31995D0445

Id-Deċiżjoni tal-Kunsill

tat-30 ta' Ottubru 1995

dwar il-konklużjoni tal-Qafas ta' Ftehim għall-kooperazzjoni bejn il-Komunità Ekonomika Ewropea u r-Repubblika tal-Federazzjoni tal-Brażil

(95/445/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jitabbilixxi l-Komunità Ewropea, u b'mod partikolari l-Artikoli 113 u 130y, flimkien ma' l-ewwel sentenza ta' l-Artikolu 228(2) u l-ewwel subparagrafu ta' l-Artikolu 228(3) tiegħu,

Wara li kkunsidra l-proposta tal-Kummissjoni [1],

Wara li kkunsidra l-opinjoni tal-Parlament Ewropew [2],

Billi, skond l-Artikolu 130u tat-Trattat, il-politika tal-Komunità fl-isfera ta' l-iżvilupp tal-kooperazzjoni għandha tgħin l-iżvilupp ekonomikament sostenibbli u soċjali tal-pajjiżi li qed jiżviluppaw, l-integrazzjoni lixxa u gradwali tagħhom f'dinja ekonomika u l-kampanja kontra l-faqar f'dawk il-pajjiżi;

Billi l-Komunità għandħa tapprova, biex tilħaq l-għanijiet tagħha fl-isfera tar-relazzjonijiet esterni, il-Qafas tal-Ftehim tal-kooperazzjoni kummerċjali u ekonomika mar-Repubblika tal-Federazzjoni tal-Brażil,

IDDEĊIEDA DAN LI ĠEJ:

Artikolu 1

Il-Qafas tal-Ftehim tal-kooperazzjoni bejn il-Komunità Ekonomika Ewropea u r-Repubblika tal-Federazzjoni tal-Brażil huwa hawnhekk approvat f'isem il-Komunità.

It-test ta' dan il-Ftehim huwa mehmuż ma' din id-Deċiżjoni.

Artikolu 2

Il-President tal-Kunsill, f'isem il-Komunità, għandu jagħti l-avviż ipprovdut fl-Artikolu 33 tal-Ftehim [3].

Artikolu 3

Il-Kummissjoni, mgħejjuna mir-rappreżentanti ta' l-Istati Membri, għandha tirrappreżenta l-Komunità fuq il-Kumitat Konġunt stabbilit mill-Artikolu 29 tal-Ftehim.

Artikolu 4

Din id-Deċiżjoni għandha tkun ippubblikata fil-Ġurnal Uffiċjali tal-Komunitajiet Ewropej.

Magħmul fi Brussel, it-30 ta' Ottubru 1995.

F'isem il-Kunsill

Il-President

J. Solana

[1] ĠU C 163, tat-30.6.1992, p. 11

[2] ĠU C 337, tal-21.12.1992, p. 237

[3] Id-data tad-dħul fis-seħħ tal-Ftehim tkun ippubblikata fil-Ġurnal Uffiċjali tal-Komunitajiet Ewropej mis-Segretarjat Ġenerali tal-Kunsill.

--------------------------------------------------