31991L0673

Id-Direttiva tal-Kunsill

tad-19 ta' Diċembru 1991

li temenda d-Direttiva 69/169/KEE biex testendi u timmodifika l-eċċezzjonijiet konċessi lid-Danimarka u lill-Irlanda relatati ma’ għajnuniet lill-vjaġġaturi

(91/673/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 99 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew [1],

Wara li kkunsidra l-opinjoni tal-Kumitat Ekonomiku u Soċjali [2],

Billi, sal-31 ta' Diċembru 1991, ir-Renju tad-Danimarka u l-Irlanda jibqgħu jikkwalifikaw għall-eċċezzjonijiet mid-Direttiva 69/169/KEE [3], kif l-aħħar emendata bid-Direttiva 91/191/KEE [4], rigward l-applikazzjoni tal-livelli ġenerali ta' għajnuniet;

Billi l-eċċezzjonijiet imsemmija jridu jidhru fil-kuntest ta' l-Artikolu 8a tat-Trattat, li jiddefinixxi s-suq intern bħala firxa mingħajr funtieri interni li fih għandu jiġi żgurat il-moviment ħieles ta' l-oġġetti, tal-persuni, tas-servizzi u tal-kapital u jiddikjara li dan is-suq għandu jkun imwaqqaf progressivament fuq perjodu ta' żmien li jintemm fil-31 ta' Diċembru 1992;

Billi l-waqfien immedjat ta' l-eċċezzjonijiet imsemmija jista’ jirriżulta f'diffikultajiet ekonomiċi għar-Renju tad-Danimarka u għall-Irlanda; billi l-applikazzjoni tagħhom għandha għalhekk tkun imtawla, b'mod modifikat fil-każ ta' l-Irlanda, sal-31 ta' Diċembru 1992,

ADOTTA DAN IR-REGOLAMENT:

Artikolu 1

Id-Direttiva 69/169/KEE hija hawnhekk emendata kif ġej:

1. fl-Artikolu 7b (1) (b), "95 ECU" għandha tinbidel f‘"150 ECU";

2. fl-Artikolu 7c, "il-31 ta' Diċembru 1991" għandha tinbidel f‘"il-31 ta' Diċembru 1992";

3. L-Artikolu 7d għandu jiġi mibdul b'dan li ġej:

"L-Artikolu 7d

Minkejja l-Artikolu 2(1) u fil-limitu dikjarat fih, l-Irlanda għandha tiġi awtorizzata li tapplika limitu kwantitattiv ta' 30 litru birra għall-vjaġġaturi kollha lejn l-Irlanda sal-31 ta' Diċembru 1992.

Minkejja l-Artikoli 2(1), 4 (1) u 7b (1) (b), l-Irlanda għandha tiġi awtorizzata li tapplika l-limiti li ġejjin sal-31 ta' Diċembru 1992 fuq l-oġġetti involuti fil-kwistjoni mill-vjaġġaturi mill-Irlanda, wara waqfa ta' inqas minn 24 siegħa barra mill-Irlanda:

(a) għall-vjaġġaturi mill-Komunità: 175 ECU, imma l-valur ta' l-unità ma jistax jaqbeż il-110 ECU;

(b) għall-birra, 15-il litru."

Artikolu 2

1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijiet amministrattvi meħtieġa biex jikkonformaw ma’ din id-Direttiva qabel l-1 ta' Jannar 1992.

Meta l-Istati Membri jadottaw il-miżuri riferuti fl-ewwel subparagrafu, dawn għandu jkun fihom referenza għal din id-Direttiva jew għandhom jiġu akkumpanjati b'din ir-referenza fil-waqt tal-pubblikazzjoni uffiċjali tagħhom. Il-metodi dwar kif jagħmlu din ir-referenza għandhom jiġu stabbiliti mill-Istati Membri.

2. L-Istati Membri għandhom jgħarrfu lill-Kummissjoni bit-test tad-disposizzjonijiet ewlenija tal-liġijiet domestiċi li jadottaw fil-qasam kopert b'din id-Direttiva.

Artikolu 3

Din id-Direttiva hija indirizzata lill-Istati Membri.

Magħmula fi Brussell, fit-19 ta' Dicembru 1991.

Għall-Kunsill

Il-President

P. Dankert

[1] Opinjoni mogħtija fl-10 ta' Diċembru 1991 (għadha mhix ippubblikata fil-Ġurnal Uffiċjali).

[2] Opinjoni mogħtija fis-17 ta' Diċembru 1991 (għadha mhix ippubblikata fil-Ġurnal Uffiċjali).

[3] ĠU L 133, ta' l-4.6.1969, pġ. 6.

[4] ĠU L 94, tas-16.4.1991, pġ. 24.

--------------------------------------------------