Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32022R0739

Regolament ta’ Implimentazzjoni tal-Kummissjoni (UE) 2022/739 tat-13 ta’ Mejju 2022 li jemenda r-Regolament ta’ Implimentazzjoni (UE) 2020/761 fir-rigward ta’ ġestjoni ta’ ċerti kwoti tariffarji għall-importazzjoni tat-tjur u tal-kwota tariffarja għall-esportazzjoni tat-trab tal-ħalib lejn ir-Repubblika Dominicana

C/2022/3054

ĠU L 137, 16.5.2022, p. 7–9 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/739/oj

16.5.2022   

MT

Il-Ġurnal Uffiċjali tal-Unjoni Ewropea

L 137/7

REGOLAMENT TA’ IMPLIMENTAZZJONI TAL-KUMMISSJONI (UE) 2022/739

tat-13 ta’ Mejju 2022

li jemenda r-Regolament ta’ Implimentazzjoni (UE) 2020/761 fir-rigward ta’ ġestjoni ta’ ċerti kwoti tariffarji għall-importazzjoni tat-tjur u tal-kwota tariffarja għall-esportazzjoni tat-trab tal-ħalib lejn ir-Repubblika Dominicana

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-Artikolu 187, l-ewwel paragrafu, il-punt (a) u (b) tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2020/761 (2) jistabbilixxi r-regoli għall-ġestjoni tal-kwoti tariffarji tal-importazzjoni u tal-esportazzjoni għal prodotti agrikoli ġestiti b’sistema ta’ liċenzji tal-importazzjoni u tal-esportazzjoni, jiftaħ kwoti tariffarji tal-importazzjoni u tal-esportazzjoni għal prodotti agrikoli speċifiċi u jipprevedi regoli speċifiċi għall-amministrazzjoni ta’ dawk il-kwoti tariffarji.

(2)

L-Artikolu 55 tar-Regolament ta’ Implimentazzjoni (UE) 2020/761 jiftaħ kwota tariffarja għall-esportazzjonijiet lejn ir-Repubblika Dominicana ta’ trab tal-ħalib li joriġina mill-UE. Il-kwota hija miftuħa għall-prodotti kollha li jaqgħu taħt il-kodiċijiet NM 0402 10, 0402 21 u 0402 29.

(3)

Bħalissa, din il-kwota tal-esportazzjoni tkopri 13-il kodiċi NM. Għalhekk, sabiex jiġu ffaċilitati dawn l-esportazzjonijiet tat-trab tal-ħalib lejn ir-Repubblika Dominicana, il-liċenzja tal-esportazzjoni għandha tkun valida għall-prodotti kollha li jaqgħu taħt il-kodiċijiet NM koperti minn din il-kwota irrispettivament mill-kodiċijiet NM imsemmija b’mod espliċitu fl-applikazzjoni.

(4)

Ir-Regolament Delegat tal-Kummissjoni (UE) 2020/760 (3) jissupplimenta r-Regolament (UE) Nru 1308/2013 fir-rigward tar-regoli għall-amministrazzjoni tal-kwoti tariffarji tal-importazzjoni u tal-esportazzjoni soġġetti għal-liċenzji.

(5)

L-Artikolu 9(6) tar-Regolament Delegat (UE) 2020/760 jipprevedi li, għall-gruppi ta’ kwoti tariffarji taħt in-numri tal-ordni 09.4211, 09.4212, 09.4213 u 09.4290, il-kwantità ta’ referenza għandha tiġi kkalkulata billi jiġu akkumulati l-kwantitajiet ta’ prodotti rilaxxati għaċ-ċirkolazzjoni libera fl-Unjoni, li jaqgħu f’kull wieħed min-numri tal-ordni tal-kwota tal-grupp.

(6)

Fl-Anness XII tar-Regolament ta’ Implimentazzjoni (UE) 2020/761, il-perjodi tal-kwota għall-kwoti tariffarji taħt in-numri tal-ordni 09.4211 u 09.4212 huma diviżi f’subperjodi filwaqt li l-perjodi tal-kwota għall-kwoti tariffarji taħt in-numri tal-ordni 09.4213 u 09.4290 mhumiex, u dan jagħmel il-kalkolu tal-kwantità referenzjali partikolarment ikkumplikat.

(7)

Sabiex jiġi ssimplifikat il-kalkolu tal-kwantità ta’ referenza, huwa xieraq li l-perjodi tal-kwota għan-numri tal-ordni 09.4213 u 09.4290 jinqasmu fl-istess subperjodi bħal dawk stabbiliti għan-numri tal-ordni 09.4211 u 09.4212.

(8)

Għaldaqstant, jenħtieġ li r-Regolament ta’ Implimentazzjoni (UE) 2020/761 jiġi emendat skont dan.

(9)

Il-miżuri stipulati f’dan ir-Regolament huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Emendi għar-Regolament ta’ Implimentazzjoni (UE) 2020/761

Ir-Regolament ta’ Implimentazzjoni (UE) 2020/761 huwa emendat kif ġej:

(1)

fl-Artikolu 56(3), il-punt (b) huwa sostitwit b’dan li ġej:

“(b)

It-Taqsima 20 għandha tindika:

“Ir-Regolament ta’ Implimentazzjoni (UE) 2020/761.

Kwota tariffarja għall-1 ta’ Lulju 20 ... sat-30 ta’ Ġunju 20 ..., għat-trab tal-ħalib skont l-Appendiċi 2 tal-Anness III tal-Ftehim ta’ Sħubija Ekonomika bejn l-Istati CARIFORUM, minn naħa waħda, u l-Komunità Ewropea u l-Istati Membri tagħha, min-naħa l-oħra, li l-iffirmar u l-applikazzjoni proviżorja tagħha ġew approvati mid-Deċiżjoni tal-Kunsill 2008/805/KE.

Il-liċenzja tal-esportazzjoni għandha tkun valida għal kwalunkwe prodott li jaqa’ taħt il-kodiċijiet NM imsemmija fl-Artikolu 55(2) tar-Regolament ta’ Implimentazzjoni (UE) 2020/761””.

(2)

L-Anness XII huwa emendat f’konformità mal-Anness ta’ dan ir-Regolament.

Artikolu 2

Id-dħul fis-seħħ

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika għall-perjodi tal-kwota tariffarja li jibdew wara d-dħul fis-seħħ ta’ dan ir-Regolament.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Mejju 2022.

Għall-Kummissjoni

Il-President

Ursula VON DER LEYEN

(1)  ĠU L 347, 20.12.2013, p. 671.

(2)  Ir-Regolament ta’ Implimentazzjoni tal-Kummissjoni (UE) 2020/761 tas-17 ta’ Diċembru 2019 li jistabbilixxi regoli għall-applikazzjoni tar-Regolamenti (UE) Nru 1306/2013, (UE) Nru 1308/2013 u (UE) Nru 510/2014 tal-Parlament Ewropew u tal-Kunsill fir-rigward tas-sistema ta’ ġestjoni tal-kwoti tariffarji bil-liċenzji (ĠU L 185, 12.6.2020, p. 24).

(3)  Ir-Regolament Delegat tal-Kummissjoni (UE) 2020/760 tas-17 ta’ Diċembru 2019 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tar-regoli għall-amministrazzjoni tal-kwoti tariffarji tal-importazzjoni u l-esportazzjoni soġġetti għal liċenzji u li jissupplimenta r-Regolament (UE) Nru 1306/2013 tal-Parlament Ewropew u tal-Kunsill fir-rigward tad-depożitu ta’ garanziji fl-amministrazzjoni tal-kwoti tariffarji (ĠU L 185, 12.6.2020, p. 1).

ANNESS

L-Anness XII tar-Regolament ta’ Implimentazzjoni (UE) 2020/761 huwa emendat kif ġej:

(1)

it-tabella dwar il-kwota tariffarja bin-numru tal-ordni 09.4213 hija emendata kif ġej:

(a)

ir-ringiela “Subperjodi tal-kwoti tariffarji” hija sostitwita b’dan li ġej:

“Subperjodi tal-kwoti tariffarji

Mill-1 ta’ Lulju sat-30 ta’ Settembru

Mill-1 ta’ Ottubru sal-31 ta’ Diċembru

Mill-1 ta’ Jannar sal-31 ta’ Marzu

Mill-1 ta’ April sat-30 ta’ Ġunju”

(b)

ir-ringiela “Kwantità f’kilogrammi” hija sostitwita b’dan li ġej:

“Kwantità f’kilogrammi

368 000  kg, diviżi kif ġej:

30 % għas-subperjodu mill-1 ta’ Lulju sat-30 ta’ Settembru

30 % għas-subperjodu mill-1 ta’ Ottubru sal-31 ta’ Diċembru

20 % għas-subperjodu mill-1 ta’ Jannar sal-31 ta’ Marzu

20 % għas-subperjodu mill-1 ta’ April sat-30 ta’ Ġunju”

(2)

it-tabella dwar il-kwota tariffarja bin-numru tal-ordni 09.4290 hija emendata kif ġej:

(a)

ir-ringiela “Subperjodi tal-kwoti tariffarji” hija sostitwita b’dan li ġej:

“Subperjodi tal-kwoti tariffarji

Mill-1 ta’ Lulju sat-30 ta’ Settembru

Mill-1 ta’ Ottubru sal-31 ta’ Diċembru

Mill-1 ta’ Jannar sal-31 ta’ Marzu

Mill-1 ta’ April sat-30 ta’ Ġunju”

(b)

ir-ringiela “Kwantità f’kilogrammi” hija sostitwita b’dan li ġej:

“Kwantità f’kilogrammi

456 000  kg, diviżi kif ġej:

30 % għas-subperjodu mill-1 ta’ Lulju sat-30 ta’ Settembru

30 % għas-subperjodu mill-1 ta’ Ottubru sal-31 ta’ Diċembru

20 % għas-subperjodu mill-1 ta’ Jannar sal-31 ta’ Marzu

20 % għas-subperjodu mill-1 ta’ April sat-30 ta’ Ġunju”
Top