This document is an excerpt from the EUR-Lex website
Document 32020R1590
Commission Delegated Regulation (EU) 2020/1590 of 19 August 2020 amending Annex I to Regulation (EU) 2019/631 of the European Parliament and of the Council in order to take into account the evolution of the mass of new light commercial vehicles registered in 2016, 2017 and 2018 (Text with EEA relevance)
Regolament Delegat tal-Kummissjoni (UE) 2020/1590 tad-19 ta’ Awwissu 2020 li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex jieħu inkunsiderazzjoni l-evoluzzjoni tal-massa tal-vetturi kummerċjali ħfief ġodda rreġistrati fl-2016, fl-2017 u fl-2018 (Test b’rilevanza għaż-ŻEE)
Regolament Delegat tal-Kummissjoni (UE) 2020/1590 tad-19 ta’ Awwissu 2020 li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex jieħu inkunsiderazzjoni l-evoluzzjoni tal-massa tal-vetturi kummerċjali ħfief ġodda rreġistrati fl-2016, fl-2017 u fl-2018 (Test b’rilevanza għaż-ŻEE)
C/2020/5606
ĠU L 360, 30.10.2020, p. 8–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
30.10.2020 |
MT |
Il-Ġurnal Uffiċjali tal-Unjoni Ewropea |
L 360/8 |
REGOLAMENT DELEGAT TAL-KUMMISSJONI (UE) 2020/1590
tad-19 ta’ Awwissu 2020
li jemenda l-Anness I tar-Regolament (UE) 2019/631 tal-Parlament Ewropew u tal-Kunsill sabiex jieħu inkunsiderazzjoni l-evoluzzjoni tal-massa tal-vetturi kummerċjali ħfief ġodda rreġistrati fl-2016, fl-2017 u fl-2018
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (1), u b’mod partikolari l-Artikolu 14(2) tiegħu,
Billi:
(1) |
Il-massa medja tal-flotta tal-UE f’kundizzjoni ta’ sewqan użata għall-fini tal-kalkolu tal-miri tal-emissjonijiet speċifiċi ta’ CO2 għal kull manifattur ta’ vetturi kummerċjali ħfief ġodda, jiġifieri l-valur M0, għandha tiġi aġġustata b’mod regolari biex tqis il-bidliet fil-massa medja tal-vetturi kummerċjali ħfief ġodda rreġistrati fl-Unjoni. |
(2) |
Abbażi tad-data mogħtija fid-Deċiżjonijiet ta’ Implimentazzjoni tal-Kummissjoni (UE) 2018/143 (2), (UE) 2019/582 (3) u (UE) 2020/1035 (4), il-massa medja f’kundizzjoni ta’ sewqan ta’ vetturi kummerċjali ħfief ġodda fis-snin kalendarji 2016, 2017 u 2018, ponderata skont l-għadd ta’ reġistrazzjonijiet ġodda f’kull waħda minn dawk is-snin, kienet ta’ 1 825,23 kg. Il-valur M0 għas-snin kalendarji 2021, 2022 u 2023, imsemmi fil-punt 4 tal-Parti B tal-Anness I tar-Regolament (UE) 2019/631 għandu għalhekk jirrifletti dik il-massa. |
(3) |
Għalhekk jenħtieġ li r-Regolament (UE) 2019/631 jiġi emendat kif xieraq, |
ADOTTAT DAN IR-REGOLAMENT:
Artikolu 1
Fil-punt 4 tal-Parti B tal-Anness I tar-Regolament (UE) 2019/631 l-entrata M0 tinbidel b’dan li ġej:
“M0 hija 1 766,4 fl-2020, 1 825,23 għas-snin 2021, 2022 u 2023, u għall-2024 il-valur adottat skont il-punt (b) tal-Artikolu 14(1)”.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Awwissu 2020.
Għall-Kummissjoni
Il-President
Ursula VON DER LEYEN
(1) ĠU L 111, 25.4.2019, p. 13.
(2) Id-Deċiżjoni ta’ Implimentazzjoni tal-Kummissjoni (UE) 2018/143 tad-19 ta’ Jannar 2018 li tikkonferma jew temenda l-kalkolu proviżjorju tal-emissjonijiet speċifiċi medji tas-CO2 u l-miri ta’ emissjonijiet speċifiċi għall-manifatturi ta’ vetturi kummerċjali ħfief ġodda għas-sena kalendarja 2016 skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 25, 30.1.2018, p. 49).
(3) Id-Deċiżjoni ta’ Implimentazzjoni tal-Kummissjoni (UE) 2019/582 tat-3 ta’ April 2019 li tikkonferma jew temenda l-kalkolu proviżorju tal-emissjonijiet speċifiċi medji ta’ CO2 u l-miri tal-emissjonijiet speċifiċi għall-manifatturi ta’ vetturi kummerċjali ħfief ġodda għas-sena kalendarja 2017 u għall-konsorzju Volkswagen inkluż il-membri tiegħu għas-snin kalendarji 2014, 2015 u 2016 skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 100, 11.4.2019, p. 47).
(4) Id-Deċiżjoni ta’ Implimentazzjoni tal-Kummissjoni (UE) 2020/1035 tat-3 ta’ Ġunju 2020 li tikkonferma jew temenda l-kalkolu proviżjorju tal-emissjonijiet speċifiċi medji ta’ CO2 u l-miri tal-emissjonijiet speċifiċi għall-manifatturi ta’ vetturi kummerċjali ħfief ġodda għas-sena kalendarja 2018 skont ir-Regolament (UE) 2019/631 tal-Parlament Ewropew u tal-Kunsill (ĠU L 227, 16.7.2020, p. 37).