This document is an excerpt from the EUR-Lex website
Document 32009R0834
Commission Regulation (EC) No 834/2009 of 11 September 2009 implementing Regulation (EC) No 716/2007 of the European Parliament and of the Council on Community statistics on the structure and activity of foreign affiliates, as regards the quality reports (Text with EEA relevance)
Regolament tal-Kummissjoni (KE) Nru 834/2009 tal- 11 ta’ Settembru 2009 li jimplimenta r-Regolament (KE) Nru 716/2007 tal-Parlament Ewropew u tal-Kunsill tal- 20 ta’ Ġunju 2007 dwar l-istatistika tal-Komunità fuq l-istruttura u l-attività tal-affiljati barranin, f’dak li għandu x’jaqsam mar-rapporti tal-kwalità (Test b’relevanza għaż-ŻEE)
Regolament tal-Kummissjoni (KE) Nru 834/2009 tal- 11 ta’ Settembru 2009 li jimplimenta r-Regolament (KE) Nru 716/2007 tal-Parlament Ewropew u tal-Kunsill tal- 20 ta’ Ġunju 2007 dwar l-istatistika tal-Komunità fuq l-istruttura u l-attività tal-affiljati barranin, f’dak li għandu x’jaqsam mar-rapporti tal-kwalità (Test b’relevanza għaż-ŻEE)
ĠU L 241, 12.9.2009, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2020; Imħassar b' 32020R1197
12.9.2009 |
MT |
Il-Ġurnal Uffiċjali tal-Unjoni Ewropea |
L 241/3 |
REGOLAMENT TAL-KUMMISSJONI (KE) Nru 834/2009
tal-11 ta’ Settembru 2009
li jimplimenta r-Regolament (KE) Nru 716/2007 tal-Parlament Ewropew u tal-Kunsill tal-20 ta’ Ġunju 2007 dwar l-istatistika tal-Komunità fuq l-istruttura u l-attività tal-affiljati barranin, f’dak li għandu x’jaqsam mar-rapporti tal-kwalità
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 716/2007 tal-Parlament Ewropew u tal-Kunsill tal-20 ta’ Ġunju 2007 dwar l-istatistiċi tal-Komunità fuq l-istruttura u l-attività tal-affiljati barranin (1), u b’mod partikolari l-Artikolu 6(3) tiegħu,
Billi:
(1) |
Ir-Regolament (KE) Nru 716/2007 stabbilixxa qafas komuni għall-produzzjoni sistematika tal-istatistiċi tal-Komunità dwar l-istruttura u l-attività tal-affiljati barranin. |
(2) |
Jeħtieġ li jiġu adottati l-miżuri ta’ implimentazzjoni dwar id-definizzjoni ta’ standards komuni tal-kwalità u l-kontenuti u l-perjodiċità tar-rapporti tal-kwalità. |
(3) |
Jeħtieġ li jiġu definiti d-dimensjonijiet tal-kwalità applikabbli għar-rapporti tal-kwalità. |
(4) |
Il-miżuri stipulati f’dan ir-Regolament huma skont l-opinjoni tal-Kumitat tal-Programm Statistiku, |
ADOTTAT DAN IR-REGOLAMENT:
Artikolu 1
Ir-rapporti tal-kwalità msemmija fl-Artikolu 6(2) tar-Regolament (KE) Nru 716/2007 għandhom jitfasslu mill-Istati Membri skont ir-regoli stipulati fl-Anness għal dan ir-Regolament.
Artikolu 2
L-ewwel rapport tal-kwalità għandu jitfassal għad-dejta li għandha x’taqsam mas-sena ta’ referenza 2007 u għandu jitressaq sat-28 ta’ Frar 2010.
L-Istati Membri għandhom jipprovdu rapporti tal-kwalità għal kull sena ta’ referenza sussegwentament fi żmien 26 xahar wara t-tmiem tas-sena ta’ referenza.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Settembru 2009.
Għall-Kummissjoni
Joaquín ALMUNIA
Membru tal-Kummissjoni
(1) ĠU L 171, 29.6.2007, p. 17.
ANNESS
REKWIŻITI GĦAR-RAPPORTI TAL-KWALITÀ
1. ID-DAĦLA
Ir-rapport tal-kwalità għandu jinkludi kemm indikaturi kwantitattivi kif ukoll kwalitattivi tal-kwalità tad-dejta. Il-Kummissjoni (l-Eurostat) għandha tipprovdi r-riżultati għal dawk l-indikaturi kwantitattivi li jistgħu jiġu kkalkulati abbażi tad-dejta mogħtija mill-Istati Membri. L-Istati Membri għandhom jinterpretawhom u janalizzawhom, fid-dawl tal-metodoloġija tagħhom ta’ ġabra u jipprovdu l-indikaturi kwantitattivi residwi kif ukoll l-informazzjoni kwalitattiva.
2. L-ISKEDA
Kull sena, il-Kummissjoni (l-Eurostat) għandha tforni lill-Istati Membri fi żmien 24 xahar wara t-tmiem tas-sena ta’ referenza (qabel l-aħħar ta’ Diċembru) b’abbozzi ta’ dokumenti għar-rapporti tal-kwalità, li diġà jinkludu, parzjalment, il-biċċa l-kbira tal-indikaturi kwantitattivi u informazzjoni oħra disponibbli għall-Kummissjoni (l-Eurostat).
Kull sena, l-Istati Membri għandhom ifornu lill-Kummissjoni (l-Eurostat) fi żmien 26 xahar wara t-tmiem tas-sena ta’ referenza (qabel l-aħħar ta’ Frar) bir-rapporti ta’ kwalità lesti kompletament.
3. IL-KRITERJI TA’ KWALITÀ
Id-dejta trażmessa mill-Istati Membri għandha tiġi vverifikata billi titqabbel mal-kriterji ta’ kwalità li ġejjin:
3.1. |
Rilevanza: tirreferi għall-grad ta’ kemm l-istatistika tilħaq il-ħtiġijiet attwali u potenzjali tal-utenti; |
3.2. |
Preċiżjoni: tirreferi għal kemm l-estimi jqarrbu lejn il-valuri reali mhux magħrufa; |
3.3. |
Koerenza: tirreferi għall-kapaċità tad-dejta li tiġi amalgamata b’mod affidabbli f’modi differenti u għal użi varji; |
3.4. |
Komparabilità: tirreferi għal kejl tal-impatt tad-differenzi fil-kunċetti applikati tal-istatistika, għodod u proċeduri tal-kejl, fejn l-istatistika titqabbel bejn iż-żoni ġeografiċi, dominji settorjali jew matul iż-żmien; |
3.5. |
Fi żmien opportun: tirreferi għall-perjodu bejn id-disponibilità tat-tagħrif u l-avveniment jew il-fenomenu li dan jiddeskrivi; |
3.6. |
Puntwalità: tirreferi għad-dewmien ta’ żmien bejn id-data ta’ rilaxx tad-dejta u d-data mmirata (id-data meta suppost kellha tintbagħat id-dejta); |
3.7. |
Aċċessibilità u ċarezza: tirreferi għall-kondizzjonijiet u l-modalitajiet li bihom l-utenti jistgħu jiksbu, jużaw u jinterpretaw id-dejta; |