This document is an excerpt from the EUR-Lex website
Document 32021R0572
Commission Delegated Regulation (EU) 2021/572 of 20 January 2021 amending Delegated Regulation (EU) 2016/127 as regards the date of application of certain of its provisions (Text with EEA relevance)
Regolament Delegat tal-Kummissjoni (UE) 2021/572 tal-20 ta’ Jannar 2021 li jemenda r-Regolament Delegat (UE) 2016/127 fir-rigward tad-data tal-applikazzjoni ta’ wħud mid-dispożizzjonijiet tiegħu (Test b’rilevanza għaż-ŻEE)
Regolament Delegat tal-Kummissjoni (UE) 2021/572 tal-20 ta’ Jannar 2021 li jemenda r-Regolament Delegat (UE) 2016/127 fir-rigward tad-data tal-applikazzjoni ta’ wħud mid-dispożizzjonijiet tiegħu (Test b’rilevanza għaż-ŻEE)
C/2021/155
ĠU L 120, 8.4.2021, p. 4–5
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.4.2021 |
MT |
Il-Ġurnal Uffiċjali tal-Unjoni Ewropea |
L 120/4 |
REGOLAMENT DELEGAT TAL-KUMMISSJONI (UE) 2021/572
tal-20 ta’ Jannar 2021
li jemenda r-Regolament Delegat (UE) 2016/127 fir-rigward tad-data tal-applikazzjoni ta’ wħud mid-dispożizzjonijiet tiegħu
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 609/2013 tal-Parlament Ewropew u tal-Kunsill tat-12 ta’ Ġunju 2013 dwar ikel maħsub għat-trabi u t-tfal żgħar, ikel għal skopijiet mediċi speċjali, u bħala sostitut tad-dieta kollha għall-kontroll tal-piż u li jħassar id-Direttiva tal-Kunsill 92/52/KEE, id-Direttivi tal-Kummissjoni 96/8/KE, 1999/21/KE, 2006/125/KE u 2006/141/KE, id-Direttiva 2009/39/KE tal-Parlament Ewropew u tal-Kunsill u r-Regolamenti tal-Kummissjoni (KE) Nru 41/2009 u (KE) Nru 953/2009 (1), u b’mod partikolari l-Artikolu 11(2) tiegħu,
Billi:
|
(1) |
Ir-Regolament Delegat tal-Kummissjoni (UE) 2016/127 (2) jistabbilixxi, fost l-oħrajn, rekwiżiti speċifiċi dwar il-kompożizzjoni tal-formula tat-trabi u tal-formula ta’ prosegwiment manifatturati mill-idrolisat tal-proteina. Ir-Regolament Delegat (UE) 2016/127 jipprevedi li d-dispożizzjonijiet tiegħu dwar il-formula tat-trabi u ta’ prosegwiment manifatturati mill-idrolisati tal-proteina japplikaw mit-22 ta’ Frar 2021. |
|
(2) |
L-użu tal-idrolisati tal-proteina bħala sors ta’ proteina fil-formula tat-trabi u fil-formula ta’ prosegwiment ġie permess skont id-Direttiva tal-Kummissjoni 2006/141/KE (3). Madankollu, fl-opinjoni tagħha dwar il-kompożizzjoni essenzjali tal-formuli tat-trabi u tal-formuli ta’ prosegwiment (4), l-Awtorità Ewropea dwar is-Sigurtà fl-Ikel (“l-Awtorità”) innotat li s-sikurezza u l-adegwatezza ta’ kull formula speċifika li fiha l-idrolisati tal-proteina għandha tiġi stabbilita permezz ta’ evalwazzjoni klinika. |
|
(3) |
S’issa waħda biss mill-formuli attwalment fis-suq irċeviet valutazzjoni pożittiva mill-Awtorità. Il-kompożizzjoni tagħha tikkorrispondi għar-rekwiżiti previsti fir-Regolament Delegat (UE) 2016/127. |
|
(4) |
L-awtorità bħalissa qed tivvaluta s-sikurezza u l-adegwatezza ta’ għadd ta’ kompożizzjonijiet oħra, li jikkorrispondu għal formuli li attwalment jitqiegħdu fis-suq legalment f’konformità mad-Direttiva 2006/141/KE. |
|
(5) |
Ir-rekwiżiti previsti fir-Regolament Delegat (UE) 2016/127 jistgħu jiġu aġġornati sabiex jippermettu t-tqegħid fis-suq ta’ formuli manifatturati mill-idrolisati tal-proteina b’kompożizzjoni differenti minn dik li diġà ġiet ivvalutata b’mod pożittiv, wara evalwazzjoni każ b’każ tas-sikurezza u tal-idoneità tagħhom mill-Awtorità |
|
(6) |
Madankollu, il-pandemija tal-COVID-19 u l-kriżi tas-saħħa pubblika assoċjata kkawżaw dewmien mhux mistenni fil-valutazzjonijiet xjentifiċi tal-formuli li bħalissa qed jiġu evalwati mill-Awtorità. |
|
(7) |
Sabiex jiġi evitat tfixkil potenzjali fis-suq, jeħtieġ li l-applikazzjoni tar-rekwiżiti għall-formula tat-trabi u għall-formula ta’ prosegwiment manifatturati mill-idrolisati tal-proteina tiġi posposta għal perjodu ta’ żmien meqjus xieraq biex jiġu kkumpensati l-effetti tal-pandemija tal-COVID-19 fuq l-evalwazzjoni mwettqa mill-Awtorità. |
|
(8) |
Fid-dawl tal-ħtieġa li jiġi evitat tfixkil fis-suq, jenħtieġ li dan ir-Regolament jidħol fis-seħħ b’urġenza fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
|
(9) |
Għalhekk jenħtieġ li r-Regolament Delegat tal-Kummissjoni (UE) 2016/127 jiġi emendat skont dan. |
ADOTTAT DAN IR-REGOLAMENT:
Artikolu 1
Ir-Regolament Delegat (UE) 2016/127 huwa emendat kif ġej:
|
(1) |
Fl-Artikolu 13, l-ewwel paragrafu huwa sostitwit b’dan li ġej: “F’konformità mal-Artikolu 20(4) tar-Regolament (UE) Nru 609/2013, id-Direttiva 2006/141/KE hija mħassra b’effett mit-22 ta’ Frar 2020. Madankollu, id-Direttiva 2006/141/KE għandha tkompli tapplika sal-21 ta’ Frar 2022 għall-formula tat-trabi u għall-formula ta’ prosegwiment manufatturati mill-idrolisati tal-proteina.” |
|
(2) |
Fl-Artikolu 14, it-tieni paragrafu huwa sostitwit b’dan li ġej: “Japplika mit-22 ta’ Frar 2020, għajr fir-rigward tal-formula tat-trabi u tal-formula ta’ prosegwiment manufatturati mill-idrolisati tal-proteina, li fil-każ tagħhom japplika mit-22 ta’ Frar 2022.” |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Jannar 2021.
Għall-Kummissjoni
Il-President
Ursula VON DER LEYEN
(1) ĠU L 181, 29.6.2013, p. 35.
(2) Ir-Regolament Delegat tal-Kummissjoni (UE) 2016/127 tal-25 ta’ Settembru 2015 li jissupplimenta r-Regolament (UE) Nru 609/2013 tal-Parlament Ewropew u tal-Kunsill fir-rigward ta’ rekwiżiti speċifiċi dwar il-kompożizzjoni u l-informazzjoni tal-formula tat-trabi u tal-formula ta’ prosegwiment u fir-rigward ta’ rekwiżiti dwar l-informazzjoni dwar it-tmigħ tat-trabi u tat-tfal żgħar (ĠU L 25, 2.2.2016, p. 1).
(3) Id-Direttiva tal-Kummissjoni 2006/141/KE tat-22 ta’ Diċembru 2006 dwar formuli tat-trabi u formuli tal-prosegwiment u li temenda d-Direttiva 1999/21/KE (ĠU L 401, 30.12.2006, p. 1).
(4) EFSA NDA Panel (EFSA Panel on Dietetic Products, Nutrition and Allergies), 2014. Scientific Opinion on the essential composition of infant and follow-on formulae. EFSA Journal 2014;12(7):3760.