzjonali ewlenin ·
Sitwazzjoni nazzjonali u approċċ strateġiku lejn
l-għanijiet ewlenin tal-UE ·
L-għan tat-tkabbir nazzjonali kkwantifikat
(2014-2020) 2. Reazzjoni għal-linji gwida
strateġiċi (a)
Proċeduri amministrattivi ssimplifikati: (1)
Valutazzjoni tas-sitwazzjoni nazzjonali: (a)
Deskrizzjoni kwalitattiva tal-konfigurazzjoni
amministrattiva (l-entitajiet ewlenin responsabbli għal-liċenzjar,
id-distribuzzjoni tar-responsabbiltajiet bejn l-amministrazzjonijiet, eċċ.) (b)
Dejta kwantitattiva u spjegazzjonijiet: ara l-lista
fit-test ewlieni (2)
Elementi ewlenin tar-reazzjoni politika maħsuba:
azzjonijiet ippjanati biex jitnaqqas il-piż amministrattiv (3)
Jekk applikabbli, il-miri u l-indikaturi
kkwantifikati korrispondenti (pereż. tnaqqis mistenni fl-ispejjeż
amministrattivi u/jew fid-dewmien, eċċ.) (b)
L-iżgurar ta’ żvilupp u tkabbir sostenibbli
tal-akkwakultura permezz ta’ ppjanar spazjali kkoordinat (1)
Valutazzjoni tas-sitwazzjoni nazzjonali: il-qafas
eżistenti għall-ippjanar tal-ispazju (tal-baħar u fuq l-art), id-distribuzzjoni
tal-kompetenzi, il-pjanijiet spazjali diġà fis-seħħ. (2)
Elementi ewlenin tar-reazzjoni politika maħsuba:
kif l-ippjanar spazjali se jiġi promoss b’kont meħud tal-ħtiġijiet
tal-akkwakultura (3)
Fejn ikun applikabbli, il-miri u l-indikaturi
kkwantifikati korrispondenti (pereż. l-għadd u s-superfiċje taż-żoni ġodda
magħżula għall-akkwakultura, l-għadd ta’ pjanijiet reġjonali adottati) (c)
Tisħiħ tal-kompetittività tal-akkwakultura
tal-UE (1)
Valutazzjoni tas-sitwazzjoni nazzjonali: il-punti
ta' saħħa u dgħajfin tas-settur tal-akkwakultura, nazzjonali, l-appoġġ
eżistenti tar-R&Ż, iż-żoni fejn hija l-aktar meħtieġa ż-żieda
fil-kompetittività (2)
Elementi ewlenin tar-reazzjoni politika maħsuba:
attivitajiet ippjanati sabiex tiġi appoġġjata l-innovazzjoni u r-rabtiet bejn
ir-R&Ż u l-industrija; eċċ. (3)
Fejn applikabbli, il-miri kwantifikati u
l-indikaturi korrispondenti (pereż. l-għadd ta’ sħubiji bejn l-industrija u
r-R&Ż) (d)
Il-promozzjoni ta’ kundizzjonijiet ekwi
għall-operaturi fl-UE billi jisfruttaw il-vantaġġi kompetittivi tagħhom (1)
Valutazzjoni tas-sitwazzjoni nazzjonali:
l-organizzazzjonijiet tal-produtturi, l-iskemi eżistenti biex jirrikonoxxu
s-sostenibbiltà (pereż. l-iskemi volontarji użati mill-bejjiegħa bl-imnut
nazzjonali ewlenin), il-perċezzjoni tal-akkwakultura mill-popolazzjoni ġenerali (2)
Elementi ewlenin tar-reazzjoni politika maħsuba:
(2014-2020) azzjonijiet previsti biex titjieb l-immaġni tal-prodotti
tal-akkwakultura tal-UE (pereż. kampanji ta’ komunikazzjoni, appoġġ
għall-parteċipazzjoni fi skemi volontarji, appoġġ għall-akwakultura organika) (3)
Fejn applikabbli, il-miri u l-indikaturi
kkwantifikati korrispondenti (eż. il-perċentwal ta’ akkwakultura organika u/jew
iċċertifikata, eċċ.) 3. Governanza u sħubija ·
Kontribuzzjonijiet importanti mill-atturi ewlenin
involuti (l-awtoritajiet reġjonali u/jew lokali, l-industrija, il-partijiet
interessati u l-NGOs) ·
Rabta mal-FEMS, il-prijoritajiet tal-OP u
l-allokazzjonijiet finanzjarji oħra (FEMS u fondi oħra tal-UE jew nazzjonali) ·
L-isem u d-dettalji ta’ kuntatt tal-Punt ta’
Kuntatt Nazzjonali għall-promozzjoni ta’ akkwakultura sostenibbli 4. L-aħjar prattiki ·
Identifikazzjoni u preżentazzjoni tal-aqwa 3
prattiki nazzjonali [1] Għall-fini ta’ din il-Komunikazzjoni, il-kelma “frott
tal-baħar” tinkludi l-prodotti kollha tas-sajd u tal-akkwakultura [2] SEG(2011)883 [3] Elaborazzjoni ta' DĠ MARE mid-dejta tal-Eurostat [4] Elaborazzjoni ta' DĠ MARE mid-dejta ta' STECF
(STECF-OWP-12-03) [5] COM(2012) 494 [6] COM(2011) 425 [7] Id-Direttiva 2000/60/KE [8] Id-Direttiva 2008/56/KE [9] Ir-Regolament (EU) Nru 304/2011 [10] http://ec.europa.eu/environment/nature/natura2000/management/docs/Aqua-N2000%20guide.pdf [11] Rapport tekniku tal-JRC “Approċċ lejn Indikaturi ta'
Prestazzjoni għall-Akkwakultura Ewropea” [12] Dejta minn proġett tal-FAO SHoCMed, integrata ma’
informazzjoni mingħand assoċjazzjonijiet tal-produtturi u awtoritajiet pubbliċi
http://www.faosipam.org/?pag=content/_ShowPortal&Portal=SHOCMED [13] http://www.europarl.europa.eu/committees/en/studiesdownload.html?languageDocument=EN&file=29819 [14] http://www.windbarriers.eu/fileadmin/WB_docs/documents/WindBarriers_report.pdf
[15] http://ec.europa.eu/enterprise/policies/sme/business-environment/administrative-burdens/ [16] COM(2012) 795 finali [17] Għal aktar tagħrif dwar il-Grupp ta’ Livell Għoli: http://ec.europa.eu/dgs/secretariat_general/admin_burden/ind_stakeholders/ind_stakeholders_en.htm [18] http://ec.europa.eu/maritimeaffairs/documentation/studies/documents/economic_effects_maritime_spatial_planning_en.pdf ; http://www.windbarriers.eu/fileadmin/WB_docs/documents/WindBarriers_report.pdf [19] Rapport tekniku tal-JRC “Approċċ lejn Indikaturi ta'
Prestazzjoni għall-Akkwakultura Ewropea” [20] http://www.bim.ie/media/bim/content/BIM_CLAMS_Explanatory_Handbook.pdf [21] http://www.intecmar.org/esga/ [22] http://www.mmm.fi/en/index/frontpage/Fishing,_game_reindeer/Fisheriesindustry/aquaculture.htm
[23] Eż. "Windspeed" roadmap http://www.windspeed.eu/ [24] Riż. GFCM/36/2012/1 http://www.faosipam.org/GfcmWebSite/docs/RecRes/RES-GFCM_36_2012_1.pdf [25] http://www.aquabestproject.eu [26] COM(2013) 133 finali [27] http://www.europarl.europa.eu/committees/en/studiesdownload.html?languageDocument=EN&file=29819 [28] Ara pereż. http://ec.europa.eu/environment/nature/natura2000/management/guidance_en.htm
http://www.project-gpwind.eu/ [29] http://www.europarl.europa.eu/committees/en/pech/studiesdownload.html?languageDocument=EN&file=29823 [30] COM (2012) 494 [31] Direttiva tal-Kunsill 79/409/KEE [32] http://ec.europa.eu/environment/nature/cormorants.htm [33] Id-dejta tal-Eurostat u http://ec.europa.eu/agriculture/analysis/markets/organic_2010_en.pdf