EUR-Lex Access to European Union law
This document is an excerpt from the EUR-Lex website
Document 32005D0266
2005/266/EC: Council Decision of 16 March 2005 amending Decision 1999/70/EC concerning the external auditors of the national central banks as regards the external auditor of the Banco de Portugal
Deċiżjoni tal-Kunsill tas- 16 ta’ Marzu 2005 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali fir-rigward ta' l-awdituri esterni tal-Banco de Portugal
Deċiżjoni tal-Kunsill tas- 16 ta’ Marzu 2005 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali fir-rigward ta' l-awdituri esterni tal-Banco de Portugal
ĠU L 82, 31.3.2005, p. 6–6
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 159M, 13.6.2006, p. 287–287
(MT)
Date of entry into force unknown (pending notification) or not yet in force.
13.6.2006 |
MT |
Il-Ġurnal Uffiċjali ta’ l-Unjoni Ewropea |
287 |
DEĊIŻJONI TAL-KUNSILL
tas-16 ta’ Marzu 2005
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali fir-rigward ta' l-awdituri esterni tal-Banco de Portugal
(2005/266/KE)
IL-KUNSILL TA' L-UNJONI EWROPEA,
Wara li kkunsidra l-Protokoll dwar l-Istatut tas-Sistema Ewropea ta' Banek Ċentrali u tal-Bank Ċentrali Ewropew, anness għat-Trattat li jistabbilixxi l-Komunità Ewropea, u b'mod partikolari l-Artikolu 27.1 tiegħu,
Wara li kkunsidra r-Rakkomandazzjoni ECB/2005/3 tal-Bank Ċentrali Ewropew (minn issa 'l quddiem imsejjaħ il-“BĊE”) tal-11 ta' Frar 2005 lill-Kunsill ta' l-Unjoni Ewropea dwar l-awdituri esterni tal-Banco de Portugal (1),
Billi:
(1) |
L-kontijiet tal-BĊE u tal-banek ċentrali nazzjonali ta’ l-Eurosystem għandhom jiġu verifikati minn awdituri esterni indipendenti rakkomandati mill-Kunsill Governattiv tal-BĊE u approvati mill-Kunsill ta' l-Unjoni Ewropea. |
(2) |
Skond bidla riċenti fil-liġi Portugiża, il-verifika tal-kontijiet issa jeħtieġ li tiġi mwettqa esklussivament minn revisores oficiais de contas (awdituri ċċertifikati). Il-Kunsill Governattiv tal-BĊE għalhekk irrakkomanda li l-Kunsill ta' l-Unjoni Ewropea japprova s-sostituzzjoni ta’ PricewaterhouseCoopers — Auditores e Consultores, Lda. bħala awditur extern tal-Banco de Portugal minn PricewaterhouseCoopers & Associados — Sociedade de Revisores Oficiais de Contas, Lda., ladarba dak ta’ l-ewwel m’għandux l-istatus ta’ awditur ċċertifikat. |
(3) |
Il-Kunsill Governattiv tal-BĊE ma rrakkomanda l-ebda bidla fit-tul ta' żmien tal-mandat ta’ l-awdituri esterni. |
(4) |
Jixraq għaldaqstant li tiġi segwita r-rakkomandazzjoni tal-Kunsill Governattiv tal-BĊE u li tiġi emendata d-Deċiżjoni 1999/70/KE tal-25 ta' Jannar 1999 dwar l-awdituri esterni tal-banek ċentrali nazzjonali (2). |
IDDEĊIEDA KIF ĠEJ:
Artikolu 1
L-Artikolu 1(10) tad-Deċiżjoni 1999/70/KE għandu jiġi sostitwit b’dan li ġej:
“10. PricewaterhouseCoopers & Associados – Sociedade de Revisores Oficiais de Contas, Lda. huwa b’dan approvat bħala l-awditur estern tal-Banco de Portugal mis-sena finanzjarja 2004 għal perijodu li jista’ jerġa’ jiġi mġedded għal sena.”
Artikolu 2
Din id-Deċiżjoni għandha tiġi notifikata lill-BĊE.
Artikolu 3
Din id-Deċiżjoni għandha tiġi ppubblikata fil-Ġurnal Uffiċjali ta’ l-Unjoni Ewropea.
Magħmula fi Brussel, nhar is-16 ta’ Marzu 2005.
Għall-Kunsill
Il-President
J. ASSELBORN
(2) ĠU L 22, 29.1.1999, p. 69. Deċiżjoni kif emendata l-aħħar bid-Deċiżjoni 2004/651/KE (ĠU L 298, 23.9.2004, p. 23).