17.5.2011   

MT

Il-Ġurnal Uffiċjali tal-Unjoni Ewropea

L 129/1

(1)

Fl-10 ta’ Diċembru 1999 u wara investigazzjoni (“l-investigazzjoni oriġinali kontra s-sussidji”) il-Kunsill impona, bir-Regolament (KE) Nru 2597/1999, dazju definittiv kumpensatorju fuq l-importazzjonijiet tat-tertuqa tat-tereftalat tal-polietilene (PET) li joriġinaw fl-Indja (3). Wara investigazzjoni tal-anti-dumping (“l-investigazzjoni anti-dumping oriġinali”) u wara l-impożizzjoni ta’ dazju anti-dumping provviżorju fl-24 ta’ Frar 2001 (4), bir-Regolament tal-Kummissjoni (KE) Nru 367/2001, ġie impost dazju anti-dumping definittiv fuq it-tertuqa PET li toriġina fl-Indja, bir-Regolament (KE) Nru 1676/2001 (5).

(2)

Fit-8 ta’ Marzu 2006, ġew ippubblikati żewġ Regolamenti tal-Kunsill li jikkonċernaw l-importazzjonijiet tat-tertuqa PET li toriġina fl-Indja. Ir-Regolament (KE) Nru 367/2006 (6) li segwa investigazzjoni ta’ reviżjoni ta’ skadenza u żamm id-dazju kumpensatorju definittiv (“ir-Regolament ta’ reviżjoni ta’ skadenza kontra s-sussidji”); u r-Regolament (KE) Nru 366/2006 (7) (“ir-Regolament ta’ emenda dwar l-anti-dumping”) li segwa l-investigazzjoni ta’ reviżjoni interim parzjali u li emenda d-dazju anti-dumping definittiv fuq importazzjonijiet bħal dawn.

(3)

Fis-6 ta’ Novembru 2007, wara reviżjoni ta’ skadenza, ġie impost dazju anti-dumping definittiv fuq l-importazzjonijiet ta’ tertuqa PET li joriġinaw fl-Indja, permezz tar-Regolament tal-Kunsill (KE) Nru 1292/2007 (8).

(4)

Fl-20 ta’ Mejju 2010, ġie ppubblikat avviż (9) f’Il-Ġurnal Uffiċjali tal-Unjoni Ewropea. F’dak l-avviż, il-partijiet ġew infurmati li, fid-dawl tas-sentenza tal-Qorti Ġenerali tas-17 ta’ Novembru 2009 fil-Kawża T-143/06 (10) (“is-sentenza”), l-importazzjonijiet lejn l-Unjoni Ewropea ta’ tertuqa PET manifatturati minn MTZ Polyfilms Limited (‘MTZ Polyfilms’) ma humiex aktar soġġetti għall-miżuri anti-dumping imposti mir-Regolament ta’ emenda dwar l-anti-dumping u r-Regolament (KE) Nru 1292/2007 u li d-dazji anti-dumping definittivi mħallsa skont dawn ir-Regolamenti fuq importazzjonijiet tat-tertuqa PET imanifatturati minn MTZ Polyfilms għandhom jiġu rimborżati jew rimessi. Ukoll, l-avviż reġa’ fetaħ parzjalment l-investigazzjoni ta’ reviżjoni anti-dumping rilevanti li tikkonċerna l-importazzjonijiet ta’ tertuqa PET li joriġinaw, inter alia, fl-Indja biex tiġi implementata s-sentenza ta’ hawn fuq tal-Qorti Ġenerali f’dak li għandu x’jaqsam ma’ MTZ Polyfilms.

(5)

Id-dazju kumpensatorju impost mir-Regolament ta’ reviżjoni ta’ skadenza kontra s-sussidji skada fid-9 ta’ Marzu 2011 (11) skont l-Artikolu 18(1) tar-Regolament bażiku kontra s-sussidji. B’konformità mal-prinċipju li l-ebda prodott ma għandu jkun suġġett kemm għad-dazju anti-dumping kif ukoll għad-dazju kumpensatorju għall-fini li tiġi ttrattata l-istess sitwazzjoni waħda li ġejja minn dumping jew minn sussidjar għall-esportazzjoni, ġie stabbilit il-livell tar-rati tad-dazji anti-dumping imposti mir-Regolament (KE) Nru 1292/2007, filwaqt li tqies l-ammont ta’ dazju kumpensatorju impost mir-Regolament kontra s-sussidji ta’ reviżjoni ta’ skadenza, b’konformità mal-Artikolu 14(1) tar-Regolament anti-dumping bażiku. Fid-dawl tal-iskadenza tad-dazju kumpensatorju, ir-rati tad-dazju anti-dumping issa ġew aġġustati.

(6)

Kif indikat fil-premessa (5), l-iskadenza fid-9 ta’ Marzu 2011 tad-dazju kumpensatorju fuq it-tertuqa PET li toriġina fl-Indja, titlob aġġustament tar-rati tad-dazju anti-dumping. Tabilħaqq, id-dazju anti-dumping stabbilit mir-Regolament (KE) Nru 1292/2007 jikkonsisti mit-tnaqqis tal-marġni ta’ sussidjar relatat mas-sussidji fuq l-esportazzjoni, mill-marġni ta’ dumping Billi d-dazju kumpensatorju issa skada, il-livell tar-rati tad-dazju anti-dumping għandu jiġi ddeterminat mill-ġdid.

(7)

Skont l-Artikolu 9(4) tar-Regolament anti-dumping bażiku, l-ammont tad-dazju anti-dumping ma għandux jaqbeż il-marġni ta’ dumping stabbilit iżda għandu jkun inqas minn dak il-marġni jekk dazju inferjuri bħal dan ikun xieraq biex jitwarrab id-dannu lill-industrija tal-Unjoni. B’konsegwenza ta’ dan, il-livell ta’ dazju għandu jiġi stabbilit fl-inqas livell tal-marġni ta’ dumping u l-livell tal-eliminazzjoni ta’ dannu.

(8)

F’dan ir-rigward, tajjeb li jitfakkar li fl-investigazzjoni oriġinali anti-dumping, il-livell ta’ eliminazzjoni ta’ dannu kien fil-każijiet kollha ogħla mill-marġni ta’ dumping, kif stipulat fil-premessa (195) tar-Regolament (KE) Nru 367/2001 u kkonfermat mill-premessa (74) tar-Regolament (KE) Nru 1676/2001. Għalhekk, id-dazju anti-dumping għandu jiġi stabbilit fil-livell tal-marġni ta’ dumping stabbiliti fir-rigward tal-varji manifatturi Indjani, li huma kif ġej:

(9)

Il-produtturi esportaturi Indjani magħrufa kollha tat-tertuqa PET, l-awtoritajiet Indjani u l-industrija tal-Unjoni tat-tertuqa PET irċevew tagħrif dwar l-azzjoni deskritta hawn fuq.

(10)

Wara dan l-iżvelar, bosta kumpaniji Indjani saħqu li, billi ma kinetx mitluba reviżjoni ta’ skadenza għall-miżuri kumpensatorji, l-industrija tal-Unjoni kienet tidher fi stat tajjeb u għalhekk, il-miżuri anti-dumping għandhom jintemmu ukoll. Barra minn hekk, produttur esportatur stqarr li l-marġni medju ta’ dumping tal-kampjun għandu jerġa’ jiġi kkalkolat billi, wara li saret reviżjoni interim, il-Garware Polyester Limited, li kienet waħda mill-kumpaniji fil-kampjun, dan l-aħħar kienet ġiet soġġetta għal marġni ta’ dumping individwali rivedut. Għandu jiġi nnotat li ż-żewġ talbiet imorru lil hinn mill-ambitu limitat tar-Regolament attwali li jimmira biss lejn l-aġġustar tal-livell tar-rati ta’ dazju anti-dumping eżistenti wara l-iskadenza tal-miżuri kumpensatorji simultanji fuq l-istess importazzjonijiet. Kwalunkwe talba għall-emenda tal-livell tar-rati tad-dazju anti-dumping wara bidla allegata fiċ-ċirkostanzi għandha titressaq skont l-Artikolu 11(3) tar-Regolament bażiku. Għalhekk dawn it-talbiet għandhom jiġu rrifjutati.

(11)

Produttur esportatur Indjan saħaq li, billi d-dazji kumpensatorji kienu skadew, il-Kummissjoni għandha issa tagħmel aġġustament fil-prezz għall-esportaturi Indjani bl-użu tal-iskema DEPB, li kienet irrifjutat matul l-investigazzjoni oriġinali u l-investigazzjoni ta’ reviżjoni interim. Bla ħsara għal jekk talba bħal din tkunx tista’ tiġi eżaminata fil-kuntest tar-Regolament attwali ta’ emenda, għandha tinġibed l-attenzjoni li, kif spjegat fit-taqsira fil-premessa (50) tar-Regolament (KE) Nru 367/2001 u l-premessa (47) tar-Regolament anti-dumping ta’ emenda, it-talba għal aġġustament fil-prezz għal DEPB ma kinetx ġiet aċċettata billi l-produtturi kkonċernati ma kinux urew li l-komparabbiltà fil-prezzijiet bejn il-prezzijiet domestiċi u l-prezzijiet tal-bejgħ fl-UE kienu ġew affettwati mill-benefiċċji tad-DEPB. Din is-sitwazzjoni ma nbidlitx bl-iskadenza tad-dazju kumpensatorju u għalhekk, din it-talba jkollha tiġi rrifjutata.

(12)

Ma waslu l-ebda kummenti sostantivi. Għalhekk, ir-rati ta’ dazju għandhom jiġu riveduti għal-livelli tal-marġni ta’ dumping, kif indikat fit-tabella taħt il-premessa (8) hawn fuq,