Edizzjoni Speċjali bil-Bulgaru: Kapitolu 13 Volum 048 P. 244 - 263
Edizzjoni Speċjali bir-Rumen: Kapitolu 13 Volum 048 P. 244 - 263
Edizzjoni speċjali bil-Kroat: Kapitolu 13 Volum 015 P. 166 - 185
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32005L0013
Commission Directive 2005/13/EC of 21 February 2005 amending Directive 2000/25/EC of the European Parliament and of the Council concerning the emission of gaseous and particulate pollutants by engines intended to power agricultural or forestry tractors, and amending Annex I to Directive 2003/37/EC of the European Parliament and of the Council concerning the type-approval of agricultural or forestry tractors (Text with EEA relevance)
Direttiva tal-kummissjoni (KE) Nru 2005/13/KE tal- 21 ta' Frar 2005 li temenda d-Direttiva 2000/25/KE tal-Parlament Ewropew u tal-Kunsill dwar l-emissjonijiet ta’ inkwinanti ta' gass u partikolati minn magni għat-tmexxija ta' tratturi għall-agrikoltura jew għall-forestrija, u temenda Anness I tad-Direttiva 2003/37/KE tal-Parlament Ewropew u tal-Kunsill dwar dwar l-approvazzjoni tat-tip ta’ tratturi għall-agrikoltura jew għall-forestrija Test b'relevanza għaż-ŻEE.
Direttiva tal-kummissjoni (KE) Nru 2005/13/KE tal- 21 ta' Frar 2005 li temenda d-Direttiva 2000/25/KE tal-Parlament Ewropew u tal-Kunsill dwar l-emissjonijiet ta’ inkwinanti ta' gass u partikolati minn magni għat-tmexxija ta' tratturi għall-agrikoltura jew għall-forestrija, u temenda Anness I tad-Direttiva 2003/37/KE tal-Parlament Ewropew u tal-Kunsill dwar dwar l-approvazzjoni tat-tip ta’ tratturi għall-agrikoltura jew għall-forestrija Test b'relevanza għaż-ŻEE.
ĠU L 55, 1.3.2005, p. 35–54
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 275M, 6.10.2006, p. 172–191
(MT)
No longer in force, Date of end of validity: 31/12/2015; Imħassar b' 32013R0167
Language
HTML
PDF
Official Journal
|
6.10.2006 |
MT |
Il-Ġurnal Uffiċjali ta’ l-Unjoni Ewropea |
172 |
DIRETTIVA TAL-KUMMISSJONI (KE) Nru 2005/13/KE
tal-21 ta' Frar 2005
li temenda d-Direttiva 2000/25/KE tal-Parlament Ewropew u tal-Kunsill dwar l-emissjonijiet ta’ inkwinanti ta' gass u partikolati minn magni għat-tmexxija ta' tratturi għall-agrikoltura jew għall-forestrija, u temenda Anness I tad-Direttiva 2003/37/KE tal-Parlament Ewropew u tal-Kunsill dwar dwar l-approvazzjoni tat-tip ta’ tratturi għall-agrikoltura jew għall-forestrija
(Test b'relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2000/25/KE tal-Parlament Ewropew u tal-Kunsill tat-22 ta’ Mejju 2000 fuq l-azzjoni li għandha tittieħed kontra l-emissjonijiet ta’ inkwinanti ta' gass u partikolati minn magni għat-tmexxija ta' tratturi għall-agrikoltura jew għall-forestrija u li temenda d-Direttiva tal-Kunsill 74/150/KEE (1), u b’mod partikolari l-Artikli 6 u 7 tagħha,
Wara li kkunsidrat id-Direttiva 2003/37/KE tal-Parlament Ewropew u tal-Kunsill tas-26 ta' Mejju 2003 dwar l-approvazzjoni tat-tip ta’ tratturi għall-agrikoltura jew għall-forestrija, il-karrijiet tagħhom u makkinarju li jinġibed u li jista' jinbidel, flimkien mas-sistemi tiegħu, il-komponenti u l-unitajiet separati tekniċi u li tħassar id-Direttiva 74/150/KEE (2) u b’mod partikolari l-Artikolu 19 (1)(a) tagħha,
Billi:
|
(1) |
Id-Direttiva 97/68/KE tal-Parlament Ewropew u tal-Kunsill tas-16 ta’ Diċembru 1997 dwar l-approssimazzjoni tal-ligijiet ta' l-Istati Membri fir-rigward tal-miżuri kontra l-emissjoni ta' inkwinanti ta' gass u partikolati minn magni tal-kombustjoni interna li għandhom jigu installati f'makkinarju mobbli mhux tat-triq, kif emendat mid-Direttiva 2004/26/KE tistabbilixxi aktar kundizzjonijiet stretti dwar l-emissjoni tal-magni installati fil-makkinarju mobbli mhux għat-triq (3), u tintroduċi tliet stadji ġodda għal-limiti ta’ l-emissjonijiet. |
|
(2) |
Id-Direttiva 2000/25/KE, waħda mid-Direttivi separati fil-qafas tal-proċedura ta’ l-approvazzjoni tat-tip taħt id-Direttiva tal-Kunsill 74/150/KEE ta’ l-4 ta’ Marzu 1974 dwar l-aprossimazzjoni tal-liġijiet ta’ l-Istati Membri relatati ma’ l-approvazzjoni tat-tip ta' tratturi agrikoli jew forestali bir-roti (4), għandha tiġi allinjata mad-Direttiva 97/68/KE kif emendata mid-Direttiva 2004/26/KE, partikolarment rigward l-introduzzjoni ta’ l-iskema ta’ flessibilta mniżżla f’din ta’ l-aħħar. |
|
(3) |
L-Annessi I u II tad-Direttiva 2000/25/KE għandhom jiġu adattati, l-aktar biex jikkunsidraw l-introduzzjoni tal-limiti ġodda ta' l-emissjonijiet ta' l-idrokarboni u l-ossidi tan-nitroġenu fid-Direttiva 97/68/KE kif emendata mid-Direttiva 2004/26/KE. Bidliet oħra għandhom jiġu mdaħħla f'dawk l-annessi biex jiżguraw il-konsistenza bejn id-disposizzjonijiet dwar dokumenti ta' informazzjoni tad-Direttivi 2000/25/KE, 97/68/KE u 2003/37/KE. Barra minn hekk, l-Anness III tad-Direttiva 2000/25/KE irid jiġi addattat biex jiżdiedu l-approvazzjonijiet tat-tip alternattiv li ser ikunu rikonoxxuti għall-istadji ġodda III A, III B u IV. |
|
(4) |
L-Anness I tad-Direttiva 2003/37/KE għandu jiġi adattat biex jiżgura l-konsistenza bejn id-disposizzjonijiet dwar dokumenti ta' informazzjoni tad-Direttivi 2000/25/KE, 97/68/KE u 2003/37/KE. B’mod partikolari, diskrepanzi fit-terminoloġija għandhom jiġu eliminati biex il-leġislazzjoni tkun aktar ċara. |
|
(5) |
Id-Direttivi 2000/25/KE u 2003/37/KE għalhekk għandhom jiġu emendati. |
|
(6) |
Il-miżuri previsti f'din id-Direttiva huma skond l-opinjoni tal-Kumitat stabbilit mill-Artikolu 20(1) tad-Direttiva 2003/37/KE, |
ADOTTAT DIN ID-DIRETTIVA:
Artikolu 1
Id-Direttiva 2000/25/KE hija emendata kif ġej:
|
(1) |
Għandu jiżdied l-inċiż li ġej fl-Artikolu 1:
|
|
(2) |
Għandu jiżdied il-paragrafu li ġej fl-Artikolu 3: “3. Il-magni ta’ sostituzzjoni għandhom jikkonformaw mal-valuri ta’ limitu li l-magna li ser tiġi sostitwita kellha tilħaq meta oriġinarjament ħarġet fuq is-suq. Tikketta bil-kliem ‘MAGNA TA’ SOSTITUZZJONI’ għandha titwaħħal mal-magna jew tiddaħħal fil-manwal ta’ l-użu.” |
|
(3) |
Għandu jidħol l-Artikolu 3a li ġej: “Artikolu 3a Skema ta’ Flessibilta B’ deroga mill-Artikoli 3(1) u (2), l-Istati Membri għandhom jiddisponu li fuq talba tal- manifattur ta’ tratturi, u suġġett għall-awtorizzazzjoni mogħtija mill-awtorità ta' approvazzjoni, il-manifattur ta’ magni jista’, waqt il-perijodu bejn iż-żewġ stadji wara xulxin tal-valuri ta’ limitu, iqiegħed fis-suq numru limitat ta’ magni jew tratturi b’ magni li jikkonformaw ma’ l-istadju ta’ qabel ta’ l-emissjoni tal-valuri ta’ limitu, skond il-proċedura fl-Anness IV.” |
|
(4) |
L-Artikolu 4 huwa emendat kif ġej:
|
|
(5) |
L-Annessi I, II u III huma emendati skond l-Anness I ta’ din id-Direttiva. |
|
(6) |
Anness IV ġdid hu miżjud fl-Anness II għal din id-Direttiva. |
Artikolu 2
L-Anness I għad-Direttiva 2003/37/KE huwa emendat skond Anness III ta’ din id-Direttiva.
Artikolu 3
1. L-Istati Membri ser jadottaw u jippubblikaw sa l-aktar tard il-31 ta’ Diċembru 2005, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom jikkomunikaw lill-Kummissjoni minnufih it-test tad-dispożizzjonijiet u skeda ta’ korrelazzjoni bejn dawk id-dispożizzjonijiet u din id-Direttiva.
Għandhom japplikaw dawk id-dispożizzjonijiet mill-1 ta' Jannar 2006.
Meta l-Istati Membri jaddottaw dawk id-dispożizzjonijiet, għandu jkun fihom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. L-Istati Membri ser jiddeterminaw kif din ir-referenza għandha ssir.
2. L-Istati Membri għandhom jikkomunikaw lejn il-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam kopert b'din id-Direttiva.
Artikolu 4
Din id-Direttiva għandha tidhol fis-seħħ għoxrin ġurnata wara l-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmul fi Brussell, nhar il-21 ta' Frar 2005.
Għall-Kummissjoni
Gunter VERHEUGEN
Viċi-President
(1) ĠU L 173, 12.7.2000, p. 1. Direttiva kif emendata mill-Att ta’ l-Adeżjoni tal-2003.
(2) ĠU L 171, 9.7.2003, p. 1. Direttiva kif emendata bid-Direttiva tal-Kunsill 2004/66/KE (ĠU L 168, 1.5.2004, p. 35).
(3) ĠU L 59, 27.2.1998, p. 1. Direttiva kif l-aħħar emendata mid-Direttiva 2004/26/KE (ĠU L 146, 30.4.2004, p. 1).
(4) ĠU L 84, 28.3.1974, p. 10. Direttiva kif l-aħħar emendata mir-Regolament (KE) Nru 807/2003 (ĠU L 122, 16.5.2003, p. 36).
ANNESS I
L-Annessi I, II u III għad-Direttiva 2000/25/KE huma emendati kif ġej:
|
1. |
L-Anness I hu emendat kif ġej:
|
|
2. |
L-Anness II huwa emendat kif ġej:
|
|
3. |
L-Anness III huwa sostitwit b' dan li ġej: “ANNESS III GĦARFIEN TA’ APROVAZZJONIJIET TAT-TIP ALTERNATTIVI 1. Għall-ewwel stadju dawn iċ-ċertifikati ta' approvazzjoni tat-tip huma rikonoxxuti bħala ekwivalenti għall-magni ta' kategoriji A, B, Ċ kif definiti fid-Direttiva 97/68/KE: 1.1. Ċertifikati ta’ approvazzjoni tat-tip skond id-Direttiva 97/68/KE; 1.2. Ċertifikati ta’ l-approvazzjoni tat-tip skond id-Direttiva 88/77/KEE, li jikkonformaw ma’ l-istadju A jew B f’ dak li għandu x’jaqsam ma Artiklu 2 u Anness I, Sezzjoni 6.2.1 tad-Direttiva 88/77/KEE kif emendata mid-Direttiva 91/542/KEE, jew is-serje ta’ emendi li għandhom ikunu kkoreġuti I/2 tar-Regolament 49.02 tal-UN-ECE; 1.3. Ċertifikati ta’ approvazzjoni tat-tip skond ir-Regolament 96 ta l-ECE. 2. Għall-istadju II, dawn iċ-ċertifikati tat-tip huma rikonoxxuti li huma ekwivalenti: 2.1. Ċertifikati ta’ l-approvazzjoni tat-tip skond id-Direttiva 97/68/KE, stadju II għall-magni ta’ kategoriji D, E, F u Ġ; 2.2. Approvazzjoni tat-tip għad-Direttiva 88/77/KEE kif emendata mid-Direttiva 99/96/KE li huma f'konformità ma' l-istadji A, B1, B2 jew Ċ previsti fl-Artikolu 2 u fis-sezzjoni 6.2.1 ta' l-Anness I; 2.3. Is-serje ta’ emendi fir-Regolament 49.03 tal-UN-ECE; 2.4. L-approvazzjonijiet tar-Regolament 96 tal-UN-ECE stadju B skond paragrafu 5.2.1 tas-serje 01 ta’ l-emendi tar-Regolament 96. 3. Għall-istadju III A, dawn iċ-ċertifikati tat-tip huma rikonoxxuti li huma ekwivalenti: Ċertifikati ta’ l-approvazzjoni tat-tip skond id-Direttiva 97/68/KE, stadju III A għall-magni ta’ kategoriji H, I, J u K. 4. Għall-istadju III B, dawn iċ-ċertifikati tat-tip huma rikonoxxuti li huma ekwivalenti: Ċertifikati ta’ l-approvazzjoni tat-tip skond id-Direttiva 97/68/KE, stadju III B għall-magni ta’ kategoriji L, M, N u P. 5. Għall-istadju IV, dawn iċ-ċertifikati tat-tip huma rikonoxxuti li huma ekwivalenti: Iċ-Ċertifikati ta’ l-approvazzjoni tat-tip skond id-Direttiva 97/68/KE, stadju IV għall-magni ta’ kategoriji Q u R.” |
ANNESS II
Dan l-Anness IV hu miżjud mad-Direttiva 2000/25/KE
“ANNESS IV
DISPOŻIZZJONIJIET GĦAL TRATTURI U MAGNI MPOĠĠIJA FIS-SUQ TAĦT L-ISKEMA TAL-FLESIBBILTÀ TA’ L-ARTIKOLU 3A
1. AZZJONIJIET MILL-MANIFATTURI TA’ MAGNI U TRATTURI
1.1. Manifattur ta’ tratturi, li jixtieq juża’ l-iskema ta’ flessibbilità, għandu jitlob awtorizzazzjoni mill-awtorità ta’ approvazzjoni tiegħu biex iqiegħed jew iġib mil-fornituri tal-magni, fil-perijodu bejn iż-żewġ stadji ta’ emissjoni, il-kwantitajiet ta’ magni deskritti fit-taqsima 1.2 u 1.3 li ma jikkonformawx mal-valuri ta’ limitu ta’ emissjoni attwali, imma huma approvati għall-istadju ta’ qabel tal-limiti ta’ emissjoni l-aktar qrib.
1.2. In-numru ta’ magni mħarġa fis-suq taħt skema ta’ flessibbilità m’għandhomx, f’kull kategorija ta’ magni, jaqbżu 20 % tal-bejgħ annwali tal-manifattur ta’ tratturi, ta’ tratturi b’magna f’dik il-kategirja tal-magna (ikkalkulata bħala l-medja ta’ l-aħħar 5 snin ta’ bejgħ fis-suq ta’ l-UE). Fil-każ li manifattur ta’ tratturi qiegħed fis-suq ta’ l-UE, tratturi għal perijodu anqas minn 5 snin, il-medja sejra tiġi kkalkulata imsejsa fuq il-perijodi fejn il-manifattur ta’ tratturi biegħ it-tratturi fl-UE.
1.3. Bħala għażla oħra għat-taqsima 1.2, il-manifattur ta’ tratturi jista’ jfittex awtorizzazzjoni għall-fornitur ta’ magni tiegħu biex iqiegħed fis-suq, numru stipulat ta’ magni taħt l-iskema ta’ flessibbilità. In-numru ta’ magni f’ kull kategorija m’ għandhux jaqbeż dawn il-valuri:
|
Kategorija tal-Magna |
Numru ta’ Magni |
|
19 – 37 kW |
200 |
|
37 – 75 kW |
150 |
|
75 – 130 kW |
100 |
|
130 – 560 kW |
50 |
1.4. Il-manifattur ta’ tratturi għandu jinkludi, fl-applikazzjoni tiegħu għall-awtorità ta’ approvazzjoni, dan it-tagħrif:
|
a. |
kampjun tat-tikketti li għandhom jitwaħħlu ma’ kull trattur fejn il-magna li hi mqiegħda fis-suq taħt l-iskema ta’ flessibbilità għandha tiġi installata. It-tikketti tikketti għandhom ikollhom it-test li jmiss: ‘TRATTUR NRU …(sekwenza tat-tratturi) TA' …(numru totali tat-tratturi imqassma skond il-potenza rispettiva) B’MAGNA NRU… TA’ L-APPROVAZZJONI TAT-TIP (Direttiva 2000/25/KE) NRU…’; u |
|
b. |
kampju tal-tikketta supplimentari mwaħħla mal-magna li għandha t-test imniżżel fil-paragrafu 2.2. ta’ dan l-Anness. |
1.5. Il-manifattur ta’ tratturi għandu jipprovdi lill-awtorità ta’ approvazzjoni b’ kwalunkwe tagħrif li għandu x’jaqsam ma’ l-implimentazzjoni ta’ l-iskema ta’ flessibbilità li l-awtorità ta’ approvazzjoni tqis meħtieġ biex tieħu deċiżjoni.
1.6. Il-manifattur ta’ tratturi għandu jagħmel rapport kull sitt xhur lill-awtoritajiet ta’ approvazzjoni ta’ kull Stat Membru, fejn it-trattur jew magna hi mqiegħda fis-suq, bl-implimentazzjoni ta’ l-iskemi ta’ flessibbilità li qiegħed juża. Ir-rapport għandu jinkludi tagħrif kumulattiv dwar in-numru ta’ magni u tratturi mħarġa fis-suq taħt l-iskema ta’ flessibbilità, in-numri serje tal-magni u t-tratturi, u l-Istati Membri fejn it-trattur qiegħed jintuża. Din il-proċedura għandha titkompla sakemm l-iskema ta’ flessibbiltà tintuża.
2. AZZJONIJIET MILL-MANIFATTUR TA’ MAGNI
2.1. Manifattur ta’ magni għandhu jforni magni lill-manifattur ta’ tratturi taħt l-iskema ta’ flessibbilità koperta minn aprovazzjoni skond il-Paragrafu 1 ta’ dan l-Anness.
2.2. Il-Manifattur ta’ magni għandu jqiegħed tikketta fuq dawk il-magni li għandhom dan it-test: ‘Magna mpoġġija fis-suq taħt l-iskema ta’ flessibbilità’.
3. AZZJONIJIET MILL-AWTORITÀ TA’ APPROVAZZJONI
L-awtorità ta’ approvazzjoni għandha teżamina l-kontenut tat-talba ta’ l-iskema ta’ flessibbiltà u d-dokumenti mehmuża. Għaldaqstant, għandha tgħarraf lill-manifattur ta’ tratturi bid-deċiżjoni tagħha jekk tħallihx juża l-iskema ta’ flessibbiltà jew le.”
ANNESS III
Fl-Anness I għad-Direttiva 2003/37/KE, Mudell A, sezzjoni 3 “Magna” hija sostitwita b’dan li ġej:
