EUR-Lex Access to European Union law
This document is an excerpt from the EUR-Lex website
Document 32018R0676
Commission Regulation (EU) 2018/676 of 3 May 2018 correcting Commission Regulation (EU) No 546/2011 implementing Regulation (EC) No 1107/2009 of the European Parliament and of the Council as regards uniform principles for evaluation and authorisation of plant protection products (Text with EEA relevance. )
Regolament tal-Kummissjoni (UE) 2018/676 tat-3 ta' Mejju 2018 li jikkoreġi r-Regolament tal-Kummissjoni (UE) Nru 546/2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill dwar prinċipji uniformi għall-evalwazzjoni u l-awtorizzazzjoni ta' prodotti għall-protezzjoni tal-pjanti (Test b'rilevanza għaż-ŻEE. )
Regolament tal-Kummissjoni (UE) 2018/676 tat-3 ta' Mejju 2018 li jikkoreġi r-Regolament tal-Kummissjoni (UE) Nru 546/2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill dwar prinċipji uniformi għall-evalwazzjoni u l-awtorizzazzjoni ta' prodotti għall-protezzjoni tal-pjanti (Test b'rilevanza għaż-ŻEE. )
C/2018/2565
ĠU L 114, 4.5.2018, p. 8–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
4.5.2018 |
MT |
Il-Ġurnal Uffiċjali tal-Unjoni Ewropea |
L 114/8 |
REGOLAMENT TAL-KUMMISSJONI (UE) 2018/676
tat-3 ta' Mejju 2018
li jikkoreġi r-Regolament tal-Kummissjoni (UE) Nru 546/2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill dwar prinċipji uniformi għall-evalwazzjoni u l-awtorizzazzjoni ta' prodotti għall-protezzjoni tal-pjanti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-Artikolu 29(6) u 84(d) tiegħu,
Billi:
|
(1) |
Hemm żball fil-punt C. 2.5.1.2. (i) tal-Parti I tal-Anness tar-Regolament tal-Kummissjoni (UE) Nru 546/2011 (2) li tistabbilixxi l-prinċipji speċifiċi li jridu jiġu kkunsidrati fil-proċess tat-teħid tad-deċiżjonijiet fir-rigward tal-konċentrazzjoni tas-sustanza attiva u tal-metaboliti rilevanti, il-prodotti ta' degradazzjoni u ta' reazzjoni fl-ilma ta' taħt l-art. |
|
(2) |
L-iżball feġġ meta ġew inkorporati ċerti dispożizzjonijiet tad-Direttiva tal-Kunsill 91/414/KEE (3) imħassra fir-Regolament (UE) Nru 546/2011 skont l-Artikolu 84(d) tar-Regolament (KE) Nru 1107/2009. |
|
(3) |
Fl-Anness tad-Direttiva 91/414/KEE, saret referenza għad-Direttiva tal-Kunsill 80/778/KEE dwar il-kwalità tal-ilma maħsub għall-konsum mill-bniedem (4) u li sussegwentement ġiet imħassra u sostitwita bid-Direttiva tal-Kunsill 98/83/KE dwar il-kwalità tal-ilma maħsub għall-konsum mill-bniedem (5). Għalhekk, ir-Regolament (UE) Nru 546/2011 għandu jirreferi għad-Direttiva 98/83/KE tal-Kunsill u mhux għad-Direttiva 2006/118/KE tal-Parlament Ewropew u tal-Kunsill (6), dwar il-protezzjoni tal-ilma ta' taħt l-art kontra t-tniġġis u d-deterjorament. |
|
(4) |
Ir-Regolament (UE) Nru 546/2011 għalhekk jenħtieġ li jiġi kkoreġut skont dan. |
|
(5) |
Sabiex jiġi żgurat li l-kriterji korretti għal implimentazzjoni xierqa tal-prinċipji uniformi huma applikati wkoll għal proċeduri ta' valutazzjoni kontinwa, din il-korrezzjoni jenħtieġ li tibda tapplika mill-aktar fis possibbli. |
|
(6) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 546/2011 huwa kkorreġut kif ġej:
|
|
Fil-Parti I tal-Anness, il-punt C. 2.5.1.2. (i) huwa sostitwit b'dan li ġej:
|
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Mejju 2018.
Għall-Kummissjoni
Il-President
Jean-Claude JUNCKER
(1) ĠU L 309, 24.11.2009, p. 1.
(2) Ir-Regolament tal-Kummissjoni (UE) Nru 546/2011 tal-10 ta' Ġunju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill dwar prinċipji uniformi għall-evalwazzjoni u l-awtorizzazzjoni ta' prodotti għall-protezzjoni tal-pjanti. (ĠU L 155, 11.6.2011, p. 127).
(3) Id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (ĠU L 230, 19.8.1991, p. 1).
(4) Direttiva tal-Kunsill 80/778/KEE tal-15 ta' Lulju 1980 dwar il-kwalità tal-ilma maħsub għall-konsum tal-bniedem (ĠU L 229, 30.8.1980, p. 11).
(5) Id-Direttiva tal-Kunsill 98/83/KE tat-3 ta' Novembru 1998 dwar il-kwalità tal-ilma maħsub għall-konsum mill-bniedem (ĠU L 330, 5.12.1998, p. 32).
(6) Id-Direttiva Nru 2006/118/KE tal-Parlament Ewropew u tal-Kunsill tat-12 ta' Diċembru 2006 dwar il-protezzjoni tal-ilma ta' taħt l-art kontra t-tniġġis u d-deterjorament (ĠU L 372, 27.12.2006, p. 19).
(*1) Id-Direttiva tal-Kunsill 98/83/KE tat-3 ta' Novembru 1998 dwar il-kwalità tal-ilma maħsub għall-konsum mill-bniedem (ĠU L 330, 5.12.1998, p. 32).”