31995D0410

Id-Deċiżjoni tal-Kunsill

tat-22 ta’ Ġunju 1995

li tippreskrivi r-regoli ghall-ittestjar mikrobijoloġiku billi jittieħdu l-kampjuni fl-istabbiliment ta’ l-oriġini tat-tjur għall-qatla maħsuba għall-Finlandja u għall-Isvezja

(95/410/KE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra d-Direttiva tal-Kunsill 90/539/KEE tal-15 ta’ Ottubru 1990 dwar il-kondizzjonijiet tas-saħħa ta’ l-annimali li jirregolaw il-kummerċ ġewwa l-Komunità fi, u l-importazzjonijiet minn pajjiżi terzi ta’, tjur u bajd li jfaqqas [1], u partikolarment l-Artikolu 10b (1) taghha,

Billi l-Kummissjoni approvat il-programmi ta’ operazzjonijiet mibgħuta mill-Finlandja u mill-Isvezja rigward kontrolli tas-salmonella; billi dawk il-programmi fihom miżuri speċifiċi għat-tjur għall-qatla;

Billi l-implimentazzjoni ta’ l-eżamijiet mikrobijoloġiċi minn stabbiliment tikkostitwixxi waħda mill-garanziji addizzjonali li għandhom jingħataw mill-Finlandja u mill-Isvezja u tipprovdi garanziji ekwivalenti għal dawk miksuba taħt il-programmi ta’ operazzjonijiet tal-Finlandja u ta’ l-Isvezja, kif rikonoxxuti mid-deċiżjonijiet relevanti tal-Kummissjoni;

Billi l-Finlandja u l-Isvezja jridu japplikaw għall-kunsinni ta’ tjur għall-qatla minn pajjiżi terzi ħtiġijiet ta’ l-importazzjoni mill-anqas stretti daqs dawk preskritti f’din id-Deċiżjoni;

Billi regoli dwar testijiet mikrobijoloġiċi bit-teħid tal-kampjuni għandhom jiģu preskritti billi jkunu stabbiliti l-metodi tat-teħid tal-kampjuni, tan-numru ta’ kampjuni li għandhom jittieħdu u tal-metodi bijoloġiċi dwar l-eżami tal-kampjuni;

Billi, rigward l-iskop tat-test u l-metodi li għandhom ikunu adottati, huwa meħtieġ li jsir riferiment għall-opinjoni tal-Kumitat Xjentifiku Veterinarju fir-rapport tiegħu ta’ l-10 ta’ Ġunju 1994;

Billi testijiet mikrobijoloġiċi mhux meħtieġa għal tjur għall-qatla minn stabbiliment li huwa suġġett għal programm rikonoxxut bħala ekwivalenti għal dak implimentat mill-Finlandja jew mill-Isvezja;

Billi, skond l-Artikolu 10b (2) tad-Direttiva 90/539/KEE, id-dispożizzjonijiet ta’ din id-Deċiżjoni jridu jqisu l-programmi ta’ operazzjonijiet adottati u implimentati mill-Finlandja u mill-Isvezja,

ADOTTA DIN ID-DEĊIŻJONI:

L-Artikolu 1

Skond l-Artikolu 10b tad-Direttiva 90/539/KEE, il-kunsinni ta’ tjur għall-qatla maħsuba għall-Finlandja u għall-Isvezja għandhom ikunu suġġetti għar-regoli preskritti fl-Artikoli 2 u 3.

L-Artikolu 2

It-test mikrobijoloġiku għas-salmonella, preskritt fl-Artikolu 10b tad-Direttiva 90/539/KEE, ghandu ijsir kif preskritt fl-Anness A.

L-Artikolu 3

1. It-tjur għall-qatla li għandhom jintbgħatu lejn il-Finlandja u l-Isvezja għandhom ikunu akkumpanjati biċ-ċertifikat li jidher fl-Anness B.

2. Iċ-ċertifikat previst fil-paragrafu 1 jista’:

- jew ikun akkumpanjat biċ-ċertifikat mudell 5 fl-Anness IV tad-Direttiva 90/539/KEE,

- jew ikun inkorporat fiċ-ċertifikat imsemmi fl-ewwel inċiż.

L-Artikolu 4

Il-Kunsill, waqt li jkun jaġixxi fuq proposta tal-Kummissjoni mħejjija minħabba rapport li sar fuq il-bażi tar-riżultati tal-programmi ta’ operazzjonijiet implimentati mill-Finlandja u mill-Isvezja u l-esperjenza miksuba fl-applikazzjoni ta’ din id-Deċiżjoni, għandu jirrevedi din id-Deċiżjoni qabel l-1 ta’ Lulju 1998.

L-Artikolu 5

Din id-Deċiżjoni għandha tgħodd mill-1 ta’ Lulju 1995.

L-Artikolu 6

Din id-Deċiżjoni hija indirizzata lill-Istati Membri.

Magħmul fi Brussel, fit-22 ta’ Ġunju 1995.

Għall-Kunsill

Il-President

Ph. Vasseur

[1] ĠU L 303, tal-31.10.1990, p. 6. Id-Direttiva kif l-aħħar emendata bid-Deċiżjoni 95/1/KE, Euratom, KESC (ĠU L 1, ta’ l-1.1.1995, p. 1).

--------------------------------------------------

L-ANNESS A

1. Metodu ta’ teħid ta’ kampjuni

Il-qatgħa jridu jittieħdu l-kampjuni minnha fi żmien 14-il ġurnata qabel il-qatla. Il-kampjuni meħuda jrid ikun fihom feċi miģbur u magħmul minn diversi kampjuni ta’ feċi frisk li jiżen mhux anqas minn 1g, meħud saltwarjament minn numru ta’ postijiet fil-bini fejn jinżammu t-tjur, jew, fejn it-tjur għandhom aċċess liberu għal aktar minn bini wieħed ta’ xi azjenda partikolari, minn kull grupp ta’ bini fl-azjenda fejn jinżammu.t-tjur

2. In-numru ta’ kampjuni li għandhom jittieħdu,

In-numru ta’ postijiet minn fejn il-kampjuni separati tal-feċi jew tal-ħmieġ għandhom jittieħdu sabiex jagħmlu kampjun magħqud huwa kif ġej:

Numru ta’ tjur miżmuma f’bini | Numru ta’ kampjuni ta’ feċi li għandhom jittieħdu fil-bini jew fil-grupp ta’ bini ta’ l-azjenda |

1–24 | Numru daqs in-numru ta’ unitjaiet b’massimu ta’ 20 |

25–29 | 20 |

30–39 | 25 |

40–49 | 30 |

50–59 | 35 |

60–89 | 40 |

90–199 | 50 |

200–499 | 55 |

500 jew aktar | 60 |

3. Metodu mikrobijoloġiku għall-eżami tal-kampjuni

Testjar mikrobijoloģiku tal-kampjuni għas-salmonella jrid isir skond il-metodu standard ta’ l-Organizzazzjoni Internazzjonali għall-Istandardizzazzjoni, ISO 6579:1993. Madankollu, metodi li joffru garanziji ekwivalenti jistgħu jkunu awtorizzati fuq bażi ta’ każ wara l-iehor mill-Kunsill, li jaġixxi fuq proposta mill-Kummissjoni.

--------------------------------------------------

L-ANNESS B

+++++ TIFF +++++

--------------------------------------------------