This document is an excerpt from the EUR-Lex website
Document 32017R2415
Council Regulation (EU) 2017/2415 of 21 December 2017 amending Regulation (EU) No 356/2010 imposing certain specific restrictive measures directed against certain natural or legal persons, entities or bodies, in view of the situation in Somalia
Regolament tal-Kunsill (UE) 2017/2415 tal-21 ta' Diċembru 2017 li jemenda r-Regolament (UE) Nru 356/2010 li jimponi ċerti miżuri restrittivi speċifiċi diretti kontra ċerti persuni fiżiċi jew ġuridiċi, entitajiet jew korpi fid-dawl tas-sitwazzjoni fis-Somalja
Regolament tal-Kunsill (UE) 2017/2415 tal-21 ta' Diċembru 2017 li jemenda r-Regolament (UE) Nru 356/2010 li jimponi ċerti miżuri restrittivi speċifiċi diretti kontra ċerti persuni fiżiċi jew ġuridiċi, entitajiet jew korpi fid-dawl tas-sitwazzjoni fis-Somalja
ĠU L 343, 22.12.2017, p. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.12.2017 |
MT |
Il-Ġurnal Uffiċjali tal-Unjoni Ewropea |
L 343/33 |
REGOLAMENT TAL-KUNSILL (UE) 2017/2415
tal-21 ta' Diċembru 2017
li jemenda r-Regolament (UE) Nru 356/2010 li jimponi ċerti miżuri restrittivi speċifiċi diretti kontra ċerti persuni fiżiċi jew ġuridiċi, entitajiet jew korpi fid-dawl tas-sitwazzjoni fis-Somalja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill (PESK) 2017/2427 tal-21 ta' Diċembru 2017 li temenda d-Deċiżjoni 2010/231/PESK dwar miżuri restrittivi kontra s-Somalja (1),
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika tas-Sigurtà u mill-Kummissjoni Ewropea,
Billi:
|
(1) |
Fis-26 ta' April 2010, il-Kunsill adotta r-Regolament (UE) Nru 356/2010 (2), li jimponi ċerti miżuri restrittivi speċifiċi diretti kontra l-persuni fiżiċi jew ġuridiċi, l-entitajiet u l-korpi identifikati fl-Anness I għal dak ir-Regolament, kif previst fir-Riżoluzzjoni (UNSCR) 1844 (2008) tal-Kunsill tas-Sigurtà tan-Nazzjonijiet Uniti, kif emendata sussegwentement. |
|
(2) |
Fl-14 ta' Novembru 2017, il-Kunsill tas-Sigurtà tan-Nazzjonijiet Uniti adotta r- l-UNSCR 2385(2017). Fir-rigward tal-eżenzjoni mill-iffriżar tal-assi u mill-projbizzjoni fuq it-tqegħid għad-dospoizzjoni ta' fondi b'rabta mal-kunsinna fil-ħin ta' għajnuna umanitarja meħtieġa urġentement fis-Somalja, l-UNSCR 2385(2017) żammet ir-riferiment għall-organizzazzjonijiet mhux governattivi “li jipparteċipaw fil-Pjan ta' Rispons Umanitarju tan-Nazzjonijiet Uniti għas-Somalja”, li ġiet introdotta b'UNSCR 2244 (2015), minflok ir-referenza għal organizzazzjonijiet mhux governattivi “li jipparteċipaw fl-Appell Konsolidat tan-NU għas-Somalja”. |
|
(3) |
Fil-21 ta' Diċembru 2017, il-Kunsill adotta d-Deċiżjoni (PESK) 2017/2427 sabiex tkun tirrifletti l-bidla msemmija hawn fuq. |
|
(4) |
Din l-emenda taqa' fil-kamp ta' applikazzjoni tat-Trattat u, għaldaqstant, l-aktar bil-ħsieb li tiġi żgurata l-applikazzjoni uniformi tiegħu fl-Istati Membri kollha, hija meħtieġa azzjoni regolatorja fil-livell tal-Unjoni. |
|
(5) |
Għaldaqstant, jenħtieġ li r-Regolament (UE) Nru 356/2010 ikun emendat skont dan, |
ADOTTA DAN IR-REGOLAMENT:
Artikolu 1
L-Artikolu 4(1) tar-Regolament (UE) Nru 356/2010, huwa sostitwit b'dan li ġej:
“1. L-Artikolu 2(1) u (2) ma għandhomx japplikaw għat-tpoġġija ta' fondi jew riżorsi ekonomiċi meħtieġa biex tiġi żgurata l-kunsinna fil-ħin ta' għajnuna umanitarja meħtieġa urġentement fis-Somalja min-Nazzjonijiet Uniti, mill-aġenziji jew mill-programmi speċjalizzati tagħha, mill-organizzazzjonijiet umanitarji bi status ta' osservatur mal-Assemblea Ġenerali tan-Nazzjonijiet Uniti li jipprovdu għajnuna umanitarja, u mis-sħab tagħhom inkarigati mill-implimentazzjoni, inklużi NGOs iffinanzjati b'mod bilaterali jew multilaterali li jipparteċipaw fil-Pjan ta' Rispons Umanitarju tan-Nazzjonijiet Uniti għas-Somalja.”.
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta' Diċembru 2017.
Għall-Kunsill
Il-President
M. MAASIKAS
(1) Ara paġna 78 ta' dan il-Ġurnal Uffiċjali.
(2) Ir-Regolament tal-Kunsill (UE) Nru 356/2010 tas-26 ta' April 2010 li jimponi ċerti miżuri restrittivi speċifiċi diretti kontra ċerti persuni fiżiċi jew ġuridiċi, entitajiet jew korpi fid-dawl tas-sitwazzjoni fis-Somalja (ĠU L 105, 27.4.2010, p. 1).